影片
以上資料只供參考, 請與餐廳確認詳情
今日經過龍門居，見到呢間手工豆腐花，就買嚟試下，我買咗一碗芋圓豆腐花加花奶黃糖，豆腐花豆味好濃，非常好味，食完好滿足，但價錢稍為略貴，下次可能買支豆漿比較經濟。
繼續閱讀
龍門手工豆腐花一星期最少三次行去龍門居散步🚶♀️每次散步完之後都會去同一個地點買個甜品返屋企同家人慢慢食，呢個情況已經持續左個半月，真係食咗好多次，實在太好味😋凍芝麻糊 小 $15凍豆腐花西米露 小 $14芝麻糊好濃郁嘅味道，口感好細滑，甜度適中，真係好保健。凍豆腐花好滑，係手工豆腐花，人手磨，食咁多次個質量都係一樣冇參差，真係好犀利，椰汁西米露好透心，黃糖嘅份量好夠，好鍾意❤️個味道真係夾，食完就去瞓覺好舒服😌千祈唔好以為小碗係好細，對我來講食一碗都夠飽，一人一碗就剛剛好。如果你係學生👩🏻🎓出示學生證🪪或者你係老人家🧓出示任何證明，都可以每碗減兩蚊，真係好抵呀。每次都見到佢有好多人排隊。店員係好勤力，唔會偷工減料，又有禮貌，真係要多啲支持。
繼續閱讀
一個什果西米露少得可憐4粒西瓜，3粒火龍果，3兩粒菠蘿成碗野稀到好似水咁得果少少西米重話係特大size... 特級搵笨就有咁就收我45蚊另一碗蛋花馬蹄露又係稀得可憐重要有隻蚊之仔唔好玩啦一定black list堅冇下次
繼續閱讀
龍門居一向是屯門朋友宵夜的好地方，糖水的選擇亦多，不過不多會在午膳時間開門。今日買了大及燒作午餐，覺得有點單調，所以買多一個糖水，只有這間是開門，想不到有驚喜。糖水選擇很多，我最喜歡是吃芋圓，當然是選擇芋圓系列，店主以碗的大小分價錢，不用怕吃不完。芋圓紫米露(小)$22以20元的價值來說，這碗糖水簡直是物美價廉，物超所值。一是足料，不會是稀釋了紫米露，而是濃稠，二是芋圓都有三種口味，三是不會過甜。個人來說，糖水最難做到的是糖度，要甜度剛好，真是好難迎合每個人的口味。所以我覺得此店值得光顧和支持，下次再試其他口味。
繼續閱讀
今日上朋友屋企，喺龍門居樓下見到四蚊就有嘅豆腐花好奇心下買咗兩碗。疫情之下，好多食肆出計做生意。試咗一碗薑汁冰糖豆腐花同一碗新鮮黑糖熱豆腐花。佢唔細碗，糖度適中，豆腐花熱食好食薑糖嘅薑度適中，黑糖好香每一啖入口都覺得係手工做有豆味。睇落佢係專賣豆腐花因為見到有好多唔同種類嘅豆花甜品，但佢四蚊一碗真係多勞多得冇乜點賺錢，好似凍嘅要再加一蚊。咁健康嘅港式手工甜品，如果我喺呢頭住我我會多多支持小店希望佢哋喺疫情中營運夠繼續生意興隆。
繼續閱讀