龍鳳號 (裝修中)

好耐冇食台灣嘢啦～所以專登嚟咗依度 回味一下台灣嘅味道👅間鋪入面個牆 超級cool有個立體嘅「龍同埋鳳」啲燈籠都好有特色，仲印咗店舖嘅名字🖤叫咗兩個午餐🍱紅燒牛肉麵、麻辣鴨血鍋跟粉絲-紅燒牛肉麵係極具台灣特色嘅美食之一 當然要嗌嚟試下啦🖤啲牛腩好好味，油脂含量適中，肉質鮮嫩甜美，軟嫩又有嚼勁，還額外配搭了紅蘿蔔同埋蕃茄，讓湯底增添了一種鮮味。-麻辣鴨血鍋跟粉絲本身以為麻辣鴨血鍋入面淨係得鴨血🤣🙈誰不知 出乎意料之外，竟然超級足料～有菜、豆腐乾、菇🍄同埋豚肉，而且啲鴨血超級厚🖤（有一包迷你紙巾嘅厚度）有三大嚿 完全食唔晒 所以分咗啲俾對面個位食😂雖然個Menu嗰度寫住小辣，但係我覺得可以叫做中辣 佢入面仲有啲辣椒乾、花椒、八角喺入面大熱天時食辣嘢真係好爽，超級開胃～食完辣嘢 覺得心情超好🤣🖤之後仲叫咗個龍鳳仙草嘅甜品🍧，有紅豆🫘綠豆、芋圓、同埋仙草喺入面（跟咗淡奶）仙草有清熱、消暑、解毒嘅功效，口感滑溜 入口即化，配搭起其他配料，食起嚟顯得沒有那麼單調，讓口感層次顯得更加豐富🖤

一人飯麵套餐 $78古早味滷肉飯 🍚大大碗嘅滷肉飯，滷肉肥美，有一種去咗台北西門町嘅感覺。燙青菜🥬跟餐有呢個新鮮嘅青菜，健康之選。粒粒椰汁芒果🥭露 加 $4 （跟餐）非常之抵讚嘅芒果露，粒粒芒果又甜又好食，飲落去似楊枝甘露味道，椰汁同埋鮮奶嗰種厚重感，有一種夏日清新風味。鹽酥菇 $48呢款雞髀菇整嘅鹽酥菇，大大份，外脆內軟，有紫蘇葉同埋蒜蓉一齊油炸，再加上椒鹽特別惹味。手工紅豆綿綿冰 加 $6 （跟餐）份量啱啱好，唔會太多。上面啲紅豆有種食緊日本宇治紅豆嘅感覺，甜甜地，搭配着非常之柔軟嘅綿綿冰，中間有煉奶嘅味道。紫芋手工麻糬丸子 🍡 $48外表晶瑩剔透，入邊有啲麻糬同埋紫薯，非常之煙靭。搭配咗一小碟芋泥，仲有紫薯薄脆，可以淋上去食有唔同嘅風味。龍鳳珍珠奶茶刨冰 $66食到最後居然有驚喜，呢隻用珍珠奶茶做特色嘅綿綿冰，外層好厚重嘅焦糖牛油忌廉，呢個時候倒珍珠，珍珠會因為牛油忌廉太過滑溜，全部都跣晒落去。但係你用匙羹一筆，呢三種配料就會（珍珠、焦糖牛油忌廉，同埋珍珠奶茶綿綿冰🍧）一次過喺個匙羹上面，入口即溶，一試難忘。非常值得推介。

好耐冇去過台灣，喺香港都懷念台灣嘅味道，朋友介紹觀塘呢一間台灣菜，非常貼近台灣夜市嘅味道！🍴一人飯麵套餐：自選一款飯面、燙青菜、飲品 $68▫️揀咗正宗大腸麵線，豬腸非常之肥美好好食！ 燙青菜加咗炸蒜同埋醬汁好好味。飲品揀咗古早味楊桃汁，好得意，有少少酸，好似加咗酸梅粉嘅楊桃味。🍛古早味魯肉飯 $48▫️份量非常多，好多汁！魯肉半肥瘦好好食！🐓鹽酥雞 伴蒜粒、九層塔 $58 ⭐️▫️是日最佳推介！炸得超脆入面雞肉好Juicy，鹽酥雞伴隨炸雞皮，絕對係雞扒切出嚟😍皮脆肉滑，熱辣辣好好食！蒜粒同埋九層塔令到味道更上一層樓！🌽夜市烤玉米 $48▫️非常好食，味道調教得好好，而且粟米仲係飽滿多汁，唔會燒到乾晒！🍧龍鳳仙草 $50▫️紅豆、綠豆、芋圓、地瓜圓▫️可以選擇凍/熱呢間台灣嘢超多甜品！其中最吸引就係最地道嘅芋圓同埋刨冰😍 另外手工麻糬丸子都好吸引！💵2人食👩🏻‍🤝‍👨🏼人均$150

點左個滷肉飯套餐，滷肉味道香濃，半肥瘦豬肉好軟熟，醬汁甜甜鹹鹹，唔洗去台灣都可以食到正宗滷肉飯。套餐仲包咗一碟生菜，一杯台式珍珠奶茶。珍珠奶茶茶味很濃，唔會太甜，一解滷肉飯的油膩感。餐廳上餐速度快。

幾年前已開始幫襯，一直很愛到龍鳳號。直至近一年懷疑店已易手，也沒有放棄。今日假期，十二點左右，只有4枱客，點了兩個午市套餐- 惹味三杯雞及鹽酥豬扒。單看餐牌照片係正常，但嚟到時，雞肉沒有香味，入口更淡而無味，跟其他台式食店整嘅三杯雞出入很大。食到尾只見一灘汁，沒有炒乾身感覺，似係雞肉一早已煎熟，最後一步落鑊加汁料另一個係鹽酥豬扒，一夾起見到張紙油到乜，食到個口好多油，再夾起第二舊，炸粉外皮也黐住張紙，豬扒脫殼咁…兩個餐連兩杯飲品$183。 只能說呢餐只為醫肚而沒有滿足感。 翻看之前嘅評論，曾有一段時間日日都有一堆人發好評論，係咪真係咁好？見人見志吧，不信可親身一試有幾伏

生日有啲忙🎂接完Lisboy放學就等Lisba收工去Party Room慶祝，所以Lunch去咗間民生嘅台灣食肆食Lunch同甜品🍧正啊！呢度嘅裝飾都比較傳統，仲有一大隻龍掛喺店中間😂🍽️ 龍鳳紅燒牛肉麵呢間食肆lunch time好多打工仔來，而且幾抵食，食台灣嘢點可以唔食牛肉麵呢，佢哋嘅牛肉麵比較特別，牛肉、番茄🍅同紅蘿蔔🥕炆到好腍，俾咗一大嚿Lisboy品嚐🤤但就有少少辣味！🍽️ 台式滷肉便當呢個台式滷肉飯好抵食$5x就有一碗大大碗嘅滷肉飯加配菜，最特別嘅地方係有一大條台灣腸😍夠晒有台灣特色😝而且滷肉飯啲肉炆到好入味，粒粒肉都大大粒而且有晶瑩嘅脂肪掛住，所以好滋味！🍽️ 雙重芋泥牛奶刨冰食完滿足嘅午餐，當然要叫呢間鋪最出名嘅甜品刨冰甜一甜，我哋叫咗一個好大嘅芋泥牛奶冰😍平時已經好鍾意食芋頭嘅Lisboy最開心，甜蜜蜜，仲有一大塊麻糬喺冰上面慢慢溶化，賣相好吸引又大盤，一家人都食唔晒🤤Yummy～

突然想食台灣嘢 朋友介紹下去左呢間位於觀塘海日升中心既「龍鳳號」 ，兩點鐘嚟到 仲有Lunch Set🍽️ 價錢大概平均七八十蚊到 大份又抵食 味道都唔錯👅🌟黃金香酥排骨配肉躁飯$85大大塊排骨 切好一件件 食起嚟都好方便 炸得好酥脆 食台灣嘢一定唔少得魯肉飯 甜甜地有肥有瘦 送飯一流🌟養生花雕麻油雞湯配珍珠米 $98好香花雕味 有幾隻好大雞翼同雞脾 🍗 男士們都未必食得哂 仲有啲娃娃菜 貢丸 鴨血等等 十分足料🍹+16 有各款台式飲品試左柑桔檸檬🍊同葡萄柚綠茶 清新解渴🍧龍鳳珍珠奶茶刨冰 $66最期待就係呢個甜品！估唔到呢到有好多款甜品 上面有層厚厚奶蓋 香濃既奶茶味 仲有一兜珍珠 好似飲緊珍珠奶茶咁🧋

想念台灣味道~同老公去觀塘的龍鳳號食台灣菜回味~餐廳裝修得相當有風格，特別是紅磚牆加壁畫點綴。龍鳳號招牌就是古早味魯肉飯，令人好期待！晚市有抵食的一人飯麵套餐，68元就有主食，青菜同台式飲品。⭐古早味魯肉飯⭐懷舊經典的魯肉飯，肉質鮮嫩多汁，配上香氣撲鼻的醬汁。清爽爽口的燙青菜，為套餐增添一抹清新。🥤香芋奶茶醇厚順滑，有濃濃的芋頭香。⭐正宗大腸麵線⭐大腸麵線濃香鮮美。香濃的高湯搭配軟糯的面線，帶來正宗台灣味道，非常暖心。芝士奶蓋綠茶奶香與茶香相互融合，口感豐厚香濃。⭐蜜味台灣腸 配 蒜片⭐香甜脆皮的台灣腸，搭配蒜片，味道更有層次。⭐抹茶手工麻糬丸子⭐抹茶濃郁回甘。麻糬軟綿，甜而不膩。可以按喜好配上忌廉和紅豆。📍龍鳳號觀塘駿業街56號中海日升中心2樓2B號舖

附近做野嘅朋友介紹呢度食午餐，佢話大份、抵食又好坐。上到去見到餐廳地方好大裝修亦好有風格。同女女叫左兩個午set: - 鹽酥雞翼3隻 配 姐姐涼麵- 龍鳳紅燒牛肉麵飲品分別叫左：- 珍珠奶茶（皇帝女必叫）- 葡萄柚綠茶牛肉麵用到手工麵，湯底濃郁牛肉亦唔靭，連成日揀野食嘅皇帝女都食晒。而我個姐姐涼麵就最啱夏天食，麻醬加埋滿滿青瓜絲，食落好涼好爽口。而鹽酥雞翼即叫即炸好香口！兩杯台式飲品不過不失，最緊要唔會太甜。呢個價錢同份量嘅午餐，好適合我帶住小朋友（要share)同男士份量！性價比唔錯！

以前返工搵啲性價比高嘅餐廳，龍鳳號就係豬太郎其中之一嘅選擇！唔止Lunch Set抵食，仲有超大份刨冰🍧同香口嘅小食𠻹～.今日經過呢頭，朋友就話嚟搵豬太郎食啲嘢，咁就梗係喺龍鳳號食埋個Tea先啦！.➜ 鹽酥雞 配蒜粒、九層塔份量超多嘅鹽酥雞， 3-4人食都足夠！滿滿嘅蒜粒相當惹味，炸漿夠薄，咬落好香脆，加多罐啤酒直頭無得輸！.➜ 黃金焦糖鳳梨刨冰重頭戲嘅刨冰又大份又平， $68咋！topping鋪滿鳳梨同淋止百香果醬，綿綿刨冰仲可以加埋爆爆珠，口感好豐富！.#msmessypig_food 

《龍鳳號》📍 觀塘駿業街56號中海日升中心2樓2B號舖呢間位於觀塘嘅隱世台灣料理打卡一流👍🏻 唔單止有d影📸 野食都不俗✅✅ ➖➖➖➖➖➖➖➖➖➖➖➖➖➖➖➖➖以下係午市優惠嘅價格：（星期一至五11-15:00）✨酥脆排骨配肉燥飯 $69呢個排骨真係酥脆可口 肉燥飯底亦都味道濃郁 份量都超多👍🏻✅✨珍珠奶茶 +$16珍珠Q彈 奶茶味都好出 都唔差🧋✅✨紅燒牛肉麵 $98牛肉煮得軟嫩入味 湯底濃郁 麵條都好有咬口 裡面都有好多番茄 係唔辣嘅 適合唔食辣嘅人👍🏻🤪✨巨峰綠茶 +$17呢杯綠茶好重茶香味 巨峰帶左少少酸味 非常開胃 整體都好fresh 🤩🤩✨黃金焦糖鳳梨刨冰呢個刨冰真係一個驚喜 清涼解暑 佢哋嘅冰好綿密 鳳梨味都好出👍🏻➖➖➖➖➖➖➖➖➖➖➖➖➖➖➖➖➖✫ 食物 (8.5/10)✫ 環境 (7/10)✫ 服務 (8/10)#ig #igdaily #igers #idfoodies #香港 #香港美食 #美食 #美食推薦 #香港美食 #香港好去處#FoodPhotography #Eeeeeats #FoodPorn #FoodGasm #Foodie #ForkYeah #

有咗小朋友之後冇時間飛，但又好掛住台灣食物，唯有有時間去食返餐台灣菜菜當飛咗啦。晚餐時段去到呢間小店都幾多人食，當然必試係魯肉飯同牛肉麵啦。✨古早味魯肉飯呢個飯用咗珍珠米煮，d魯肉唔肥唔瘦啱啱好，好快就成碗食晒。✨龍鳳紅燒牛肉麵呢個湯底原來有少少麻辣味，建議餐牌寫返係有辣比較好，配菜有紅蘿蔔同蕃茄，紅燒牛肉就好腍好好食，麵條係用刀削麵唔會煮得太腍啱啱好。✨滷水拼盤有豆腐乾，豬耳，雞翼尖同埋一隻滷水蛋，個滷水汁醃得好入味，唔會偏鹹。✨龍鳳仙草最後呢個甜品勁好食，有紅豆，綠豆，芋圓，地瓜圓配上仙草，炎炎夏日當然選擇凍食，芋圓好有口感，完全食到有台灣嘅味道。

店名：龍鳳號地址：觀塘駿業街56號中海日升中心2樓2b號舖1. 一人飯麵套餐（古早味魯肉飯+燙青菜+抺茶珍珠奶茶（凍）+手工紅豆綿綿冰）$68+6+4古早味魯肉飯，並非浪得虛名，真係有台灣嘅味道，佢仲要選用珍珠米，溝埋啲魯肉，肉汁喺飯度，非常好食，令人想一食再食。燙青菜都非常好食，又滑又脆口，最重要係再加多啲蒜片喺上面，非常惹味。手工紅豆綿綿冰都好好食（Ps.記住食先好叫上，唔係會溶得較快）2.一人飯麵套餐（正宗大腸麵線+燙青菜+佛手柑金棗茶（凍））$68大腸麵線非常好食，大腸肥美入味，麵線惹味，重點係配料有芫茜同埋蒜蓉，芫茜嘅香味，蒜蓉嘅辛辣味，混合一齊好match。燙青菜同上，佛手柑金棗茶好好飲，果香十足，清新又解油膩，推薦推薦👍👍👍3.鹽酥雞配蒜粒+九層塔 $58鹽酥雞炸嘅時間恰到好處，肉質嫩滑又有肉汁，炸衣有薄，仲有蒜粒同九層塔配搭，非常惹味可口，一定要試😋😋😋4.自家製芋泥芋圓仙草 $56賣相一流，大大Pat芋泥，花奶，啲芋圓甜甜地同仙草一齊食超夾超爽，係夏天消暑嘅佳品。5. 滷蛋 *2 $ 20滷汁入味，撈飯食一流價格$280（連加一）$308

呢間位於觀塘嘅「龍鳳號」就係一個隱藏版嘅台式食肆寶藏!餐廳有種復古懷舊氣氛,除咗提供超抵嘅午市套餐之外,仲有一系列道地台灣小食,真係彷彿身在台灣街頭。💚 養生花雕麻油雞配手工麵線 - 健康又好味!呢份超優惠嘅午市套餐,以花雕麻油雞為主角,配搭Q彈爽口嘅手工麵線,一啖下去就好開心食!湯頭香濃,雞肉又鮮又嫩,同麵線絕配。加$16可以享受台式飲品like黑糖薑母茶,又暖胃又有神。🍚 古早味肉燥飯 - 正宗台式風味另一個必試嘅菜式就係「古早味肉燥飯」啦!咁香濃嘅肉燥,入口即溶,配飯真係絕配。呢道經典台灣小菜,完全顯示出「龍鳳號」對台灣小吃嘅專業功力。🍳 燒香蔥蛋卷 - 迷人小食作為台式小食,「燒香蔥蛋卷」酥脆可口,蛋餡鬆軟細緻,仲有蔥香,真係忍唔住一口接一口。🍨 龍鳳號豆腐花 - 甜品驚喜最後嘅甜品環節,「龍鳳號豆腐花」就更加係一大驚喜!香滑入口嘅豆腐花,配上紅豆、綠豆、芋圓同地瓜圓,層次豐富,口感多變,真係一絕!總之,「龍鳳號」凭藉地道台式風味和超抵價錢,喺觀塘區絕對係一個唔能錯過嘅美食熱點。無論係午市套餐,定係台式小食,都值得一試。我相信佢一定會成為你嘅新愛店!💕

真係唔可以睇Openrice既comment黎決定一間餐廳好唔好食！留好評個D個個收幾多錢黎定成世無食過好食既嘢？價錢係平既，但係真係好難食，麵線同雞飯一樣不知所謂。最好食既係碟生菜，同我屋企自己整一樣味道，呢點抵讚。無病既大家就唔好黎試啦～With no doubts, it wins the worst Taiwanese restaurants award. Congratulations! You made it!!