616牛肉火鍋專門店

營業中

休息中

遲來的正評！當日食完已經好想讚佢但係唔記得咗，執枱搵到張單先諗起當日突然間想打邊爐，睇吓附近有啲咩啊，之前食過大圍616感覺不過不失咁所以又黎食。門口見到手工啤都覺得幾吸引，所以試下，唔會好苦，有驚喜食物質素都不錯，雖然份量黎講唔算特別抵食，但係肉質新鮮滑嫩，都enjoyable非常impressed係服務大家都知打邊爐啲waiter都好忙，基本上上咗菜就由得你自己嚟。但係呢度啲waiters會眼觀六路耳聽八方主動加水加湯，跌咗支筷子，正準備舉手佢哋已經幫我攞咗對新過黎香港服務業揚威國際大家都知，真係好少見到中等價位餐廳咁好service有機會一定再去

616牛肉火鍋專門店成日都去，通常都係中午時間特式：呢間616好多分店，相信好多香港人都聽過，但我最鐘意去係佢尖沙咀嗰間分店（616麥子），因為佢環境最好，又唔多人，同埋呢間分店會有比較多嘅手工啤酒選擇，同埋好似淨係呢間分店先有串燒提供。食物：一人火鍋 - 最鍾意叫佢個一人火鍋，只係78蚊，但就有好多野食，有幾片牛肉，幾粒丸，兩隻蛋餃，兩舊豆腐，一隻帆立貝，一個蔬菜籃同一個主食，一個成年人已經夠飽，確實抵玩。熔岩沙嗲湯底 - 最鍾意叫佢呢個湯底用嚟淥公仔麵，入晒味，正到暈，淥烏冬都唔錯，因為佢夠杰身，都掛到汁。火鍋配料 - 佢有多款牛肉唔同既部位可以揀，蛋餃同丸質素都唔錯，如果淨係個一人鍋唔夠食，仲可以散叫佢其他肉類，lunch時段散叫餐牌其他食物有8折，幾抵食。小食 - 真心推介佢個小食，油趣魚皮，每次去親都會叫，好食到震，又爽又有少少辣，好香口惹味，送酒一流。飲品 - 有一般汽水，但最正係佢有多款手工啤酒揀，尖沙咀間分店有特別多手工啤揀，呢個都係我會成日去尖沙咀分店嘅原因。環境：餐廳環境好好，地方闊落光猛，枱又夠大，lunch時間又唔多人，坐得好舒服，又唔嘈唔迫。服務：服務態度非常

午餐來食定食打邊爐，可選一款肉，湯底。午餐跟牛 X價錢差不多，不過就唔係任食，無野飲。可能午餐比較少人，d食物好似未溶雪，但我都ok 嘅，616 應該會溶。味道一般啦，個湯底正常。

由年初至今，終於等到8人限聚，人多好辦事😋齊齊去滾！ 要讚店員態度超好超友善，見我地無乜頭絮就主動介紹👍👍👍D牛肉超新鮮，湯底我就喜歡麻辣鴦鍋，一定要食烏冬 蝦滑 魚皮小食，當然要飲手工啤；飲咗 里香白蘭 同一代宗師， 白蘭超花香順喉，好啱女仔；一代宗師重麥味，又係正！ 一定要再去😋😋😋

哇～～～好多牛肉選擇丫!! 本來考慮緊去某某餐廳食打邊爐放題定616，最終決定去616 因為我地好想食靚牛肉。專登揀埋crossover 麥子咁就可以飲埋手工麥子啤酒🍻。嘆！我地揀左個全牛火鍋盛宴套餐$608 再加其他食物。牛肉真係好味，佢menu係分晒好多唔同部位既牛肉俾客人揀。雖然食食下掛住傾計我都唔知食左咩部位打咩部位🤣🤣。但全部應該係手切牛肉，唔係用機。我地叫左沙嗲湯底同埋理想點「鮮」湯底。理想點「鮮」係用牛骨髓同白蘿蔔肴既湯底，但湯底整體唔太出色，無咩味。每碟份量其實係幾細碟，所以呢個餐我地4個人有埋男生就變左唔夠食🥲，2人食呢個餐就應該會岩d。

呢間餐廳最近都好出名，好多朋友都話好食，所以試一試。餐廳的確有好多牛唔同嘅部位，但係冇人介紹邊啲好食，所以都係求其叫咗幾樣試一試。叫咗鴛鴦湯底，一個係清湯一個酸菜湯，味道比較普通，食物質素亦正正常常，應該不會有下次。

第一次食嘅616🐂616出名食唔同地方部位嘅牛🐂其實係超啱我去食😋因為真係好鍾意食牛😍所以唔知點解我到今次先係第一次去🤣今次嗌咗以下食物😙不過唔會一一介紹🐂建議自己去試下想食嘅款🙌🏻因為都真係幾多選擇😛Btw尖沙咀呢間分店係特別有串燒同超多酒類選擇！鍾意飲酒打邊爐可以去🍻🌶🐂鴛鴦麻辣牛骨湯麻辣唔係平時食開嗰種feel😛好似係港式加台式嘅感覺🌶就咁淥嘢食就唔算好辣🌶最尾淥公仔麵就辣啦🤣牛骨湯就清甜👍🏻入面仲好多蘿蔔同牛筋腩(應該係)主要用嚟淥菜🤣🐂胸口膀🐂安格斯-橫隔肌🐂❤️牛心🐂澳洲五花趾🐂蘇格蘭雪花胸肋🐂👅牛舌🐂澳洲朱古力和牛-牛肩芯🐂吊龍伴🐂⚪️手打牛筋丸（半打）😋油豆腐串🥬油麥菜🍜公仔麵🍹菊花桂㘣露🍺冰山雪蓮 470ML🐂👅鹽燒牛舌串🌶🐂冰麻牛🌶🐟油趣魚皮🌶🥒手拍黃瓜

座位空間大，唔會覺得逼夾，店員服務好好，有不同牛嘅部位嘗試，有口感，而且有鮮味，特別有個叫蛋餃，入面有雞同豬，食落似奄列嘅感覺好特別，另外有一個麻辣牛肉餃，不過可能會食到啲麻籽，會有啲苦嘅感覺，手工啤酒好飲， 可惜可能係星期六嘅關係 我最鍾意嘅羽衣甘藍同埋鴨血都已經冇，會再去

我叫左麻辣加牛骨湯湯低，$48-68，一碟牛，細細碟可以食唔同嘅野，但係價錢就唔平，啲牛肉質量都ok 嘅，但未好食到會嘩！勝在好多牛嘅部位可以揀，手工啤幾好飲。佢好似有八款，但當日只有兩款揀。2個人賣單$1000蚊咁上下。

呢排天氣涼涼哋，最啱打邊爐，有麻辣仲正😍 今次我哋選咗尖沙咀嘅616麥子 @616hotpothk 度食lunch暖暖身！打住616個牌頭，唔洗問阿貴都知呢間餐廳主打食牛㗎喇，而且據佢哋IG所講”為客人提供刁鑽牛肉部位，食盡各種調轉牛部位”，咁入到去冇理由淨係食一啲最普通嘅肥牛呀，牛筋呀呢類大眾嘢。湯底我哋叫咗鴛鴦麻辣牛骨湯($78)，兩個湯底都好出色，麻辣唔似一般坊間所謂麻辣其實唔辣，佢真係辣嘅，愛辣之人一定要試🥵 我哋叫咗黃喉($48)、牛舌($48)、花雕醉牛($48)、俄羅斯牛側胸肉($68)、澳洲朱古力和牛-牛腩心($68)、油脆魚皮($38)和蜂巢豆腐($28)。兩款牛肉都做得好出色，厚薄剛剛好，肥瘦均勻，特別係澳洲朱古力和牛-牛腩心，口感好爽脆！花雕醉牛呢個係驚喜，淥完後食落去有淡淡黃酒幽香，真係幾正！有讚就有彈，如果牛舌可以切得厚啲、大塊啲就更加好啦🥺而黃喉有一兩件有少少不太新鮮嘅味道，不過我哋都明白嘅，錯不在商家😌總括而言，呢間餐廳都好好食我係我講！

第三次食了！最愛他的牛肉和手工啤酒❤️🪑OpenRice/電話上晚市訂坐只有18:30/20:15可選擇。所以最後，我便網上訂定位，早到便去walk-in。星期二我晚上，19:30 剛巧有位可直入👻🍲鴛鴦麻辣牛骨湯 $96一邊是又麻又辣的紅湯， 怕太辣的我們立馬挑出所有紅色的辣椒🌶️。一邊是香甜的牛骨湯，食菜食出食物原味道便最合適不過！美國天然肩胛翼板$48*2碟今晚第一名，最愛，吃完再追加。大大片，香濃牛味，雪花分鋪平均，可能會有少少筋，但不影響整體口感😚蘇格蘭雪花胸肋 $58今晚第二名，大大片，大滿足。雪花感可以，只差少少牛味。鹽燒牛舌串 $48*2份=4串厚切牛舌，爽口，淡淡的鹽味，等著火鍋的時間，吃著這小食，人生一樂也。(一上菜便即便食左，唔記得影🤡)安格斯橫隔肌 $48牛味濃到。。。有朋友覺得係羶味。我個人覺得是可以的。脖仁 $68每片都比肩胛翼板細，雪花較少，肉感較彈，不是滑的。但因為侍應哥哥專登走過來sell，所以才比個機會佢，不過應該無下次了🤡手打墨魚滑 $48粒粒墨魚，又彈牙，清湯辣湯都咁夾。蜂巢豆腐 $28其實他是冰過的豆腐，但今次無雪櫃的腥羶味，用來吸盡湯汁一流。鴨血

🐮牛肉火鍋專門店 — 616七桌子🐮⬜️牛肉係好色澤鮮艷，鮮嫩爽口，十分肥美，可惜敗筆係全部都吾夠牛味🙈而牛肉款式好多，有啲刁鑽牛部位嘅都有，好似吊龍伴、封門柳、澳洲五花趾、牛上肋等。大部分烚幾秒就已經食得😍真係樣樣都想食曬。湯底方面，雖然揀咗普通牛骨湯底，但到最後成個湯既牛肉味會好重，令我係不停飲🤣整體黎講，就款試多，但質素就未算話好好。不過值得一讚嘅係服務態度幾好，而且港九新界都有分店，都算方便。⬜️ 為食指數:6.5(10分為最多)抵食指數: 7.5⬜️#goeat紅磡#goeat銅鑼灣#goeat荃灣#goeat元朗#goeat西營盤#goeat大圍#goeat大埔#goeat尖沙咀#goeat黃店#616七桌子#火鍋#打邊爐#火鍋#麻辣火鍋#紅磡美食 #hongkong#hkfoodie#foodstagram#FoodPhotography#foodporn#FoodGasm #foodie#foodoftheday#FoodInTheAir#Delish#InstaGood#InstaFood#Food

想打邊爐，咁啱朋友諗起呢一間可以坐outdoor 佢試過話OK, 即日Booking又有位,就試一試好唔好食一入到去都幾full下，outdoor 每張枱都有風扇，但如果真係好怕熱的話都係建議坐裏面，因為如果你食辣的話食食吓都會係咁出汗覺得好熱，環境方面都尚可但係網絡收得好差，員工服務一般，我哋食到一半有員工同我哋講有人客想坐外面問我哋介唔介意轉枱，我哋梗係介意啦，食緊野無端端要轉另一張枱仲要係打邊爐😤食物方面，每一碟都係細細碟，幾十蚊，其實咁樣都好，如果份量好大的話，人好少就唔可以選擇太多，牛嘅部位都多，Order左5款牛，牛嘅話淨係覺得只有一款好食，其他牛嘅部位都麻麻地，其餘嘅食物都尚算平均但唔覺得真係好好時間可以坐到10:00，打邊爐的話都有啲緊迫，埋單平均每人$500以上，如果$500以上嘅邊爐可以選擇其他地方更好！只能夠講句不過不失！

經OpenRice 訂位Book 8點，我地8點到但8點半先入得。中午confirm booking 個陣就訂交檯時間係10點，但佢遲幾耐俾檯你都係10點交檯。仲係OpenRice 取消埋我個訂檯話我地遲到。8點半入座，但9點15分就last order 同逼你埋單。9點半就係咁走埋黎收野，仲叫你熄埋個爐。態度差到極點，冇下次。

#尖沙咀#手工啤酒配新鮮牛肉火鍋🔽《616麥子》🐂🍺🍻💢買黃牛不如食黃牛啦😆(講緊既係黃店既牛肉je🤫) 專食唔同部位嘅牛邊爐好似唔多餐廳選擇，都幾岩真正既牛魔王黎試吓🤨，睇你想食咩口感/肉味濃淡/肥瘦程度都有。🍲$78鴛鴦湯底，牛清湯（入面有幾舊牛腩以為係煲湯柴肉，點知好有肉味同易咬）+沙嗲湯（本身乜期望，又ok wo幾惹味香口，加個麵可以自製豪華沙牛麵!🤭  🐮橫隔肌、五花匙、牛駝峰、匙炳、美國天然肩帶胛翼板呢D都係必嗌
但食左太多碟，已經唔記得邊個打邊個-.-(不過食個時碟肉有張單比你睇食緊部位 ，唔驚睇錯)💫個人最中意安格斯橫隔肌，咬落較嫩口。每碟$48-68不等，份量不多不少，很快清完一碟又一碟🙈。 👁‍🗨水魷彈牙爽口👁‍🗨牛肉餃雙拼，原味+麻辣味（麻辣味較好食，juicy惹味）👁‍🗨沾醬料，有款牛肉汁，係偏甜的。🍺手工啤酒易入口，冇咩啤酒苦澀味。