616牛肉火鍋專門店

營業中

休息中

又黎尖沙咀搵食本身想係酒吧街搵野食誤打誤撞入左呢間616麥子呢到全牛宴冇豬同雞揀但勝在可以一嘗唔同牛既部位未上菜就先上兩片水果應該係俾胃晾著d野先係麻辣鍋都唔怕呀嘛先叫左我最愛既餃子佢係辣牛肉餃子🥟餃子皮🥟好薄 食得岀係手工製作既辣辣地好正呀呢個係牛朴肉兩邊均有脂肪中間較多肉食落肉質鮮美滋味呢個係封門柳 聽個名好特別😱圖中可見脂肪位較少肉質較爽口 都幾特別呢個係嘗日待應特別推介既日本和牛食得多 澳洲和牛都比較少食再加上牛頸脊係我應為最好味既1part呢食落都真係唔錯好嫩滑 又有牛既香味 真係好好食架又平又冇加一仲係邊到搵

每次番工放LUNCH都唔知食咩好雖然尖沙咀係好多野食，但真係唔知點揀火鍋鋪冇諗過係有牛肉麵食，見係LUNCH就一於同同事衝入去試下啦芝士紅燒牛肉麵($48)麵係粗身既，不過係有少少軟，少左啲口感而牛肉好淋，好有味湯就唔算好濃，可以再加多少少牛肉既精華而芝士就真係唔算多，我覺得可以加多少少同埋可以溶左啲芝士先鹽燒牛舌串($48)牛舌係十分之淋，入面係有少少粉紅既，不過都接受到而且牛舌係非常之厚切之餘都唔會硬，而鹽方面都唔會太多，鹹度都足夠炸牛肉雲吞($48)炸牛肉雲吞令我諗起以前既麵鋪，好有懷舊味!!!外皮好脆，而入面牛肉又唔係牛肉球個啲咁重香料味佢仲有個甜甜地既醬，同炸雲吞好match油麥菜(+$9)加$9就可以要多碟菜黎食!仲要係大大碟，煮完即上，好爽口菊花桂圓露呢個係跟牛肉麵送既，佢係自家製，見到個日期都係好快到期既飲落菊花味好濃，唔算好甜樽上面都有寫埋係有咩成份，好健康咁HAHA

“616” can be translated as boiling (in the Chinese culture, it describes a movement during hotpot times). The name actually attracts me to see what this restaurant actually up to since they has been expanding recently. We decided to give it a try today as the weather is cooler nowadays (despite it’s still really hot during the day times). This restaurant is famous for their meats - especially their beef because they offer different kinds of beef which one cannot find it normally in other hotpot

呢排興起想打邊爐，諗起之前食過616呢間專食牛既火鍋店尖沙咀都有分店，即刻就約埋frd食！ 喺尖東站出左之後行幾分鐘就到，地點都算方便。入到去坐低後，店員會俾部iPad 你自己邊睇menu 邊落單，好方便，睇岩就即剔，唔洗好似平時咁叫人埋黎逐樣餸點。 而店員都會好熱心有啲推介會介紹，唔知叫咩好既可以問吓佢地意見。 湯底叫左鴛鴦酸菜牛骨湯，個湯一黎到就聞到好香花椒味，好開胃。牛肉有好多款，有列明埋係牛既邊個部份，好清晰。唔同部位既口感都好唔同，三花腱就有口感d，煙煙韌韌咁；澳洲和牛三角柳最好食，好香好有牛味；安格斯橫隔肌肉質好彈牙；滑尾龍肉質好嫩滑。牛肉大部份我地好滿意。配菜仲叫左豆卜，索晒啲湯底既味咁食好入味！野飲叫左烏梅汁，解渴又解辣。 總括黎講，如果係鐘意食牛既朋友，好值得推介黎試吓，唔會失望！

醉生夢醒～一入門口見到依一句已經好有感覺，到底是夢還是醒呢？我實在不知道，只知今晚有正野食是夢是醒也不緊要616裏面有好多特色裝飾，一個個牌子都係牛既部位，任君選擇至於落單也很先進，用ipad落單，圖文並茂，十分清晰，重點係完全圖文相乎，而且最特別既地方係落單後，職員會放低一個小沙漏，保證食物會響沙漏⏳流完前放到枱上調味區是自助的，可以任意混醬一番，特別要推介牛肉汁，真係用黎點咩都絕配湯底滾下滾下既時候，梗係叫返個小食頂一頂肚先，燒牛舌，可口彈牙，一啲都唔靭，再加檸檬🍋汁清新而不油利打邊爐最緊要既湯底，我地叫左豬骨+麻辣，小妹以為自己食得好辣，點知依個麻辣湯真係非同小可，辣到pat pat都噴火🔥，啱哂鐘意辣既朋友仔，而豬骨湯清清地，正好中和返啲麻辣，所以都係豬骨啱我多啲火鍋配料我地叫左啲咩呢有紫菜卷同唔少得既炸魚皮，香脆可口，簡直打邊爐必備另外叫左牛丸同生菜，牛丸估唔到咁有驚喜，彈牙到不得了，想食完一粒又一粒，生菜青綠新鮮，吸左火鍋湯底再加牛肉汁，真係平時唔多食菜既小妹都要食多幾條主角出場，我地叫左澳洲牛，一睇啲花紋就知唔錯，一食真係喜出望外，牛味夠，而且入口軟滑，不過如果再厚切小小

今日同朋友係尖沙咀行完街，突然想食火鍋同傾計，係網上搵到一間專食牛肉既專門店，我地決定試下店鋪裝修有特式，環境清潔！用iPad 落單，十分方便醬料齊全，仲有牛肉汁選擇自家製飲品唔會太甜，但夠味，特別係烏梅汁，唔會太酸剛剛好！我地太肚餓，先叫前菜，炸牛雲吞，即叫即炸，新鮮熱速配上牛肉，好味牛骨湯底清甜，平價之選，$38打邊爐牛肉好重要，牛上肋肥瘦均勻，有咬口同牛味牛丸彈牙爽口，紫菜卷係響鈴進化版，鬆脆香口配上紫菜味道更有層次唐生菜新鮮爽脆夠甜，烏冬不錯，口感煙韌！最後我地食左$396，而且唔收加一，材料新鮮，覺得幾抵食

之前就已經聽過616出名牛肉，但都係知佢有火鍋食，呢日出開尖沙咀就唔知食咩，上網一查先知原來都有供應午市套餐。選址唔係喺厚福街/新港旺區果邊，所以餐廳空間大得黎坐得亦舒服啲。午市套餐有四款，飯麵扒都有齊，$50有找，仲包杯野飲，喺尖咀呢個碟頭飯都要成六條野既旺區黎講都幾相宜。飲品除左普通餐飲外仲有三款自家製養身飲品選擇。洛神玫瑰茶：甜中帶微酸，好開胃，重玫瑰香，一路飲一路聞到花香好relax菊花桂圓露：菊花味突出，清甜解渴，冰糖份量拿捏得岩岩好，唔會太甜。烏梅汁：山楂同酸梅製成，味道濃郁，飲落似酸梅湯，打邊爐果時飲就岩哂。牛四寶指既係牛筋牛腩牛展牛仔骨，樣樣都有啲，非常豐富湯底清得黎牛味好重，果然係專賣牛既食店，裡面仲加左白紅蘿蔔、西芹。牛仔骨有啲啲韌，其他都好淋，特別係牛筋，滑得黎好彈牙。註明選用荷蘭芝士，特色係creamy重奶香啲，topping既芝士唔算多，但估唔到同牛肉味幾夾。牛肉份量唔少，有五六舊，炆得幾軟熟，吸收埋啲湯汁更惹味。湯底本身好鮮甜，麵條彈牙有咬口，份量十足，男仔食都一定夠飽。+$9仲有個菜，依家都市人好關注健康，當然要食返啲菜調濟下無諗過平平地咁大碟，兩個人食先

朋友想食牛同麻辣嘢，所以特登揀左呢間牛肉火鍋同佢食上網見到呢間火鍋店係有好多特別部位既牛肉食，一於同朋友試下！係門口見到呢個，好適合我地依家既心情，哈哈店內環境裝修得比較有特色，同一般火鍋店好唔同。有一個好似吧檯咁既地方，睇黎係一個飲酒好去處！係餐牌度見到有好多款手工啤酒揀，真係好吸引！可惜明天要返工，都係下次先飲啦⋯⋯616有好多2人/4人檯，睇黎係想比少人數咁打邊爐。檯與檯之間相隔較遠，空間感十足，而且d櫈都坐得好舒服環境好好啊。牆上有個裝飾同我地介紹唔同牛既部位，好有心思呢度係用平板電腦自助點菜，禁入去仲有每款菜既介紹，等客人可以更清楚咁樣選擇符合自己喜好既食材，好貼心打邊爐湯底真係好重要！呢度既湯底選擇獨特，有酸菜湯底、牛雜湯底、青花椒辣湯，呢d都係比較唔常見既，其實好想試下，不過由於我地係用食麻辣火鍋既心黎打邊爐，所以都係堅持食返麻辣麻辣拼牛骨清湯$78呢度既湯底單拼同雙拼一樣價錢，貪心既我地就緊係揀雙拼，可以試多d呀嘛。個麻辣湯底一開始食完全唔辣，本身仲有d失望，但係煲左15分鐘之後開始好濃郁，d麻辣味出曬黎，食到我地好過癮牛骨清湯底鮮甜，仲有蘿蔔粟米牛筋係湯底度，正我地點

呢間尖沙咀分店近尖東., 一入去聞到好香麻辣味💁🏻，空間好大，都幾多座位，仲有露台座位俾人食下煙甘。羽衣甘藍我其實未食過呢隻菜，係我姑姐話好食健康，新鮮爽口，但我鐘意食"林"既菜，所以碌左好耐。澳洲和牛 – 牛胸肉佢切得幾薄，又唔大塊，呢個價錢真係唔貴，可以有好多款選擇，呢款比較有牛肉味牛肉餃中間既餡係生，雖然個皮唔系厚，但都要碌耐啲，因為我碌完，咬落去先發現系生既😰所以要碌耐啲。牛香味幾重，個餡有好多肉汁，佢仲附有一小碗醬汁。手打蝦滑， 爽口彈牙😍😍😍😍菊花桂圓露 ，清甜, 可以清熱。洛神花茶，酸甜味道令人好開胃，仲有養生功效。

本身好鐘意食牛， 友人力推一定要嚟呢間食火鍋餐紙上印有唔同部位要碌幾耐我先知原來呢間火鍋唔係食普通肥牛， 而係有少見嘅特別部位可以order架ipad點菜， 方便又唔怕點錯/漏單點咗咩同幾錢， 一眼睇晒！一點完就有侍應比個漏斗嚟， 承諾20 分鐘一定會上晒菜， ok喎😂(最後係用咗19分鐘上晒所有菜) 醬料 $10/位正正常常 大路嘅都有$12 洛神玫瑰茶， 酸酸甜甜， 幫助消滯我覺得呢到飲品價錢非常佛心罐裝檸檬茶/可樂都係$9好多火鍋店飲品都sell $20 / 罐 啦。。我地揀咗沙嗲+牛湯底沙嗲唔會太辣， 味濃牛湯清清地都好夠味(btw, 中途加湯都係加湯底唔係加水， 所以唔會越食越淡味) 牛肉叫咗3 碟， 價錢 $48-$68非常化算我最鐘意安格斯 橫隔肌$48爽口肉味濃， 食多幾塊都唔膩我要推薦呢個牛舌串 $48/ 2串又厚身又彈牙好味燒得剛好唔會韌， 非常入味送啤酒應該好正！唐生菜 $28好新鮮滑豆腐 $28仲有碟烏冬無影到我本身好鐘意食udon不過呢到嘅好淋身， 煮咗1 陣已經淋到差d夾唔到。。。。麻麻地其他食物都滿意臨走先見到個牌寫原來9:30pm後入座有88 折下次

老闆們個個放晒假; 我地D薯仔頭就做到屎屎下... 同事們話要食番餐好既, 大圍食飯最好就係打邊爐! 門口有隻大紅牛, 一睇就知主打係食牛啦, 餐廳叫616, 即係打邊爐灼一灼就食得!環保係一個大趨勢, 616用上Ipad餐牌落單, 可以慳番唔少紙張!細睇每一款湯底, 99%都係用牛肴出黎既湯底; 而我就揀選左鴛鴦麻辣牛骨湯, 超特濃牛骨湯, 未飲已經聞得到!點左個湯之後就開始點野食lu~~勁勁勁多款牛可以揀選, 多到都唔知揀咩好... 同事點咩我食咩, 嘿~牛朴肉係我心水推介! 好有肉地, 切得唔會太厚或過薄, 而且仲好有牛味!牛駝峰亦係一個唔錯選擇! 加上薄切, 真正616就食得!打邊爐除左牛牛不可少之外, 烏冬都係不可缺!! 稻庭烏冬屬於煙靭烏冬, 錄耐少少都唔會發漲或淋晒, 就算食到爆爆都食得落! 烏冬配上麻辣湯底, 又辣又想食!不得不題呢度既手工啤, 我點呢杯名為 這些機會不是屬於我的, 清清甜甜好易入口! 呢度有好多款手工啤選擇, 下次要 灑你冷 , 可以一次過試暈6款手工啤!正如之前所提及, 616所提供既野食 99%都係牛產品, 無其他肉類選擇 (無豬無雞, 只有牛),

上菜：快服務：極到一般（*最嬲 碌完卡 簽完名、拎走張卡 冇俾返我，自己又冇留意，過咗30分以上先電話通知我攞返 ，仲要本人上咗地鐵過咗幾個站.）食物質素： 正常價格： 正常*** 我自己就唔會再去食啦～ 完！

食完616既晚餐打邊爐勁唔夠喉，皆因佢d牛實在太正喇，今次要同埋朋友一齊黎食lunch再食牛呀！！ 晏晝黎食又係另一番感覺，玻璃透射天然光，好光猛，人都精神d。Lunch有4款套餐揀，有麵有飯，$48包野飲，全部都好想食丫！於是我地3人各叫不同既餐，happy share 先黎午餐送既飲品，我地叫左菊花桂圓露，烏梅汁同洛神玫瑰茶。估唔到支裝飲品都包呀，好抵喔，dinner要$12支架菊花桂圓路清甜清涼，大熱天時飲佢好正呀！烏梅汁同埋洛神玫瑰茶就酸酸甜甜，非常醒胃。芝士紅燒牛肉麵一上台就聞到牛肉嘅香味，紅燒汁夠濃味，配芝士食感覺幾特別，味道都十分之夾。牛肉都幾多下，夠淋喔，非常唔錯！另外加$9要左碟生菜... 香煎吊龍扒配黑椒汁大大塊牛扒好吸精呀！！牛扒味濃，好甘香，煎既時間控得好好，唔會過生或過熟，堅得喔！！牛四寶湯飯鍾意飲湯嘅朋友可以叫呢個。除咗可以食牛肉，又可以飲湯，yummy yummy丫！！牛四寶有牛筋，牛展，牛仔骨，仲有牛肉。分量都幾多下，全部都煮得岩岩好，軟硬道適中。湯亦都夠清甜，巧味我哋每人跟餐都叫咗個油菜，以下兩款係油麥菜同埋娃娃菜菜，可配個甜豉油點黎食。蔬菜全部都好新

又黎啦！第二✌🏻次黎，今次叫左🧀芝士牛肉麵🐗🍜、天婦羅🍤油菜、燒🐗舌，仲送甜品（菊花jelly）好多呀！（我一個食咋 hahahaha）都係習慣，先試啖湯先，我成日都覺得精華就係湯中，咸香呢😋麵條適中，似上海麵🍜；🐗牛肉正常；天婦羅🍤好香啊！最後食埋個甜品—菊花jelly，清甜冰涼～即刻中和左油膩😆大滿足！最後叫埋支野飲，未飲啊，太飽了另外，職員服務比上次好，殷勤左（今次係兩個女職員）讚～

之前已經食過一次616火鍋，食完好難忘😋今次再同朋友黎到呢間尖沙咀616麥子😛餐廳裝修既風格同上次係大圍食既唔一樣，呢到有窗口位坐，可以直接望到出面既景色👍上次食過冰麻牛，今次就再次食佢啦，d辣同麻唔會超辣超麻，啱啱好🤙今次我地豪叫十幾碟牛😛全部都好薄，脂肪分佈好靚！澳洲和牛系列既牛真係必叫既清單入面，好少牛肉火鍋有和牛食，同埋價錢好親民，$48一碟！d牛肉夠肥，又嫩！我地每人試左個冰粉，好重菊花味仲有埋d菊花係入面，甜甜地，類似jelly既質地，9蚊碗抵食又好味～