616牛肉火鍋專門店

營業中

休息中

見訂位有特價，一於黎試下呢間野好耐之前已經聽過主打食牛肉，仲會有啲特別部位食下一坐低侍應都有過黎介紹下啲食物我同朋友決定嗌個卜卜蜆煲食下先個蜆煲真係好多蜆，而個味都唔差食完蜆就嗌牛我地嗌左牛舌、牛朴肉、牛駱蜂同三花腱牛舌切到好薄，真係616就食得，好爽口三花腱就似牛𦟌，好有咬口😆牛朴口好滑好淋😋牛駱蜂就比較有牛味👍🏻仲有嗌左牛丸同啲菜，都係普通水準呢間616主打手工啤，但因為自己唔太好啤酒所以無試到試左佢地嘅自製飲品-菊花桂圓露都幾好飲，唔太甜下次有機會都會再黎食過👍🏻👍🏻👍🏻

作為香港人無論甚麼天氣都要打邊爐，昨日朋友介紹來了這間號稱專吃靚牛的616，果然沒有失望！616將一頭牛的多個不同部位都仔細分開，每碟牛的價錢都不貴，打一次邊爐就可試差不多試晒全牛。必試龍尾滑，沾上大量的蛋提升香味，牛味濃香，一試難忘！

一向都好鐘意食牛，今晚朋友提議去食牛肉火鍋專門店，我緊係舉腳讚成啦！我地特意叫左個牛骨湯底-理想點鮮~$58用牛骨、 牛腩、蘿蔔淆製而成，清得黎又有少少鮮味，可以試真啲每種肉既味道。餐廳係用ipad 落單，每種肉都會有簡單介紹。我地揀左3款肉，第一款係安格斯橫隔肌~$48橫隔肌 油花分佈勻 肉質幾林 肉味好濃 鐘意食牛既一定唔可以錯過呀！！第二款係匙柄~$48匙柄 油花較少 肉質比橫隔肌林 柔軟有嚼勁第三款係澳洲和牛內裙肉~$48內裙肉 油花比較多 食落好有油香味火鍋當然唔少得醬，緊係要試下秘制牛肉汁啦甜甜地有蒜味，我都係鐘意咩醬都唔點，咁先可以試到原汁原味既牛肉我地仲叫左款熱食-鹽燒牛舌~$48一串有四舊，厚身得黎又爽口總括嚟講都幾抵食，每碟肉都係四十蚊，可以試唔部位既肉，下次要多啲人黎食，可以試多啲唔同肉。

今晚同朋友去左尖沙咀既616打邊爐，呢間火鍋店係一間專食牛唔同部位既餐廳，非常講究，連每個部位淥幾多秒都有寫埋出黎俾我地參考，非常細心又認真！醬料方面除左有基本既醬油，仲有一個好好味既秘制牛肉汁，好鮮甜味美，配上鮮嫩既牛肉更加有提鮮作用～肉類方面，我order左橫隔肌、內裙肉同匙柄，三款肉都切得好薄，簡單淥六秒就okay!Easy and yummy!肉質上乘，簡簡單單已經好好味，牛味好重！橫隔肌牛味最重！內裙肉就脂肪多啲～匙柄肉質較柔軟，口感彈啲！湯底好清甜有鮮味，係用牛骨同牛腩慢火熬制～小食叫左鹽燒牛舌串，很不錯！爽口彈牙，岩岩夠味，燒得好香口！飲品叫左洛神玫瑰茶同菊花桂圓露，幾清新解渴～

湯底好味之外，有充足份量既蜆，夠乾淨食落無沙，湯底少少辣，我個人好鍾意。牛肉食左幾個部位都好好食，牛肉味好重，唔同部位口感同味道都真係食得出分別，比起平時打邊爐淨係食肥牛，就唔會咁單調啦。叫左杯酒飲，個杯好得意，岩晒打卡啦，而且都好飲。仲叫左d串燒，估唔到都好好食，特別推薦牛舌，燒得入味又唔難咬！

入到去感覺好舒服很具特色，別有一番風味，我同朋友放低左有個侍應就走過來好好服務介紹佢哋有特色嘅食品,花雕䙺，非常正，下次一定再吃，其他食物就好精緻，細細碟，如果女士來說都可以，價錢唔算太貴,係細碟d,送餐如果超過20分鐘就免費，下次一定再來。

這個金漆招牌大家一定不會陌生、就是尖沙嘴616麥子先來一個花好月圓～$78～手工啤自家工房製作有心思有品味濃濃的味道⋯⋯嗒落好回甘牛什湯底$78～豐富多料、牛腸、牛肚、牛膀、牛肺、樣樣齊，好足料牛朴肉$48～雪花紋理分明，有牛味juice雙層肉$48～牛胸油的部分，爽脆口感牛鴕峰$48～第一次食，牛肉味較濃、有咬口皇帝菜、響鈴各$28～正常水準，打邊邊必點羽衣甘藍天婦羅$48～很特別的味道，似中國芥蘭味道，但有機蔬菜遇上天婦羅🍤好好味推介牛肉餃$$48～自家製好巧手，麻辣味好出眾like最後再來個Encore 🍺🍺🍺愛不釋手真心推介

不錯的以牛作為主題火鍋，牛部位多選擇，配手工啤酒，幾好搭配！服務方面不錯，有觸讀給客人怎樣落單和是日推介！餐廳環境不錯，又坐立於尖沙咀，方便聚會！建議提供多點（牛以外）火煱料給客人選擇

老闆第一間開係上水616。此位置對上那間都是火煱店。但做了不夠三個月就轉手616..老闆最聰明就是走向牛的偏鋒。。每個牛的位置總會嘗到。美味可好。入口即化。真是難得難得。必要一試的餐廳

寫話收兩點 11點幾坐底等緊朋友12點到先話要1點要清場 有無搞錯 咁如果係就唔好寫話兩點收工啦 仲要朋友上埋的士黎緊 一個鐘要人點打邊爐即 真係好嬲啊 之後食過幾次都唔係咁既 好失望羅

每一次，放lunch諗食咩都好頭痛!吾知食乜好？尖沙咀食飯好貴！周圍都好多人今日經過赫德道，發現原來有616，二話不說就衝左上去，因為之前係荃灣食過晚市火鍋！勁正成間舖裝修好懷舊，靜靜地而且坐得好舒服相對晚市，午市選擇比較小。但都是主打食牛🐄果然是牛專家我點了咖哩牛筋腩。咖哩不算太辣，但牛腩都好入味。雖然牛腩算偏瘦，但一點都不‘銀’非常軟，真係軟到老人家都食到而d牛筋都好軟滑食完個都滿口膠質另外，黑松露鮮菌肉醬飯都值得推介黑松露炒雜菇真係冇得輸好香，而鮮茄肉醬配飯一流一飯兩味好有層次，口感又豐富。以$38蚊來講，榮登必食推介所有套餐都配有飲品全部都係新鮮自家制，（洛神花/桂圓菊花/烏梅汁）非常健康！而且低糖口味！可惜只有凍飲。

昨天朋友相約在尖沙咀食飯朋友預先訂左616打邊爐7點左右入座看到餐枱紙上有很精美既牛公仔介紹牛既唔同部位煮好幾多分鐘真是細心開頭叫左個花鵰煮大蜆鍋好正新鮮，這間店鋪有手工啤酒🍻我叫了一杯叫創世經典個名好勁，味道好似有啲花香同麥味重，基本上牛肉什麼部位都有比其他火鍋店多真是難得價錢合理

前排潮汕牛肉火鍋好鬼Hit，我只係大陸食過一次，但成日都對於依個火鍋念念不忘。最重要係因為潮汕牛肉火鍋，可以食到唔同牛既部位，而食法好講究之如～又可以食到牛既鮮味，絕對係牛魔王們～必定要試！今次就揀左來依間好多分店既616牛肉火鍋專門店來試。潮汕牛肉火鍋既湯底有一個特式，為左肉味唔會比湯底搶走左，所以味道一般既湯底比較清淡，最常見既就係牛骨清湯，但616既湯底就選擇多好多而味道都調較得岩岩好，不過淡亦都不過濃。店家有提供7款湯底有：牛骨清湯、牛雜湯底、溶岩沙嗲湯底、酸菜湯底，青花椒辣湯、鮮牛油麻辣湯、花雕醉蜆鍋。識食又貪心既我當然揀雙拼啦！今次就揀左青花椒辣湯 同埋牛骨清湯～ ($78)牛骨清湯加入左粟米、白蘿白同大量既豬骨，味道清甜，絕對要叫一個牛骨湯來帶出牛肉既鮮甜！而青花椒辣湯唔似鮮牛油麻辣湯甘辣，反而係辣椒湯底既清泉，味道更為清香同辣味更容易接受，飲落口都絕對無問題～當然唔少得今日既重頭戲，我地總共叫左6款既唔同既牛，而每款牛都好好食～好難分高下。但我同男朋友仔對於依6款牛品嚐完，為左下次來方便食，提醒自己就列出以下排名：第一名：牛心 ($48)，今次係我第一次牛心，牛心既口感

行尖沙咀，依排想食下火鍋，但質素又想好少少，仲想食得清淡啲，真係買少見少，係依度大多數都係for大陸人嘅價錢，真係冇乜選擇。同埋朋友買完野近近地，見到呢一間睇落幾整潔，食嘅嘢又啱我地口味，咁我哋就入去試一試。依度落單係電子化嘅，㩒下個平板就可以揀你食啲咩。我地今次就揀咗個鴛鴦沙嗲牛做湯底，仲叫左滑尾龍，金花趾，牛駝峰，手蝦滑，鴛鴦沙牛湯底，慢煮牛筋腩，響鈴同皇帝菜。依間主要係食牛嘅，佢分唔同部位食，真係有唔同嘅層次。先講個湯底，依個湯底真係冇得頂，佢啲牛味好足夠，加埋啲蘿蔔同其他嘢，食到中途都忍唔住要飲啖湯，最尾食埋舊蘿蔔真係好入味。滑尾龍需時15秒，佢有張紙教你時間嘅熟度。依個係牛嘅背嘅後方，佢配埋隻生雞蛋上，食落似生滖粥嘅滑牛。金花趾喺牛嘅腳較上位置，佢嘅脂肪分佈好平均，食落超重牛味，我個朋友超鍾意。牛筋腩，個腩肉有層次，牛筋就等佢滖耐啲，我估佢之前有滖過下，因為我地都係滖左半個鐘左右就食，嘩，超淋，勁好食。牛駝峰喺牛背嘅較上方，依個位超好食，你睇落薄薄地一塊，但食落口係有咬口之餘又唔韌，肉同油好均勻，牛味好重，食完仲會回香，值得一試。

一早己聽過這一間出名的616麥子，今晚和閨蜜Connie 吃晚飯，大家也是嗜吃牛肉火煱，我們馬上訂了今晚6時吃過痛快!位置很好在赫德道the Hart, 也太容易找吧! 我們坐下後，急不及待在ipad上先0rder 了一個清牛肉煱!牛肉當然選上最好的安格斯牛肉片，因為是横隔肌，又位於肋骨內側，所以是肉味牛中最濃，我們也吃得停不了口!另外的餃子我們選了麻辣及原味雙拼，本人就較為喜愛麻辣牛肉餃子，又香又濃，值得再吃!手打牛丸真彈牙，而且牛味很重，真的很入味，我們更叫了扇貝，新鮮又大隻，鮮甜味美，我們今晚真的大滿足了!