1523 釗級廚房 (已結業)

今日喺元朗隨便逛想搵間餐廳醫肚，附近咁多間餐廳之中依間嘅價錢最平民化，而且套餐選擇都多，所以就選擇左依間！| 滑捋捋雞扒飯 | $59 +$10轉餐 +$5轉配意粉無為意到原來套餐係會跟湯，所以當上左個湯既時候仲好好奇究竟依碗細細碗嘅係咩黎，飲左一啖，不得之了，係我最愛既香菇湯！個湯非常香，啲菇打碎左，啖啖都有菇肉，正呀！無諗過隨便搵間餐廳都會飲到個咁好飲既湯👍🏼 雞扒意粉個雞扒好大份，肉質都算滑但又未至於好滑的程度，配上平時食rib的BBQ sauce又幾醒胃，本身食到一半已經覺得有啲飽，但一路點個sauce黎食唔覺意食哂成個扒🙊 唯一美中不足反而係嗰幾塊翠肉瓜嘅配菜，煎得過燶有啲苦，而且落得太多黑胡椒令到個瓜好辣，除左苦同辣基本上都食唔到本身的瓜味。本身因為價錢相對較平而選擇左依間餐廳，但其實轉餐加錢，轉意粉加錢，轉飲品再加錢，加完之後都唔算平呀😅 不過整體食物都ok，也會因為個湯而再光顧😋

第一碟上嘅喺薯條， 老實講都幾失望， 薯條外層唔夠脆， 裡面又唔夠乾身， 食落去真喺口感欠奉。 跟手嚟嘅喺特製雙重肉醬意粉(事先問咗個意粉可唔可以煮得 Al Dente, 侍應話未必整到)。意粉口感同個肉醬汁都似大家樂feel, 如果你想食有咬口嘅意粉， 呢間餐廳就未必做到了。 個肉做得幾好， 肉質幾軟熟， 煎得都算香。 再嚟一碟西餐廳基本菜色煙肉卡邦尼意粉。煙肉過多， 蓋過了奶和蛋黃的香味， 煙肉亦冇煎出它的香味， 嗰收汁做得唔太好， 成碟意粉偏濕， 恕我直言， 真喺唔合格。 我諗open rice佢咁高評分， 真喺d香港人中意又平又大碟， 對食物質素唔講究，又或者可能唔喺食嗰度d 意粉， 先評得出咁高分。 流口水指數：🤤

朋友生日，訂左依間餐廳慶祝✨ 果日盪失路遲大到！餐廳無取消我地booking，個員工打左比我地，仲教我地點行，nice。店內環境都幾細，大約得五張枱左右，但都keep住有客人坐滿。因為難得既生日聚會，所以我地係間餐廳坐左三個鐘都有，但都無吹我地走！-至於食物味道方面，樣樣食物都唔錯！加$20可以每人有個套餐，包湯，蒜蓉包同野飲，都幾抵。依個湯我覺得幾正，鍾意食菇不能錯過！入面勁足料，每啖都食到一粒粒蘑菇，唔係普通忌廉湯再加小小菇咁，正！不過有朋友嫌太重菇味🤣依個意粉正，有好重黑松露、香草味，加埋菜、鮮蝦同蘑菇，夠多餸有層次感。意粉係乾身，唔會話有太多醬搞到好濕黏咁，食落一d都唔濟👍🏻另外朋友叫既都好足份量，每人叫一個餐絕對食得飽。賣相好，而且食物味道都超好。係一個難忘的生日🎂

閨蜜生日飯，香港、九龍友殺入試元朗小餐廳。 餐廳座位( 餐廳註 :廚房只有一個人工作請大家耐心等候)，不多所以提早訂枱。 訂枱時餐廳推介備製 慢煮 脆皮豬手， 一試難忘 ，做得非常出色、皮脆肉嫩肉…… 比其他德國餐廳還好吃。 家庭式經營感，感覺到廚師的用心！

店舖不是什麼裝潢華麗，但。。。在這竟然食到酒店般水準。。呀。。應該是比某些酒店更有水準👍👍👍👍👍古不到這裏都會有這些大師父👍👍👍👍👍服務員都好有禮貌👍👍👍👍👍一定會再來幫襯👍👍👍👍👍

冇下次，新屋係附近行去個邊搵下有乜食，行行下見到尼間個樣好似ok喎，點知原來間鋪得個樣，野食都係得個樣，價錢同區尼講一般偏少少貴，服務一般。講返野食，蕃茄汁燴飯得個酸字，好似冇調味就咁放茄膏咁，我食左幾啖冇胃口，入面啲青口仲腥腥地。男朋友個fish and chips食得出急凍野，魚冇乜味，薯條M記都好味過佢。最離譜係杯熱咖啡，唔使落糖就已經係甜，一飲就知道係3合一即溶咖啡， 仲應該係雀巢咖啡。好差，真係好差!如果唔想請水吧，好心都買部自動咖啡機啦!其實個到成條街都係食店，好心就用心啲做啦， 如果唔係好快俾人淘汰!

之前有食過日本和牛竹炭漢堡覺得幾好食，想帶朋友黎試下，點知坐低落單就已經話賣哂，朋友話無所謂試下其他，咁就叫左兩個主食，其中一個+20蚊跟餐，跟餐有湯有蒜蓉包有野飲。西蘭花湯+蒜蓉包，都幾濃西蘭花味，仲有小小西蘭花碎，幾有口感。蒜蓉包外脆內軟，覺得蒜蓉味濃點會更好。肉醬意粉，依到既肉醬意粉好似係用牛肉整，肉既比例都幾多，醬汁味道恰到好處。BBQ醬豬肋排豬肋排上面有好多BBQ醬，味道酸酸甜甜似係自家製醬汁，好容易就可以切開，夠哂香同軟。配菜炸薯角都好好食，唔似一般薯角，比較有口感，薯仔味道比較重。

論價錢、食物質素、賣相，全部都係普普通通，都算係過得去。但係論職員嘅態度同埋質素就真係完全唔掂。 -驚喜變尷尬- 我地5個人book咗位諗住食餐farewell同埋生日飯，咁就緊係想舒舒服服咁坐下傾下計。我地仲買咗個蛋糕去，諗住食完嘢，差唔多時候就叫職員拎個蛋糕出黎，比個驚喜壽星女。 點知一邊傾一邊食就過咗一個鐘頭鬆啲。之後就有個職員走過黎話「依家係咪可以上埋個蛋糕？」 都算，個壽星都仲以為係跟餐送蛋糕，點知幾分鐘後，又有職員（應該係老板）走過黎話：「提返你地，我地呢度要收切餅費$50，你地清楚可？」我地咩驚喜都冇晒，又搞到好尷尬。 -奪命追魂趕客走- 咁樣都算，蛋糕黎咗，我地影左陣相（～10mins），蛋糕都未切，個老板又走過黎話：「我地出面有客等緊，你地可能要快少少。」我地過左5分鐘，望一望出面，一個客都冇。。。。總結： 職員唔夠醒目，毁咗我地個驚喜，算數。但開口趕人走我都係第一次遇到。 你真係咁趕咁多客等，

本人係星期六同家人去食個lunch 共兩位，本身見到大家都有話依間好食，所以就去試試。咁我地去到就同佢地講兩位啦，咁就有個侍應安排座係個四人位(兩張枱合埋果隻)。座低叫左兩個餐，咁就同佢地講唔跟餐，比杯水我地就可以，後尾佢就比左一杯水黎咁我都好有禮貌同佢講要多杯水，佢就黑我面。都唔緊要，最白癡既係野食黎左，佢地見到有三位客人想入黎食，就問我地可唔可以轉去後面張大枱，我地因爲要睇車，所以就唔想，佢地就話睇車就座門口，個門口係對住牆 用用腦好冇？仲有好多白癡野，例如 無緣無故 走過黎郁我杯水 (唔係加水，係就咁郁我杯水番我張枱果邊，好似小學雞唔比過界) 中肯講句，服務係白癡黎形容，食物是可以的，但好大份。

其實呢間小店已經唔係第一次幫襯，食過好幾次都覺得好好，證明保持到水準，值得一讚受店鋪面積有限影響，人多時候真係會稍為迫左些小先黎個磨菇湯，好鮮，蘑菇味非常之濃郁主角黎啦，德國咸豬手一黎到真係俾個份量嚇親，真係好大份，足夠兩個人食，情侶兩個share一齊食就一定岩哂先切一片落黎試下先，豬皮咬落好非常清脆，之後入面啲豬肉肉質非嫩滑，一啲都唔會又乾又刃，明顯係師傅控制火喉岩岩好，唔會太過熟，再配合埋芥未醬更加可口醒神開胃，跟餐仲有薯蓉，但只食個豬手都食到飽，真心建議要兩個人share黎食，如果唔係相信好多人都食唔哂全部 我自己就只係食左8成幾已經好飽，除左肉外，仲有幾片翠玉瓜可以中和下，今次啲瓜比上次有進步，冇咁油p.s掛住食既關係，唔記得左影埋豬手張相，請見諒呢間誠意小店值得長期支持同埋向大家推介

8人齊賀家人生日8人選了8款晚餐/食品，加20元轉餐，連湯，蒜蓉包及飲品，open rice訂位唔收加一仲有九折，盛惠950大元，好味又抵食! 個個捧腹而回! 有誠意的餐廳

上次想同個仔去試，無去到，今日同老公去試，18 : 00 第一個到達，入座 order 咗一客豬手，一客海鮮蘿簕意粉，另加十元加大意粉，加 $20 轉餐，可以有餐湯，蒜蓉包，份量係十足，埋單 $ 300 , 小本經營，唔收卡，可以理解，絕對接受。講翻d食物啦，豬手就係炸到皮脆嗰隻，但唔夠細心，應該起埋肉切件，咁食嘅人會食得舒服d ，配搭嘅薯條唔無點解覺得好硬實，面灑上d唔知咩粉，完全唔會增加個薯條嘅風味，仲覺得怪怪哋。個意粉個人覺得係差😑我覺得衰過我炒，面又係求奇放一執沙律菜，唔放好過，個湯幾好，朱古力熱飲差，熱好立克非常淡😥 結論係如果你要求飽可以

去開元朗搵朋友，隨意走入一間少少Cafe搵食。店內環境都幾溫馨。食物價錢好相宜，係令人意外的親民。價格雖親民，但食物上枱亦絕不馬虎。餐湯麵包唔比西餐廳遜色。燒魷魚圈更加係大驚喜，賣相好靚。而且份量超多，足夠幾人分享。蜜桃大蝦沙律的擺碟好特別。豬手有驚喜！外皮炸得香脆，而且非常厚肉。沾上蜜糖芥茉醬， 十分美味。牛面肉意粉的份量亦很驚人，幸好醬汁帶點微酸，都幾開胃。食物整體質素都不俗，而且店員姐姐好好笑容，但價錢可以媲美快餐店，實在超值。

禮拜日個時出左去元朗食飯朋友話呢間餐廳既豬手好出色我地就入去試下啦佢裝修都幾別緻，都全場爆滿叫左豬手, 跟埋餐~先黎個湯，原來係老闆日日自己煲架有少少菇味, 幾好飲仲配埋蒜蓉餐包, 又幾香脆~~主菜豬手出場了~ 真係好大隻LOL 我覺得2個人食都得切落去發現個皮好脆, 但入面D肉又唔乾真係唔錯另外仲叫左個BBQ醬豬肋骨有成2排咁多, D醬淋哂係面, 我覺得多左少少醬, 可以少返少少助骨比我想像多肉配埋黑松露薯蓉~ 我食完D骨都飽, 薯蓉太多了HAHA餐飲

係元朗住既我成日都出去揾下新野食, 上個星期行到去新開既圖書館附近, 見到有間餐廳都有幾多人係門口等. 有人等既餐廳唔差得去邊既, 抱住呢個心態就試下啦, 等左30 min 到有位, 好彩門口有d 位坐主菜叫左個推介既豬手, 食落真係外脆內軟! 好驚喜啊, 因為食過好多間小店既豬手, 平就平, 但就整到好乾, 呢間都係咁平, 但肉係嫩既,皮脆得黎又唔會乾到un 咬唔到, baba mama 都好鍾意食, 佢個醬係自家制, 食落似蜜糖芥末, 點埋黎食一流之後點個左手打牛肉漢堡, 都好大個wor, 牛肉唔算太厚既, 但咬落去就知佢係手打唔係機打, 肉唔會好實既, 但牛味啖左少少, 不過配埋其他配料同醬都好好味2個主菜都好大份, 我地仲加左錢轉set, 有埋餐包,湯同野飲, 原來個餐湯係老闆自己整架! 有少少黑松露味, 唔錯, 野食就正正常常