8號冰室

營業中

休息中

每天早餐公司員工必叫之店，8仔的早餐比午餐更出色。餐蛋治，雞蛋有牛油，滑蛋有奶味，烘底也烘得很好。價錢相宜，hkd30 有野飲。而且1個餐都送 另外，三文治的蛋和餐肉夠大，抵食

$39 下午茶芝士火腿三文治上菜後呆咗！未見過三文治塊包咁薄！又唔夠熱融塊芝士完全唔係餐廳應有嘅水準亦唔係$39應有嘅水準食空氣咁有圖有真相千萬不要幫襯係我食過最垃圾的餐廳

又到一年一次要去灣仔食早餐的日子，大家估下點解要來灣仔，還要一大清早坐地鐵·來。Anyway，上年來過這邊附近的地方食早餐，今年又是時間試新食市。到了8號，早餐的多士有surprise 蒜蓉厚多士係幾有特色的，當然是好熱氣的，因為兩面都有烘。如果可以即叫即烘，效果一定會更好吃。用心機想出多一個元素，都已經十分好了。唔知點解灣仔的多士早餐，家家都有亮點［想知道上一年我去過那一家試多士早餐，要看回之前寫的食評才知道了。］今次的彩蛋便一定是加了錢的奶茶

這間是公司食堂之一，今天午餐有酸菜魚，決定試試看。本身8號冰室的例湯沒有味精，非常推薦。至於主角酸菜魚，55元有4-5塊魚，還有很多酸菜，肉也不少，已經覺得很滿足。湯的味道也很足。至於薯粉就比較普通，還好而已。如果在灣仔來說，算是這樣。

我嚟到呢度呢叫咗 香煎味極豬扒飯 上到嚟係斬件嘅炸豬扒件， 店員話呢度所有扒類， 雞翼雞髀都係炸嘅。 就算香煎都係炸。 之後我改為瑞士汁雞髀腸仔飯 佢話需要耐啲 喺香港食一間快餐茶餐廳 一個佢哋8號推介飯餐 瑞士汁雞髀腸仔飯需要30分鐘。可惜 上到枱個雞髀仍然係冰凍， 味道當然係冇味，依家香港人應該唔會食到啲什麼好味嘅快餐 茶餐廳都只不過係三餸飯嘅堂食版呢間垃圾茶餐廳自行決定 會唔會幫襯呀我1pm落第一個order, 坐到1點55分. 我都未食到呢嗰個茶餐廳快餐恐怖做衰飲食業

約到巴士迷朋友黎灣仔上車，一早已經約好要食8號冰室，好lucky，今日有卡位坐。今次我地專登試炒麵，掙紮左一陣，決定單叫埋招牌8號黃金西多士～8號黃金西多士$36完全唔會後悔，因為真係好和味，唔需要自己倒蜜糖，已經非常濕潤，很易入口！自己一個食就太不健康，兩三個朋友開心share最好！XO醬雞扒炒公仔麵$42豉椒牛肉炒河$42雖然係下午茶餐，但非常有份量，絕對食得飽，加上唔會只係得幾舊肉！巴士迷朋友比我識食，佢就話XO醬雞扒炒公仔麵比較惹味。8號冰室門面雖然岩慚啲，不過野食真係幾好味，呀叔呀姐嘅態度又幾好，簡直係窮人恩物。

放工經過灣仔，想求其搵d野食，見到8號冰室無咩人唔使等位，試咗佢哋嘅蔥油雞翼煎蛋飯同冬陰功雞扒米線。蔥油雞翼煎蛋飯：食落好親切，雞翼煎得香脆，同蔥油飯一齊食，唔會太油膩，好開胃，令人食完想再嚐。冬陰功雞扒米線：呢碗米線湯底濃郁，帶啲微辣味，雞扒煎得啱啱好，清爽唔油膩，食落好過癮，令人胃口大開。8號冰室嘅菜式好道地茶記，咩都有。希望餐廳可以繼續保持呢種獨特風格，同時推出更多驚喜嘅菜式。期待下次再嚟，試吓更多其他野食。

朝早去開灣仔，諗起佢嘅蒜蓉多士，所以特登嚟呢度早餐。蒜蓉厚多士係佢嘅特色食品，一般餐廳都係求其俾塊牛油多士你，有d甚至烘都唔烘，俾塊牛油方包就算。但呢間餐廳除左蒜蓉牛油，仲烘到啱啱好個面有少少燶嘅脆口程度，蒜蓉味又夠，入口鬆脆又夠香，啱曬我呢d蒜蓉愛好者。炒蛋正常無特別驚喜。雞扒米粉免費轉蕃茄湯底，蕃茄湯底有埋鮮茄肉，偏酸。唯一敗北係雞扒無分碟另上，直接浸落碗蕃茄湯度，令到原本脆皮嘅雞扒浸到淋曬，影響曬入口口感，嚴重扣分。

未到11點，完全無人招呼，叫到人就話無早餐，咁之後再叫常餐，叫完就話有最低消費，6歲都要計最低消費，強迫人要叫多杯野飲或一個餐，即刻起身走人，唔怪之咁多人北上消費，下次不會再幫襯

呢日星期六，約左巴士迷朋友見面，食完下午茶就去搭巴士。環境入到黎，兩邊卡位都坐晒人，唯有坐中間圓檯。呢度冷氣超凍，食食下仲隨時有水滴落黎。食物八號冰室環境真係麻麻，但野食就真係幾好味。乾炒牛河 $42雖然係下午茶，但份量係OK，食得飽人，而且配料都好足，牛肉都有幾大塊架，我就非常推介！揚州炒飯 $42啖啖都係料，唔似係翻叮炒飯！巴士迷朋友話好味！凍熱奶茶跟餐送野飲，我記得呢度奶茶係得架，就叫左熱奶茶少奶比自己。凍野個杯都幾得意，印左八號冰室字樣。總結齋食野黎講係好味，但環境就真係麻麻。呢個場都幾多男人，食飯期間，見到有個員工剝了上身衫，攤喺一張檯到休息，睇落去都幾影響食慾（除非有張國榮靚樣啦）。

叫一份炸脾茶餐，等了30鍾趨咗兩次，隔離枱遲過我點餐，同樣是炸脾都來了超過5分鐘，問佢還是話等多陣，於是我行去櫃叫佢取消個餐，預備淨俾杯茶錢算，收銀大叔話“吾得喎，廚房整緊我要收錢”，還講大話聲稱隔離枱早我一分鐘點餐，因為我清楚得我的飲品上枱時，隔離才坐低，嘈咗一輪，最後俾多2蚊包走個餐，基本上係自己出錯老屈人比錢的餐廳而隻炸脾包到返屋企都預咗會淋，我吾食皮呢個就無乜所謂，最緊要係品道同夠嫰滑，可惜呢隻要成30幾40分鐘既炸脾係KFC味道，仲要無KFC咁滑

朝早出港島區，順便食個醒神早餐做一個好開始，而今次「八號餐廳」絕對可以做到。地點︰ 一出灣仔港鐵站，不用數分鐘就到達餐廳，而且相當容易找到。環境：桌子之間的距離都能夠接受範圍，地下亦沒有水漬等，而桌面都沒有一陣臭布的味道！食物質素︰今餐點了香港必食早餐 - 「沙嗲牛肉拼餐蛋及多士」。- 餐蛋方面，餐肉略為煎熟，沒有太大油膱味，太陽蛋都有燶邊，不錯不錯！- 多士方面，有別於其他餐廳，只是牛油多士那麼簡單。本餐用上蒜蓉多士，而且有烘及食出一粒粒蒜蓉口感。- 沙嗲牛肉，牛肉本身醃的時間用重了胡椒，所以吃上來明顯有點重胡椒味多於沙嗲味，再者沙嗲味本身都不太濃郁，使湯頭略為一般，有點失分。特別之處︰本店有別於其他餐廳，辣椒油不是一包包附上是每張桌都設有，雖然味道並沒有太大驚嚇，但現時餐廳來說，都值得加分！

冰室的牆上的卡通燈箱畫色彩繽紛，有本土主題。下午茶點了8號黃金西多士 $39加$3凍奶茶賣相ok，包炸得夠身，中間夾的花生醬足夠，糖漿夠。奶茶未夠濃，不過不失。Colorful cartoon light box paintings was around the wall in the restaurant.For afternoon tea, No. 8 French Toast $39. Additional $3 for Cold Milk TeaThe presentation was good.The toast was perfectly deep-fried with enough peanut butter in the middle of the toasts and generous amount of syrup on top.The tea was not strong enough.Not bad in general.

在會展中心完成工作，下午茶時間在附近找吃了，這間餐廳一下天橋就是，離灣仔地鐵站3分鐘距離。下午茶最好就是有一杯好喝的奶茶丶咖啡或鴛鴦，看這一件門口奶茶的推薦，就選了這裡。8號冰室潛艇，咸牛肉芝士炒蛋熱狗包，好吃！所有配料配合得天衣無縫，咸牛肉和芝士料也很足。8號冰室招牌的凍奶茶，茶很好喝，就是不能選甜度，都是已經包裝好的瓶裝奶茶。下午茶的奶油西多士，多士炸得很香脆，沒多餘的油份，油也沒有奇怪味道👍用的多士炸後還是鬆軟，內層有厚厚的花生醬。

午餐時間去堂食，食物是凍冰冰的，飯也是凍的，翻叮了也是凍的，汁也凝固，像是剛從凍櫃拿出來的。說是雞飯，一碟雞全部都是骨，只有雞皮連骨，全碟雞飯無肉的部份，難食。