101台式休閒餐廳 (尚德商場) (已結業)

當日星期6入去食lunch,,疫情嚴峻期間好少人,兩人可以坐卡位,環境本身都闊落,火鍋套餐全部暫停,多數d食客都係叫外賣,已經好少人堂食menu好多款式o既套餐,我揀左$48蟲草花雞肉飯好大份,飯球又好大,飯粒唔會好硬餐具同口罩紙袋可自行去收銀處旁邊拎又有熱水供應,呢個價錢真係好抵,疫情嚴峻之前,呢度由早餐去到lunch都有大批街坊等位..真係希望疫情可以快d完...套餐加$2配熱芋香珍珠,香濃奶香,珍珠口感都唔錯經濟實惠,service都正正常常,上菜速度快

上次嚟尚德「101台式休閒餐廳」食過晚餐，覺得👍🏻😋，今次試下佢哋嘅“下午茶”，睇下得唔得先！😉👆🏻“酥炸雞翼滷肉湯米粉”👆🏻“酥炸雞翼滷肉飯”雞翼叶得好入味、兼炸得好鬆脆，配合鹵肉嚟餸飯或米粉，好開胃 👍🏻😋👆🏻“雞扒滷肉飯”～雞扒比較、啖啖肉，好大碗 😉👆🏻“三杯雞肉飯”～有些少辣，加埋豆腐蔬菜，頗豐富！😚👆🏻“酥炸雞翼”～最好味，正！😘飲品好多款式～珍珠奶茶比較甜、咖啡幾香濃、檸蜜及花茶都👌🏻😊

呢排天氣涼咗啲，除了食火煱外，最正就係叫“煲仔菜飯”食，夠熱夠火喉，餸飯一流；今日就嚟尚德「101台式休閒餐廳」開餐 😃👆🏻“熱鍋蕃茄牛肉炒蛋飯”～調味適中、蕃茄夠酸夠甜，但牛肉味道就比較淡 ☺👆🏻“熱鍋蟲草花木耳炆雞飯”～雞脾好大舊、啖啖肉，與芡汁味道好夾，加埋蟲草木耳，口感豐富 😋👆🏻“熱鍋漁香茄子飯”～茄子肉鬆微辣香味好醒胃 😋👆🏻“鹽酥花枝丸”～炸得好鬆脆彈牙😋，但比較細粒 🤔👆🏻餐飲“茉莉花茶”、“珍珠奶茶”～一般台式飲品 😉

耐唔耐都會食一次，之前都正正常常，估唔到返到屋企發現外賣份量比之前少，數埋都唔知有無6舊茄子，要用汁撈飯先夠食，食完又唔係好飽。咁嘅份量賣到$57，真係無下次😪

有日咁啱行去尚德郵局寄嘢就諗住快快手食埋lunch行過見到Menu都幾多選擇同埋唔使等位即刻入去坐低叫嘢食叫咗「小食二串一」入面有唔同小食比你揀而我就揀咗鹽酥雞翼同埋辣味薯角不過薯角無哂 轉咗薯條另外再加咗個蕃茄粟米通粉鹽酥雞翼超鬆脆 勁推薦而且調味啱啱好薯條就不過不失 都脆嘅蕃茄粟米通粉都唔錯唯一係蕃茄有啲生食到最後仲飲晒啲湯添$37一個餐食得飽之餘仲要包嘢飲唔單止有咖啡、奶茶連珍珠奶茶都有得揀而我就揀咗熱柑桔檸檬🍋

周一來到101台或餐廳食晚飯2個人分別點了：經典鐵板餐 $61可自選套餐 1.包腸仔 粟米 薯角 火腿2. 我地簡左西冷牛扒（加$2）同漢堡扒3. 可選配意粉另一個餐叫左：自選台灣涮涮鍋 $51湯底可以簡三杯雞湯/台灣豬骨清湯/麻辣湯/新鮮蕃茄湯我地口味比較清 所以簡左蕃茄湯底面底可以簡米線/拉面/公仔面/白飯/ 其他面款就要加錢所以我地簡左米線配蕃茄湯配料方面就係沙茶牛肉 芝士卷同埋板燒雞柳2個套餐都會包一杯野飲仲可以簡台式飲品 珍珠奶茶～～

上次喺台北101餐廳叫咗一個燒雞柳配章魚餅肉燥飯，雞柳數量都算，外皮香脆應該有輕輕炸過，醬汁係類似照燒汁，而章魚餅呢就比較似喺超級市場買到嘅魚餅。肉燥配飯都幾好食。整體唔錯。

星期五中午，我跟阿媽眾人，準備出發前往「香港迪士尼樂園」之前，我先在「將軍澳」「尚德廣場」裡面，享用完辣味炸雞套餐，配套餐甜味冰凍可可飲品。之後我要為午餐裡面的「牛肉」部分食品而煩惱，畢竟我在「尚德商場」裡面，已經光顧和購買試食了，很多有提供「牛腩飯」食品的餐廳食店。此時此刻，我又忽然想起位於「尚德商場」二樓的台灣菜餐廳「101台式休閒餐廳」。我之前曾經光顧「101台式休閒餐廳」兩次，第一次光顧是享用晚餐，第二次光顧是享用早餐。至於我今次第三次光顧「101台式休閒餐廳」，是為了在跟阿媽眾人前往「香港迪士尼樂園」，入住「迪士尼探索家酒店」之前享用的午餐餐廳之一。由於我之前剛剛才食完辣味的炸雞套餐，又喝完甜味的「可可朱古力」飲品，只剩下未享用「牛腩飯」食品而已，所以此時此刻又忽然想光顧「尚德廣場」裡面的「101台式休閒餐廳」。所以我光顧「101台式休閒餐廳」之後，第一時間想享用的「101台式休閒餐廳」，又剩下甜味的冰凍「水蜜桃紅茶」飲品，跟著才是「101台式休閒餐廳」製造的「牛腩飯」食品。「101台式休閒餐廳」裡面給我印象最深刻的飲品，是以手調方式製作而成，而且實際份量感覺十分之大，以巨型

店員態度惡劣，入座後店員咩都無講就將餐牌揼係枱面。係一野’‘揼’‘ 低然後又走左去。然後店員係遠處’‘啤’‘住我。完全唔明發生咩事，入店後一句都無交流過，唔明點解無端端態度可以咁惡劣。好唔好食都後話，用啲咁既態度，都驚佢加料絕對無下一次

101除咗出名燥肉飯，佢晚市嘅一人涮涮鍋亦都好吸引，而家晚市終於開返堂食，一於收工同朋友去試吓佢嘅火鍋啦火鍋湯底選擇好多，除咗有麻辣湯，仲有沙茶湯，酸辣湯同埋番茄湯，另外飲品加兩蚊就有珍珠奶茶等等嘅台式飲品選擇，好平啵我今次就揀咗麻辣三杯雞小火鍋配米線，飲香芋珍珠奶茶（$68+$4），雞件好大，仲要係雞髀厚肉，肉質好滑，另外配菜會有豆卜，椰菜，玉子豆腐，台灣腸等，非常豐富，米線就正常質素，湯底雖然油咗少少但係都好濃味，有少少返返去台灣嘅感覺一人火鍋來講性價比十足，完全值得再去試，下次嘅話會食返蕃茄湯，健康少少

到了「年初二」，繼續沒有人拜年，也沒有上門拜年的日子，阿媽選擇了跟妹和外甥女，前往「中環」碼頭，乘搭渡輪前往「長洲」，在「長洲」光顧食店。坐車出發前往「中環」碼頭之前，阿媽跟外甥女眾人，先在「尚德商場」二樓樓上，光顧台灣菜餐廳「101台式休閒餐廳」，和享用早餐。但是我發現「101台式休閒餐廳」裡面的早餐，跟午餐或者晚餐有點不同，早餐款式實際內容，始終還是以港式茶餐廳類型的早餐為主。當然，「101台式休閒餐廳」早餐餐牌實際內容裡面，其實也有一些台式食品，例如「新竹米粉」、「肉燥新竹米粉」、「厚吐司」等等。唯一可惜的是「101台式休閒餐廳」早餐裡面的飲品部分，就是沒有製作和提供手調台式飲品，包括「珍珠奶茶」和「水蜜桃紅茶」等等。結果我選擇了，享用「101台式休閒餐廳」早餐裡面的「台灣沙茶牛肉公仔麵」食品，另外再加港幣兩元，把湯底轉換變成酸味的「蕃茄湯」。至於飲品方式，很可惜「101台式休閒餐廳」早餐裡面沒有台式手調飲品，否則我在「尚德」分店「101台式休閒餐廳」早餐裡面應該可以食得更寫意自在。最後我研究餐牌一會兒之後，終於決定了享用「台灣沙茶牛肉蕃茄濃湯公仔麵」，配菜則選擇了「牛乳炒蛋」，

下午茶唔一定要去酒店食嘅~普通餐廳都會有抵食下午茶!🤓今日同大家介紹下呢間台式小店-🌟台灣沙茶牛肉拼牛乳炒蛋配新竹米粉（$30）炒蛋加入左牛奶 所以好滑🍳至於新竹米粉煙韌彈牙可惜嘅係沙茶牛肉味道比較清淡-🌟花枝丸新竹米粉+牛油厚多士+牛乳炒蛋
（$32）呢個set其實同上面個set差唔多不過就將多士同蛋放係另一個碟分開上花枝丸彈牙 厚多士又厚又脆🍞相信係即叫即做 所以保持到食物既溫度同口感-呢度嘅下午茶餐仲包埋一杯台式熱飲☕性價比真係好高好抵食!餐廳係青衣同荃灣都有分店架~

咖哩薯仔雞扒飯必選 ,好多款嘢食質素都唔錯,仲有學生餐, 每星期都會來一次的飯堂, 雞扒魚腐魯肉手工麵+珍珠奶茶,外賣肉燥飯送到來都夠暖,行完尚德頂樓運動用品店必食呢間, 平民價錢,雖則不是超準但物超所值,一家大細來最岩,大家都會揾到岩食

今日12月9號下午2點幾想買午餐見到台式101終於有得用openrice落單因為平時只有食開早餐 未試過食呢間既午餐所以今日想試一試 用手機落單嗌外賣自取🤔🤔點左一個"醬汁雞扒拼玉子豆腐肉燥飯"返到屋企打開個盒 由雞扒變左豬扒😓睇返張單見先知佢落單打左"丈朱肉燥"即係"醬汁香茅豬扒肉燥飯"唔知係收銀員眼大睇過龍 定手殘落錯單雖然價錢一樣 味道都OK 但係食唔到本身點既餐對今次用餐體驗有啲失望😅😅😅

今日喺尚德廣場附近做完嘢好肚餓，見到有人推薦呢間主打經濟實惠嘅台式餐廳，試完之後，覺得除咗價錢真係冇一樣野係好🥲一定一定不會再幫襯😖.首先，職員態度奇差，呼呼喝喝😅一入去，我自行探熱，已經好有禮貌地表示自己係一位。職員離遠大大聲話: 一位呀？探完熱就過嚟啦！入去之後，職員成本meun揼落我張枱，真係用「揼」嚟形容，跟住話: 你自己睇啦下！我已經呆曬😓店舖有鐵板燒賣，職員上菜步伐勁快，遮都唔遮，幾次上菜，經過我嘅鐵板，都彈到啲汁落去我度😅 到上菜俾我，完全唔講係咩嚟，就咁放低，1秒就走走咗去，服務已經差就唔會再去。啲餐具佢仲要污糟，幾件都有污跡🥵食物質素都係麻麻地，啲飯好濕好黏。玉子豆腐涼嘅，皮同豆腐都係分離的。個蛋好實😑 嘢飲係熱柑桔檸檬，過酸🙃