2+2 Café (已結業)

早2日先食完同集團嘅帝京，因為上網已經無得訂位，就打算直接walk-in去，但當日出發前打去酒店有話枱，時間1:00～2:30$228再加一12：50分到，未夠1：00已經可以坐，因為職員話比張近啲，拎食物近啲，所以等咗一陣。入到去覺得食物種類比較少，但都有生蠔(係可以 新鮮嘅)同凍海鮮(虾 青口同蟹)就比較差，虾有啲係“梅”，刺身有4款三文魚 吞拿魚 2款唔記得(但只有三文魚比較擺得入口)壽司比同3蚊一件嘅x鮮差不多，熱食都一般，反而有啲似茶餐廳feel，但湯麵類就唔錯(豬肉片 魚片)，甜品都有啲係可以接受，例如夾餅同M字頭雪糕…但凍食就比較出色，例如泰式炒粉絲同沙律。飲品款直頭少…擺餐就比同集團嘅差，枱中無紙巾同濕紙巾(可參考上一段食評)唯一係收碟快，工作人員都有禮貌，抵讚👍但如果同集團，價錢 食物都會揀帝京

好耐冇見朋友們，星期日下午茶一聚。一人$258。松露朱古力蛋糕，好濃厚。以為佢係芝士撻，其實係白朱古力撻嚟㗎，朋友話唔太漏仲有啲檸檬味添。呢間餐廳同彼得兔合作，有造型甜品。來到重頭戲海鮮，有蝦、麵包蟹、青口、生蠔。麵包蟹蓋唔係好多，我主要食肉，表現不俗，蟹肉都重味嘅。青口正常。朋友話生蠔不錯。我除咗海鮮最緊張就係甜品。班蘭蛋糕正常，兩款芝士餅我都食好多，個杏仁撻就好一般，我唔識欣賞。甜品同水果放埋一邊，主食放中間。有八款movenpick，士多啤梨有果肉好正，但整體都太甜喇，食到一半開始係咁飲水。重量級推介！呢個應該係燒牛舌。本身喺角落頭我見冇乜人拎，以為唔太好食，所以淨係拎咗一條，驚佢好靭。點知一食發覺原來超級鬆化，又重牛味，我淨係食過超市切片爽口牛舌，覺得呢個驚為天人呀，所以一個人大概食咗十條！朋友見我拎咁多又試下，都話好正。同佢一齊嘅燒豬肉就相當正常。連粒士多啤梨都有糖衣包住扮蘿蔔，好得意！啲甜品好可愛呀，但因為太飽同埋好似大多都係朱古力，所以我就冇食啦。

6月尾是Melody 生日🥰🥰的大日子，姐姐特意為我提早慶祝生日🎂，今次從帝都酒店挑選了一個雲石鏡面蛋糕，是打卡既好選擇。💫70%朱古力慕絲蛋糕（1磅）$256朱古力鏡面是蛋糕的靈魂，比糖皮蛋糕性價比更高！睇得又食得！蛋糕由朱古力海綿蛋糕配以法芙娜70%朱古力🍫慕絲組成，中間混入棒子薄脆，口感大大提升，creamy 感覺帶點脆脆，Melody超喜歡💕。✅只限自取‼️取後盡快享用/放回雪櫃，天氣太熱，Melody取後揸車回家，蛋糕大致完整😍😍📍 2+2 Café (沙田)沙田白鶴汀街8號帝都酒店3樓5⭐️評分好食指數：⭐️⭐️⭐️⭐️

70% 朱古力慕絲蛋糕 （1磅）$256 （加$20 生日朱古力牌）第一次試帝都酒店的生日蛋糕，今次揀了這個以朱古力🍫為主調，由朱古力海綿蛋糕、法芙娜70%朱古力慕絲、榛子🌰薄脆，再配上色🎨彩繽紛的朱古力鏡面製成的蛋糕🍰😋蛋糕大小比想像中的大～ 鏡面和薄脆帶甜，而慕絲則是偏苦，幾款食材配合一起相輔相成😋而且打卡也很美💕 另外蛋糕盒子很精美，而且盒內附上保冷包，蛋糕亦固定，不擔心外攜時會東歪西倒👍🏻 不過天氣炎熱，鏡面會比較易溶，記得取蛋糕後盡快運到目的地～

成日睇評論話佢啲生蠔細隻，食落又唔係呀，都大隻，而且鮮甜。長腳蟹都還可以，不過就唔係件件都靚，有啲有咸味。😅主要食蠔同長腳蟹，其他野就唔評論啦😛本身book枱時個人話full場可能要坐近門口，去到又唔係呀，都近拎野食位。食5:30-7:30pm，5:30-6:00感覺好似包場咁，未有人食😂，都幾好。

本身冇乜期望，點知有驚喜！👍冷盤方面有生蠔麵包蟹呢啲最基本，個蠔攞咗幾輪都係咁新鮮creamy 一啲腥味都冇，超有驚喜，而呢個價位嘅自助餐來講超晒班！至於啲蟹同埋其他海鮮就一般，唔算超新鮮，但都入到口👌🏻刺身方面油甘魚唔錯，三文魚吞拿魚嗰啲都例牌唔使攞，試吓就算中式熱食不建議拎☹️熱食方面，佢啲鵝肝油分十足、雖然未做到外脆內軟，但係都足以令我食到四件！好味😋最後，甜品方面就參差，抹茶奶凍、movenpick雪糕+焦糖燉蛋可以留肚食，但係其他蛋糕就…tiramisu同白朱古力芒果蛋糕都入口即🤮，唔值得食Overal the buffet is worth the price,但要小心中地雷

食物質素比之前去進步很多，現在少了很多國內的食客，機會來了好好的享受純本土文化的自助餐。但有一個不變的侍應，可能很久沒有返工，保留著對內地人的服務態度，可能他新來或未適應返工狀態, 這不重要，總之大家用安心出行侍他們帶領安坐，享受一餐美中不足的自助餐！

今天晚上約了朋友出來聚會，大家都很久沒有品嚐過自助餐了，剛巧這間酒店的自助餐價錢十分便宜，所以我們便決定來到這裡嚐一嚐它的味道了雖然帝都酒店只是一間四星級的酒店，而且沒有龍蝦供應，但是今次自助餐亦有多個「回本位」，包括任食生蠔、長腳蟹、鵝肝以及多款口味的 Movenpick雪糕等等，重點是用餐時間非常充裕，晚上 6:00-10:00 足足四小時無限任食，性價比真的相當高！No.1【生蠔】雖然生蠔需要出去排隊拿取，而且每次只限取兩隻，不過可能閒日的關係，到中段的時候不需要排隊之餘，更可以一次過取多隻生蠔，所以大家不用擔心排隊浪費時間的問題即使生蠔只有一款選擇，但是肉質不單止豐盈飽滿，海水味亦不算特別濃郁，即使不沾醬品嚐，味道依然不會腥，以自助餐來說，這種生蠔算是十分高質了No.2【長腳蟹和大蝦】可惜長腳蟹的味道便比較一般了，雖然它的質感十分脆嫩爽口，鮮美多汁，可是海水味卻太過濃烈，每一口都咸得嗆喉，至於大蝦則沒有任何味道，淡而無味的，大家淺嚐一下便好了No.3【甜蝦刺身】甜蝦的肉質非常柔軟嫩滑，香甜美味，細嚼慢嚥的時候，鮮甜無比的蝦汁更立即傾巢而出，在唇齒間留下一絲絲濃郁的鮮蝦氣息，口感

2021年05月15日(六) 今日帶隊一行四人來2+2 Café品嘗「味遊國際」海鮮自助午餐，原價$368，在官網買咗一張四位用自助午餐券$990包紅或白酒一支，早買多折扣，超級抵，可能因為母親節關係隔咗幾日官網價格調升咗，要$13XX/4位用。準時中午12:00才可進入餐廳，由中午12:00食到2:30pm，我哋不知不覺咁傾得計傾到2:35pm職員都沒有趕我哋走，我哋都自動離場。當日嘅服務員都很好幫我地拍照、不斷執碟、執枱，態度良好又殷勤。我哋選擇咗紅酒，紅酒味道不錯，易入口。第一時間去攞生蠔，生蠔脹卜卜新鮮美味，不得不讚，今餐生蠔真係好靚，第一次食到成10隻。刺身品種有四款，只記得有三文魚及吞拿魚，新鮮好吃。有長腳蟹、麵包蟹、凍蝦、青口，長腳蟹鮮甜美味我都少有地食咗六條腿。麵包蟹蓋一出就俾人搶曬，今餐嘅食客好多都冇品德服務員一攞麵包蟹蓋出來，立即被過碟，一個人已經攞咗九成排佢後面果一位就好彩啲，可以攞到一件，即係半個蟹蓋。黑松露蘑菇湯，好足料，好好味，飲咗兩碗。基本上沙律菜、冷盤冇乜人攞。熱食方面一般般啦，試吓味。整體來講食物選擇不多，不過值得一讚係生蠔、長腳蟹、麵包蟹、刺身真係好

一行4人首次到享用2+2晚餐Buffet，環視四周覺得提供食物的地方不算很大，場內提供的食物種類是合理的，相比其他餐廳，這裡的食物種類略少(如沒有天婦羅），但食物整體質素都是不錯的，沒有太失準的食物。晚上近乎滿座，畢竟這家餐廳的性價比算頗高的，晚餐buffet人均清費400多元，卻可盡情享用生蠔、鵝肝、海鮮，每人有一份花膠鮑魚，一檯又送1枝紅/白酒，頗為盡慶。食物質素方面，各項海鮮（包括生蠔麵包蟹、長腳蟹，青口、海蝦等等）都處理得不錯，還嚐到一點點鮮味，大部分的生蠔都很肥美，姐姐開蠔很快很熟手，吃了很多Round生蠔依然鮮甜；麵包蟹充滿了蟹膏，蟹和蝦都不會有霉味，處理不錯；刺身的選擇不算多，三文魚、鯛魚等都很肥美；鵝肝應該是一開二再放到麵包上，於是鵝肝size略小，鵝肝味道不算標青，但勝在任食不用等，喜歡吃多少就吃多少。主食海鮮的質素是合理而有回本位，但不特別標青，反而甜品更吸引人！試過有職員敲鐘通知有特別甜品(好像是冧酒蛋糕）出爐，也會更換部分甜品（如焦糖燉蛋換成芒果燕窩奶酪）。甜品很多味道也不錯，包括焦糖燉蛋、奶凍等，可惜錯過了敲鐘的特別甜品（其他吃到的人都激讚好吃）。這裡提供6款

原先即日OpenRice訂位但book完之後見佢冇任何折扣優惠所以取消咗，但係已經去到沙田所以嘗試walk in入去再問佢有冇折扣，結果個價錢真係冇諗過會咁平仲要咁多嘢食。$228加一自助餐去邊度搵，上次去旺角帝京 都要有openrice優惠先會有折，今次係直情唔使任何折舊個價錢都同佢一樣。食物種類多過帝京淨係雪糕都已經有六款， 海鮮有即開生蠔，凍海鮮更加有麵包蟹， 亦都有好多熟食基本上攞唔曬咁滯。 唯一美中不足嘅係飲品類真係好少淨係得檸檬畀你沖檸水、檸茶仲有咖啡機同埋一壺鮮奶。 服務方面大廳裏面啲職員大部分都ok有禮貌，環境衛生方面就可能要改進少少，因為我自己見到一隻小強仔喺地行，食到中段有個女士話畀職員知有另一隻小強喺牆上面😣 整體嚟講都算很好。

訂枱蠔燕晚餐7點半,準時入席!首先講下,侍應有禮貌,環境唔錯,場地都幾大!入席後,侍應比咗4張推介食物卡我地,1張卡可以攞鮑魚花膠一份!生蠔每人每次只限攞兩隻,對我嚟講好食,冇沙,新鮮,我一個人食咗12隻!鮑魚花膠都唔錯,有屋企人唔食,所以我係食咗兩份!生果唔多選擇,只有哈蜜瓜,西瓜同埋火龍果!甜品都多既,不過當時太飽只食咗少少~迷你葡撻,一啖擺咗落口~屋企人食咗豆腐花,佢本人覺得麻麻地~暫時嚟講,呢個自助餐都抵食既,可以一試!因為掛住食,所以影咗好少相~

因為疫情關係，好耐冇食自助餐喇，今次揀左屋企附近既帝都酒店2+2 café, 生蠔新鮮有肉，鵝肝大大塊，串燒即燒都唔錯，還有每人會送一份花膠鮑魚，不過今次主題就冇龍蝦，但對於我黎講每次食自助餐的龍蝦都好似食緊擦子膠，所以冇都唔緊要，講到最驚喜係雪糕係杯裝movenpick 任食，埋單每位$400幾都算抵食

約了星期一1點至2點半時段，訂位時已沒優惠的價錢，想不到款式小到勁失望！蠔、長腳蟹、蜆、青口、蝦、魚生還可以，熱的食物，只有幾款但連蒸魚也沒有，只有炸三文魚骨（像是把魚生起肉後取骨去炸），整個場唔洗半分鐘就行完了！燒牛肉有根吞不下，羊肉沒有羊味，食的最多係甜品，蛋糕總算幾好味，雪糕球是要叫侍應給你的。個半鐘真係唔夠時間食，侍應會提早20分鐘叫你埋單，提你要交枱，埋單後送咗一張3日後到期的優惠券比我，真沒趣！

朋友和我慶祝生日，我趁這個機會使用「新地會」的會員生日優惠，自助午餐65折及送一個一磅裝蛋糕。入座後，我們二人獲安排坐在走廊邊一張餐桌，位置有點狹窄。疫情下，枱面上清毒濕紙巾和放口罩的信封都未有提供，這方面比一些中價餐廳亦不如。天氣寒冷，先拿一些熱食，包括咖喱薯仔、蒸龍利柳、咖哩蟹、紅蘿蔔燜牛舌及最上面的鵝肝雞卷。食物一入口，溫度是微暖，甚至是有點冷。雖然熱盤下面有蒸爐，但由食物臺至餐桌不夠一分鐘時間，已經放涼了，保溫做得不夠好。龍利柳淡而無味，蟹肉亦沒有鮮味。比較好的是牛舌，軟腍而入味。鵝肝雞卷中間包著一丁點鵝肝，這款食物比較新穎。下一道熱盤是牛扒、羊髀肉、雞腿配烤雜菜，以及西蘭花忌廉湯。牛扒很堅韌，內裡未熟透的部分根本難以切開，我只能吃到表面已烤熟的，但味道一般。羊髀肉質感好一點，但味道同樣欠奉。烤雞腿和雜菜就像是茶餐廳的貨色。西湯忌廉味算濃郁，吃到西蘭花蓉，這個合格。接著吃凍海鮮，我選了蝦、青口、蟹腳和蜆肉。（其實有生蠔和刺身，不過本人不喜歡吃生的食物。）各類海鮮同樣淡而無味。然後賞試中式食物，有粉麵檔，我選了青口、蝦、金菇、米粉配蕃茄湯底。蕃茄湯夠鮮甜，酸味令人開胃，配料味道和