616牛肉火鍋專門店

營業中

休息中

話說午夜時分見到電視廣告賣呢間專門食牛嘅616牛肉火鍋專門店,佢哋標榜供應多達差唔多二十款刁鑽牛肉嘅部位,而每款都各有不同嘅肉味同口感,所以就覺得好吸引,就上open rice度睇下佢哋嘅資料,發現原來都有好幾間分店,而尖沙咀呢間就直頭喺姐姐公司隔離街添,於是就捉佢出嚟陪我試下佢哋嘅lunch喇十二點半上到嚟,已經差唔多一半位置都坐滿咗客人,不過啲職員都好有禮貌,唔會因爲繁忙緊而唔理人,佢俾咗個比較靜嘅四人枱我哋坐,等我哋可以坐得舒服啲睇番佢哋嘅餐牌,原來呢度嘅午巿套餐總共有四款,職員就推介我一定要試下呢個客人必點嘅芝士紅燒牛肉麵$48蚊,咁姐姐就揀咗牛四寶湯飯$48蚊,哈哈我想講,其實四個餐都係$48蚊嘅,套餐仲會有嘢飲送又有甜品送,喺尖沙咀區嚟講真係抵到爛呀咁我就口多多問職員小姐午巿係咪只係可以叫呢四個餐呢?原來都唔係㗎喎...佢就拎咗個電子餐牌俾我睇,話晏晝都可以叫小食嘅😍我對心心眼即刻走哂出嚟呀!!!媽呀有我最鍾意食嘅羽衣甘藍呀😍仲要係天婦羅嚟添真係好特別呀我都係第一次見所以諗都唔諗就落埋柯打啦,然後佢仲話我真識食添原來呢個都係佢哋嘅特產之一。呢間餐廳嘅上菜速度都幾快,平均等五

今日約左朋友食午餐。但尖咀是但一間茶記都要五十蚊，行到赫德道見到個餐牌又幾抵啵。決定就食依間。有四個套餐選，朋友話想食麵，所以叫左芝士紅燒牛肉麵（$48）個餐跟送一枝野飲加一個甜品菊花冰粉。朋友話個麵都幾好食，麵質彈牙同牛肉都算幾多下，牛味濃，下次等我試下係咪真係咁好食先。我叫左牛四寶湯飯，最初唔知四寶係咩，朋友話叫左咪知道邊四寶囉。一上枱，原來係牛𦟌，牛筋，牛腩同牛仔骨。佢係一個牛肉清湯，仲有西芹白蘿蔔及胡蘿蔔，牛牛既份量都幾多，每樣有一至兩舊，而牛味都幾濃下，唔算多筋，將D湯撈飯一流，最重要五十蚊就可以係尖咀食午餐，既刻加哂分。其實個午餐可以加九蚊多一個油菜，但大食朋友話想食羽衣甘藍天婦羅，一上枱，咁大碟既？佢用個鐵架仔隔油，另外伴有酸汁。食果時浸下酸汁既刻中和哂油分，可能係炸，所以冇羽衣甘藍的苦味，味道唔錯。店員話送多枝野飲比我哋，貪心的我飲唔到多一枝，一於外帶啦。朋友話616晚市好多人616，常滿的。下次如果訂到位話我知啵。其實跟餐個甜品菊花冰粉都幾好食，唔算太甜，食到少少菊花，佢個質感幾似啫喱，埋單$144！

今日準備慶祝家姐生日，之後就帶左家姐黎食呢間佢好鍾意食既牛肉火鍋😋餐廳環境值得讚，可以望到街出面既景色，感覺幾舒服😌小食冰麻牛，都好好食，唔會太辣，但好有四川風味😬我地即刻叫左好多牛食！比大家睇下先，不過只是其中一部分😂澳洲和牛-內裙肉，呢款既肉真係用一個字形容叫做，嫩！之前都食過大陸個d牛肉火鍋，多數都係潮汕牛肉火鍋，好少有澳洲和牛呢d選擇，好食👍而牛朴肉都係一個好好既選擇，呢款雖然無澳洲和牛咁嫩，但好有咬口家姐好鍾意食😋而其他趾肉、牛駝峰等都係好味，暫時未覺得邊款牛係唔好味既

第二次黎616麥子，今次三個人來，喜歡的食物叫一碟就剛剛好，牛丸同餃子🥟🥟係必食之選，好好食，食到噤上下發現電話無📱電，但只戴左叉電器無線，問店員有無都立即借比我，座位同座位之間都有足夠空間，唔會迫，傾計都唔會騷擾到隔離枱。同行朋友是第一次來，朋友都對616好滿意話會同台灣朋友嚟試吓，夜晚9點半後重有88折優惠，會更抵食，下次等我都試下9點半再來😋來吃既朋友不妨訂左位先，噤就唔洗等慳返d時間。

尖沙咀食店多不勝數，但好多餐廳都好急趕。今次到麥子616享用午餐，不但環境寬闊，店員好有耐心介紹餐單舒舒服服食午餐午餐非常抵食，48蚊已經有飯加送飲品。而份量都啱啱好。我同朋友2個人要一個飯餐同幾款小食就夠哂牛扒夠淋，但略微嫌太咸了，但餸飯食都ok的小食最深刻印象嘅係羽衣甘藍天婦羅，做法唔常見，羽衣甘藍本身比較苦澀，但炸後香脆可口，苦澀味道全消！飲品入面，我最喜歡菊花桂圓茶，清甜解渴。店員話係佢地自己自家製的！下次有機會可以去試佢地嘅牛肉芝士麵

一直都想試呢間火鍋店，因為聽朋友講佢嘅牛係幾出色，所以約左朋友去左食。本身想試下佢嘅花椒同酸菜湯，但因為呢幾款都係每日限定，我地太遲黎了，所以點左個鴛鴦麻辣牛骨湯底，麻辣湯底好夠味！亦唔會好油。而牛骨湯都好好味，食完辣再食返清清地都好好食！之後即刻就黎杯「這些機會不是屬於我的」手工啤酒 （470ml），好有花香味，又唔會難入口，啱哂女孩子飲！提提大家，手工啤酒只有尖沙咀分店有！然後再點左好多佢地嘅牛總必食推介嘅幾款牛，牛駝峰同牛朴肉就好似我地平日食嘅雪花牛咁，超級好味！入口即溶咁！仲叫左個匙柄，你以為佢會好硬？no！係十分爽口！而吊龍伴就好彈牙亦都好有牛肉味！再黎係胸口膀，好爽口，唔會覺口感差！我仲嗌左個醬燒牛柳串，係胡椒沙嗲口味，我想講呢個牛柳串真係好出色，佢嘅汁十分好味！！！而且係我地點餐之前，店員都好有心機同我地解釋每種牛嘅口感味道，十分好禮貌。鍾意食牛肉嘅食肉獸一定要黎試下！價錢又唔算貴，每碟都只係$48-$68不等，但肉嘅質素係十分高！我一定會再黎食，試哂唔同肉類，因為份量都唔算少，我兩個人試唔哂咁多款，各位朋友仔可以叫多啲fd一齊食，唔洗驚無位坐，但最好訂左位先，座位都十分

又約咗幾個邊爐怪一齊食餐好跟住味王同事話呢間好想試然後我發現去到原來剩係得牛肉食🤣🤣當然我係唔介意啦不過我估唔到牛肉都有分咁多部份可以食有啲名我仲未聽過添😅😅我哋嗌咗都幾多款牛，我已經食到唔知邊款打邊款🙈淨係知有好多款賣晒不過味王朋友話安格斯好味👍🏻我就覺得佢可能佢每款都切得太薄，我食唔得出啲咩口感同味道出嚟😅😅😅不過我想講個菊花桂圓露好正，好解邊爐個陣熱氣又唔太甜而且呢度有好多手工啤我另外兩個朋友都覺得比個手工啤個名吸引左，所以order 🤣🤣鍾意食牛嘅朋友不妨一試

之前食過係黃埔既616之後對佢既靚牛念念不忘，今次再去尖咀分店食過先得！尖咀分店近尖東，位置好易搵丫！唔係地鋪，要上一層呢...店鋪座位寬闊，地方乾淨企理。有部大電視播戲潻...19:15前離座同21:30後入座有88折丫餐牌價錢經濟抵食呢間有澳洲和牛呀！！係和牛丫，一定要叫！！先黎個牛骨清湯，個湯好足料，有唔少牛骨同牛肉係裏面。仲有3件大粟米，超甜！！重點出場！！！牛朴肉質素同黃埔分店一樣咁好！肉質鮮嫩，又淋，入口好甘香！澳洲和牛牛味濃郁，油脂比例好均勻，有入口即溶既感覺！忍唔住encore多碟羽衣甘藍難得有特別d既菜嘛，就食佢啦。一籃都幾多下手打牛滑呢個好驚喜，必食呀要！！冇諗過牛滑可以咁好食架！肉質結實，而且牛味濃！比起出面好多成pat一恰就散冇牛味既差好遠！超正響鈴好鬆脆，唔多油打邊爐梗係要飲返清熱野啦...菊花桂圓露入口清涼，感覺滋潤。洛神玫瑰茶酸酸甜甜，好開胃。最後食返個甜品先...菊花冰粉真材實料，入面真係有菊花呢，感覺食緊菊花啫喱，幾特別鍾意食牛既可以黎食丫，牛肉質素堅高，食完令人難以忘懷喔

今日去開尖沙咀就約左家姐食飯 佢就話要帶我去公司附近呢間食牛既餐廳試下啦原來做緊promotion 唔怪得lunchtime咁多人啦！呢到既裝修都加左好多牛既元素 牛fans 最愛下次要晚市黎試下邊爐先XD呢到夜晚仲有邊爐 所以座位設計方面都有考慮到客人既需要menu 方面雖然唔多款簡 但係都有飯有麵咁～我地就叫左一個麵一個湯飯咁試下～芝士紅燒牛肉麵採用荷蘭芝士，牛肉一試就知非常有水準，而且麵唔會太淋，煮得岩岩好而牛四寶湯飯都非常足料，除左牛大大件之外仲有紅、白蘿蔔、西芹等，最岩就用黎送飯係到食lunch set 加$9 仲有時菜tim , 我地當然都有叫番一碟啦！成個lunch 我最驚喜既其實就係佢呢兩間跟餐送既野飲，有洛神攻瑰茶同菊花桂圓露簡，難怪可以吸引到咁多附近既OL黎食飯啦～

昨天，我們幾個朋友一起相約吃晚飯。朋友選擇了616麥子在尖沙咀的，是吃火鍋的。原來這裏也是616的分店。這裏環境很舒服，而且空間也挺大的。我們叫了一個兩個湯底的鍋，左邊是岩溶沙嗲湯底，右邊是牛骨清湯，各有風味而且還附送了生果，是西瓜來的，又消暑又解渴叫得作牛肉專門店，所以我們當然是叫牛肉為主了。這是牛上肋，牛肉有香味十足，但有不肥膩，很好吃呢！這是脆炸牛肉雲吞，外皮很薄，外脆內軟，配上酸甜的醬汁，額外開胃

616火鍋以牛為賣點，單是看到餐牌上的各種牛肉，已經夠吸引力，而且最讚的是每碟價錢划算~!!多點幾款都不會心痛~XD之前去過616另一間懷舊風分店，今次這家是以啤酒為賣點。不過今次無飲啤酒~因為太想飲這店自家製的菊花桂圓露，大大一枝，清熱又解渴，非常正~!!!菊花味超濃~~用平板點選好食物後落單，店員會把列印的單據取來，再反轉枱上的沙漏開始計時，在指定時間內，如果店家有漏單，就會免費被漏單的食物~~好有趣~~湯底今次點了鴛鴦麻辣牛骨湯~~~麻辣湯夠辣夠香!!!牛骨湯內的牛骨很多，更有粟米和蘿蔔增添鮮甜味道~既然是牛專題店，當然要試多款牛肉~我們點了牛駝峰、三花腱、安格斯橫隔肌、手打牛滑、黑柏葉。幾款牛各有特色~~~牛駝峰 入口即溶，淡淡牛香，食後才在口內散發!!三花腱 超彈牙，口感特別，喜歡爽口的人必點!!安格斯橫隔肌 牛味濃郁，有咬勁~!!手打牛滑超濃牛味!!!是少有地吸引到我食的手打滑。黑柏葉一向是我食火鍋時如果見到都會點的食物，好喜歡超爽的口感，配有芝麻醬。不過我更愛我自己調配的辣醬~~火鍋除了肉，當然還有菜~!!今次點了油麥菜~吸收麻辣湯，好滋味~不過老公就喜歡用牛骨湯煮菜。然

難得有暑假，可以同舊同事一齊食飯吹水。香煎吊龍扒係牛黎，但唔知係咩部位，不過我當牛扒咁食😆紅燒牛肉麵加芝士之前多數食紅燒牛肉麵，好少有芝士加，都幾特別，不過最好搞一搞，如果唔係就有一兩啖成口芝士。牛肉就正常水準，不會太硬，但個湯如果濃少少就仲正。牛筋腩牛肉串同牛舌串都正正常常，味道不俗，但最特別係叫左個胸口膀（較為白色的一串），咁大個仔第一次食，原來係牛的脂肪，而且更厲害的係佢地再加上牛油去燒，我起初以為成口油，但個食的口感又唔係，不過我加埋飯一齊食，所以可能唔覺好肥，但又學多左野。我地仲跟餐加左菜菊花桂圓露幾好飲係啤酒黎架，我無飲，但個朋友話都ok

相約多年不見既舊友見面，首選一定係打邊爐，烚下烚下既氣氛就不在話下，特意揀左間獨沽一味主打牛肉既火鍋，一定唔怕冇話題講。鴛鴦麻辣牛骨湯底 ($78)見多數人都叫牛骨湯底，雖然未算驚為天人，清清地烚菜都唔錯。 牛骨就唔多，反而湯底內既粟米同蘿蔔超甜，慳返唔洗叫咁多菜。 麻辣湯底偏香辣，辣度同熱浪差唔多，滾起後冇想像中咁多油，個人認為味道同所有食材都好夾。封門柳 ($68)全晚最愛既部位一定係封門柳，牛味超濃，嫩滑得黎夠彈牙又食到牛肉紋理，如果多人既話必定會encore。滑尾龍 ($48)煎pan加上滑蛋既外貌夠哂吸睛。 本來以為撈勻之後淥兩漆又冇哂蛋都幾無謂，原來滑尾龍熟左表面依然有滑嘟嘟既蛋漿外層，手切滑牛加蛋簡直滑上加滑，肉鮮味僅次於封門柳。金花趾 ($68)爽口透薄，夠新鮮但要配較濃味既湯底先令肉味較突出。匙柄 ($48)普通牛肉薄片，口感同肉味都稍遜，可以不試。紫菜卷 ($38)口感同平時既響鈴一樣，但濃烈既紫菜味好香口，吸埋麻辣湯底更加有小老闆既影子，好有驚喜！金菇 ($28)、羽衣甘藍 ($28)蔬菜整體都新鮮大份又夠乾淨，可惜羽衣甘藍有少少苦，食唔慣都係揀返大路野穩陣d。菊

出開嚟尖沙咀辦事，順道約舊同事食個lunch，一行三人就咁上咗呢間616麥子。一上嚟就見到醉生夢醒幾個大字，呢度D裝修都幾有特色，尤其嗰一排釀製手工生啤嘅酒桶，尤其有氣勢。除咗火鍋之外，呢度都有提供午市套餐，款款都關牛事，最啱我哋呢幾個無牛不歡嘅牛魔王。先上芝士牛肉麵，睇落食落都同台式牛肉麵好想相似，但呢碗麵嘅特色之處就係加咗荷蘭芝士。鹹香滑溜芝士即刻提升咗碗麵嘅層次，予人截然不同嘅味道同口感。跟住係好有心思用個瓦煲仔上嘅牛四寶湯飯，所謂牛四寶係慢煮牛腩、牛筋、牛展同牛仔骨。先呷一口牛湯，清而不膩，再啖四寶，保留原有牛味之餘，各有不同口感，食落别有一番滋味。經典吊龍扒配黑椒汁，看似平平無奇嘅一份牛扒餐究竟有咩精彩之處？先切一口牛扒肉，嘩！肉味濃郁，軟稔程度啱啱好，配埋個黑椒汁，更有畫龍点睛嘅效果。畀多九蚊，仲有碟時蔬，咁有菜有肉，就食得健康啲。四十几蚊個套餐包埋嘢飲，配埋碟菜，都係5O幾蚊落樓。今時今日，難得歎到性價比咁高嘅優質午餐。讚！