龍鳳冰室 (已結業)

行維園睇花展，睇完當然要揾個地方坐低休息下，於是向天后方向一直行，左望望右望望，始終都是選擇了''龍鳳冰室"。稱呼它是名人飯堂，簡直實至名歸，冰室牆上掛滿一幅又一幅明星相片，計有苗僑偉、馬國明、還有鄭嘉颖等等，多不勝數。究竟相片吸引還是食物味道吸引呢？真是要品嚐一下吧。與老公各自點選下午茶醫肚，雞脾加薯條，買相麻麻，味道一般，加上雞脾並不是烤焗而是用鹵水炮製，吸引力下降。至於我，就點選了菠蘿吉列豬扒菠蘿包。包是脆脆的，一片熱騰騰菠蘿放在豬扒上，怪怪的，而那片薄薄豬扒不香之餘有點嚡口。飲品方面，其他餐廳無論凍飲都需要另加2元或3元，甚至是6元。而在這家冰室選特飲，需要15元，就是黄金菠蘿冰。超级大件的滿滿的，配合了有點像泰式珍多冰味道既果汁，甜得很。兩個下午茶餐埋單也超過一百元，算貴嗎？？

好耐無食過龍鳳冰室，以前幫襯過大坑ok，後期食天后果間差咗好多無再幫襯，今日經過抽起條筋入去食，食物都可以，不過其他嘢真係麻麻，下次如果再幫襯我會選擇外賣。食物❤️❤️❤️❤️正常，但飲品用紙杯裝感覺有啲怪。份量❤️❤️❤️❤️夠飽，可以嘅。服務❤️放嘢食落嚟好大力，出咗單放我枱直接跌落地無視當無事要個客執。環境❤️❤️無car位，全部方形枱，少迫。價錢❤️❤️❤️下午茶價正常過以前，性價比可以。

因緣際會因爲去同事屋企打蔴雀去咗天后呢間龍鳯冰室，反而自己公司樓下上環個間一直話去話去最後都未去過。正值新年所以埋單要加一不過無問題，呢區一人晚飯七十幾都唔算貴。三個人嗌咗三碟碟頭飯。後來發現原來餐牌內大部分都跟炒蛋，我估佢地對炒蛋好有自信，就要了份XO滑蛋蝦仁意粉。整體不過不失,所謂XO醬感覺似辣油多點，無咩其他海鮮/肉末味，所以結果即係意粉底上舖上滑蛋蝦仁上落幾滴辣油；同我心目中Fusion 大火兜亂有點出入。Okay, 我自己諗多咗🥴。份量好足，同事賜與我的雞扒皮脆，雞翼夠味。我同事落單叫雞翼要重辣結果真係加到好辣。（佢自己問題）證明有特別要求真係會做的。三碟都係豉油汁，總體好像好乾身，不過無計係自己揀的。我自己口味就想啲豉油製過可以更黏身掛麵就更好，不過口味人人不同，可能有人覺得膩。總來講食Tea,水吧野不錯正常，接受到濃味或食all day breakfast 會幾開心。（夜晚有西多食係亮點）

🌟豬扒炒蛋菠蘿包餐：超級美味，強推🌟吉列魚柳蛋菠蘿包：點給餅乾吃的，魚柳口感沒有豬扒好吃，一般般🌟法蘭西多士：一開始吃還好，吃到後面有點厚重，有點膩🌟早餐套餐帶兩杯奶茶，奶茶無功無過✨下次還想吃他家的豬扒蛋菠蘿包😋

前幾日同朋友去大坑搵野食，點知想食那間無開，所以去左天后搵野食，想飲凍檸荼，路過呢間茶餐廳，所以入左去食。睇落炒蛋同菠蘿飽好好食於是叫左個炒蛋菠蘿飽，好好味既，個麵包係好舊式麵包那隻，炒蛋有几層既。凍擰荼ok啦，朋友就叫左西多士同凍咖啡，西多士好大件，都好好味，凍咖啡就唔好飲喇，飲左兩啖無飲喇。唔算好多人，staff一般啦。快快食完就走左喇。我見好多人都係叫菠蘿飽。我都覺得係必食item👍🏻👍🏻

早上兩人去食早餐，辣味雞排肉食上去不新鮮，辣味只是加辣椒粉，另一個早餐菠蘿包微波過度，皮食下去都是軟的，通粉煮得太軟，完全係一份冇誠意既早餐，以後拒絕幫襯👎🏿👎🏿👎🏿

我和朋友來到這裏吃午餐，我叫了門口推介的雞翼意粉，粟米是伴菜。粟米是冷的，意粉則好像用水煮過， 但卻煮得不熱， 只是暖的， 而且醬汁有如沒有加任何調味，我要特別叫店員給我茄汁，才有一些味。 另外，碟頭也十分細，就此需要60多元，實在有點昂貴。而我朋友吃的 士多士茄炒蛋，當中有焗豆， 這些局豆近視更是冰的，要注意，不是室溫的「冷」，而是剛從雪櫃取出來的「凍」。而且， 這餐廳凍飲用膠杯裝，熱飲用紙杯，十分不環保， 對地球造成重大污染，一定不會再光顧！

尋日我同朋友去天后食晚飯，但時間尚早，所以入咗『龍鳳冰室』食下午茶餐。因為跟住會再食晚飯，所以我地決定叫一個下午茶餐+凍飲一杯，再另叫一杯是(正價)凍飲。不久我老公到了天后，我們便叫佢過來飲杯嘢，再另加一杯(正價)熱華田。最後埋單，坐櫃枱果位老人家～ 收咗Total $83 (價錢是接受)。🧐但點解佢要將我果杯，最後另加的熱飲，換成跟餐，而最初的兩杯凍飲為正價。總結：就算食物水準OK，但心腸不好都係一個大問題⚠️難道多收幾次~ 「幾蚊」，生意額可成為最Top分店⁉️😑為咗幾蚊而當面對峙，我唔會！其實今次係我第一次去依間冰室，但再叫我去『龍鳳冰室(天后店)』，不用了👎🏻👎🏻👎🏻太客氣‼️

之前去過灣仔那間龍鳯冰室, 味道幾好, 炒滑蛋好正!這次來到天后這間, 怎麼感覺就普通了, 變成一間普通的茶餐廳。龍鳳特餐 $55蛋是滑的, 但很奇怪, 整個蛋都沒有什麼蛋香味, 只是吃了一個沒有味的滑蛋。菠蘿包, 菠蘿皮是硬的, 但也奇怪, 只硬不脆的菠蘿皮, 包也不特別軟熟。奶茶, 滑, 但也不够灣仔那間的奶茶的奶味和茶味配合得洽到好處。雞翼湯意粉的雞翼是不錯的, 嫩滑, 入味。但湯意粉也是偏清淡。黑魚子餐肉意粉  $62厚厚的餐肉兩塊, 確實每口都有滿足感。同一個滑蛋質感, 沒有蛋味。其實是沒什麼特別的一個厚餐肉滑蛋意粉餐。比起灣仔果間, 這想真的令人有點失望。普通茶餐廳水平。

酷熱天氣下戶外工作，又熱又晒。終於等到lunch 放飯。一行人只想找個地方休息一下，飲杯冰凍的飲品。在大坑的龍鳳冰室見到大大隻字的菠蘿冰就會很自然的走進去。然後點了一個常餐加鴛鴦，同事點了菠蘿多多冰（即益力多）。常餐的蛋真的是很厚很厚，再加雞翼。其實這個價錢這個份量，在大坑算是不差了。雖然沒有特別好食什麼的，但茶餐廳有標準的水平，已可接受。如果你到大坑工作想有個地方有冷氣休息，價錢又不太貴，那是可以進去的地方！

行開天后諗住搵下lunch食， 行過見佢d相幾靚就諗住試下叫左個$34 既早餐 （菠蘿包，通粉，炒蛋），同埋個$58 既 xo 豬頸肉炒蛋飯一上枱，見到個樣已經唔想食😅早餐：菠蘿包又凍又唔脆, 炒蛋唔香冇蛋味，通粉就屋企都整到既質素豬頸肉飯：豬頸肉又乾又油，炒蛋過熟，求其炒d蛋再放幾塊豬頸肉再加匙XO 醬就收人$58.....隔離個兩個遊客食剩左2/3 碟....難食到好似格硬食咁。。但係都食唔哂... 我記得幾年前黎食都覺得幾好食架，依家變成canteen 質素....

今次完全出於餐廳佈局 根本難以安座問題1 全餐廳原本由可全開之摺門形成外圍 但當日只係開一半問題2 用細枱砌成長枱兩者加埋 跟本無法安座唔係座唔到埋便 就係侍應傳唔到菜 不時要開便食客做埋傳菜又或是埋便張枱 無法清理明明當日只座6成 點解仍要勉強砌成超長枱呢 侍應工作量亦似飽和 老闆設座位時 會否太金錢行先 完全唔理食客及侍應感受而摺門問題 當日氣溫都一般 無必要怕冷氣流失而只開一半 更何況 若是如此 又何必多此一舉設計成言樣其次仲有不致命小問題...餐牌 不太方便閱讀

上星期日同家人去完花展，帶着興奮的心情到天后龍鳳冰室食。點知中伏到深深處，從未試過咁差的冰室，比工厦飯堂還要差。我們點餐如下常餐: 炒蛋(一般)，火腿(凍的)，多士和粟米粒伴碟 (從未見過用急凍粟米粒的，寧願冇加。而且仲on膠..碟，感覺真似正在化缘)咖哩炸魚飯 (原本叫意粉去到6點已冇，咖哩汁放了好多好多好多，浸哂D飯，炸魚冇魚味似麥記魚柳大小)蜜蒜醬燒雞脾飯 (味道一般，但肉乾皮唔脆)熱奶茶x2，凍檸茶 (竟然用纸杯裝熱飲，on膠..杯裝凍飲，真是單看外觀已大打節扣，奶茶可以算滑香濃，如果換奶茶杯就好喇。但檸茶差，好澀太濃，應是茶底用太耐冇換)衛生麻麻，地下好似未清潔過，刀义唔乾淨。我地應該唔會再去了 。

龍鳳冰室 第一次食既係大坑店另外第一印象當然係明星開既店今日lunch和同事黎到我地既飯堂 天后店大概個半月會黎光顧一次，每個人都有自己既例牌店舖內外設計同大坑店大同小異，龍鳳冰室木招牌再加上金色既字，盡顯茶記特色。牆壁用上不同顏色既瓷磚，仿照六七十年代既茶餐廳，整個內部設計都走復古風，非常有特色三月餐牌比之前多左四款焗飯 （孖寶焗飯） ，每款都兩款主菜，價錢由$58到68。係天后黎講係合理價錢，而且已經包左餐飲呢一面係長期都有既午市餐牌，No 6一向都係我既例牌所以今日要試下新野，每次黎都係食雞扒，外皮煎得香脆但雞肉仲保持到嫩滑咖哩豬扒意粉 $49（ 評分：8/10） 先講個咖哩汁，香濃係咖哩牛腩個種黃咖哩，有咖哩香料既味道帶微辣豬扒外表煎香，肉質偏冧 本身已經有調味。每款野食都有栗米做配菜意粉煮得剛好，咖哩汁份量十足，同意粉有意想不到既夾略嚴肉既份量有啲小，女仔食剛好但男仔可能會唔夠飽。所以多數男同事會叫有兩塊雞扒既肉鬆滑蛋雞扒飯。另外提提成日會食既朋友，食夠某個金額會送優惠卷下次用。今次食一行九個人，每人可以減$6抵呀

咁夜想食啲宵夜,搵到呢一間，又諗起龍鳳嘅牛坑腩麵，上次食過好好味，大大嚿牛坑腩，蓋得住啲麵，都抵食。 次次我都會食佢，原因係喜歡佢又林又滑，牛肉味香濃，咬落有d脂肪香。另外， 我係唔太鍾意食菜嘅人，尤其好怕啲菜浸到落碗麵到，浸到油淋淋。呢到就會以粟米取替菜，望落又多色彩，食落又甜，甜得嚟又唔覺得油，沒有介紹錯㗎!另外都要讚吓店員，我咁夜嚟都冇問題，揀食咩都可以，唔會話好似收工咁嘅情況，店員仍然好殷勤招待