#24 Foodstation

營業中

休息中

見朋友在FB 介紹, 一於今晚去試試, Book 左6:30p.m., 去到只有兩檯客。到左6:45p.m. 已經坐滿, 門口已有6~7 人等緊位。食物選擇唔算太多, 都OK 的, 落單要去檯面, 同時比埋$$$, 重收八達通, 以為去左大家樂。餐飲有Cider, 好過飲汽水。食物都好快到, 個餐湯夠濃滑, 好味!個安格斯真係正, 以呢個價錢真係超水準。份量都唔算細。隻燒春雞真係好, 外脆內軟又夠juicy, 一定要試。重有all day breakfast, 不過今次人少, 食唔到咁多野, 下次會試下, 因見到其他人食都好似好好味。位置在內街, 真係要細心d 才留意到。

終於試到這家,之前在網上看人家說是西環朝勝必試，跟朋友來過，但去到門口發現要排兩個小時的隊，所以去了別家，今天終於跟朋友來試到了，下完單后先來一碗例湯，忌廉粟米湯，忌廉味濃郁，算是可以的暖胃湯還送飲品，我選了這梨cider, 酒精味較重，個人感覺一般主菜，原只燒春雞，整整一只的燒春雞，還有沙律和薯條，薯條炸得剛好熟，不太硬不太脆，但個人更偏好這樣，番茄醬很新鮮鮮甜，食得出比外面一般店的番茄醬好，沙律也新鮮爽口，小番茄入口爆汁，甚是高質，至於燒春雞，不大不小一只，男人可食完一只，女生就有點難度，雞肉肉質外皮很脆，肉質嫩滑，做得非常優秀高質之後還送一個小小芝士蛋糕作甜品，此蛋糕芝士味濃郁厚膩充實實在，入口滿滿芝士香味，也是非常不錯這餐只要100hkd, 算是抵食之選，就位置較偏了點，但咁抵食，就不介意了，下次會再來，還有點注意，是這裡是下單給錢才送上食物的喔，來吃下單前準備好錢喔

🤤常日係西環搵嘢食豆未試過呢間餐廳。今次係幫朋友慶祝生日提前打電話去book檯 態度好nice🤤（好難得搵到間餐廳切蛋糕唔洗切餅費）食物質素都好好性價比好高同區應該好難搵到第二間。唯一覺得要挑剔嘅係地方唔算大 食食下已經見到門口有好多人排隊。😂咁都證明佢真係抵食嘅

呢間餐廳其實都幫襯過好幾次喇，平時都懶去寫食評，今次都真係覺得要值得推介下俾其他人多d支持佢地呢d有心小店！試過好幾樣食物，西冷牛扒，意粉同意大利飯都有試過，整體都很好！今次就試左佢特價既燒春雞(半隻)，餐有跟湯，飲品。湯幾好，次次唔同，算係有d稀,但送既就冇投訴啦～飲品可簡汽水或Apple cider 都唔使加錢，我次次都簡啤梨味，好味燒雞等得都稍長時間，lunch 時間分秒必爭既，等左廿零分鐘，不過都可以接受，因為有湯可飲住先。。燒雞熱辣辣，唔算鞋， 有雞味，又juicy , 收貨啦～仲配埋薯條同沙律，飽哂值得讚既係 老闆親力親為，親切有禮， 最令我欣賞係餐廳好有社會責任，因為有個姐姐係手語人士。社會上有多d咁有良心既餐廳就更加美好喇加油呀～

星期日未夠12點去屈地街，原本打算食朋友介紹嘅日本野，不過去到又唔想食烏冬、拉麵，所以放棄左。行番出少少，見到依間24，記得有朋友推介係間唔錯既拍拖cafe，睇menu又見有我想食既burger，就入左去試試。櫃檯點餐後坐低，似乎主題係貓... 貓cushion，都幾得意，不過d音樂就開得大聲d，傾計要用多dd力。舖𥚃面真係唔錯，不過出面始終係後巷位唔太好睇。食物我叫左招牌burger，塊burger幾好，唔乾，配料足，不過冇我鍾意既酸瓜/酸瓜醬。伴碟係啱啱炸起既粗薯條，冇輸。加幾蚊飲杯牛蒡花茶，👌呀！見隔離枱叫左燒雞、意大利燴飯，幾吸引，下次可以試下😋

在社交網站見到區內朋友仔介紹，所以去試下！ 不過沒有預的咁特別/好食！不過勝在價錢唔算太貴！ 餐廳係先俾錢買飛的，偏向半自助形式的西餐！裝修光明，都算整齊！不過最後落單時間為9:15（好似早左啲），收10點？但個人認為如果仲有客人用緊餐的情況下，唔係咁鼓勵9:45就棟哂啲櫈上枱，有少少趕收工的感覺！「尤其客人真係9點幾入坐，9:15先叫嘢情況下」8:30-45入坐，好想食牛，但西冷已賣哂！所以叫左餐牌上最貴嘅安格詩安格詩加沙律及薯條跟芝士旦糕（有限量供應）包汽水的價錢$160，但沒有預期咁好食，略嫌上菜時牛扒表面偏油，但因為今次同老公share食，所以叫5成熟就煎得啱啱好，而鐘意食juicy 的我，下次有機會試3成熟。沙律菜偏少，但薯條都算多！鵝肝牛肉漢堡跟薯條包汽水$105，牛肉很juicy 但鵝肝就好似肝左啲！個人應為可加多少少生菜整體唻講可以再試，不過下次可能食返啲中價嘢，例如燒春雞，意大利飯及意粉！

今晚同太太撐檯腳，原本想去卡士塊西營盤，入到去無乜冷氣，於是去第二度搵食。突然想起呢間小店，第一次嚟呢度食漢堡扒蛋包咖喱飯，已經令我回味無窮，今次在店外，見到$55半隻燒春雞，絕對有衝動入去啦！可能今日天氣炎熱啦，店內的冷氣不夠強，但免加一，$55已包餐湯、飲品，仲要免加一，抵到爛😂今次同太太叫了半隻燒春雞同一個蟹肉菠蘿炒飯，$115埋單，如果去卡士塊，已經係一個人的價錢😅下次到西環香港大學站，又有一個好選擇啦！

呢間小店為於小巷中,唔小心望都未必知,由於對正公園仔,都算開陽,座位唔算好多,如果中午lunch過黎就要早d啦....睇好左食咩後,可以到cashier落單俾錢,會有牌仔俾你,店方有水提供,如果想要就自已去攞;如果鐘意少味精或者食食物原有味道的朋友應該會鐘意佢嘅餐湯,之前試左幾次唔同味嘅餐湯,發現店方好鐘意保留食物嘅原味試左王牌牛肉漢堡配薯條,可能我叫左3成熟嘅關係,變左無肉汁之餘入口又難食,下次都係跟店5成嘅熟度啦!大家可以試呢間嘅意粉/天使面類,因為炒得乾身開胃,唔錯,唔鐘意漢堡嘅朋友可以一試;餐飲方面,包左有汽水,可以加錢轉花茶類,例如牛蒡茶,但唔知而家有咖啡提供未呢

新年其實真的是週圍覓食的時候, 有時見這間那間未開爐, 就要到處找.又想食得相宜, 但又唔想食來食去都是同幾間, 無何能日日都是美X, 大X樂........!今次原本想食越南嘢, 但要等多一天, 走來走去, 竟然走入了一條小巷, 黑漆漆一片,突然被一處亮光光的落地玻璃小白屋, 門前坐了一隻中白熊, 看了看, 初初唔敢入,但見價錢OK, 就入咗去!小白屋設計很舒適,優雅, 好多美麗的畫, 原來大部份是老闆的杰作, 而且有工作坊,唔怪得咁多畫. 不過, 要搭枱坐!!!這裡是自助形式, 先買票, 後等食物, 有WIFI,他們不知是否剛開張不久, 連食譜都未有, 但好低!叫了兩個餐, 一個是蟹肉意粉, 一個是燒大蝦意粉配日式忌廉豬骨汁.兩款都是$65, 每個餐送一碗是日餐湯和一罐汽水.蟹肉意粉 -- $65有真蟹肉, 沒有蟹殼碎, 芝士與意粉溶為一體, 外表第一眼以為一般份量, 沒有想到, 當叉起D意粉時, 原來意粉是很多, 食極都未食完!燒大蝦意粉配日式忌廉豬骨汁 -- $65有3隻蝦, 剛剛熟, [ 不鞋口, 亦沒有梅身 ]. 亦是一樣芝士與意粉溶為一體, 也是意粉多到食極唔完.是日餐湯

無意的走在這條街上，踫巧見到這間餐廳，以為屬於一人前的餐類，正合小人。看過餐牌，見到有刺身意粉，就點了一客。誰知北寄貝還北寄貝，意粉還意粉，分開或是撈在一起其實都無甚意義；雖則意粉混有些許麻醬，幫不了成件事，食味都是寡到爆。如此類推，即使用任何其他刺身配這個意粉，結果都可能是一樣。有些食材不夾就是不夾。

我一般只看不寫食評，因為很難洋洋灑灑的把感受寫出來。近日因家裡沒有工人姐姐幫忙，多了在家附近搵食，上來看食評揀了這家，裝修不俗但招呼不是很週到，坐了一會才知要去收銀處點餐，而且是我主動出去問才知道。另外，店外棟了個晚餐牌，沒有寫價錢，進店後也找不到相關的晚餐資料，在這裡提出是真心希望改善，否則浪費了這麼好的店。好吃的店很多，吃1000蚊自然有吃1000蚊的期望，這店6、70蚊一個餐，又係懶FUSION的格局，我真的不會奢望什麼！就是這樣，來了性價比高的食物，我才真的忍不住寫下來。要了一客日式吉列豬扒咖喱飯，飯是珍珠米，煮得剛好，不會太多水，咖喱不怎麼樣，豬扒也是一般，但那吉列的味道我沒有試過，脆而且香也不膩，非常喜歡。另一份是燒春雞加薯條，春雞很嫩，連雞胸也做很算滑，薯條炸得剛好，很juicy，且不加鹽，許久沒有吃過這麼好吃的薯條了。

若不是西環友人推介，真不知道這條小巷有此隱秘西式小店。內部裝修有心思，由於價錢是街坊價，難得可以一次過吃幾款my favourite食品。餐湯南瓜蓉湯很原汁原味，調味不多，稍淡口，但勝在真材實料，南瓜味道濃。加喱漢堡扒飯的漢堡扒厚得驚人，而且肉質軟滑，像是手刴肉餅的滋味。漢堡包的那塊肉餅似乎是同一食材，配香甜軟包一樣出免色，加上新鮮蕃茄和洋蔥等配料美味可口又健康。Size吸引之餘又不會過大感覺很配合女孩的胃口。而驚喜位是外脆內香軟有咬口的薯條，條條都很靚仔，絕無乾巴巴黑焦焦的。燒春雞是另一值得一試菜式，因為肉質很嫩，肉汁亦鎖得很好 火喉剛好。沙律菜亦新鮮可口，絕無將貨就價。意粉則相對較普通，不算突出 ，但配料如帶子刺身和鮮蠔都不錯。個人建議可放點香草提升味道，或提供多些款式的醬汁。對我來說食物水準已很滿意，尤其價錢的確很抵。

最近常在中上環辦事，今日就揀左這餐廳食個lunch.我同朋友叫左一樣的- signature burger 招牌牛肉漢堡，跟餐有薯條和餐湯。牛肉漢堡質素一般，不過不失，沒有驚喜，用的普通的免治牛肉漢堡扒，沒有太多牛肉味，牛肉處理得還可以，煎得香口比較燶，至少沒有雪藏味。burger內除了漢堡扒還有生菜番茄，新鮮脆口的，另外還有一片半融的芝士。餐湯是南瓜湯，味道不錯，南瓜味重，味道清甜，有很多南瓜的纖維，值得一讚！埋單有九折，沒有加一，即係$58.5一個餐，比起大型美國餐廳，此burger餐尚算抵食！

儲落好多食店未寫，但點都要的起心肝寫左呢篇先。西環自從港鐵通車，多左好多特色食店，大部分都係小店式經營，包括呢度。呢度位處小巷橫街，留意到係因為之前有雜誌介紹。鋪頭由兩夫婦經營，老公負責煮，老婆睇樓面。去的時候遇著開張冇耐，老闆娘好nice，笑容滿面咁介紹有咩食，食食下佢又會埋黎問下d食物點，感覺係滿有誠意的。選擇唔係好多，都係漢堡包、意粉之類。先係cashier點好餐畀錢，坐好之後再等食物上枱。Signature burger($65)係套餐，包一罐飲品。Burger唔係好大個，直徑只係比老麥大少少，但厚度就唔可以睇少，塊牛肉漢堡差唔多有半個包咁厚，仲要唔係死實實果種，有牛肉香之餘都有點juicy，個包唔係常用的芝麻漢堡包，而係甜餐包，帶少少甜仲正。老闆娘另外推介芝士燒帶子(3隻$18)，帶子唔夠大隻，仲要切成粒粒，不過呢個價錢係咁上下，勝在有芝士同沙律醬搭夠，都係好味既。小店除左冇連鎖店果種千篇一律menu，除有份窩心的人情味，所以點都要支持下，希望呢度可以撐得住。值得去指數：

和友人在這𥚃渡過了一個愉快的夜晚。環境舒適乾淨, 食品質素有驚喜, 性價比高，會再度光顧！吃了burger，覺得麵包很香很軟。肉汁豐富，入味。燒雞大大份，脆卜卜。