555 Thai Fusion

營業中

休息中

上手唔記得咩泰式，而家座位更靚，只是卡位略窄其實佢啲食品應該冇乜特別，不過呢次喺大熱天時做完運動之後，入咗去一個冷氣充足嘅地方，然之後又食返碗又香又熱又辣嘅喇沙麵條，感覺份外舒服。喇沙唔係一味死辣，帶少許椰香，但又不會太過奶，滲滲有兩種麵條，份量不多不少，至少都叫做夠飽，雞扒大大塊，不太嚡。除咗雞扒之外，還有啲豆卜可以吸湯，另外還會在匙羹上面放粒青檸，夠晒細緻，值得一讚。白咖啡反而味道幾好，同普通舊街場唔同嘅就係佢冇咁甜，但咖啡因又唔會特別削減

隨便搵間餐廳食早餐就搵咗呢間，湯麵早餐既配餸得炒蛋+腸仔，因朋友唔食得蛋所以都嘗試問下可唔可以唔要炒蛋轉腸仔，但員工話唔可以，只可以腸仔轉炒蛋 但唔可以炒蛋轉腸仔，或者唔要炒蛋，咁作為消費者 已經覺得奇怪，但我都理解為炒蛋貴過腸仔所以唔俾轉，所以就再問 咁可唔可以蛋另上（因為朋友連掂到蛋既食物都食唔到），點知阿員工都話做唔到，咁我就話另上呢啲好人性化既野我諗你地做到既，不過員工就即刻話呢啲佢話唔到事 一係你同經理講，如果開咗頭可以咁 咁個個都係咁點搞？哇 心諗即係其實要求另上隻蛋啫，都講到好似會令到你地餐廳亂晒籠？係咪因為要洗多隻碟？即係我蝕隻蛋就得，你地另一另上就唔得？咁既服務態度真係多謝晒！杯凍檸茶仲要勁難飲，呢間餐廳真係唔會有下次幫襯，都唔推薦！

之前聽朋友講馬鞍山有好多嘢食，幾年前開始嚟呢度「搵食」，幾乎次次都係食同一間餐廳嘅喇沙。😂😂早兩個月發現食開間馬來餐廳唔見咗。😢😢最近見到呢間泰Fusion，以前同一個位都係泰國餐廳，我係門口見到原來呢間餐廳係以前我食開樓下嗰間嘅外賣取餐處，照推斷，呢兩間餐廳可能有關係，話唔定可以食返我以前最愛嘅喇沙味。😋今日喺餐廳門口已經聽到職員話：「而家已經係下午茶時間啦。」坐低見到個餐牌上面有我最鍾意食嘅滲滲喇沙，可以揀兩樣餸，本來諗住要魚腐同魚蛋，落單嗰陣問咗，原來可以重複同一樣餸，於是叫咗魚腐x2。😋😋我唔係好想飲咖啡或者奶茶，見到呢度都同以前嗰間一樣有熱薏米水，唔使加錢。👍🏼👍🏼👍🏼碗滲滲份量夠我當午餐，味道果然同以前嗰間一樣，魚腐係我個人認為最正嘅，嗰半隻蛋有啲凍，好彩碗湯夠熱，浸一浸就冇問題啦。😊呢度食物份量足、味道好、價錢合理，而且坐得舒服，仲有呢度剩係晚市同假日先會收加一。如果你鍾意食喇沙，可以嚟試吓。😋😋😋

聽說同2樓 峇峇娘惹 合併， 有他們的早餐吃， 於是星期六早上去食。怎知好差， 唔會再去食。1）雞扒公仔麵， 熱咖啡雞扒還可以， 公仔麵好難食熱咖啡又唔好飲， 好hea.配班蘭咖央醬多士， 以前2樓峇峇娘， 都熱d, 現在完全唔熱。煎蛋好熟。2）炸豬扒全日早餐炸豬扒又乾又鞋， 好多油， 餐包又係唔熱， 以前都唔係咁， 完全不一樣。成個餐好求其。凍檸茶。 加檸檬葉？ 已經即時取走， 但杯茶超級難飲， 不一樣的檸檬茶， 配搭怪怪， 都唔知咩來。總評。早餐食物。 質素好差， 煮得好hea 。餐飲。 水吧整的餐飲好難飲。服務。 要叫服務員下單， 工作人員又唔多。 點解唔自助下單。。

昨晚同個好朋友去大家屋企附近吃晚飯，隨便就揀咗依間餐廳，叫咗個炒通菜、燒雞全隻、九層塔炒豬肉、及雞油飯。第一道菜就係炒通菜，個通菜完全係用水烚嘅，我好奇就問過侍應點解個通菜係烚嘅唔係炒嘅？個侍應同我講係炒嘅，我指住啲水我話炒嘅會有咁多水？跟住個侍應就話烚完之後先炒，我笑咗分明係烚完加少少油上去扮抄，跟住隻燒雞，完全係瘦身雞，炸完又炸，跟住又擺去微波爐，出嚟嗰陣時完全無肉，好似皮包骨！黃油飯，完全冇油，其實係染色飯！個九層塔炒豬肉，未見過咁多九層塔嘅，總結嚟講，我唔會再去呢間餐廳！

呢排天氣又凍返 最想就係打邊爐🍲新開幕嘅 𝟓𝟓𝟓 𝐓𝐡𝐚𝐢 𝐅𝐮𝐬𝐢𝐨𝐧 有泰式火鍋啊 ✡︎聽講份量十足 好抵食!主打泰國🇹🇭Fusion 菜式(∩ˊᵕˋ∩)･*愛泰之人一於去食☺️✿ 泰式火鍋冬陰功湯底同原個椰青椰子雞湯底選擇配料有兩款海鮮🦐三款肉丸🍡5款蔬菜🥬仲有泰式米粉～我地叫咗冬陰功湯底🤎一黎就飲咗碗湯先 好入味啊!咁多配料份量十足 性價比高⬆︎ 想食小食仲可以以優惠價加購😋✿ 蝦餅🦐魚餅🐟食泰菜必定要食呢兩款小食炸得香口唔油膩 配埋秘製酸辣醬果然係唔會失望㗎✨✿ 冬陰功鮮椰青荔枝特飲用椰青水🥥做主打 再配上香茅、檸檬葉🍋味道好清新 荔枝味濃郁食完咁多野食飲 好有解渴作用 ❣︎ 雖然有一點點紅辣 但唔會好刺激 ◡̈ f✿ 泰式奶茶🥤有泰式茶飲 同淡奶、糖漿自由調製💫茶味香濃 特別有泰國🇹🇭風味😚

餐廳位於馬鞍山新港城中心，地點好方便👍🏻好近地鐵站，餐廳環境寬敞舒適，唔洗去泰國，都可以食到一間正宗嘅泰國菜🧡。基本上一年四季都好鍾意打邊爐😍🔥泰式火鍋🔥 $198▪️湯底（冬陰湯 /原個椰毒椰子雞湯）▪️海鮮（蝦🦐、花蛤）▪️肉類（泰式牛肉丸、豬肉丸、魚丸、 豬肉片同雞肉）▪️蔬菜（唐生菜🥬、秀珍菇🍄、蕃茄🍅、粟米芯🌽、泰國米粉）▪️牛柳片🐂 （另追加 $88）我哋間左冬陰公湯底，本身伶媽自己都好鍾意❤️飲冬陰陽，用黎打邊爐都係第一次🥰🥰。湯底濃郁好鮮味，入面仲有蝦等等嘅海鮮，而佢哋嘅豬肉丸、牛肉丸都好彈牙爽口，同冬陰公湯配合得好好👍🏻。另外，加左個牛柳片，放落湯底滾3秒就食得😍，肉質鮮嫩多汁，超好味😋🧡小食：🐖串燒（豬/雞）（3串） $24🍗牛油雞翼(3隻） $24串燒肉質爽脆，配埋佢哋嘅醬汁，味道一流👍🏻。而牛油雞翼香脆可口，肉質嫩滑，食落口口感豐富。🐖豬頸肉沙律🥗 $88豬頸肉呢多汁勁Juicy😋，超爽口彈牙👍🏻配埋新鮮嘅沙律菜，酸酸甜甜令人好開胃👍🏻👍🏻。🍹冬陰功鮮椰青荔枝特飲 $58呢杯初初諗會唔會辣嫁，但一飲就覺得好好飲，第一口係覺得有椰青同荔枝味，清清甜甜，仲

慶祝完朋友新居入伙, 就落咗嚟新港城搵嘢食. 行到千色附近見到呢間泰國嘢個名幾特別就入咗去叫咗椰子雞湯火鍋, 大鍋足料, 入面勁多煲到好腍嘅椰肉. 另上配料有蝦, 花蛤, 牛丸豬肉丸, 泰國米粉同埋各類蔬菜. 個椰子雞湯實在太好飲, 椰香味勁重同埋有得走辣, 送米粉一流, 有一刻我真係想飲哂成鍋先走. 另外, 都推介大家試埋豬頸肉沙律同青咖喱雞, 份量適合兩個人share🫰🏻💛個人必食推介: 椰子鍋, 豬頸肉沙律.返食指數: 🥑🥑🥑🥑 (5🥑滿分).#椰子雞湯火鍋 ($198) 加配串燒豬 +$24 牛油香蒜雞翼 +$24#豬頸肉沙律 ($88)#青咖喱雞 ($88)#香茅特飲 ($48).______________________________.📍555 Thai Fusion (馬鞍山)馬鞍山鞍祿街18號MOSTown新港城中心(4期)3樓3001號舖.#instafood #instafoodie #foodiegram #drinkdrinkeateatuide #drinkdrinkeateatguy #鞍祿街 #馬鞍山 #馬鞍山美食 #食好西 #DE新界篇

原隻泰式燒雞配木瓜沙律-$138賣相吸引的原隻燒雞，整體味道也不錯，燒雞事先有醃過，都非常夠味，旁邊仲有兩款醬汁，泰式魚露醬油同泰式甜辣醬，味道頗為強，勁濃郁，所以我試左味之後都無再點汁😂。燒雞外皮燒得微脆、香口、乾身，裏面的肉質仍能保持滑嫩多汁，唯獨覺得燒雞偏細，皮比例較高，唔算好多肉，一人清得曬一隻。至於隔離嘅木瓜沙律，個汁又係無吝嗇，啖啖夠味，同埋係預先拌好，唔會出現上面啖下面濃嘅情況。個青咖哩平時下午都食開，正正常常無分別😂，所以覺得係夜晚食偏貴，都係下午先叫吧～

我同朋友今日去咗555 Thai Fusion (馬鞍山)食生日飯，真係好開心！🥳佢哋嘅椰子雞湯火鍋真係勁好食！🥰裡面有蝦、花甲，泰國牛肉丸🍡 豬肉丸、魚丸、豬肉片、雞肉、唐生菜🥬秀珍菇、蕃茄、青通菜、粟米🌽芯同埋泰國米粉！好多選擇！😋我哋仲叫咗牛油香蒜雞翼同埋牛柳片，真係太好味！👍🏻而且佢地嘅飲品都好出色！我哋揀咗象牌啤酒🍻同埋冬陰功鮮椰青荔枝特飲！真係解渴又開胃！🍹今次嘅用餐體驗真係好滿意！食物好味道，服務又好親切！😊而且環境都好舒適，適合同朋友一齊傾偈同慶祝生日！🎉我一定會推薦俾其他朋友嚟呢間餐廳！唔知下次又會唔會揀呢度慶祝特別嘅場合呢！💃🏻🍽️📍555 Thai Fusion (馬鞍山)🏢 馬鞍山鞍祿街18號MOSTown新港城中心(4期)3樓3001號舖🕗星期一至日 07:30 - 22:00

今日又凍番, 凍凍地想食下火鍋… 見555 Thai Fusion個泰式火鍋好特別, 一於試一試先!湯底有冬陰湯同原個椰青椰子雞湯可以揀, 我地叫左”原個椰青椰子雞湯”, 估唔到一上枱已經有濃濃嘅椰香, 個湯底好香好甜, 一陣煮烏冬一流🫶🏻$198都已經有好多配料… 蝦, 花蛤, 泰國牛肉丸, 泰國豬肉丸, 魚丸, 豬肉片, 雞肉, 唐生菜, 青通菜, 秀珍菇, 栗米芯, 蕃茄角, 泰國米粉. 有肉有菜有海鮮, 真係好豐富🤩我地仲加配左牛柳片, 手打烏冬, 公仔麵同熟食嘅雞串燒同泰式魚餅.呢個價錢真係抵, 下次可以再encore🙌

馬鞍山嘅🌟555 Thai Fusion🌟係泰式🇹🇭Fusion菜餐廳，剛開業不久🆕！晚市有♨️泰式火鍋一人前，份量豐富！♨️泰式火鍋 $198🥥原個椰青椰子雞湯勁多椰子肉，味清香，為食材附上一浸清幽嘅椰子味！另可選冬陰湯底！♨️火鍋食材一碟有齊晒蝦、花蛤、泰國牛肉丸、泰國豬肉丸、魚丸、豬肉片、雞肉、唐生菜、秀珍菇、蕃茄魚、青通菜、粟米芯、泰國米粉，份量豐富！🦀泰式咖喱軟殼蟹 $118咖喱汁又香又濃，少少少少嘅辣味恰到好處！軟殼蟹香脆而且鮮味！入面嘅薯仔入晒味，正！咖喱汁仲可以成為火鍋嘅蘸料，一物二用！🐖豬頸肉 $78燒得夠香口，肉質軟嫩，唔錯！🍹冬陰鮮椰香荔枝特飲 $58帶淡淡椰香同埋荔枝甜，泰式香草嘅味道啱啱好！用香茅做飲管，更能突顯泰式嘅感覺！🍺啤酒 $42供應象啤或者勝獅啤！

馬鞍山不嬲都俾人話係美食沙漠，最近我揾到間好食嘅泰國餐廳555 Thai Fusion！呢度最推介嘅就係泰式火鍋有椰子雞湯同冬陰功兩種湯底選擇，我揀咗椰子雞湯🥥🌴火鍋套餐已經包左肉類、蔬菜同肉丸，如果仲唔夠食，仲可以加其他小食椰子雞湯湯底唔單止健康，仲又濃又好味，加左微微嘅香茅提升咗整個味道，我食烏冬嘅時候完全吸收咗d雞湯味，好正！套餐配料都好正手工製作嘅牛丸口感彈牙，豬肉肉質勁嫩，一啲都唔韌，超好食！我地仲加咗串燒、魚餅同牛油雞翼做小食推介牛油雞翼一擺上枱嗰陣已經聞到超香牛油味，而且雞翼煎得好脆，口感好重牛油同蒜蓉味，一咬落口就會感受到入口即化嘅香脆感雞肉金邊粉炒得夠乾身都夠鑊氣，配上芽菜同花生碎粒，而金邊粉帶住泰國風味既甜甜酸酸，整體配合起黎好好味青檸梳打特飲呢度有好多特色嘅泰國特飲，但係我都係揀咗我嘅至愛青檸梳打成餐飯都食得好滿足，住喺附近嘅朋友快啲去試吓

我真係好鍾意食泰國嘢 🤣不過喺香港食泰式火鍋都係第一次 😆我揀咗原隻椰青湯底 🥥 另外仲有冬陰功湯底選擇湯底好清甜, 打邊爐之前必定飲一碗 😝 食材肉&海鮮都好新鮮 👍🏽仲有泰國牛肉丸 🍡😍每粒丸都好大彈牙，肉味十足 💯📌 Thai Hotpot 泰式火鍋 $198蝦（3隻）及花哈，泰國牛肉丸（3 ）泰國豬肉丸（3)魚丸（3粒）豬肉片 ， 雞肉🍗，唐生菜，秀珍菇，蕃茄角，青通菜，粟米芯，泰國米粉兩個人吃到飽 😌 成個套餐有肉有菜有海鮮，呢個價錢真係底食👍🏽另外再叫咗杯特色飲品 紫薯椰奶🥤 香甜美味甜度適中叫咗個金不換炒蜆配辣椒🌶️膏 , 好味道啊好過癮 😂蟹肉蛋餅，即叫即整，都係一個唔錯嘅選擇 🈵環境就地方好大，坐得好舒適 💯

馬鞍山越來越旺，多咗好多人入去馬鞍山飲飲食食打卡消費， 多咗啲比較出名嘅餐廳都考慮喺呢度開分店，終於都可以脫離美食沙漠呢一個污名。嚟緊新年又會凍返，今次推介一間可以打住「邊爐」咁食泰國菜！555_Thai_ Fusion 新開唔係好耐，不過無裝修味， 環境同座位闊落舒服，卡位都好多。🔸首推「泰式火鍋」$198有冬陰功湯底 / 原個椰青椰子雞湯湯底呢個價錢已經包咗好多嘢海鮮兩款（蝦肉花蛤）肉類兩種（豬肉，雞肉）肉丸三種（牛丸豬肉丸魚蛋）五款蔬菜（秀珍菇、通菜、唐生菜、粟米芯、蕃茄）同埋泰國米粉。我會建議兩至三個人食。因為鍾意食辣揀咗冬陰公湯底， 雖然冇得揀辣度，但係相信一般食得少少辣嘅人都可以接受， 湯底冬陰功味好夠，忍唔住一嚟到就要返番碗先。🔸 冬陰鮮椰青荔枝特飲 $58特飲用椰青水做底，加入荔枝肉及新鮮嘅椰子肉製作，再配上冬陰功湯底的調味食材， 味道有椰子同埋荔枝肉的清甜，加上香茅味，好新鮮嘅口感又帶點辣，值得試下。🔸 泰式紅咖喱配慢煮鴨胸 $88 紅咖喱椰香重而不辣， 鴨胸十分之肥美， 而且咖喱汁好多，餸飯配煎餅一流。🔸 香考烤油酥餅 $48酥餅香脆，有啲似 平時出面焗龍蝦湯嘅酥皮