龍鳳食堂

營業中

休息中

今日同同事要加班，就係公司附近買外賣返去食，同事揀左呢間餐廳，食物味道出色，份量又多楊州炒飯炒飯好有鑊氣，粒粒分明，配料十足，蝦仁，火腿，叉燒同生菜絲等等，食落味道豐富，而且份量好多，好味道椒鹽豬扒飯夠晒邪惡但又非常惹味，豬扒有成4，5件大大塊，食落唔鞋口，外皮炸得夠香，非常好餸飯同事揀咗個羊腩飯，真係好識揀，咁凍嘅天氣食羊腩暖身，食落非常入味同夠火候，有皮有肉好正，雖然係套餐，但羊腩煲必備嘅靈魂支竹同馬蹄佢哋都唔會少，抵讚！配埋紅豆冰同紅豆奶茶，總算食返餐滿足嘅午餐再開工。紅豆冰用上煉奶，更加香甜好飲，紅豆奶茶都唔係間間餐廳有，必飲！呢間餐廳食物種類都好多，蒸飯，芝士系列都有，值得再幫襯！

平時係荃灣工廠區附近返工，最近聽同事介紹有新餐廳，話價錢優惠，味道唔錯，嗰日lunch time就行過去試吓。餐廳星期一至六都有唔同嘅碟頭飯，全部都係即叫即做，仲要奉送熱飲，我叫左魚香茄子飯，份量果然好大，茄子外皮仍然係鮮艷嘅紫色，咬落質感外皮爽口內裡軟身，醬汁沾滿了半肥瘦豬肉碎，用嚟送飯的確一流，我好快就清碟。同事果然冇介紹錯，餐廳性價比高，大碟夾抵食，難怪lunch time咁多人食,以後放飯可以再去。

今日公司有活動去左荃灣🥹！放lunch去左住附近嘅同事推薦嘅茶餐廳到食晏😋呢間龍鳳食堂都唔錯，佢嘅餐牌選擇都好多、價錢又夠合理、食落味道都唔好錯架！🤩🤩＊＊＊＊＊🐥🍗生炸雞髀飯 $50轉🧀🍼特濃芝士汁 +$3冇諗過，一個係工業區嘅平民茶餐廳，都會有芝士汁西式扒飯食😍😍，見佢寫住雞髀係生炸嘅所以就揀左呢個生炸雞脾配芝士汁飯黎食～😎佢另外會配返一個例湯（中式老火湯）同埋一杯熱飲☕️，加$2 可以轉凍飲架🍹佢個雞髀炸得好靚，外邊好脆裏邊仲好juicy😋個芝士汁果然冇令我失望好夠芝士味勁邪惡呀，另外叫咗多汁，我都全部食晒🤣正到爆！＊＊＊＊＊

喺附近做完嘢，有啲肚餓😆見到佢有下午茶就入咗去！門口都放咗好多餐牌，就算係下午茶都有好多選擇，由A去到Z都有！好多野揀，正🙌🏼重點係佢唔算好貴，好似都幾吸引性價比高！入到去都幾滿，卡位就冇晒，我一支公簡簡單單都冇所謂，所以坐咗外賣旁邊嘅一張枱!!喺我食嘅過程好多人叫外賣，佢哋都幾忙，幾好生意！👍🏼👍🏼香脆吉列魚柳包個包勁大個，魚柳炸得好香脆香口！質素幾高！食到最後都有啲飽哂😆要咗枝coke zero!好爽呀！

經開呢頭見到呢一層里間好似都幾有特色，好有HK style😆又有啲懷舊嘅感覺！見評價唔錯，就行咗入去食個午餐🤭喺餐牌度見到避風塘有個手指公，似乎餐廳都推薦😆都幾特別有避風塘鹹魚雞粒炒飯！好創新呀！！一於叫黎試下😆好快就上菜！賣相非常正，好有獲氣咁！好多避風塘炸蒜，喺鹹魚雞粒飯上面😍流哂口水！仲叫咗杯凍奶茶，perfect match!!!食落好香口，炒飯粒粒分明，好食！好滿足👍🏼老闆好有心思整創新料理😆

今日食飯時間朋友帶咗我嚟荃灣呢間 龍鳳食堂 話想試下呢間新開嘅茶餐廳～ 話佢嘅避風塘系列好吸引🤩 即刻想試下～ 入到嚟坐低 港式茶餐廳 小炒 煲仔 避風塘 芝士撈丁 好多選擇😋 先黎是日例湯 係蓮藕湯呀😋 好足料既老火湯！ 跟餐叫左兩杯野飲～紅豆咖啡 咖啡味香濃 紅豆軟身甜甜的好入味紅豆奶茶奶茶香滑 配埋紅豆好好味😋 避風塘豬扒炒公仔麵 $62呢個大推👍🏻 上枱超香 好夠穫氣 公仔麵炒得乾身爽口 豬扒大大件好厚肉 味道調得岩岩好 加埋上面既炸蒜 好香好好味😋 必點！ 生炸雞髀配芝士撈丁 $48好邪惡既芝士呀😍 撈完之後啖啖出前一丁都係有芝士架好正🫢 炸髀即叫即炸熱辣辣 切開仲有煙 邊邊炸得香脆 切開啖啖肉又入味 讚👍🏻 菠蘿生炒骨 $74呢度既小菜真係好夠穫氣 好多舊肉 酸酸甜甜好開胃 用黎送飯真係冇得頂～ 整體來講 呢間 龍鳳食堂 食物港式 款式又多 店員服務態度好 避風塘系列真係好出色 大推😬

好友一向都好鍾意食咖喱，今日約佢食晏話帶我試新餐廳，好食唔貴之餘仲好足料，聽到我流晒口水🤣🤣原來係荃灣，交通都幾方便👍🏻咖喱系列都幾多選擇，有豬、牛、羊、雞仲有龍脷柳添～好友揀咗咕嚕肉飯，味道酸酸甜甜，半肥瘦梅肉夠鬆化，食落濃郁具口感，令人胃口大開！我就試咗個咖喱魚柳飯，6大舊魚柳，份量十足，仲有三色椒同薯仔，又有湯又有嘢飲，真係好抵！！鍾意食辣嘅朋友記得要落辣椒油，拌飯真係一流，好快就比我清碟🤣

轉咗新環境番工，早左時間係荃灣工業區做野，見到呢間龍鳳食堂，入面環境唔錯，幾多裝飾擺設，而且主打有我最愛羅宋湯！成個工業區好似得依間舖頭先有又去試下先，個湯底好濃好夠味，滿滿羅宋湯料，蕃茄味夠濃，入口唔會太重味精，比得起專賣羅宋湯嘅舖頭，更加出色！！米粉索哂湯汁好yummy，可惜太心急食哂餸先記得影😂😂，煎雙蛋都煎得好靚仔，牛排厚身，加埋凍啡，讚📍龍鳳食堂荃灣沙咀道26-38號匯力工業中心地下3號舖

攞淘寶經過𣾀力工業中心拎完之後行過後門，這餐廳見不少人排隊中，價錢$50有湯餸有嘢飲送嘅午餐，午餐有湯，飯，飲品，都幾多餸，而湯飲落去唔會好淡口，都幾濃而且飲完唔會覺得好口乾都可以。我就叫其中一個飯蓮藕南乳炆腩肉飯，醬汁不會太多和不會好杰身，味道真心幾濃郁，蘿蔔冇根而且入晒南乳味幾好，腩肉份量都夠食，唔會太硬，口感都幾軟熟，膏位食落去因為炆原因感覺不油身，飯份量以女仔來講都多，下次叫少飯先。如果想惹味啲, 我自已會再加這裡的辣椒油，食落去辣度慢慢出又唔會太辣，增加了南乳香。飲品叫了凍奶茶，茶味都幾濃唔會太奶身，都幾岩我飲仲叫咗少甜添。

最近有位好朋友被調職到我公司附近，仲問我附近有冇食午飯好介紹，於是我答應帶佢去一個食午餐的好地方，並特別提醒她早餐不要食太多😅 午飯時間我哋到咗餐廳，裡面已經坐滿大半客人。在聚多選擇下，我哋最終點了兩個小菜和一個炒飯。 第一個小菜係菠蘿生炒骨 排骨係新鮮炸，所以很熱很脆口，仲好多肉汁，加埋菠蘿、洋蔥、辣椒，酸酸甜甜，不會因太多醋而嗆喉，味道剛剛好，抵讚👍👍👍 第二個小菜係咸魚蒸肉餅 肉餅未送到枱面已經聞到咸魚香味，不會太咸，用嚟送飯一流🍚，另外肉餅是真材實料豬肉做，並不似其他餐廳以麵粉為主，良心老闆👍👍👍 第三個係避風塘楊州炒飯 楊州炒飯食得多，原來用避風塘式去炒，每粒飯吸收咗炸蒜嘅香味，另有一番風味，越食越香，正呀。 因為每個餸嘅份量都很足，所以我哋都很飽，朋友仲讚不絕口，話這間餐廳好味過好多大酒樓，而家已成為佢嘅飯堂添！😀

星期六放假去工廠區拎貨，拎完見樓下有間茶記叫龍鳳食堂，夠鐘食飯就入去食個茶記啦。點左個中式炒飯：避風塘楊洲炒飯同埋生炸雞髀芝士撈面。楊洲炒飯加避風塘好特別，一上枱滿滿既避風塘香炒蒜粒係飯上面，中意食重口味既我食得好滋味，每一啖飯都有避風塘香味，十分惹味！碟炒飯仲好大碟好重份量添！仲送一碗大例湯！抵食！生炸雞髀芝士撈面特登加左$5 加隻煎旦，芝士同旦汁撈埋一齊食特別好味的。仲要勁多芝士汁，唔怕撈面會乾身！生炸雞髀炸完都仲好juicy添！飲品加$8有一大杯紅豆奶茶，飲落好重花奶味，好飲奶茶味既紅豆冰咁，好特別！加$8都好抵！依個時代仲可以食到低至$40 幾蚊一個餐既飯/面，其實係非常之抵食，性價比高。餐廳位於南豐紗廠後一條街，如果假日去南豐紗廠又想食到高性價比既餐廳，絕對推介！

Lunchtime甘岩系附近經過，見到呢間餐廳個門口幾企理，就去試一試😋午餐時段都可以叫：小炒 或 午餐（包湯同飲品）一入到餐廳，老闆就即刻送兩碗熱辣辣嘅老火例湯比我地飲，好大碗，而且食完都無口乾，證明無落味精我哋叫左：1. 避風塘楊州炒飯2. 椒鹽豬扒3. 黑椒牛仔骨1. 避風塘楊州炒飯去甘多餐廳食飯，第一次聽避風塘楊州炒飯，真係非常有新意先講個炒飯，炒飯粒粒分明，雞蛋亦包裹住每粒飯，非常香口、有鑊氣，而每一啖都有唔同嘅餸，單單係蝦仁都有6-7隻，仲有其他叉燒粒同燒肉粒最驚喜嘅係，避風塘嘅蒜香、瑤柱香、咸香，令個炒飯更加惹味香口，食食下成碟飯就清晒2. 椒鹽豬扒系其他餐廳食嘅椒鹽豬扒，都係比較乾身（柴），而且份量一般估唔到，呢度嘅椒鹽豬扒，唔單止好大塊（佢一塊等同人地兩塊甘大塊），一咬落去仲有甘多肉汁，豬肉肉質仲好嫩滑，好好食另一個surprise位係：佢嘅墊底菜都好新鮮，我就當沙律甘食埋😂3. 黑椒牛仔骨黑椒牛仔骨個黑椒汁離遠已經聞到，食落仲非常香黑椒味；牛仔骨煮到岩岩好，完全無癡牙，好香牛肉味；啲洋蔥仲好爽口，食到洋蔥嘅甜，但又無果種辛辣味呢間細細嘅餐廳比好多大酒家好食，眼見午市

喺荃灣好多好味餐廳，但冇想過原來我公司附近有間唔錯，好彩同事介紹比我知道，而且價錢抵食又大份，天天都有唔同選擇，一日都有成九款，花多眼亂，就跟同事叫個炸雞脾飯，仲有湯同飲品。湯味道都幾濃入面有不少材料，飲完唔覺口乾，飯來到來都嚇一嚇親，而且雞脾仲要勁大隻，一咬有肉汁唔乾身，似係生炸，但不太油身剛好，啖啖肉有驚喜。醬汁唔會好咸剛好，蕃茄味十足，唔會覺得似用麵粉打出來，仲有不少洋蔥，配飯一齊食最正，份量以女生來講一定食唔晒，男同事就剛好。飲品要了凍檸檬茶，味道正常不太甜可以。

公司附近有新食堂！茶記Menu外仲有其他特色菜，落單後上菜超級快，可以外賣番office 食！菜品份量適中，適合單人享用。服務態度友善，用餐環境舒適，價格合理，性價比高～* 中式牛柳：牛柳肉切得均勻且嫩滑，口感極佳。牛柳肉嫩滑，肉質鮮嫩多汁，牛柳肉切得均勻嚼勁。搭配的調味料則帶有中式風味，增添了豐富的口感層次。* 迷你咖喱龍利柳飯：咖喱醬汁好香，濃郁而香辣，令龍利柳更加美味。龍利柳都肉質嫩滑～上次有機會可以試下其他野！

發現公司附近開左間新茶餐廳叫龍鳳食堂，入面除左有茶記會有既menu外仲有特色野： 芝士撈丁同避風堂口味既菜式，不過今次無叫到，反而想試下小炒同煲仔野魚香茄子煲係家常菜，惹味又好落飯，係人都知茄子係吸油既蔬菜，但呢到整得唔會好油，味道唔會過咸過辣。另外又叫左金銀蛋浸時蔬，當然有咸蛋同皮蛋，菜心夠曬淋，廚師都幾知道鹹蛋夠曬鹹味，菜唔洗點再加鹽，呢個餸有菜又有肉，應該好岩女士order。凍檸茶同凍奶茶就正常茶記發揮，正正常常，無特別，有機會可以試下其他野，見到是日蒸魚都幾大份，價錢都係五十幾蚊，好似好抵食