13 Thirteen (已搬遷) 新店位置

放假決定跨區去灣仔銅鑼灣揾野食，小店評論唔算好多，唔係朋友介紹我都未發現😂蔥花芝士炒蛋烘底三文治 $26因為唔係即刻食，過左15分鐘左右就唔脆了😢蔥同炒蛋嘅份量確實比一般三文治多，芝士味就唔太出，係屋企應該都做到嘅感覺？總結：小店除左三文治之外，仲有意大利包、菠蘿包、簡單客飯之類，如果係附近嘅朋友可以考慮試下早午餐，不過就唔駛好似我跨區特登過嚟食😂地址：灣仔駱克道117號興邦大廈地下6號舖評分（5⭐️為最高）：食物：⭐️⭐️⭐️價錢：⭐️⭐️⭐️

工作的日子很沉悶，很想尋找日常生活中的新鮮感。這時侯，食物，必然會為你帶來最大的幫助🤓環境🌴店舖面積不大，而且是以外賣餐點為主🥡不設堂食👋🏻食物🥩蔥花/芫茜三文治和炒蛋菠蘿包乃餐點最有名氣的早餐，此外還有黑松露三文治和蕃茄/沙爹湯通粉。選擇不少，不過目測都是蔥花/芫茜治最暢銷😝😝1. 蔥花芝士鹹牛肉蛋治🐮🥪🍳（$31，連熱飲+$6）🔸烘底三文治內脆外軟，內裡塞滿雞蛋和鹹牛肉，芝士香濃，雞蛋嫩滑，牛肉充滿鹹香，加上大量蔥花，入口很有口感😋🔸但相對而言，個人覺得芫茜做配搭，會比蔥花更能帶出香味🌿服務🤵🏼‍♂️由於早上繁忙時間非常多人，在店舖人手不足的情況下，出餐的時間最少要20分鐘，需耐心等待。建議大家預先在OpenRice外賣自取功能下單🧾就不用等太久了⏱️

近兩年發覺呢間13. 試過好幾樣嘢，但我最鐘意既都係：一早食個蔥花雞蛋三文冶 + 香滑凍奶茶，立即醒晒。每逢Weekend 唔駛返工既日子都好掛住。都係要早啲訓，聽朝盡快去食

蔥花炒咸牛肉蛋芝士三文治👍🏻👍🏻👍🏻即叫即整炒蛋夠滑蔥花夠脆面包兩面都烘得好香脆👍🏻👍🏻配焙茶鮮奶好滿足呀😍當做一個quick lunch岩岩好見到好多人都會買佢既飯盒

聽講呢間小店嘅蛋治喺區內都幾出名，每逢早餐/午餐時間都吸引唔少喺附近返工嘅人買早/午餐。由我屋企步行到呢度大約需時10分鐘，去呢度買外賣返屋企食應該係OK嘅。▫️自選雙拼三文治 (HKD25)雙拼我揀咗炒蛋同埋咸牛肉，另加蔥花(HKD3)。炒蛋超滑溜又有蛋香。據聞小店係用咗三隻雞蛋去炒先可以咁厚身咋。加埋鹹牛肉入炒蛋入面，非常足料。係其他店舖買三文治要加錢先有烘底，呢間小店售賣嘅三文治就唔需要喇！食三文治真係要烘底，麵包脆脆地先夠滋味嘛。飲品叫咗杯凍宇治鮮奶綠茶 (冇影相)😆跟餐價 (HKD20)。繁忙時間真係要預多啲時間等外賣。唔想等咁耐嘅話可以預先打電話落單呀。⭐️星期日及公眾假期休息⭐️沒有提供晚市

13 Thirteen平時都覺得灣仔有好多特色美食，今次經過灣仔就比呢間主打外賣三文治嘅吸引到；原來呢間小店只係做平日同星期六中午2:30，如果唔係喺附近返工/咁啱經過附近，好難會買到佢嘅三文治嚟食~自選雙併 (鹹牛肉/炒蛋 加蔥花) HK$23第一眼見到份三文治真係覺得超足料！鹹牛肉蛋治一向都係超受歡迎嘅早餐，麪包微微烘底，食落好香口~ 如果鹹牛肉再爆香咗先落炒蛋會更加好食~黑松露炒蛋 (加芝士) HK$27黑松露炒蛋加芝士呢個配搭超邪惡！三文治有好香嘅黑松露味，加咗芝士之後仲份三文治可以拉絲~ 視覺同嗅覺滿足度爆曬登~ 麪包同樣微微烘咗底，雖然黑松露味道唔太出，但依然好食~整體感覺呢間外賣店嘅三文治份量十足，味道唔錯之餘而且價錢好合理；其實佢除咗招牌爆餡三文治之外，仲有熱狗/牛角包同其他飯類嘅lunch set，可以再encore~

中午12點到店，無需輪候買飯。夠熱，賣相不錯。米飯冇特別，唔係用上質素好靚嘅飯。蛋都唔太特別，未到過熟，但又未做到好流心滑溜嘅效果，蛋香味則唔錯嘅。蝦仁幾厚肉彈牙，蝦份量都合格。但$58一個飯，加上蛋未切合店鋪名氣，喺灣仔不一定要幫襯此店買飯。此店飲品唔算抵飲。

🔅13 🔅灣仔🔅外賣🔅我最近最愛的早餐店！每一次必點都係蔥花鹹牛肉芝士蛋～佢個蔥花真係不得了，超級香，但係如果食芫荽嘅人，千祈唔好已錯過佢嘅芫荽version～烘底三文治加上超多芝士，絕不慳料～佢嘅炒蛋並唔係流心炒蛋，但係反而厚疊疊嘅鹹牛肉炒蛋，喺三文治來講就非常豐富！佢嘅早餐系列有黑松露系列，蔥花或者芫荽系列，仲有炒蛋菠蘿包，同埋湯粉類～等我滿足左自己呢一個超勁三文治嘅癮之後，就會試吓其他😂我通常會加埋 cold brew 咖啡或者奶茶，好高質13 Thirteen 網址: https://s.openrice.com/QrbS03WqB00~uZ5MGAA地址: 灣仔駱克道117號興邦大廈地下6號舖電話: 57107271=====================#灣仔黃店 #黃店 #灣仔美食 #三文治 #炒蛋 #黃店 #黃色經濟圈 #早餐 #早餐店 #外賣 #灣仔外賣 #灣仔好去處 #美食 #hkig #hkfoodie #hkfoodblogger #hkgirl #hktakeaway

一日之計在於晨，早上要食返個醒神早餐先有精神做野架嘛😉好日唔去灣仔甘岩今日去個邊做野就緊係買返個豐富早餐。好耐都無食過早餐😂日日返工都較到時間岩岩好😅😅😅.䓤花蛋三文治 $24三文治勁足料，店主已經預先切開一半方便食用，三文治外脆內軟炒蛋好厚好滑再配上䓤花好香口，整體都唔錯！可以再食😝😝😝下次會試埋其他口味😀

lunchtime唔太餓，決定試下朋友推介既足料三文治😋蔥花蛋三文治（$24）💛💛💛💛🖤見個個都叫蔥花蛋三文治，決定跟機🤣外賣翻到公司打開，好厚身，咬落好香，雖然烘底，都冇話攞到翻去淋曬，性價比可接受！豬柳蛋番茄通粉（$42）💛💛💛🖤🖤另外朋友叫左碗番茄湯通粉，整體都好食，只係湯底比較甜，個人比較鍾意冇咁甜既湯底👍🏻份量都好足夠，好飽肚👍🏻👍🏻✨✨因為lunchtime好多人，所以餐廳建議提早打電話叫定～

呢間位於灣仔嘅外賣自取店主打蛋飯同三文治，對鍾意食蛋嘅朋友嚟講真係一大喜訊佢哋好適合做打工仔生意，因為你可以打電話落去叫店員落咗單先，去到講返單Number，盒外賣俾錢就拎得，快靚正我今日嗌咗滑蛋蝦仁飯，追加豬柳漢堡滑蛋真係幾滑，分量覆蓋晒飯面；蝦仁正常 size，唔大唔細，都算爽口。淋上嘅醬汁甜甜地鹹鹹地，有啲蔥香味，都幾好食，不過略嫌多咗少少，遮蓋咗蛋味。豬柳漢堡有兩塊，如果可以煎脆啲嗰邊就 perfect 啦

灣仔區特色外賣店前一段時間在灣仔區工作，間中需要在星期六早上8:30要返到公司，所以會特意去買個好吃的早餐來慰勞自己。那時經常在IG 看見Foodie推介這間外賣店，所以這次專程去買來吃。蔥花芝士蛋牛治當日我是店內最早光顧的客人，所以等候的時間不算太長，只等了10分鐘左右。沒有想像中神級好吃，但也非常之不錯。超級多的雞蛋包裹着半溶的芝士和大量的蔥花以及鹹牛肉，分量亦足夠一位女生吃飽，可惜回到公司的時候包面已經被熱氣弄濕，沒有鬆脆的感覺。總括而言，大家都不妨一嚐哦！

今日返工好忙…lunch叫同事幫我買左三文治都無食到，要收工拎返屋企先食🙈🙈🙈🙈🙈🙈今次買左 13 Thirteen 既烘底黑松露蛋治🥪🥪 $25 💛 其實lunch 熱辣辣個時真係好香🙈 留意返佢只係做外賣‼️點知最後都要放到夜晚先食到🥺🥺🥺🥺✌🏻見到爆哂餡就知佢勁足料，每一啖口感都好豐富😍😍 太懶無烘返熱佢食..我都幾肯定熱食佢一定係外脆內軟👍🏻 下次要試埋個鹹牛肉炒蛋同埋芝士😂😂忙左成日有d正野落肚真係好感動😋😋

13🆃🅷🅸🆁🆃🅴🅴🅽🇭🇰平民價良心爆餡蛋治 任你揀料🫶🏻麵包都好多款 意大利🇮🇹burger 牛角包🥐同熱狗🌭️仲有飽肚嘅飯類🍚性價比超好🤩如果喺附近返工買做早餐一定超幸福🥰﹎﹎﹎﹎﹎﹎﹎﹎﹎﹎﹎﹎﹎﹎﹎/葱花炒蛋烘底三文治🥪 $23/ (3.9/5)超厚餡🤩店主已經預先切開一半🤤比起茶餐廳蛋治軟綿綿口感 呢度嘅白麵包🍞烘到外脆內軟 咬落好有韌性好香🥰葱花足料加上嫩滑嘅蛋好香口🌱啱晒葱怪😍但係鹽🧂就落得唔太均勻 有啲位好鹹有嗰無咩味🤫/鹹牛肉炒蛋烘底三文治🥩 $21/ (3.3/5)一樣餡料咁澎湃😍估計一份三文治用大約3隻蛋🍳當lunch食都夠飽☀️鹹牛肉相對失色啲🥺無嗰種獨特嘅鹹味😢似普通碎牛🐄淡口味啲 但無可否認係幾重蛋香🍳雖然微微過熟私心想試埋另一間人氣三文治舖比拼吓🤤但係超長龍🥺﹎﹎﹎﹎﹎﹎﹎﹎﹎﹎﹎﹎﹎﹎

📍 𝟭𝟯 𝗧𝗵𝗶𝗿𝘁𝗲𝗲𝗻 @ 灣仔港式經典滋味(•͈⌔•͈⑅)足料厚身鹹牛蛋治💛ღ 鹹牛肉炒蛋三文治 $26ღ 芝士 +$3 蔥花 +$2呢間外賣店只開平日同禮拜六到2:30pm基本上你唔喺附近返工都冇機會食到🤣三文治麵包偏細份 但係份炒蛋好足料建議加埋芝士同蔥 即刻香味upupup!!!除咗三文治豬扒包等 午市仲有供應多款客飯好想有機會去試埋佢個滑蛋蝦仁飯！btw忠告時間 大家如果平日lunch hour嚟食一定要打電話order定先 因為超多人排隊🥹回頭指數😼3.5/5（附近打工仔早餐lunch之選٩(๑❛ᴗ❛๑)۶