影片
營業時間
今日營業
06:30 - 23:30
星期一至日
06:30 - 23:30
以上資料只供參考, 請與餐廳確認詳情
相關文章
聽聞得閒飲茶呢間餐廳既點心好有水準，所以今日嚟試下。蝦餃之王蝦餃大大粒，皮薄餡靚，入面既蝦好鮮甜彈牙，果然唔錯👍潮州粉果粉果既皮煙煙韌韌，夾埋入面精心製作既蘿蔔餡料，有豐富既口感，好味！醬皇蒸鳳爪鳳爪吸收左特製醬汁既精華，好入味，而且好腍好好味😋蜜汁叉燒包叉燒包熱辣辣，好鬆軟，咬落去有甜甜哋既蜜汁叉燒，甜中帶鹹，正！韭黃鮮蝦腸腸粉晶凝通透，食落去好滑，入面既鮮蝦又大隻又彈牙，再加埋佢哋自製既鼓油，好好既配搭，好滿足😍千島醬脆皮蘿蔔糕呢個絕對係創意點心，估唔到蘿蔔糕可以咁樣配搭，同埋整得咁靚😍配埋千島醬，真係好正！呢間點心好味，價錢又唔貴，值得試👍
繼續閱讀
夜晚有時都會想點心店食飯，因為啲蒸飯幾抵食又飽肚，然後叫幾碟點心，$200內都搞掂。呢間得閒飲茶系元朗都開左好耐，有部分點心幾有創意。春風得意腸 $42呢個創意腸粉每次黎都會叫，腸粉入面有啲脆網，餡料有蝦、粟米，再放左啲蟹籽，令成個腸粉咬落幾脆口，有種炸兩既feel，口感豐富。蒜香蝦春卷 $283條春卷，已經預先煎開，炸得夠脆，吾系太油。餡料都幾多，有蝦之餘仲有啲菜絲。牛肉球 $25牛肉球都大細，幾腍。沙嗲金錢肚 $31金錢肚大約有5-6件，都幾腍，底下用豆卜墊住。鳳爪排骨飯 $42用荷葉裝住啲飯去蒸，排骨都幾多，飯偏濕。
繼續閱讀
唔知有冇人同我一樣成日都好鍾意放假去飲飲茶，嘆返一盅兩件。今次喺元朗行街嘅時候就比我發現咗一間茶居。鋪仔細細，但係成日都坐滿晒人。🤔我諗應該都品質唔錯，就去試吓舖頭以卡位為主，都坐得幾舒服嘅，茶位每個人就$6，都算合理。⭐️沙爹金錢肚（$31）記得每次細個去飲茶一定會叫金錢肚。金錢肚好入味而且好腍👍重點係佢最底嘅豆卜吸晒啲醬汁😍⭐️灌湯京滬小籠包（$29）呢個小籠包係必試，佢嘅皮好薄，而且好多湯👍一咬落去呢係爆汁🤭配埋醋一齊食就Perfect啦⭐️蝦餃之王（$36）佢嘅蝦餃啲蝦都幾彈牙，而且份量都幾足，不過如果個皮再薄啲就100分啦⭐️蜜汁叉燒腸（$29）佢用嘅叉燒係半肥瘦叉燒，所以食落去有淡淡嘅油香味👍但係又唔會太油膩，腸粉嘅皮都算薄身嘅👍唔錯⭐️原龍鳳爪排骨飯（$42）佢呢個排骨飯性價比真係超高🤭佢嘅份量好足，而且餸都好多😍每一粒排骨都係好入味👍而且佢係用荷葉包住嚟蒸。真係幾有風味㗎🤭佢哋呢由朝頭早6:30開到夜晚11:30 ，無論係飲早茶定夜茶嘅你都一定啱🤭去開元朗想飲茶嘅記得試吓佢啦🍴得閒飲茶 (元朗)📍元朗谷亭街13號傑文樓地舖
繼續閱讀
係元朗夜晚想飲茶，見到呢到所有點心即叫即蒸，同埋夠曬平，就入左去。茶位都係$6位咋!香菇燒賣同埋蝦餃係每次飲茶必食。原來呢到既蝦餃之王咁勁，見到餐廳都貼左好多訪問報章出黎! 蝦餃皮薄，蝦肉多之餘又彈牙! 燒賣厚實好重菇味，好食! 呢到既糯米雞係我見過最多餡既一間，入面有叉燒，有雞，仲有蟹柳等等，真係好飽肚! 蔥花蝦米腸腸粉口感軟滑，配上大小適中蝦米同埋特製既甜豉油，味道鹹香。蜜汁叉燒包都係主打足料! 龍蝦湯鮮竹卷第一次食，普通既鮮竹卷就食得多。加左龍蝦湯，提鮮左好多，而且浸住湯汁既鮮竹卷，食落仲係好脆口。
繼續閱讀
得閒飲茶係現代人既口頭禪同樣亦係一間餐廳得閒飲茶有2間分店太子運動場道7B號地下元朗谷亭街13號主打傳統和特色創意點心所有點心即叫即蒸老闆曾擔任大酒樓的點心部總廚30多年做點心經驗今日放假就去左食點心香茜牛肉腸餡料又多又厚腸粉皮夠晒滑點甜豉油得獎蝦餃晶瑩剔透大大隻蝦味道比較清淡懷舊燒賣必食之選粉果必食我至愛牛乳布甸牛奶味夠香滑溜埋單唔洗$135真係好抵仲有下午茶時間
繼續閱讀