100 Bites (已結業)

上週末六點幾去逛朗豪坊，早已知道10樓現有 twin stars 的主題餐廳，我倆無提早攞籌，預咗冇得食，但一場來到，即管上去，在門外的公仔擺設，拍照留念也好......豈料上到100 Bites，店員表示沒有籌也可以walk in，只需等多十分鐘左右便有枱，實在喜出望外！稍等一會兒，我們可以入去了進入了Little Twin Stars 的世界被安排坐這張 Kiki 枱隔離張枱看餐牌，點了B & C餐，揀凍飲，芒果窩夫再加曲奇。精緻可愛的陳設是日餐湯：紅湯一杯，似羅宋湯，但沒有肉！凱撒沙律配雞肉雞肉太韌，蔬菜尚算新鮮，所有紅蘿蔔都切成星星形狀，以配合主題，沙律汁不足夠！卡邦尼長通粉普通白汁底，通粉份量足，味道一般。蒜香番茄辣蝦扁意粉蝦夠大隻，辣得來香口，意粉入味，但稍為乾身及過韌。芒果脆脆窩夫外型討好，粉紅色twin stars星星，用白朱古力造，芒果粒鮮甜，窩夫腍身，唔夠脆，且唔夠熱！芒果慕絲蛋糕全晚至愛：3色棉花糖，加彩虹間條糖漿點綴，賣相佳！慕絲蛋糕口感軟滑，甜而不漏，內有鮮芒果肉餡，吃起來，倍覺醒胃！Lala士多啤梨香橙特飲 + Kiki 椰子菠蘿特飲兩杯都好飲，同樣消暑解渴

難得今日同女朋友出旺角，見到有間好骨致既甜品店，咁岩女朋友又想食心太軟，最後我地叫左一個綠茶心太軟同埋一個士多啤梨Pancake。心太軟綠茶味好濃，不過同其它心太軟一樣好溜，我自己就唔鐘意咁溜既，不過女朋友食唔曬就食左幾啖，個溫度都OK，味道都OK，但都係普普通通既貨色。個士多啤梨Pancake 聽佢講就話即整既，應該都係既因為都等左幾耐下。個pancake好鬆化，其它都只不過係普普通通。成間餐廳野食就普普通通，不過不失咁。不過個情調同裝修都好浪漫下，咁多位情侶都可以一齊去啊。

從小到大最愛的卡通都是little twins star,這次難得有， twins star 主題的cafe，一定要去嚐嚐啦。排了大概45分鐘，終於進去了這個佈置的美美的餐廳，卡位還會有公仔。叫了一個pancake一個waffle, 外貌極為討喜，粉色的還有， twins star的圖案，味道也很好，pancake略為乾了一點， waffle好好吃！飲品也很美的說～

終於，兔兔貓踏入第100篇食評了！終於，本著以真金白銀分享給大家，過程不易，但滿足！終於，少女們（包括兔兔貓）期盼已久的Little Twin Stars Cafe，來到香港開店了！跟其他的Little Twin Stars Cafe店一樣，這個旺角cafe也是期間限定店，由9月11日起至10月底，兔兔貓在閒日到埗，現場所見,晚上6時多已經有不少粉絲前來排隊,朝聖的多都是女生呢!拿起門口的超型menu拍照，兔兔貓和天使lala和kiki都挺合襯呀~Twins Star今次與滿記甜品旗下餐廳100 bites合作，位於朗豪9樓「100 BITES」！由於卡通CAFE將會陸續登陸，兔兔貓看到整個商場都充滿布置，店內更是處處都是KIKI和LALA,很多人在拍照呢！CAFE 有4個MENU ，包早午晚餐和tea menu！Little Twin Stars色彩的裝飾和主題餐飲，真的每一款也充滿了Little Twin Stars的夢幻色彩，實在是太美麗了！由於我們太肚餓，人又太多，最後決定到附近解決晚餐，再到這裡吃甜點～主要就是西式甜品，all day breakfast和咖啡等，個人認為最吸

期間限定 Little Twin Stars cafe ( 1 sep - 31 oct)星期六, 一早黎拎飛. 上網先睇睇食家們的情況, 就更輕鬆. 由於商場升降機開10:30am, 所以呢個時間到達, 直接上10樓排隊, 就應該是第1批既排隊啦.等30分鐘, 11:00am 就可以拎飛揀時段或食第1個時段. 我們選擇下午茶, 所以我們4點再來就很快可以入座. (當時有3條隊 : (1) 影相區, (2) 有飛的人仕, (3) 冇飛的人仕)我同友人點左2個tea set, 最低消費是每人1set. - E. 士多啤梨星星班戟 ($98)限定的星星班戟, 美觀好看, 一上枱就有好香好香既士多啤梨味, 令人食慾大增.班戟係厚厚的, 質感好似輕盈既雪芳蛋糕, 綿密有彈性, 好軟熟好好味.配埋酸酸甜甜士多啤梨果肉, 好襯好夾. - C. 芒果脆脆窩夫 配 雲尼拿雪糕 ($88)外觀一樣甘吸引, 芒果粒有好多, 而且夠哂香甜, 個芒果汁都好好味.窩夫有2件, 夾著中層的雪糕, 可惜窩夫既熱令雪糕太快溶了. 反而面層雪糕有芒果隔住就冇甘快溶.窩夫有點香脆, 配雪糕也很好味. 整個甜品都甜甜的,

朗豪坊的100 BITES，最近換了主題，成為了LITTLE TWIN STARS主題餐廳，身為天字第一號小粉絲的小瞳，當然要來朝聖了！話說九月幼稚園K1開學， 小瞳也轉了學校，熟知小瞳性格的我們，最擔心和害怕的，就是開學第一天會「喊」。校方給予我們這班家長，在開學的頭三天陪伴和監察，小瞳表現得很好，最多也只有少許「眼濕濕」，沒有喊出來，為了獎勵她，我們就在第二天放學後，瞞著她，帶她來了朗豪坊的100 BITES LITTLE TWIN STARS主題餐廳，給她一個開學後的最大驚喜！這一天一放學就馬上趕來朗豪坊，還未夠十二時，門口已經出現人龍，LITTLE TWIN STARS的魅力還真沒法擋。還好因為時間尚早，不用等太久就可以入座，不過用餐時間卻限定只有90分鐘，成年人應該是沒有問題，但像我們一樣和小朋友來，可能就是一個考驗了。在漫長的等候過程中，也不是沒事可做，門口有不少LITTLE TWIN STARS可以拍照，適逢那天朗豪坊有HELLO KITTY主題裝飾，拍這拍那的，時間其實很快渡過。等沒多久，終於可以入座，原來LITTLE TWIN STARS主題「卡位」數量不是很多，很可

上個月食完MELODY雙子星又開張點可以唔黎架雙子星的開幕時間就係9月1日的開學日今次就由滿記甜品其下的100BITES改造而成的大家無聽錯但絕對原本都不是賣白雪黑糯米架係類似高級甜品餅店咁門口都有一個精美的攝影位一上番去已經可以準時入坐睇到位置就知道我們不幸地輪不到卡位><坐位方面如果輪到精美卡位固然好如果唔係位置還比上回melody餐廳貼近直情同搭台無咩分別哩份餐牌午餐供應時間11：00-2：30我地分別選A：百嚐全日早餐$98C:蒜香番茄辣蝦扁意粉$98跟餐飲品:LALA Cappuccino跟餐飲品:LALA 士多啤梨香橙特飲+KIKI 杯子蛋糕$48元+Little Twins Stars曲奇$20跟餐飲品:LALA 士多啤梨香橙特飲哩杯味道一流不過如果做到不會溶冰就very good因為後來溶冰後感覺就大打折扣跟餐飲品:LALA Cappuccino如果同melody果杯比較哩杯更勝一籌Little Twins Stars曲奇$20靚到絕對唔捨得食袋番屋企但點知回家就碎哂><証明幾脆咁碎左就拿拿聲食好香牛油味好鬆脆C:蒜香番茄辣蝦扁意粉$98

真理的兩很喜歡Sanrio.繼之前到Melody 主題餐廳後，twin star出場！一早知道又唔知要排幾耐隊，但是冇相干！因為拎完飛就可以到處逛逛！我和猩猩王星期天決定到訪一下。這天十一點到達，已經有好多人排隊！但是比我想像中冇咁虛堪，由排隊，拎飛，用左半小時咋，我們揀左下午茶時段，拎完飛，走去吃午飯……再行一陣2:30就入得，感覺上好快^^仲有得同門口既twin star影下相添！坐下便order..我地各自點了latte and cuppuccino 兩款唔同樣! 另外叫左星星形狀既pancake~又係好靚……加多客杯子蛋糕！心心眼！加多左20蚊有埋兩塊星星曲奇！靚到呢……黎得呢d主題餐廳,你問我好冇味，答你好味就假既，只可以講普通。但是個人認為有好既環境係好重要既考慮因素之一！有twin star既擺設……食物又係twin star,真的可以影響到食落口既味道！我覺得食物ok

之前上網睇左免排隊攻略,一早拎左籌等到我地個時段其實好快就入坐了~由於我地無留意到原來每位最底消息一個餐,2對情況4個人,但佢都只係得3個sets.因為我地有點窩夫,店員就俾我地個窩夫當一個set計,不過唔會幫我地安排後上.其實食物都只係一般,2款沙律既分別只在於d肉唔同.(一款雞肉一款三文魚)因為跟餐只得一杯飲品,我地就叫左個湯代替.野飲都係睇左網評凍飲的會似藥水味,而熱飲正正常常仲有Kiki同Lala既樣可以影相,所以都係揀熱飲!芝士雞扒配薯餅個雞扒佢似係免治雞肉咁,中間有d芝士味不過食落去覺得咸左d.薯餅正常味道.卡邦尼長通粉唔似卡邦尼,只係似著通白汁味道,普通. 蒜香蕃茄辣蝦扁意粉食落第一啖有少少辣口,大人食可以小朋友可能未必頂得順食哂.芒果窩夫比意粉仲早上檯,放左一陣雪糕開始溶左d,不過個窩夫不錯有少少脆既口感.最後跟餐既甜品,全晚我最愛!好軟熟蛋糕同埋都係好似芒果味?少少酸的確不錯.可以清一清味蕾.有種好fresh既感覺!總結:滿記集團旗下,都係以甜品為主. 主食普通不至於難食都已經可以接受!

期間限定既little twin stars café～～～～浪漫的拍拖日，雖然只係簡單去食個lunch，但係去左Ishiyaki Cafe，充滿little twin stars的報置睇到都已經好開心！！！其實食物選擇就唔多，可能係lunch既關係，最吸引應該係all day breakfast，其他都係食意粉同蛋糕～all day breakfast賣相叫做OK有基本既茄汁豆同炒蛋，炒蛋都OK，尚算幾滑既但最好味竟然係條香腸，同平時唔同既係今次呢條重肉味好多，所以好吸引，不過差既係舊薯餅炸完出黎冇左MENU個星星形狀，但隔離叫個碟又有成隻星形wor，嗚嗚有D失望而野飲方面，今次揀左菠蘿椰子梳打，感覺係椰子味好重，菠蘿味較少，可以一試既 唔差！除左all day breakfast之外，仲叫左雪糕窩夫，感覺似係格仔餅加雪糕咁，不過賣相係幾靚既，味道方面冇咩特別，窩夫算脆，但唔係太重蛋味，不過唔緊要啦，勝在唔食得都睇得嘛！但係我覺得價錢有D偏貴....... 一個all day breakfast加杯野飲要98蚊加一，但野飲得4款揀。但係價錢上對於一間卡通人物既café黎講叫做差唔多，

lalala~ 係 Little Twin Stars 粉絲應該會知道朗豪坊最近有間同little twin stars crossover的主題餐廳繼Melody主題餐廳後 (ishiyaki+ café), 在9月1日至10月31日同層10樓也有期間限定的Little Twin Stars x 100 BITES。100BITES 是屬於滿記旗下, 不過每次都是經過而已。店11點開門, 我大約在9月6日星期六約12時到達, 那時候已經只有晚餐籌 (有3時段可選18:00/19:30/21:00, 每節約1X人)如想試lunch or tea set, 就要10時半-11時到達守候拎籌。就算未能有時間拎籌的話, 都可以walk in排隊等, 不過要待拎飛的入座後才能安排位子, 我應該下午茶時段2:30後walk in機會大些, 加上套餐價錢便宜點。拍了lunch set 及 dinner set 給大家參考, 方便出餐的關係, 全部都是set, 沒有單點的。而且每人要點一個套餐, 至於小朋友是否計算在內就不清楚。$100內的lunch set 選擇算多, 我認為主打都是waffle、

早前聽聞朗豪坊開了間melody n kuromi cafe~就已經迫不及待地拉著青梅去嘗鮮QwQ~沒想到過了半個月(—。—)就又聽到little twins star cafe將於100 bites營運，俺聽到後真是感到超激動又拉住同好青梅去朝聖(TAT你夠了...一去到十樓，沒想到這店就開在melody cafe左近(原諒俺是路痴QAQ) ~這次約10：45到店門前，果然又是一條長龍==|||不過俺們都拿了個三十六號籌，1：00就可入席，算是不錯逛完街，準時入席。這裡的員工頗多，成間鋪子不大但已有十個侍應，感覺有點嘈吵。看menu,有六個lunch set,俺就叫了一個芒果窩夫+一杯士多啤梨特飲~<3芒果窩夫是配搭了兩球雲尼拿雪糕，一球在上，一球夾在兩塊窩夫中間，俺與青梅分食得津津有味俺覺得窩夫不錯吃，軟糯的口感正合心意<3俺愛將雪糕當牛油般擦在整塊窩夫面一口吃下去！！！(p.s.俺青梅不斷讚雪糕最好食T 3 T~~這杯特飲呀~~~就是普通有氣飲品，若不說還真不知道那是啥味道qwq~青梅則叫了lunch set中唯一的一碟扁意粉+一杯椰汁菠蘿特飲(這杯驚嚇呀T T)

繼上個月潮拜完MELODY & KUROMI主題餐廳後..今次到LITTLE TWINS STAR啦...限定時期9月1日至10月31日今日大概5點半左右去到餐廳門外...諗住應該好似會MELODY餐廳咁攞左飛要有排等..所以提早D去攞飛..點知去到問過D職員竟然話派曬望到佢本簿每段時間都有大概廿幾張飛(6點,7點,8點等等)但係近LIFT位有條LINE係俾D WALKIN客排既..問過D職員..佢地話6點會開始叫DINNER籌..當叫曬所有該段時間的號碼後如果餐廳仲有位就會俾D WALKIN客入去..再望望條LINE竟然得3,4個人..有理無理入去排到6點再算...終於到左6點..職員開始禁機叫號碼..唔知係咪有飛D人預時間預得太鬆..叫曬6點時段咁多個號碼都係得3,4張飛的客入左去..跟住就放D WALKIN客坐滿個餐廳無諗過咁快就入到餐廳入面食野入到去第一時間睇下有D咩野食先XDDD個MENU同MELODY個個有D似樣...我同我FRIEND都叫左A餐..要煙三文魚沙律, KIKI鮮奶咖啡, LALA意大利泡沫咖啡..再加$68要個芒果脆脆窩夫同埋$20要包曲奇...曲奇好靚靚&

黑朱古力加rasberry的蛋糕朱古力味夠濃，加上rasberry的酸甜幾好食呢個甜品幾特別，咁的配搭應該得呢度先有七彩的蛋白條好吸引，不過其實都係得個甜字酸酸地的乳酪雪糕幾好食紅豆蓉混入晒綠茶沙冰後，其實唔係好飲得出普通賣相好靚，綠茶mousse在外，白朱古力cream在內，海綿蛋糕在底唔太甜，唔錯

Lunch hour行經過100 Bites好多次，每次望入去都冇人，心諗一係好貴一係唔好食，所以都冇特別留意。又約左朋友喺朗豪坊食飯，來來去去都係果幾間，想試下新野，即刻諗起100 Bites。search openrice諗住話比朋友知間餐廳喺邊，先發現原來openrice話佢開14:00，唔通就係因為咁，所以冇乜人去食lunch? 難怪餐廳門口放左個牌，font size 100 咁寫住 "WE SERVE LUNCH"。12點半去到，都係冇人，再望下門口個lunch set menu，都唔太差，又唔算太貴。抱住一試的心大步走進去。原來餐廳係Ｌ型，入面有幾枱客人，企喺門口睇唔到。座位幾闊，而且少人，人多車多既旺角有幾多地方可以咁樣靜靜地，突然有種好平靜，遠離繁囂既感覺。冇圖冇真相，除左餐牌，重細心地提供ipad，可以睇下食物既圖片。餐前有focaccia，一放下已經聞到好香既香草味 拿上手，暖暖的，有重量的同時好軟熟，好似用力少少都會整爛咁。跟藍莓果醬不太匹配，一咸一甜。凱撒沙律唔錯，麵包粒好香好脆，生菜好爽。湯充滿蘑菇香，好好味，質感偏稀，食落幾light，但就冇咁滑。蒜香蕃