81番 (已結業)

係旺角行左陣街，五點幾又未到晚餐時間，行到攰想搵間餐廳坐下，朗豪坊既星巴克又例牌多人，所以行左去隔離既露天餐廳，見佢冇咩人，靜靜地！一入到去坐低，waitress即刻問我地會唔會叫下午餐，原來仲有五分鐘就無下午茶，睇左兩眼，我揀左個海鮮烏冬加橙汁。湯底味道岩岩好，海鮮有兩隻蝦同三粒蜆，蝦雖然不是好大隻，但都係新鮮橙汁要加五蚊，原本估佢會係果汁先生，黎到估計應該係新鮮榨的，因為飲到有核最愛新鮮果汁！！朋友揀唔岩下午茶啲set，叫左個正價既咖喱吉列豬扒飯配凍檸檬茶，其實所謂正價都唔係好貴，不過佢就唔多滿意，佢話啲咖喱好咸，寧願食白飯請我食左件吉列豬排，豬排確實係硬左啲，同埋吉列唔脆可能因為時間關係，我地去到餐廳唔多客，坐得都幾舒服，不過唔係入舖位，有啲熱！

諗住求其搵個地方食lunch，友人食過呢間話ok就入去試試，餐廳係露天嘅，下午食會好曬，靠商場冷氣就變得有啲熱，去到要等一陣位，因為3個人比較難有位。叫左豬軟骨烏冬，湯底甜甜地幾好味，跟左舊甜腐皮包飯都ok，朋友叫左卡邦尼意粉，唔見佢有cm，另一個食豬肉烏冬，佢話豬肉好硬食唔到。整體黎講，露天環境都適合傾計，樓上亦有live stage直播緊，我地講野大聲就唔怕嘈親人。

呢度同裝修之前比，食物餐牌多左選擇，d位迫左，同唔再係self service🤔🤔⭕️雞扒沙律件雞扒堅好味，亦厚，好嫩，不錯的！沙律菜亦新鮮，dressing係芝麻醬，正！可惜份量偏小🙈🙈⭕️卡邦尼意粉 個包之前係跟丹麥麵包，依家要加5蚊先有😭😭😭同今次烘得麻麻，唔熱唔脆🙈意粉不錯，醬好creamy，但煙肉就甘百烚有d hea同份量都係小🙈⭕️檸檬益力多 +$15味道好特別，好好飲好解渴，但15蚊黎講有d太細杯🙈😭

見81番做緊外賣優惠 雞肉咖哩飯連熱飲$39 於是買左一盒試下！外賣盒設計細心 分左兩層 上層放咖哩 下層放飯 除左美觀外 仲可以唔洗食濕到脹曬既飯👍🏻飯煮得較腍 而且有雞蛋同醃菜做配料 爽身既配菜味帶少少酸 送飯幾開胃！咖哩呈液狀 但唔好睇少 原來食落都幾辣！雞件較散同碎 食落質感腍 整體普通 

諗住朗豪坊既格局是但一間都會有咁上下質素，首先全場已經得幾枱客，我同朋友無特別指示要坐邊，但服務員就指示我地坐最近戶外門口位，當中啲人出出入入數次，啲熱風吹曬埋黎，其實呢啲位係咪應該最last priority 先比客人坐？定客人唔講出口就比個最搵苯既位佢？好，到叫左野食！香蒜蜆意粉，碟大，有一半比舊包霸左，味道平凡，食得落咁解，杯野飲一黎到，茶餐廳既杯裝？$42？其實menu啲相完全唔係咁所以先有咁大落差。啲員工又發夢，完全唔知呢間野想點！

雪糕蜜瓜包 $35 @ 81番想試好耐既雪糕蜜瓜包🍈終於嚐到了！烘過後既蜜瓜包微暖，外層甜甜既蜜瓜包皮夠鬆脆真心唔錯。夾有一球movenpick雪糕🍦，外加滿滿既鮮忌廉，冷熱交融❄🔥味道很好，哈哈。但略嫌雪糕份量有點小喔。

今日行過朗豪坊 好肚餓，見到呢間好似幾抵食就入左去叫左個明太子意粉，卡邦尼意粉，同個焦糖丹麥酥個意粉尼左，份量勁少明太子意粉真係勁難食，未食過咁難食，好似落左咸菜甘卡邦尼還可以，但份量真係勁少 個餐包霸住左半隻碟最後就係個丹麥酥，餐牌明明話用Movenpick雪糕，點知一尼到就見到無雲呢拿籽，一睇就知吾系Movenpick, 食左一啖，omg雀巢，簡直係違反左商品說明條例！！佢係咪以為啲客係傻迦！當我未食過Movenpick??真係想叫佢店長岀尼問下佢，但廢事鬧交，都系算啦，打上尼提其他人吾好食好過啲多士仲要勁油🙄🙄

星期日起床晏左，去食個bunch, 朗豪坊超級多人，見不用等位，快食走人。Meal set, 牛肉烏冬，牛肉份量ok, 也好味，烏冬有口感，整體煙三文魚意大利飯，好味，汁夠 rich, 三文魚也大片。意大利飯口感ok,可改善是coffee 是加左奶先上，可溫馨提示客人，個人飲咖啡❌糖❌ 奶，但 waiter 也很nice, 換個杯，但是有點浪費，可惜本人真的不飲有奶coffee, sorry.💰vs 出品vs環境服務，老公話下次試意大利麵。百元左右2⃣️個人，真的好ok la.

食左個咖哩吉列蠔飯。睇個樣，唔好食都預左架啦，食得落肚甘囉。食完飯走人，過左30分鐘，個胃微痛，一直加劇到半夜12點痛到訓唔到，個胃脹卜卜，反胃，痛到我同男朋友講我可能要入醫院。典到兩點起身走去廁所嘔，成晚嘔左兩次先無痛訓到。其實我都好肯定係呢一餐累事，我食個是已經覺得怪怪地，不過我諗住炸野，衰極都殺菌，仲有做完運動好肚餓，先食曬食碟野。以後唔會去。平日時間夜晚8點，點解朗豪坊間間都有人排隊，得呢間唔洗排，我開頭仲同個fd講我地好幸運，居然唔洗排隊。

早餐時段，朗豪坊的選擇不多。這裡的早餐由28至65元都有，我這個輕型早餐就35元，飲品加5元，在這商場算是經濟了。堂食可以坐下才落單，之後有職員送上。早餐一般，我最喜歡是她們的麵包而已。食物送來時，麵包還熱。她們的咖啡不錯的。這次我飲英式早餐茶，是TWININGS的。在吃早餐時，有職員清潔每張吉枱和凳。原本這是好的，但她清潔枱和凳竟然是用同一條毛巾！她用那條毛巾清潔了超過5 sets枱凳都沒過水一次。

碎蛋三文治配薯條日式炸雞便當星期日接男友收工去朗豪坊搵食，是晚1號風球，無咩人排隊，81番得半個餐廳坐人，一去到就直入，吾洗排隊。打開餐牌有新menu.必點菜式81層丹麥三文治！今次叫碎食，蛋黃醬香濃細滑，配上充滿牛油香既丹麥麵包，yummyyyy男友叫左新推出既日式便當，炸物熱辣辣不過不失，有4件巨型炸雞，creamy既 bacon 薯蓉沙律，芝士薯餅同2片玉子，好欣賞個芝士薯餅，不過好罪惡跟餐有味噌湯，男友話不過不失。加5蚊有凍檬茶，不過欠缺茶味，普普通通。價錢合理，環境舒適，會再去！

我地10點10分坐低，成10點40先上，有無搞錯啊！！！吃個早餐咋窩大佬！好明顯唔記得落order啦，仲響度死定，隔离D客遲我地咁多都全部上曬啦，如果唔係黎開呢頭，我絕對唔會吃lo！一碗麥皮，一碗通粉嘖，點啊，你仲要落街市買啊，完全搞錯曬咯，呢D工作效率，呢D服務態度，阿老細你是否應該考慮一下你地員工要重新train下呢！仲有啊，埋單陣時啊，我喊左三次，個waitress先俾反映我啊，r u kidding咯

到咗晚餐時間都唔知食咩，去到朗豪坊見到依間無乜人，就同友人坐低咗。睇下menu有日文，原來係日本餐。帶有少少期待order咗脆辣炸雞咖哩飯，豬軟骨烏冬，同明太子意粉。加錢要咗幾杯特色飲品，伏就是這樣開始。飲品大半杯都係冰，我嗰杯士多啤梨奶昔尚算正常，友人嗰杯個味直程可以用奇特黎形容，夠曬特色。由於佢無水提供，咩味都好啦我都好快飲曬。然後侍應端上了豬軟骨烏冬餐。個麵豉湯少到我以為係人地飲剩，忍唔住問個侍應係咪拎過黎時倒瀉咗，佢尷尷尬尬咁拎返個湯入去，但又拎返同一碗湯出黎，話我知: 廚師話每碗湯都係得一舀架咋。我呆咗，其實佢可以買個大d既舀，或者換個細d既碗，咁件事會無咁核突。隨餐仲有一舊腐皮壽司，凍冰冰好難食。食到依度咩期待都無曬啦，但驚嚇陸續有黎。炸雞飯舊雞介乎喺燶同未燶中間，咖哩係無咖哩味，加埋一pat疑似配菜真係同頹飯無分別。不過係貴價頹飯。戲肉黎喇，明太子意粉。又一pat類似廚餘既物體。碎濕濕既意粉捲埋一堆，入面加咗d酸瓜同菇同明太子。可能因為個碟太大，佢地放埋個餐包同牛油喺同一個碟度，頹飯代表作。個包又係凍冰冰，扮餐包又嫌佢無甜味，扮豬仔包又嫌佢侮辱咗豬仔包。一句到尾，性價比低

朗豪坊 4樓有好多唔同既餐廳;係放工時間差唔多間間都要排隊~~~有時想食好少少又趕時間我就會去呢間"81番"因為我都幾鐘意食佢地既日式定食!!今次就揀左 "日式鰻魚定食"賣相都不錯, 有前菜, 沙律, 炸物同埋麵豉湯~~鰻魚都有6件左右, 個人覺得鰻魚汁唔夠;不過可以問侍應額外拎多少少黎撈飯, 味道亦不錯!而驚喜位係個奶油薯餅同埋甜蛋~~奶油薯餅入面好CREAMY, 食落仲係微熱的!!!甜蛋都幾甜, 唔錯~~以$100 黎講都算幾好, 而且食完就可以上去睇戲;又唔駛點等位, 可以話係快靚正之選~

下午茶兩點後坐低，女店員安排我坐二人座位，但當時全店有五、六枱客，我和朋友自行坐在四人座位好讓安頓個人物件，但店員表示三人以上才可以坐四人枱，於是我為了滿足她而回覆，我還有朋友後到，店員也只好妥協。其後我們找另一位男店員落單，他的態度也一般，明顯沒有任何服務態度可言。之後到我點了一客滑蛋豬扒飯，但結果那客豬扒飯是人生中最難食的日式滑蛋豬扒飯，嚴格來說這是「熟蛋豬扒飯」，蛋比家裏工人姐姐蒸的還要熟及嚡，豬扒也是一般food court質素，但價錢是$65加一，最後我只可以好肯定地說，一定不會再有下次！