1+2鷄煲美食坊

營業中

休息中

#搞串個pantry講到 #雞煲 🐔，除咗有平時嘅鑊氣啫啫雞煲🔥，其實仲有 #椰子雞煲 🍲可以揀！今次我哋就嚟到一間位於 #屯門 嘅雞煲專門店，試下佢哋特色椰子雞煲🌴。見網上評價唔錯，不過都係講佢嘅酸菜魚🌶️，到底雞煲係咪同樣咁正、咁濃郁呢🧐？我哋嗌咗🔴椰子雞煲半隻配時菜($158)、🔵米線($18)、🟤蟹柳($39)、🟠墨魚丸($45)、⚫️餃子($39)。椰子雞煲🌟椰子湯有好香濃嘅椰子味🌴，不過同坊間嘅清甜椰子湯有啲唔同，反而似係落咗椰漿、椰奶🥛，有啲似西米露嘅感覺，感覺唔太夾🤨。雞肉🐔多碎骨，皮比較厚，真正雞肉其實唔多，感覺質素一般🧐。時菜、米線、墨魚丸、餃子🌟🌟餃子係韭菜餃🥟。呢啲配料🥬同坊間買返嚟嘅食材質素相若，味道口感正常😆。蟹柳🌟食落口感好粉，有啲霉😖，麻麻哋，唔建議嗌呢個🙅🏻‍♀️。

雞煲美食坊在vcity對面，天主教小學隔離。好味，奶茶好飲，麻辣湯，手工麵，碟頭飯都好出色附近食店中呢間最值得幫襯不過樓面只有老闆娘一個，做唔切如果趕時間的話，就唔好幫襯。

小妹係市中心返工，所以要不時要發掘下屯門區既隱世小店今次朋友介紹我嚟呢間位於新墟寵物用品旁邊既雞煲小廚，講真如果唔係有人介紹真係唔會留意到呢度有間咁嘅嘢餐牌好細心，分好哂每日有咩精選午餐，啱晒我哋呢啲附近返工既屯門友，仲要係價錢真心抵食，碟碟大大碟小妹今次第一次嚟幫襯，就梗係食我最鍾意嘅辣野啦，所以今次嘗試左去呢個麻辣水煮魚手打麵啦，午餐價錢係$56呢個價錢食到咁嘅質素水煮魚真係超晒班，講返水煮魚先酸菜份量啱啱好，唔會蓋過啲麻辣味，魚片超滑好少骨，仲有啲味道係正宗嘅麻辣水煮本人大愛終於搵到一間啱心水嘅水煮魚飯堂

本人好少出post，但依間一定要出！覺得佢係一間爆大冷嘅餐廳，行過餐廳門口都未必會行入去食（我只食過晚飯）必食1.潮州砂鍋粥（有米香，海鮮每日3點去街市買，夠新鮮）可以早啲打俾佢哋食其他海鮮加料！2.重慶酸菜魚 （味有層次，唔似有啲餐廳一味辣一味酸）3.椒鹽鮮魷 （新鮮魷魚，蒜香，粉薄）食過三次，其他嘢未食過，因為每一次都叫依三樣嘢🤣🤣🤣建議去之前打電話訂枱同訂海鮮，我今日6:00pm同屋企人walk in 去食，佢話無曬枱，俾人訂曬，最快要7:30pm😅