1987 Hot Dog (已結業)

隻雞翼賣哂就無！琴日食完，今日想再食就賣哂！得老闆一個人做係辛苦啲既😂算啦，唯有下次早啲去買🤣老闆轉過手，上一手好無食我就唔知，但今手隻雞翼堅好食wo 😳雞翼炸得皮脆肉嫩，一咬爆哂汁阿陰公🤤，因為佢包著兩條芝士腸係入面🧀食既時候要小心，如果唔係會整到件衫污濁哂嫁👌🏿但唯一既不足係芝士腸既芝士味唔夠濃，因為我食開重口味嘛🙈但真係值得一試既，怕食唔到就早啲去啦😉同埋好食既野貴貴都值比既，$12抵食啦😬

好野食有時候要捐窿捐罅，呢間熱狗店想試好耐，睇過雜誌介紹必試口水雞熱狗，就試下佢，心諗兩樣野大㰖都扯唔埋既食物到底夾埋一齊會係點？原來係好好食好夾既野黎，先講麵包，夠熱夠鬆軟，個底更係脆的，非常有誠意之作，跟住係個重點口水雞，辣得黎好香口，唔食得辣都接受到既辣黎，個咀麻痺後個口入面人仍然可以維時一定的口水雞味道，齒夾留香，將個辣囅溶入條腸及麵包度，提升另一個層次，真係好配合，抵我特登過黎紅磡幫襯。

好耐之前老公試過佢地嘅熱狗，覺得冇咩特別，所以我都冇諗住試，直至有一次見到電視介紹佢地嘅腸仔釀雞亦，一見到就好想試喇！今晚屋企冇飯食，叫左老公落去買，返到屋企隻雞亦外皮仲係脆脆地架，好夠味，食落口有啲胡椒味，啖啖肉，好食呀！另外買左個原味熱狗，加左芝士醬感覺豐富啲，阿女話熱狗味道一般，但最後佢竟然成個食哂呀，我估應該都唔差

🌭🌭🌭🌭🌭🌭🌭🌭🌭🌭🌭🌭🌭🌭🌭🌭呢間開左我諗半年到既熱狗店，次次經過諗住試佢個炸子雞翼都無得賣，然後見到個新假期報導佢個熱狗之後就特登去試下。咁一定要試佢個口水雞熱狗啦！果然好好食！🐣因為我本身就唔係好食辣，但口水雞本身又好野味，見到咁既配搭咁緊係要食啦！口水雞有小小小小辣，真係我都食到既辣就唔係辣，但個麻勁真係好過癮，但又唔會搶左個熱狗既金身！雞都算滑，冰鮮係咁上下，無咩雪味都算係咁。加上有小小花生碎就香口啲啦，但上面既海苔粉就完全食唔出個味。個包包烘下都鬆軟既，但可以多啲啲牛油味。條腸就放過佢啦，食完個雞都唔記得左個條腸啦，只係有印象食過，會飽啲囉。但整體黎講係值得一試！😉👍🏿另外仲有個班尼迪蛋蛋熱狗🍳，我建議下次可以先食民個再食口水雞，因為我食完口水雞，呢個個味已經唔係好出，但係唔可以話唔好食，較為普通小小，無口水雞咁值得食。兩個熱狗都係$48，咁緊係口水雞抵食啦！現在只要食過$30，就送一罐汽水！話說個老闆好nice，不停同我地傾計，傾傾下傾到佢自己話就黎唔做啦，因為鋪租太貴，做埋都係多過出去幫人打工小小。諗住就黎唔做。記得上次我食到人地執苙間野(Fat Angelo) 係我兩

難得今個星期五😌放假，瞓到11点才起床，心血來潮😉就去红磡覓食啦～，下晝2点幾食完文華咖啡冰廳一份扒麵餐後，仍口痕痕，耳猶未盡隨意逛逛，行到差館里，偶然發現一間頗有特色嘅小店……1987 Hot Dog店舖雖小，只有百多呎，但店內外都佈置得頗有心思充滿好奇心的我被吸引了坐下問老闆，有甚麼招牌小吃，但不要太飽，他推介我試一隻炸子雞翼釀腸仔$12, 我諗又吾貴，試下啦！不過他說要等5-8分鐘，因為雞翼是生炸，需時等候。一隻香噴噴嘅雞翼终到我手，外皮炸得似豉油色，炸得好均勻，火喉控制得很好，咬一啖，感受到甚麼是皮脆肉嫩又多汁，再吃下去，發現雞翼去了骨外，還刁鑽的是脆皮腸仔釀在中間，太巧手…好绝，兩重口感，脆上脆…妙不可言 !!雞翼皮薄，兼且沒有平時坊間吃到有些黃色肥膏😞在雞翼皮內邊，女士可以放心吃多兩隻。因不是繁忙時間，只有我和老闆，他很健談，和我聊天。原來老闆一人包辦，並無其他店員，他每天工作14小時，好勁呀！除了美味炸子雞翼釀腸仔外，還有他親自調製的特式醬汁熱狗，原始風味…至爆醬班尼迪，價錢由$18~$48。近期熱門口味係口水雞，雞肉絲配搭麻辣醬，花生碎和沙律菜，睇到已流晒口水，下次要帶

兩個位 有凳 但預企或外賣腸仔雞翼即炸 食嘅過程中聽到有好多人行黎柯打 甚至乎致電留貨 如果係爆芝士應該會仲正另外試左口水雞熱狗真係未試過呢個組合 雞肉嫩 醬汁好正 食到中途咀唇開始麻麻地兩個人食左90蚊兩隻雞翼 兩個熱狗 加罐汽水 好抵老闆愛吹水

上星期六去左紅磡探個朋友, 咁啱大家都未食野, 我地就落左街睇下附近有咩好野食, 行下行下經過依間熱狗店, 我地比個咁有心思既MENU吸引左入去, 睇下有咩食先。雖然鋪面細細, 但鋪面上面既擺設絕對睇得有花心機, 再加上MENU上面既公仔全部自畫, 見佢咁有心思, 我地就決定入試下, 支持下小店啦‧揀左一陣, 老闆承意推介近排出既新產品, 分別叫左個口水雞熱狗, 口水雞蕎麥麵, 香炸雞翼釀腸仔。依度所有野都係即叫即整, 時間亦唔洗等好耐, 食完一樣先再上另外一樣, 唔洗擔心因為食物放得太耐而凍左。香炸雞翼釀腸仔: 雞翼炸得色澤均勻, 第一啖咬落去雞肉一D都唔乾, 仲好JUICY。最利害之處係, 可以釀到兩條雞尾腸入去隻雞翼入面, 完全無外露出黎, 依個真係好巧功夫去做, 用腸仔釀入去雞翼既做法, 我真係第一次食, 又香口又JUICY, 好味! 絕對有驚喜!口水雞蕎麥麵:口水雞肉食落去好嫩滑, 味道好入味(有四川風味), 辣度適當好處, 而口水雞下面有d沙律菜, 感覺無咁heavy, 再配埋個蕎麥麵一齊食撈黎食, 真係好開胃, 好啱夏天食。口水雞熱狗:初初以為係個熱狗包入面放d口水雞入去

雖然店舖唔近地鐵, 如果唔係有親戚住附近, 都唔知有間隱世既熱狗小店小店真係好細, 有好幾款熱狗同小食賣...買滿HK$30仲有汽水送~ 入面只有旁邊既兩張檯仔供堂食, 所以呢度其實主要賣外賣多....------------------------------【香炸雞金翼釀腸仔】HK$12/隻炸雞全翼食得多, 呢隻雞翼皮係平時我地係酒樓食落既炸子雞皮一模一樣, 而且老闆好貼心地將雞翼去骨, 再釀左兩條脆皮腸落去..... 見到隻雞翼脤卜卜, 咬落去啖啖肉, 岩哂我地呢d懶人~除左皮脆外, 入面仲食到鮮嫩肉汁, 連埋入面既脆皮腸一齊食, 真係好爽啊!! 呢個出面絕對少有, 值得推介!!!【芝士蘑菇熱狗】HK$38除左芝士,蘑菇外, 中間有兩條慕尼克白腸, 因為芝士好濃, 所以cover埋白腸既味道, 但條腸既脆皮好爽脆, 成個配搭都唔錯!!【口水雞熱狗】HK$38入面有熱狗腸, 再加左手撕無骨既口水雞, 夾埋口水雞既香料一齊食, 味道好香, 但個人覺得如果口水雞整到辣辣地, 味道會更好!【意大利辣肉醬芝士熱狗】HK$38極度邪惡既芝士熱狗, 芝士多到漏, 仲cover哂辣肉醬....辣

又回到自己的小社區，繼續為大家找尋「食好西」。這次介紹一下這家小店，真的是小小店，這家店也是小得很的，它的位置是於觀音廟往家維邨方向走的一條小巷子內，是在一家麵包店對面的，這家店每天就是一人工作坊，但都有很多在附近讀書的學生去吃的。這家店不是很多款式選擇，沒有那些饅魚，鵝肝，只是普普通通的熱狗，比起同區的某家有少許名氣的熱狗店扯不上關係，因為這個是。而這家店的熱狗有9個款式選擇，1. 原始風味熱狗 - 豬肉腸 + 自選醬汁2. 港式熱狗 - 有蕃茄，生菜，豬肉腸 + 千島醬3. 青芥辣雞肉熱狗 - 雞肉，青瓜，豬肉腸 + 青芥辣醬4. 泰式酸辣蝦熱狗 - 洋蔥，酸辣蝦，豬肉腸 + 酸辣汁5. 芝士蘑菇熱狗 - 蘑菇，芝士，慕尼克白腸6. 牛肉腸洋蔥熱狗 - 香蔥，洋蔥絲，牛肉腸 + 燒肉汁7. 法國油鴨肉熱狗 - 法國油鴨肉，豬肉腸8. 意大利辣肉醬芝士熱狗9. 爆醬班尼迪熱狗而我當然選了我最愛的，芝士蘑菇熱狗!!! 芝士嘛... 不能拒絕 >V<HK$38 這個價格已經包了一罐罐裝飲品(汽水)，算是平民價了...等了10分鐘，熱狗送到了，由於一人工作坊，故之然要自取啦

讚：1. 辣肉醬很 traditional，絕對西方風味2. 熱狗包有微薰過意見：1. 可加推 Chill / Taco 之類食物2. 可加推加辣版熱狗讚：1. 流心蛋滑滑不留口2. 熱狗包有微薰過3. 醬及調味剛好，brend together 的感覺讚：1. 熱狗包有微薰過缺失位：1. 芝士醬蓋過了雞肉腸的味道意見：1. 煮雞肉腸的時候加重調味 

當晚加班了一會，離開已是宵夜時段。感覺不太餓所以只逛逛看有什麼好吃的。無意中發現了這新開的熱狗小店。看樣子是店內年輕人自己(猜是店主)開的，佈置及餐牌都是自創的，頗有趣吸引。餐牌定了幾款配搭好的味道，有港式/泰式/法式/意式等各有特色。由於想要豬肉腸所以我點了原味試試，不想要辣肉醬所以加上了芝士 topping及走芥辣，店主表示會是芝士醬，沒有問題罷。有點冷所以買回家才吃，所以入盒了。同時見有外賣意粉$25一盒，店主說這分量很多很飽，下次可以試試。回家打開來見熱狗賣相不錯，也頗大件。麵包是烤得脆脆的，豬肉腸皮脆味道正常，另加的芝士醬也不會太稀，有加了點忌廉的感覺。吃完宵夜分量剛好，也只是街坊價$24，不過份。

初初最先吸引我的是1987這個店名.....因為這個跟吃貨車厘有莫大關係...今日決定去試試佢但我想看看餐牌時...發現全部都是人手繪畫的...很用心呀👍👍...是次我選擇了雜誌都有介紹的爆醬班尼迪熱狗點餐後..老闆即時制作的...保證熱烘烘😋😋😋👍係老闆整緊熱狗時....我再欣賞佢地人手畫既餐牌...發現原來佢地除左熱狗...仲有售意粉...繪畫得很吸引...下次一定要試試啊無無聊聊周圍望😂😂...發現有個願望牌...等待時...大家可以寫下願望..或者...對愛既人表達一下愛意...或者對方會睇到呢...吃貨是個比較有感情既人....除了食物...這個我十分欣賞其實制作過程...只是等了五分鐘左右😁😁...老闆話...如果覺得凍左...可以用微波爐翻叮30秒....馬上拿回去品嚐...原來都幾大個呀...整個都輕微燒過的....香腸很滑很脆皮...煙肉脆脆的...一咬就開...食到蛋既部分...一咬便流心😍😍😍...熱狗飽很鬆軟...一路食...一路有d汁漏出黎😂😂...真的很爆醬呀😋😋😋老闆提示...如果怕等...可以先打電話給他們落order...告訴他們什麼時候會來取貨...

第一次見到1987 Hotdog, 好開心, 正在我家樓下, 於是一試, 第一次食original, 靚仔老闆送左啲生菜, 超好味! 之後試過港式, 蘑菇, 洋蔥牛肉, Benedict, 各有特色, 全部都好味, 每次都保持水準, 食材新鮮!因為我唔食黑椒, 唔食辣, 靚仔老闆都盡力配合, 太好人啦！ 加汽水都係4 蚊! 總之就係正!

雖然寫就寫只限外賣 但鋪頭門口都有塊版仔 可以比人企係到食小編今次試左no.9爆醬班尼迪熱狗 原本想試no.7可憎賣光了 no.9除左班尼蛋重有煙肉 同秘製醬汁 店主會比隻叉你方便刺穿隻蛋 等啲蛋汁流落黎 p.s小心會食到周圍都係 因為蛋汁比較多 即使有張紙包住都會爆漿重有意粉揀 如果唔夠食可以試埋意粉 支持小店 下次會再黎第一次嘗試唔錯 得老闆一個工作 幾有禮貌

網上查看此店的食評及雜誌的報導後...就想去試試..是否真的那麼美味?找到面書及嘗試詢問是否可以先點餐,後到取...結果回覆是可以...yeah..介紹此店的多數都是班尼迪蛋熱狗...但$48去試一個熱狗又覺得頗貴的...就試試另一款:泰式酸辣蝦熱狗及香辣肉醬意粉..食物都是即叫即制...好新鮮.熱狗-包是塗了牛油再加生菜,豬肉腸,蝦的...蝦是後期加上的..所以不是新鮮弄的.醬汁好多...多到最後弄到一手都是...haha意粉-從煮到抄..見住如何誕生...熱呼呼的..飲品-加hk$4就有...店主話新的道地冬瓜茶...甜甜地..不過可能是凍的..所以不覺太甜.