龍閣

營業中

休息中

第一次相約女兒女婿到黃埔晚飯，我和老公提早去逛逛街，順便搵定餐廳，黃埔選擇真係特別多，我們去到一間中餐廳，鋪面裝修唐璜但客人不多，我們再看看菜牌，價格合理，就呢度吧。我們入座後隨即點菜，都是一些推介菜式😜脆皮雞半隻、清蒸龍躉、欖角骨、上湯龍蝦伊麵、濃湯浸菜心。食物質素一般，沒有太大驚喜，原本以為上湯龍蝦伊麵會是最早一道菜，但等了很久才上，龍蝦唔夠新鮮令人有點失望😓但飯後送甜品：桂花糕，味道可以。不過值得一讚是環境舒適，沒有限時，我們一家飯後舒舒服服在聊天👍脆皮燒雞，皮脆肉嫩👍清蒸龍躉，蒸煮時間啱啱好👍上湯浸菜心，濃湯浸菜，只是一般

母親節諗住有堂食大家開開心心，一早落訂兩個餐，六點半前入座，經理第一句就摧快啲諗好入單，唔係一陣冇嘢食。點知惡夢開始。身為第一批入座嘅顧客坐到九點都未上齊餸。每次嚟嘅食物都錯。成餐飯多過十枱客出去媽媽聲，有事嘅時候所有西裝級係全部唔見曬。最後多枱客要求外賣打包走人。有食客要求唔比加一啲經理就衝返曬出嚟話唔得。其實尋晚全場客人已經非常克制，冇粗口冇問候，呢間嘢嘅員工會喺一群客人追落單或賣單走嘅時候用言語贏你什至推開你。依家咁嘅環境大家都想出街食飯幫返吓啲餐廳，但呢間。。。。。。不了!!

今日中秋節就預左多人食飯，但呢間野服務態度差、食物仲差。落單既時候十問九唔應，落左單等左成個鐘先上左一個餸，我地叫左個蒜香骨仲衰過普通茶餐廳，120蚊連服務費既蒜香骨竟然係咁既樣，建議大家想去酒樓唔好去呢間

之前喺旺角食過一次龍閣，長腳蟹好新鮮好好味，可惜旺角果間鋪頭冇開啦，只有揾返黃埔哩間試試。黃埔哩間都算闊落，裝修好過旺角果間。已經book左位同埋表明要食長腳蟹，所以侍應都有mark低，服務都算唔錯。不過到揀蟹啲時候都有少少嚇左，哩間蟹好大隻，師傅揾左好耐才揾到一隻6斤重啲長腳蟹。哇，一隻蟹要差唔多2000港紙，都幾肉赤。算啦，週五夜晚食豪啲！龍閣啲熱石乳豬一定要試試，200幾港紙有半隻，仲大大件，食落脆波波，啲豬肉好少肥膏，好好味。等左半個鐘，侍應送左長腳蟹上來，等我們影完相，仲幫我們拆左果只蟹。長腳蟹好新鮮，不用點醋已經好鮮甜，肉都好厚，每一啖真是享受。估唔到6斤啲蟹都唔算大，我地6個人，好快已經食完，仲要叫多個飯才夠飽。最後埋單3000幾，又食蟹，又食乳豬，真是唔錯！

今日老細請食飯,提前食中秋節飯!多謝老闆萬歲!晚市訂好位寫好餐牌, 一人半隻新鮮龍蝦!菜式如下 新鮮龍蝦上湯煮 乳豬 炒翠肉瓜 蔥花爆花膠 切雞 蜜糖煎金蠔 白飯任裝細公司幾個人中秋提早做節喇!今晚去左食返餐好!今期一定係食龍蝦啦,平左咁多,叫左3隻總數6邊! 上湯煮食佢原汁原味既鮮味新鮮龍蝦特別鮮味同彈牙,條肉一扯就起啖啖肉夠鮮甜!呢度既乳豬都好食,用熱石保溫,食到尾都熱既,雖然好快就食曬,個皮超薄超脆口肉就唔多就超嫩菜就海味炒翠肉瓜,當係個菜清下腸胃,個瓜都夠脆甜既蔥爆花膠,幾特別食法,收乾水吸汁味濃鮮咸最後係煎金蠔 用了本地蜜糖去煎香,特別鮮香之餘引出蠔既味道 龍閣極上火鍋料理紅磡黃埔天地享膳坊(第4期)地下G4號舖平均消費$500評分8/10

咁冇禮貌嘅知客, 簡直幫她的主子趕客！話說星期日中午, 2個人去飲正價茶, 門口個超冇禮貌嘅知客, 尊登帶我哋去坐一張單邊卡位 (即是2個人坐埋同一邊, 面壁), 其他正常卡位冇人坐但尊登唔比！算, 費事嘥時間爭論, 照坐！期間, 見她招呼其他啲男客人, 就話你想坐邊就坐邊！好似成世未見過男人！又見佢鬧啲阿婆, 一個人就唔好嚟飲茶啦…間酒樓, 擺個咁冇禮貌嘅知客, 遲早執！講返食物, 當日2個人食咗四百幾蚊, 西澳龍蝦伊麵 $288/隻, 但啲肉超實, 差點咬唔開, 一係雪藏, 一係死蝦, 才會咁差！炸乳鴿, 臭油膱味！咁衰嘅知客, 唔會再去！

今日去咗黃埔依間酒樓飲茶，其實飲茶食點心來來去去都係果D野。特別有2樣想講下。豬腳薑，薑醋味道直係唔錯，不過隻蛋完全100%不入味，好流，如果隻蛋入味情度可以改善就一流。點心拼盤- 吾駛諗太多，啱我依D懶人，味道上可以話正正常常 ，冇乜特別差嘅地方。

年廿九屋企人團聚 咁梗係要食好嘢 等大家開開心心過過年 所以我就托朋友幫我喺呢間訂咗隻長腳蟹 最起碼係新鮮嘅 一去到就俾佢門口嘅廣告吸引住 因為我太耐冇食過 急不及待入去 今次我叫朋友留咗隻五斤嘅俾我 今次我係上我外婆屋企食 所以叫朋友幫我蒸埋 蟹肉多汁彈牙 真係好新鮮好大隻 至於價錢方面 過時過節就一定係唔平㗎啦 想食嘅朋友可以試下

今日再一次光臨龍閣，感覺比上次差好多！今日首先叫左櫻花蝦煎薄撐，完全唔脆，無蝦，唔知食緊乜。另外，家鄉豬腳薑，唔夠辣，無薑醋味，得鹹味。名醬金錢肚，辣左，又鹹左，可能愛辣之人就開心，我就麻麻。但安蝦鹹水角，外脆餡靚，好食。叉燒腸，腸粉皮照舊薄，好食。椒鹽豆腐粒都唔錯，香脆，唔洗點醋都夠味。點心拼盆亦唔錯，特別係桂花榚！服務態度差，落單漏咗點心拼盤，後來落返單，之後知道佢哋要落場問吓佢地有未，諗住嗱嗱臨食完走，點知比佢哋話返轉頭，10分鐘邊有咁快蒸好唔好催，明明係你落漏單😅最緊要嘅野黎啦，有小強🪳，ok……幾好食都唔想食了。

尋日同媽咪嚟咗龍閣下午茶飲茶，我哋叫咗叉燒腸、金錢肚、點心拼盤同埋燒肉米線。叉燒腸嘅皮好薄，味道賣相一流！金錢肚正常發揮！點心拼盤有5樣野，燒賣蝦餃粉果桂花糕叉燒包，樣樣都唔錯！燒肉米線嘅燒肉好食，好淋，但我嫌米線煮得有啲耐，淋左啲，可能我鍾意食硬啲嘅米線啦。埋單兩位$170幾，以咁嘅質素就都可以！

燒鵝髀米線•抵食午餐，叫咗個例牌燒鵝餐，包一碟麻辣木耳青瓜，仲有一鍋湯米線餸燒鵝，好Lucky今日俾咗燒鵝髀，啖啖肉，$138好抵食夠四個人食！除左燒鵝，個點心拼盤都好別緻，每樣兩粒有幾好！

食店第一個接觸點是環境，其次是員工，第三才是到食物，大约中午12時约了友人到上址飲茶，進入店內的環境好像要慳電一般，不夠光猛(不是來食燭光晚餐)，店內當時大概有十枱客，但見到很多枱應該是較旱時茶客食完走了，沒有人執枱，情況好像很亂，員工十問九唔應，問部長叫你等等，服務差，對食品己大打折扣，一所食店要考驗顧客容忍程度，一定不會再次光顧。

6個人。1600元食半席菜。埋單差唔多2000元雖然唔係好貴價。但平均每人350元。都算唔差。的出品水準真係唔得。服務太差。薑沖煮鮑魚花膠。的鮑魚好似手指甲咁細。蒸石班魚。條魚蒸唔熟。叫侍應去番蒸。等成10分鍾都無人攞返去蒸。個所謂燕窩更好咸。都唔見有燕窩。無待應招呼。朝日啤酒45元一枝酒店價錢。平時無咁貴。節日搶錢。。好多時都有去食。。今晚真係差到不得了。。已後都唔會再去食。。假日搶錢都唔係做到咁差，，可恥。。

這家店參加了storellet,可儲積分。本身我是熟客，每星期最少一至兩次，多則三至四次。中午消費完的單，沒即時儲分，晚上和晚餐消費一起儲時，已經說積分已加進别的户口。不是內裏的人，根本不能有我的單。跟他們說，還駡我為何這麽遲才入分，要自己負責。單明明寫可七天內入分，還屈是我家人加了分沒通知我。前後問他兩次，每次解析不一樣。現在已查到是加進了一個陌生人户口。積分事少，屈顧客我真的接受不了。這件事我必繼續跟進

兩個多月前這家酒樓提供晚上八時半後2折牛肉優惠，這次光顧優惠有變，餐廳不設時段以優惠價錢出售十數款食物。火鍋指定動作，自家混醬組合出自己的專屬味道。上次選擇胡椒蘿蔔豬骨鍋，忘了拍照，這次特意重點為求拍一張😅 食材的味道依舊沒怎麼進到湯水裡，但味道是濃郁的，然而這並非讚賞，純粹是湯底的味精太重，食物即使不蘸上醬油已經足夠的咸。豬骨的肉硬邦邦，不過它主要用作熬汤，可以理解。由於湯底味精太重，吃不出蘿蔔的清甜味道。生劏龍躉片一份只有六片，售價$108，平均一片$18，屬貴價食材。價錢雖貴，但確實美味得令人服氣，口感柔中帶勁，嫩與嚼頭並存，鮮甜程度達中上，值得回購。游水海蝦一份8隻蝦肉結實，可見新鮮，但鮮甜程度一般，不過一份只售$58，尚算合理。餐單上標示台灣香菇貢丸六粒一份，實情卻有八粒。貢丸的美味之處是它的爽口與嚼頭，但這裡完全達不到，口感軟多了，沒有下次。我說不來這個自稱即炸響鈴卷是不是即炸，因為它沒有即炸的酥脆，但又沒到預製品的不新鮮。響鈴皮較厚，厚度跟鴨腳扎所用的腐皮相約，也許這就是它脆不來的原因之一。除非特別愛吃響鈴，否則鮮腐竹比它更好。油麥菜給很大一盤，四人吃也足夠。油麥菜鮮甜，