1968 Bistro (汝州街)

營業中

休息中

為慶祝限聚令終於放寬至六人，今日就約埋幾個同事聚首一堂食餐lunch。呢個舖位最近轉手為西餐廳，又可以經OpenRice訂枱，一於嚟試吓。午市套餐包餐湯或飲品，價錢相宜，又唔駛加一，既然難得出嚟食，就食好少少，一於all in $88嘅餐。再加多個肉眼扒，咁就夠哂我哋開心share。是日餐湯係南瓜忌廉湯，上枱是熱辣辣，入面有少許南瓜肉，味道唔錯。肉眼扒揀咗七成熟，不過我就嫌佢煮得比較熟咗啲啲，配菜有薯仔、芝士番茄同蘆筍，色香味俱全。龍蝦汁大蝦意粉除咗有蝦仲有青口，意粉彈牙。和風一口牛柳粒飯嘅牛柳相對較少，好似唔夠我哋一人一粒😅勝在有大量菇類搭夠。咖喱牛脷焗飯上枱又係熱辣辣，而且勁香，牛脷係厚切，仲有三大片，呢個唔錯！Pizza新鮮香脆，勁多芝士，個個食得好滋味！芝士漢堡再加菠蘿真係絕配，漢堡扒真材實料夠厚肉，配埋薯條，我覺得呢個餐最抵食！好耐未試過圍埋一班人食飯，來個大合照就開大餐👍🏼😋

Couldn’t believe an ole HK burb would serve such as nice western meal!   I ordered a light lunch for $58 which included either a soup or tea/coffee - and the soup was a nice warm clam chowder!Shockingly wallet friendly lunch meal  - with a decent salad portion, with a seared just-right and moist chicken leg with skin (light marinade) with a garden salad 'tossed' in sesame sauce (Japanese styled).  Normally I expected to have some sauce just drizzled on top, but this place had well made dishes.My

不經意經過發現這間餐廳，決定今天限聚令鬆綁後，要試一試。意想不到的質素，基本上點每一道餐都好滿意，冇投訴，物超所值，大家都好滿足，一定有下一次。Like👍🏻尤其是Pizza非常正宗。焗飯同意粉都好有水準。最重要仲可以飲酒添。三五知己飯局好去處。本想加$12食埋movenpick 雪糕球，但最後實在太飽了，留待下次再試其他。我們一行四人，每位也只不過是$170。見到呢度午餐牌，好似唔錯，下次可以黎試吓。唯一要改善，就係冷氣風口直接吹落枱面。

深水埗草根地方有間門面很優雅的西餐廳, 的確有亮點, 店舖很細, 眼見有三位男士服務員, 都讓你感覺是行優雅風的招待的, 餐具是銅色, 又再優雅一點, 但價錢很經濟, lunch 主要是三種價格 : hk$58, 68 及88, 仲要無加一服務費, 真心覺得物有所值, 日式吉列蝦拼豬扖飯有兩條吉列蝦, 真係有bonus 的感覺, 菠菜龍利柳焗飯雖然菠菜味唔係好出, 但賣相好田園feel, 而菠蘿烤雞薄餅中有一口口的洋蔥香味, 雞肉很滑, 菠蘿雖然不是新鮮菠蘿, 但也不會得個甜字, 很有home made feel, 最後加hk$12 的Movenpick ice-cream, 囝囝飽飽了。

今日去開深水埗，順道試下雜誌介紹的新開食店。出地鉄站行數分鐘就到。試左今日$68午餐，蒜香蜆殼意粉。餐湯是南瓜湯，奉上時熱呼呼，好濃好味！據知他們每日製造，唔怪得之拉！

路過見下午茶合理價，同朋友一齊入去試。首先service係ok既，由俾餐具就知。下午茶叫咗個溫泉蛋卡邦尼意粉，青咖哩配法包，可能我真係好肚餓，青咖哩得幾粒雞粒，3小片法包滿足唔到我，所以我再鯨吞朋友叫既卡邦尼意粉，先有滿足感覺，我心諗如果可以食多個芝士蛋糕就perfect啦，但可惜朋友唔肚餓，無叫蛋糕食。杯咖啡味道差d，味道好香，但飲落無乜咖啡味。廁所門鎖怪怪的，差啲出唔翻黎。整體食物質素係ok, 但份量最好加20%，尤其青咖哩真係好少，幾啖就食完。

疫情下好多店都唔做堂食只做外賣，今日難得去深水埗買野，見到間花花門面既cafe, 就試試佢！同朋友一人叫一個意粉，朋友叫既係泰式青咖哩雞肉意粉手機食先～顏色係好繽紛既，蕃茄同茄子令人睇得好開心味道係有驚喜既：：青咖哩好夠辣😋雞肉又嫩滑入曬味！而我試既係牛油果醬蟹肉意粉🍝蟹肉係好足料既！真正啖啖肉，反而牛油果唔係太濃味，所以清新而唔膩👍🏻香草炒意粉都爽口好味既。另外都試左雲呢拿咖啡個人覺得甜左少少，不過拉花都靚既原來呢間店都好多意粉揀既，下次再試下其他野🤩

疫情肆虐下竟然有人開新店，一於以行動支持店主的勇敢。進店才11:15，當然冇人，也樂得清靜安全。發現星期一至日都有午餐供應，$58 /$68/$88都有，選擇頗多，價錢都抵，友人點了白酒蜆意粉，我點了菠蘿安格斯漢堡。意粉先來，友人並非相機食先之流，所以冇相提供。喜歡吃pasta的友人試了一啖，表示意粉調味好，清酒蜆正常清甜，著我試了一口，我都覺得佢評價公道，確係幾好味。我的漢堡來到，忍唔住影左張相。個漢堡的材料非常豐富，漢堡扒約七成熟，配果件厚切芝士加菠蘿搭配到不得了。很欣賞的還有是漢堡面的炒洋蔥（其實仲有酸瓜，可惜我不吃直接拿掉了），連同新鮮（真係食得出新鮮）脆生菜加蕃茄，是十分誠意之作。因著這份誠意同好味，這家新小店將會是WFH時的午/晚餐之選。

疫情下新店開張我都覺得利害，小妹一定支持。💪🏼👍今日途經深水埗汝洲街發現一間名字叫 1968 西餐廳開張，門外花海一遍心想今晚剛好實施疫情限令，全城餐廳不可堂食，這間 1968 餐廳竟係呢刻開張，真心祝佢好運支持佢。店長禮貌親切為我們度量體溫後帶我們入座，餐廳佈置在該區內屬一所高級餐廳，環境優美座位舒服，高掛燈飾令人悅目。午餐套餐選擇算多👏🥄新張期間均送餐湯，是日餐湯是南瓜忌廉湯。🍴意大利芝士蕃茄薄餅 $58我今日想食薄餅，香脆薄餅底可口，餡料簡簡單單夠清新，芝士同蕃茄份量恰好。🍴肉醬意粉🍝$58意粉柔軟度剛好有嚼口，肉醬煮得香濃入口惹味開胃。☕️跟餐咖啡質量不錯，香濃醒神。1968 命名其實有點衝動想問係咪店主出世年份🤣🤣，整體來講環境同食物都不錯，加油啊！免加一每位承惠$58