1968 Bistro (TKO Spot)

營業中

休息中

👣見附近無咩好食，求其入左一間餐廳，我點左小食拼盤（炸雞翼+炸魷魚+薯條）， 飲品係熱奶茶。🤔❤️炸雞翼：味道正常，都幾脆❤️炸魷魚：炸得唔錯，夠香脆，有少少椒鹽味❤️薯條：都炸得幾脆，熱辣辣❤️奶茶：一杯熱水連一個lipton茶包，一杯淡奶同一包太古糖自己沖。味道伏，好少飲d咁難飲既奶茶，飲左一啖就無飲🥲🥲

一人午餐時間！❤️今次試吃這間餐廳是尚德商場中比較開揚的餐廳，裝修是很有80-90年代西餐廳的感覺，我坐的是「卡位」，所以非常寬敞。❤️今次叫了午餐的「吉列魚柳伴薯條」，配上是日餐湯「粟米湯」及餐飲「凍檸茶」。❤️吉列魚柳十分夠份量，炸得十分香脆，魚柳沒有雪味，加上醬汁，味道有驚喜！薯條是粗薯條，特別好吃！粟米湯應該是用粟米打碎煮的，味道不錯，但略嫌多粟米打碎了的皮，令到湯有點減分。凍檸茶亦不錯，有茶味，檸檬亦足夠。❤️😋

周不時尚德商場都是我的飯堂，有時候同同事一起去吃午飯都想不到吃什麼，我們便會去1968 Bistro，試過一次，都覺得那裏的西餐不錯！今天去吃了一個紅酒燴牛肉飯，牛肉多汁，而且有紅酒香味，落去口感不錯。而且午餐餐牌上都有很多選擇，選擇相當多元化。飲品方面，咖啡都是濃濃的咖啡香味，基本上整個午餐都是非常圓滿。至於環境方面，在屋村商場，但有一間西餐廳，而且座位舒服，環境有一些懷舊，感覺去了懷舊餐廳的，大家都可以試試哦！❤️❤️

放工後諗住食個甜品，因為落雨，所以近近地試下，見相片同評價都唔錯。。點知。。叫左個下午茶 ： 心太軟，熱咖啡。我估心太軟應該唔係自己整，偏甜，但都少少流心啦，蛋糕口感怪怪地，有少少 （銀銀）地嘅感覺。至於咖啡。。我鍾意飲齋啡，冇香味之餘，飲一啖，超苦同時帶少少酸。。我唔識品嘗咖啡，但都覺得好差。我試下加左奶。。。哎。。。加左仲衰，唔知點解加左後，好似有啲（叔）味。。。。可能因為價錢便啦。。。心太軟連雪糕，一杯飲品，都係$48。。。或者拿破崙蛋糕，芝士蛋糕會有水準啲，唔係甜品類都可能唔錯嘅。。

餐廳半開放式 環境舒適 座枱距離較寬闊 點了三個餐 卡邦尼意粉 忌廉蛋汁稠杰度剛好 不會太溜 薄餅餅底脆口 非常可口 煙三文魚沙律配牛角包 🥐牛油香酥 配咖啡 正呀 餐後加左個雪糕球做甜品 大滿足

意粉食落好好味 唔會太淋或太硬 蜆肉份量都唔少 但有幾粒有沙 食嘅時候要小心 蒜片份量都多 蒜香味好重 會比較辣意大利飯比意粉較重味 但都唔會太咸 而且好有咸蛋嘅香 相對比較驚喜 而且🦀肉份量都唔少 都幾值得一叫安格斯牛肉漢堡比較普通 而且菠蘿食落似係罐頭嘅 薯條比較淋 而且唔多 以上3份主菜都係套餐 會跟配一杯飲品同餐湯 但餐湯得一款 只有雜菜湯 但唔會好酸 相對比較甜 而飲品方面 無論係凍飲定熱飲都唔需要加錢藍莓芝士蛋糕係跟套餐加$22 食落好滑 而且好實 值得一叫 佢地分別有蜜糖芝士蛋糕 藍莓芝士蛋糕 曲奇芝士蛋糕

本身都住開將軍澳，但就比較少去尚德商場今日咁啱要去唐明街公園做強制檢測，所以就去咗尚德商場搵嘢食😋上網見到呢間餐廳都幾多人推介，又係我鍾意食嘅西餐，所以就決定去試吓😋😋餐牌有好多選擇，相片望落都幾好吸引🤩order 左兩個lunch set , 有湯又有飲品都幾抵食湯係蕃茄忌廉湯🍅，個湯好creamy, 好濃蕃茄味，如果鍾意蕃茄嘅人應該會好鍾意呢個湯😋溫泉蛋卡邦尼意粉🍝賣相好靚，食落好creamy, 但又唔會太漏👍🏻大蝦意大利飯配鹹蛋黃同樣唔會太漏，好好味👍🏻大蝦竟然有六隻咁多，非常足料👍🏻

前幾日去咗呢間食下午茶，價錢都唔算貴而且仲包埋嘢飲入到去坐，環境都唔錯，坐得都舒服嘅點咗個紅酒燴牛肉飯、鴨脾配黑松露薯蓉同埋小食拼盤食物方面，餐湯好好飲，個黑松薯蓉超好食，小食拼墊盤嘅性價比都高，而個鴨脾都還好，但牛肉飯就好普通。個侍應叔叔好有禮貌，問佢咩佢都好有耐性答我哋價錢方面，因為學生有8折，最尾三個人都係食咗around $180嘅下午茶，都幾抵

如題。今日用第二部手機嘟完安心出行之後輪到針咭，佢話唔接受我用電話影低既針咭。我好似突然明白，點解隔離嗰間magic touch咁多人喺出面等，而佢地入座率不足五成。之前每次出街食飯都係嘟電話入面張相，今次係第一次被拒絕入座，實在受教了。冇興趣import針咭入安心出行既朋友請注意，唔好摸門釘。至於評分，佢對防疫政策咁認真，衛生五星。入座率低，環境清靜，就咁經過都覺得可以俾三星。食物就冇緣試到啦～最後祝店家生意興隆，長做長有！

第一次寫食評，竟然因為一間從來未食過嘅餐廳寫，連枱都未坐落，連續兩次淨係排隊都受到超級冇禮貌嘅對待，冇諗過一間西餐廳嘅員工，着得斯斯文文態度竟然咁差。第一次排隊，已經好受氣，嬲到即刻走咗，不過詳情已經唔記得。今次一行八人，去到排隊，職員要求兩個人分開幾張枱，我同佢講等兩張四人枱，點知佢話「咁你慢慢等」，其實我真係預咗慢慢等，但係啲語氣同態度使唔使咁過分。諗住經歷第一次，俾個機會佢坐低試吓好唔好食，點知今次又係咁，一世都唔會去幫襯！

假期放假要好好享受一個早上由一份豐富早餐開始，西式早餐好豐富，也配有一杯香濃咖啡。其中一個餐有薯蓉、炒蛋、腸仔、煙肉還有少少沙律菜，份量都幾多，薯蓉最好食，可以encore.

本身自己住將軍澳，但尚德商場一向平民化，見有間新開既餐廳🍴睇過餐牌唔錯，決定搵個節日黎試下～ 當日我地都叫左好多野食，名同價錢就唔太記得，而且有好幾個小朋友一齊同行，所以都冇話樣樣都手機食先～ 😂當中最記得既菜式一定係汁燒牛脷！超好味😋小朋友都好鍾意❤️第二鍾意肯定係佢地d薄底pizza!我地叫左3個款式😂😂😂自己最鍾意明太子蟹肉意粉🍝搞掂完小朋友，個意粉本身都凍哂，但凍左都唔難食，俾個讚～～～ 賣單方面ok la! 價錢都屬於平民化！絕對值得一試～～～有小朋友一齊既家庭，最緊要坐得舒服😌野食又岩大小朋友，所以絕對推介～

午市套餐 夏威夷pizza 80至90蚊左右 包一個湯再加一杯嘢飲 餅底 估計應該是現成買 不是廚房新鮮製的那種 薄底脆邊 味道可以午市套餐油封鴨黑松露薯蓉 佢嘅薯蓉係新鮮製 唔係用水開嗰啲因為食到薯蓉粒 好食 油封鴨稍為硬咗少少 味道一般呢個係套餐嘅蕃茄湯有啲似番茄蓉加入忌廉湯嘅感覺味道都好味套餐加咗38蚊轉特飲咗玫瑰荔枝梳打簿普通通 仲有一個芒果沙冰冇影到嗰個好大杯 冰粒唔會好粗味道亦好味呢個 不錯哦另外單點鵝肝 138兩件 火候啱啱好中間溶溶哋唔會過熟 味道不錯沒有加一 午市套餐呢個價錢嚟講性價比 抵食唔錯 但如果晚是單點 散叫價錢貴少少 而且服務一般 晚市未必會選擇午市下次再去也ok， 學生出示學生卡 有八折但只限星期一至五。

只係經過隨便試吓，結果覺得每一碟都好食，每一碟也沒有令我失望，而午市套餐價位也不錯OK！只是覺得中央冷氣不夠，但係這個唔關這個餐聽事，係管理公司嘅問題姐⋯⋯小問題！食物絕對係好食😋叫了個南瓜大蝦飯，個南瓜汁甜到不得了！(南瓜溶的天然甜味)周打蜆肉湯好味內附：兩隻蜆仔炸魷魚圈香軟鬆脆好味，牛油汁炒蜆，汁好香，沒有沙，好好味！咖啡的奶是分開另上的，自己落，自己拉花，自己玩！提醒：此咖啡比外面普通的咖啡☕️重口味好多，回甘味極重！

自從幾年前一齣低成本、但破了香港華語電影票房紀錄的台灣電影之後，「那些年，XXXXXX」這句口頭禪就不停被濫用；但又真係好好用，尤其是想感嘆一些幾十年之前的事情的唏噓。就好似今日，本來只想去附近商場買一些體育用品，順道在商場內隨便找一間餐廳午飯，見到了這間「1968 Bistro」，即時聯想起那些年位於銅鑼灣禮頓道的「印尼餐廳1968」；本來已經結業，但後來又在中環重開。很難想像兩間沒有關係的餐廳同樣以1968作為名字，究竟有沒有玄機？雖然只是領展商場（原本只是屋邨商場），但經過裝修後，也融入了私營商場的設計概念，容許開放式餐廳運作。餐廳雖然只有簡單裝修，但採用了黑白花紋圖案地磚及仿彩繪玻璃牆身，也算有點特色。最吸引是餐牌，一頁兩面。其中一面的扒類套餐，唔算特別便宜；另一面的午餐就非常抵食。最估唔到屋邨餐廳的單點餐牌也有32安士斧頭扒（$788），不過沒有註明是什麼級數牛肉；如果唔係澳洲M9或者USDA Prime級別，就唔算特別便宜。講番轉頭，究竟有沒有客人會在屋邨餐廳（尤其並非正規扒房）揀選 Tomahawk steak？唐揚芝麻雞翼（$58）有點日式風味，炸熟之後灑下芝麻及少許香