1961牛 (已結業)

Another quick dinner in the area. Another no frills HK cafe.Dinner meal set comes with complimentary soup which was decent.The stir friend noodles was tasty, a little too tasty leaving me want to hydrate myself for the remainder of the evening.Staff was friendly.

第一次寫食評就貢獻左比佢，開張幫襯過一次，跟住唔敢再試，因為想食嘅舖頭關咗門，唯有再俾多次機會佢幫襯佢。人客得小貓兩隻，又漏單，啲飯仲係生嘅，完全同意啲人講服務態度係差嘅，食麥當勞好過食佢。燒肉非常之鹹，得羅宋湯係正常。

這間餐廳看似CAFE，其實內進像茶餐廳而已，經常都食客眾多，一直都不明虛實，有天內進試一試。如果吃那些咖喱汁或是什麼汁扒飯，應該都相當求其，因此我就點了個椒鹽豬扒飯。這些椒鹽類的飯，如果不消5分鐘便端來，你就會嫌它是一早整好，或是返熱的；剛剛它就是等得非常久，最少等了10至15分鐘才端來。不過，椒鹽及豬扒質素相當好。豬扒鬆軟，但不缺肉香，有點脂肪，口感相當不錯；椒鹽則碎，溫度夠熱，味道夠香!奶茶反是極度香滑，據知附近路口的出名，但我反覺這兒的較香滑，茶味亦香濃

今日11點幾去食午餐，其中叫咗兩份午餐跟湯跟飲品，飯和飲品都好快到了，唯獨湯未上，於是食住等，點知到食完都未有湯上，於是同店員講湯未到，以下對話內容。我：唔該幫我跟跟，兩碗湯未到。店(原來佢負責收銀)：我唔知喎！於是我舉手諗住問其他店員。點知…收銀：冇人知㗎喇！之前嘅店員已經落咗班。我：咁欠兩碗湯點？收銀：我點知你哋係咪已經飲咗？我：我兩支湯匙都仲未用。收銀：我點知你會唔會喺隔離枱攞過嚟？總知上一班啲人唔係度，冇人跟。我：咁你即係話我想騙你兩碗湯？收銀：咁又唔係……(唔係就假囉！)真係好嬲，老婆就話佢咁嘅態度，唔飲湯算喇！連好簡單幫我哋問下都唔做，即使飲到都係激氣。於是好嬲咁埋單走，以後都唔使旨意會再幫襯呢間態度咁差嘅店。😠😠

土瓜灣餐廳多 但放飯時間 都好多學生所以旁邊幾間排晒隊情況下 就試試依間餐廳結果中伏😓餐牌有幾款 有午餐亦有自選扒餐 配 餐肉 腸仔 蛋 加 餐包似早餐但 個價錢就唔係早餐價我試左個午餐 白酒忌廉辣肉腸菠菜闊條麵 3/10 🥶👎🏻👎🏻一上菜 嘩 乾身到咁 搵唔到白酒忌廉🤥辣肉腸有幾塊 我諗都無半條/一條腸而家材料真係咁貴？然後 有幾塊菇同 青椒 黃椒成碟闊條麵 好啖🥶🥶🥶🥶我都唔知佢依個係炒意粉 定 撈粉但無汁恐怖唯一可讚個羅宋湯都足料有菜有肉朋友叫左份 $80 扒餐好搞鬼 有一舊粟米 / 紅蘿白 / 翠玉瓜個配撘 都 幾搞笑總結 我地異口同聲 無下次👎🏻👎🏻👎🏻

早排到附近整車，喺呢頭搵早餐食。左搵右搵，見呢間1961牛門面幾光鮮所以就入咗呢間舖。入到去都幾多人，店員都好快幫我搵到個位。坐低咗，問咗幾次想落單先有人幫手。落完單等咗5分鐘左右，店員先拎張落單紙過嚟，而張單先啱啱入😅唔緊要，我其實唔太趕時間，等餐嘅時間，聽到其他枱漏單嘅漏單，錯單嘅錯單，似乎都幾混亂。到我叫嘅沙嗲牛肉麵嚟，味道賣相好一般，沙嗲牛唔好話同d關注組熱店比，同一般快餐店比都覺得馬馬。炒蛋火腿反而幾好。早餐連凍飲40蚊，感覺質素可以好d。整間餐廳嘅感覺好似為做而做咁，誠意欠奉。

曾經好推介呢度嘅早餐比朋友同事，尤其是個雞扒，係成隻雞脾劏開，好似成塊面咁大，就算揀牛扒或者豬扒份量都唔少，湯意粉嘅餐都係心水。幾個月冇黎，今次係徹底覺得唔抵食。$48 一份嘅早餐，嗰件牛扒同大快活差唔多大，兩寸濶左右，仲要咸到不得了。友人嘅雞扒，Size亦都得返以前嘅一半，以前煎得好香口，依家就係普普通通，算係好食過牛扒。留意番，佢隻碟幾細隻吓，所以睇相樣樣野都好大。沙律菜亦都大縮水，每樣菜一塊。餐包係凍嘅，唔係整熱完之後凍返，係冇整熱過，牛油搽落去都唔會溶。從最初嘅蒜蓉包，到餐包，再加埋牛油多士，佢啲麵包都真係好有進步空間。牛油多士會好少少。熱奶茶好飲，熱鴛鴦難飲。結論：沒有然後。

很偶然的機會踏進位於土瓜灣的1961餐廰，點了羅宋湯螺絲粉沒煙鴨胸扁意粉，味道不錯，價錢亦祇是每樣37元，加上火腿扒及煎熟蛋多士，奶茶，值得向各位介紹。臨離閙時亦都有多謝，招呼不錯。

🤬🤬破壞心情的一天，食公仔麵，送線頭！？🤬🤬食食下，點解有野咬五到，並Click住我個牙釘（本人cool牙中)，有一半線已經去到喉嚨！勁辛苦！好彩個牙釘幫手，click住條線，五係已吞左落肚！！搞到我表演魔術甘，係個口拎返出黎！非講笑，條線長度有成十多cm！廚房認真要改善，同待應講返，佢開始話米粉！what? ？然後先話係綁住米粉嘅線😡😡😡如果大家想體驗，你就嘗試，我就不了😡😡😡

平時一個人放工入內進食晚餐最低消費都要100元，但質素一般唔緊要，但原來外賣只需50至70元，但食物全一樣，坐係度食好似比人搵咗笨，而且一看就知哥登堡餐廳分支，但價錢貴很多

去土瓜灣食早餐，原本目標係去第二間食開嘅茶記，泊低車見到呢間餐廳都幾多人幫襯，而且望到架車，又未試過，最重要係一樣有我想食嘅豬扒餐，咁就入嚟試吓。冇抱住好大嘅期望，反而有驚喜。豬扒同雞扒都係重量級豬扒好好味，唔會過分鬆肉粉搞到淋晒，調味亦都剛剛好，有厚度，有溫度。炒蛋係我鍾意嘅炒法，絕對係近排食早餐食過最好食嘅炒蛋，伴碟有沙律菜，有誠意。腸仔唔太咸，煎得香。午餐肉係厚切，一塊等於人哋兩塊咁厚，不過唔知佢用咩牌子，一啲都唔好食，質地好淋，唔香，怪怪的。蒜蓉多士，蒜蓉醬酸嘅，放棄，下次直接走包算。友人的雞扒，起碼有大x樂/大x活果啲4倍分量，係成隻雞脾劏開放平，塊皮煎到脆卜卜，好香口，但調味略嫌有點不足，要自己加啲鹽，加完鹽之後好有食炸雞髀嘅感覺。飲品呢，淨係睇個杯都覺得唔係幾得，用膠杯，咖啡唔係即磨。我杯熱檸檬茶有成半個檸檬，一啲都唔孤寒，如果用返瓦杯/玻璃杯就會好好多。餐廳光猛新淨，招呼周到，職員有禮貌，有反應，感覺良好。下次再試下佢其他早餐。

土瓜灣，一個我不常去、不熟悉的地方。與朋友見面，經過1961，外貌協會的他，覺得似高級西餐廳，於是二話不說，走進去.....坦白，是一間比較簡潔、乾淨的茶餐廳。坐下，先送上兩碗例湯。（😅😅不過那時已接近四點，我們是來吃下午茶......我想沒有晚市，湯，不要浪費吧！）羅宋湯，材料充足，味道不太差，比一般茶餐廳的好一點，起碼不是勁鹹。😊👍🏻我們點了一份奶醬多及一份炸髀薯條。驚喜便來了🎉🎉驚喜一：不知是否因為平安夜🎄，眼前的炸雞髀，大得好像半隻雞。我明白，切開、攤平炸，看起來便會大一點，感覺抵食；不過，它真的大得誇張（可惜沒有影相，因為本身沒打算寫食評😅😅）。皮脆肉嫰，真的是生炸，好味👍🏻👍🏻；不過接近骨的位置不太熟，只好放棄。😅😅驚喜二：平安夜🎄貴少少也要點一杯凍檸樂慶祝一下，凍檸樂，只是加加加三蚊......😹😹好。似。無。試。過.....平時多數加八蚊，豪一次；加十、十二、十五便放棄😹😹最後，兩個人、兩個餐、兩杯凍飲、兩個驚喜，埋單七十六元👏🏻👏🏻這個平安夜🎄都開心了。人，簡單滿足一下🎉🎉

今日一早就去左土瓜灣開工, 開工之前都習慣食個早餐先, 咁今次去到北帝街, 平日煮都係晚市食小炒多, 咁早就冇咩機會過黎, 就一於去左間叫961牛嘅餐廳試下佢個早餐菜單嘅選擇都係大路野, 但張菜單嘅質感真係一流凍奶茶, 典型港式奶茶, 叫左少甜少冰都有跟到, 不過味道平淡左少少沙嗲牛肉公仔麵, 用光身麵, 煮得比較爽口, 牛肉就同坊間差不多, 唔係差, 平均水平蒜蓉多士同炒蛋, 見佢咁切開兩邊都覺得有心, 方包唔洗錢有烘底, 香脆可口, 面層就塗上蒜蓉牛油, 睇落好重味, 但食落淡淡地炒蛋份量多, 質素不錯, 滑, 最好食呢樣最後埋單40蚊, 以環境來講響土瓜灣算唔錯, 樓底高, 乾淨光猛, 不過食物質素一般, 希望下次有機會再來食過

同男朋友食晚餐，見到係新店，想試下，點知伏到爆炸！！！！叫左個晚巿套餐，牛柳同焗豬，前菜係忌廉湯。認真，由前菜開始都難食到爆，個忌廉湯好似水咁，然後個多士又薄。之後牛柳上黎，啲薯條凍嘅，然後啲牛肉好似皮鞋咁。個老細重要突登問幾成熟，要五成然後上菜時個牛幾乎全熟。咁你問黎個乜啊？？？？？？？然後個西西里焗豬，改名做三椒洋蔥焗豬吧啦上到黎，個豬燶曬，然後飯又乾到爆炸，之後啲三色椒重多過豬。結論又貴又難食

本身為土瓜灣街坊，知道有新鋪開張，一早 同家人落嚟食個早餐捧下場， 早餐碟頭夠大， 出品亦都唔錯， 雖然價錢唔算平，但環境搭夠， 坐得舒服，有天花吊扇，夠涼爽。 第二晚再落嚟試呢度嘅疫情外賣， $205三個餐，大件夾抵食。（可惜餓得滯冇影相） 羅宋湯夠曬足料， 羊扒夠淋，有羊味唔騷，黑松露炒意粉好香口， 龍蝦湯天使麵略嫌淋咗啲， 不過或者太好生意，侍應只畀得一個湯， 麵包亦忘記放進去， 扣少少分， 不過只是忙中有錯， 問題不大。