1963 木十豆寸

營業中

休息中

#黃店 <1963 木十豆寸>地址: #灣仔 灣仔道110號中匯大樓2樓..由踏入中匯大樓開始行兩層樓梯去到餐廳門口，所以去到入到餐廳坐低之後，無論裝修定係氣氛都非常復古懷舊。..最鍾意食係養生清燉牛肉麵，麵質非常煙韌彈牙，淡淡藥材味嘅湯底令人一試難忘，仲有不得不提嘅牛腩同牛筋都非常入味！如果可以多少少牛腩就會再飽啲🤪..滷肉飯套餐水準亦都一流，個汁真係好有台灣嘅風味。滷肉拼盤嘅餸都幾豐富，雞翼蛋豬耳豆腐乾蘿蔔blah blah blah.....店員服務態度好，午膳時間黎講係灣仔區價錢我覺得非常合理！

藍色油漆、老爺相機、活字印刷機一切都可以在這裡找到...原來1963是餐廳唐樓的年份，「木十豆寸」是「樹」的拆字，只是唐樓旁邊有一棵樹，就誕下這個名字環境好有特色，留下懷舊味道，去之前記得要book位，walk-in基本上是冇機會，因為太多人幫襯滷肉飯套餐 $65有豬耳、雞翼、蛋、蘿蔔、豆干等，幾豐富台式滷水拼盤🤤仲配有滿滿肉躁飯，不過飯唔夠熱，同埋滷水味道偏淡，滷得唔夠耐，顏色都是較淺排骨滷肉飯 $70賣相就一般，滷肉比較肥，好多肥膏，排骨睇落好乾，不過味道可接受，質感較薄，同埋唔算入味

由於自己一向都鍾意食台灣菜，而未禁晚市堂食之前朋友帶我去咗灣仔一間裝修比較懷舊嘅台式小店食晚飯，而佢個名好盞鬼，叫1963 木十豆寸，其實呢四隻字拼埋一齊就係個「樹」字🤣，見佢咁特別而且又係良心小店，當然要同大家分享吓🤪由於佢嘅小菜款式實在太多，我哋都一致贊成嗌一個set，咁就可以食多幾味，我地嗌左個dinner set ——「豆」($259)🔸 前菜：煙燻鴨胸、涼拌秋葵、涼拌青瓜原先呢個前菜係跟白玉苦瓜而唔係青瓜，可惜店員話苦瓜已經賣晒，就幫我哋轉左青瓜，有少少失望🥴，不過其他小菜都唔差，正常發揮🤣 希望下次嚟可以試到佢嘅白玉苦瓜！🔸 湯：木瓜排骨湯喺凍冰冰嘅天氣下，最啱就係飲返碗暖笠笠嘅湯，呢碗木瓜排骨湯好清甜好滋潤☺️，不過略嫌面頭太多油，如果隔咗啲油就完美啦😳🔸 主菜：烏龍茶香燻雞其實嗌呢個set最主要嘅原因係比呢個主菜吸引咗😆，就咁睇個名都覺得好特別！不過可能期望太高，食落口其實就還好，茶燻嘅味唔係好出，以為會好fresh，點知偏鹹🥺，而雞肉尚算嫩滑，但最唔明白係點解要點黃芥末食，完全覆蓋咗烏龍茶嘅清香，呢個配搭我就麻麻哋～🔸 配菜：醋溜高麗菜初初見到呢個菜嘅名，以為係酸酸地嘅

🇭🇰古早味滷排骨飯🍛 $70排骨超多 切件後有十幾件😆絕對唔會怕唔夠送飯😛仲要唔會好薄身 又唔會嚡(小編好怕食嚡身嘅肉🙈)味道唔錯 好香 夠味 但有少少油身中意食重口味啲嘅朋友又可以點豆瓣醬食滷肉飯用咗半肥瘦嘅肉🥩滿滿一層鋪滿飯面 啖啖都食到不過就覺得可以多返少少汁麻辣牛肉麵🍜 $70一上枱碗牛肉麵紅得驚人🤯不過好彩係接受到嘅辣 但唔係幾夠麻重點係主食人不是小編 所以可能試唔真🤣牛肉大大件 肥瘦比例好 而且好腍身 正❣️試埋個麵 麵質都彈牙 唔錯但朋友就話個豆卜有啲奇怪嘅味道 咬咗啖就唔敢食🙈(不過之後都冇唔舒服嘅)

而家疫情冇得去旅行，成日最掛住最想去嘅都係台灣。想好好享受下食台灣野，好自然就諗起呢一間餐廳。今次係第二次嚟，但係都好期待，因為佢嘅裝修擺設真係好有心思，令人置身於時光倒流嘅環境入面，細緻嘅程度好似去咗台灣嘅復古文青cafe，打卡真係一流掛住台灣，第一樣就係滷肉飯。所以就叫咗滷肉飯套餐，有一個台式滷味拼盤，仲有個前菜。賣相擺盤好精美，滷味拼盤有六種食物，相當豐富，蘿蔔豬耳海帶好入味，但豆腐同雞翼就唔夠味，比起上次食，味道好似失色左。滷肉飯就保持水準，滷肉分量超多，而且係半肥瘦，白飯索哂滷肉嘅汁同埋油份，每啖都好滋味。台灣野點少得台式飲品，本身套餐唔包飲品，但我都加咗一杯黑糖奶茶，佢嘅黑糖奶茶冇珍珠，但係會有一粒粒有黑糖味嘅蒟蒻粒?其實我都唔知係咩嚟，不過都幾好味同幾好𡁻

想試呢間台灣餐廳都唔係咁容易🤭 幾個禮拜前嘅夜晚想去買個外賣, 佢忙到連訂單都唔接... 😇 卒之要等到呢排佢做緊外賣折扣優惠, 先有機會喺午飯時間過嚟買個外賣返去食~本來係諗住電話落咗單先, 但店員喺電話度同我講話要親身過嚟買先有嗰個外賣折扣, 好細心~ 🥰去到餐廳嘅時候12點幾, 有Walk in客坐喺度等緊位, 餐廳滿座, 我個外賣都等咗15至20分鐘 😌茶燻雞佐烏龍茶漬飯 ($78)茶燻味都幾特別, 略嫌乾身咗少少 滷肉飯套餐 ($65)呢個滷肉拼盤啲餸都幾豐富, 有豬耳, 牛腱, 豆干, 蛋, 蘿蔔, 海帶, 雞翼, 都幾入味, 送飯一流 隻雞翼可能熟啲會好啲.. 一個幾豐富嘅外賣, 絕對會回頭再幫襯, 希望下次有機會一試堂食, 餐廳環境同裝修睇落都好似幾唔錯~ 😎

吃台灣菜想要放鬆心情，但卻一入門被告知時間限制，即使疫情期間根本沒有坐滿，覺得十分沒有人情味。1入座便開始計時，90min之後就過來收錢。明明不是茶記，服務卻堪比茶記，甚至更差。根本無心做回頭客。裡面的服務人員也都很冷面，無笑臉。味道也不怎麼樣。連一般水準也打不到。難吃。不會推薦，也不會再來。

午飯時間經過餐廳樓下俾佢既招牌吸引，感覺係一間文青小店，於是就行三層樓梯上去探一探。入到去既裝修設計非常懷舊，牆紙、餐檯、牆身裝飾都好有老台灣既風格，餐牌設計亦好特別，未食就已經對餐廳既期望值好高洛神花梳打&百香果梳打 7/10味道合格，梳打有汽，唔會太甜。蓮子水蓮 8/10蒜蓉清炒水蓮菜很好吃，但美中不足是份量有點少，價錢卻有點貴😞麻辣牛肉麵 5/10不好吃。牛肉，面，湯，三種味道不協調。麻辣湯底除了微辣，一點也不香，吃完還很口渴跟餐牌中的描述完全相反，失望😣蕃茄牛肉麵 5/10以為是蕃茄湯底，卻只見三片蕃茄🤨，湯頭完全冇蕃茄/牛肉味，可以說是極淡味的湯啊🙈然而面的份量卻很多！唯一值得稱讚的是牛肉很好吃，軟腍易咬，而且有牛肉香兩碗面的5分是給予牛肉和擺盤設計的！湯底完全不及格下次還是吃飯算了！希望店家能稍作改善。

這一間上樓台灣小店，不是朋友介紹都不懂得去，第一次是星期六lunch的時候去，太多人了，又肚餓，唯有下次再嘗試.星期五的lunch，終於有機會嘗試了，一入去，很有台灣懷舊的感覺，叫了lunch set ,不過不失，不算很驚喜，但裝修懷舊，加上不斷播國語歌，很有置身台灣的感覺，很久冇去旅行了，很是掛念，唯有當在台灣小店吃飯中！一入去時，説明只係一個半鐘頭吃飯時間，當天已經過了吃飯時間，食客已經陸續離開，不是太多人，所以我們用餐超過了二個多小時，也沒有人摧促我離開，值得一贊！❤️❤️

第一次walk in諗住去試竟然full左無位，第二次提早卜定位，一入到去成個感覺就係懷舊既台灣味，加上啲擺設，餐廳環境係幾舒服👍👍試既都係食台灣菜必點菜式，牛肉麵味道唔錯，湯底清清地，不過感覺上唔係太正宗🙃滷肉飯既味道就相對比較淡，似係變左港版既滷肉飯，可以一試，不過唔係想像中既台灣味🙈另外仲有滷味拼盤同醉雞，醉雞係類似切片既雞卷，好扎實既肉，而且有淡淡既酒香🤩拼盤就不過不失，可試可不試

黎到呢間食台灣野嘅餐廳😝由你踏足第一步入到去餐廳，就好似去左80年代咁 環境十分懷舊 整間店燈光偏暗 有種「我等著你回來...」嘅感情😂😂😂講番食物-滷肉飯套餐（滷味拼盤+滷肉飯+青瓜）$65睇相都知道佢嘅份量有幾足！滷味好入味又唔會太鹹☺️而且每樣嘢都Double咁黎 超足料滷肉飯到同我上次食嗰間伏店 係兩個世界 天淵之別😭呢度滷得好入味之餘唔會完全入口化哂 仲有小小肉絲口感！-蒼蠅頭炒米粉 $75就係因為佢個名咁盞鬼先嗌黎試下其實佢嘅蒼蠅頭就類似係一啲豆豉嘅物體 但唔係豆豉味 係香鹹嘅小炒味呢碟餸好惹味 堅似台灣街邊小炒檔嘅感覺 但係因為佢份量都幾多 所以食到尾都會有少少油膩 不過如果幾個朋友去分享嘅話就啱啱好㗎啦！😋😜-烏梅汁 +$15我哋諗住去嗰度嗌啲都係用完糖水溝點知原來佢係真係新鮮製作架喎👍🏻杯入面係有一粒烏梅飲品嘅份量/味道啱啱好係第一次飲到咁真實嘅烏梅汁-芭樂茶 +$15一樣飲落唔似糖水溝 但呢杯小小甜左d

食cafe 食到有點悶，轉下口味食台灣野，前排終於book 到位（雖然佢都好似開左好耐，仲係咁多人😅）必點滷肉飯🍛佢嘅滷肉係我最愛嘅半肥瘦😍個汁好夠濃，平時只係食半碗飯嘅我竟然食晒成碗飯，真心好味🤤鹽水雞飯都唔錯，同埋個青木瓜排骨湯煲得夠火喉，排骨肉質軟腍有口感，如果可以隔一隔啲油會更好😝 👅味道：8.5/10🤑抵食：8.5/10✏️總結：整體高質，復古風嘅裝潢岩晒打卡

知道呢間餐廳lunch都比較爆，所以提前一星期預約。Happy Friday 一行3人，個地點都幾隱蔽，喺舊式唐樓入面。有個同事之前去過帶路，如果唔係都搵餐懵。裝修真係好懷舊，倒流時光咁。約咗12:15，我哋行得比較慢，12:25先上到去。店員同我哋講,張枱已經俾咗人😔仲話我哋做乜唔打電話嚟通知佢我地會遲到。其實訂位時係有講過hold枱10分鐘。剛剛夠鐘就比左人。叫我地等12:30遲到既人既台。我哋猶豫去留之際，好彩有人cancel booking!建議唔好好似我哋咁遲到啦😛守時係美德。Menu都有好多選擇！同事K叫左個櫻花蝦炒飯。炒出嚟好colourful, 個碟都好colourful! 好香，我試左一啖。好食😋味道岩岩好。同事仲話啖啖都食到櫻花蝦。我同另一位同事叫左同一樣，古早味滷排骨飯。個排骨(豬扒)略乾。感覺似鄰家飯菜。個滷肉飯同平時食開既有分別。水份比較多，但又未到湯飯甘。味道清淡帶點油膩(啲肥豬肉)。杯抹茶latte 比想像中好飲😋P.S.啲餐具幾特別架，完全中左我心意。無辦法，女人減肥呢個事業永遠唔會停💪

週末有日係附近做完嘢，已經係中午時間，同埋朋友一齊行下附近搵下有咩嘢食。等過馬路時，就見到呢間嘅招牌，印象好似多人提過嘅文青餐廳，就撞上去睇下有無位。時間可能仲早，walk-in都有位，用餐時間就得1個鐘，不過都理解。餐廳環境好有年代感，裝潢同擺設都係懷舊台灣風，仲會播十幾年前的台灣流行曲，雖然兩樣嘢係唔同年代，不過對於食客嚟講，十幾年前的台灣流行曲已經等於舊年代喇，哈哈﹗食物方面，朋友叫左滿漢牛肉麵，餐牌話有清燉牛肉麵、紅燒拌麵、紅燒牛肉麵三款口味，但上枱我哋只係見到清燉牛肉麵，旁邊係紅燒牛肉。份量係超大，朋友食哂D肉都好滯。麵身都叫做有D咬口，但係清燉牛肉麵個湯底就真係淡口，朋友要加哂D蒜蓉落個湯度。紅燒牛肉都算淋都入味，不過成個餐都係肉肉肉，我見到就只係淺嚐就夠。因為好耐都無去台灣，都想整碗滷肉飯，就叫左台式滷味拼盤配滷肉飯，入面有豬耳、雞翼、蛋、蘿蔔、豆干同埋海帶。成碗滷肉飯上面係肥膏嚟，仲要係一條條，無切粒粒，同我期望係一粒粒半肥瘦嘅滷肉有D出入，不過都有咸香嘅。但係滷味拼盤就得D色，全部都無滷水味，蘿蔔仲幾硬，好難咬….另外仲叫左好少見的樹子水蓮菜，落夠蒜蓉炒，好惹味，水蓮

本身自己好鐘情懷舊裝飾既餐廳，上網見到依間餐廳既環境即刻比佢吸引左。上到去餐廳，好多都係懷舊風既裝飾品，見到有好多食客都會專登帶部相機上嚟影相，所以餐廳環境真係唔錯。食物方面，感覺上不過不失，我哋叫咗個茶漬飯，拌麵同埋藥膳排骨飯，味道都還可以，當然唔及台灣嘅水準啦，但價錢上都幾合理，所以中規中矩。不過唯一有少少可以改善嘅就係侍應嘅服務態度，我哋點餐嘅時候問咗幾個問題，個侍應好似好唔耐煩咁樣，所以略為失望，希望可以多加改善員工質素。