89

營業中

休息中

今次行過西九，朋友拉我去呢間標榜平民價格嘅餐廳。一坐低，先點咗份口水雞，咬落去嘅一刻真係勁過癮，肉質彈牙得嚟唔肥膩，麻辣嘅汁料夠哂味，帶出肉嘅鮮美，真係好惹味！😋佢哋仲有心機加咗青瓜片底，清新解膩，啱晒食得滯嘅我。真係想讚下，佢們嘅豬頸肉米線都好正，煮到啱啱好，唔爛唔硬。而家食一碗好似咁正宗嘅米線真係唔容易。😍有時候你會覺得，咁平嘅食物就冇咗驚喜，但呢度真係打破咗我嘅成見，唔單止價錢親民，味道都真係撼到你嘅味蕾。下次要試埋佢哋嘅紅油炒手，聽聞都幾正點！真係平民食堂之中嘅明珠，值得再嚟幾轉！👍

放咗工一個人無無聊聊咁四圍行下.又開始肚餓.終於行到西九龍中心8樓呢個foodcourt見到有唔少美食,真係乜嘢國家菜都有得食.行咗一圈.睇到個名都幾特別叫89.行埋去睇下食乜嘢的,原來係食泰式嘅美食.因為係foodcourt要自己搵位.等咗一陣就有位.我就order咗✨豬頸肉泰式酸辣金邊粉✨豬頸肉食落爽脆香口,醃得夠入味.份量都唔少.湯底係泰式酸辣,飲落酸酸辣辣好開胃,金邊粉都算多,又有大量配菜,價錢又唔貴,抵食又好味.

嗰日嚟咗呢度嘅美食廣場，行勻咁多間食肆，我就見到呢間專買雞菜色的食肆，仲有秋冬天限定嘅暖笠笠上湯雲吞雞食，至啱依家凍冰冰嘅天氣食，就外賣一份回家食。製作時間需時，要等15分鐘左右喔。上湯雲吞雞 (HK$50)．打開蓋，雞香味即湧出來，好香呀．雞件都幾多，肉質嫩滑，軟腍．雲吞是純豬肉餡，有豬肉味，雲吞皮幾薄幾滑，不錯．雞濃湯好有雞味，配有番茄仔、生菜和菇粒．可以配飯、米線或金邊粉，我就揀咗配米線，份量都幾多，食到好飽😋

又是西九龍中心的飲食報告啦。而近來，我對食雞有好大的興趣，所以，好幾次來，不是吃韓式炸雞就是來找海南雞飯。這一次，心是想食海南雞飯的，場內有好幾間泰式食店都有海南雞飯，搞到我有選擇困難。最後，我在這一間名叫《89》的小店門前，因為店上的標語加上店名，令我頓時想起那未敢忘記的事件。就這樣，我決定支持一下，先後試她的海南雞飯同口水雞飯。選擇這兒的原因，其實只是我排程去試場內海南雞飯店的其中一間。所以，當我一決定要先試《89》時，我行埋去已經立即order 這去骨海南雞飯。可愛的雞油黃薑飯，本身的味道已經非常好，雞肉香口嫩滑，點一點醬油更是味美。店方沒有給辣醬，令我覺得，這海南雞是偏向新加坡 style 的。改日來，我又想起《89》這一檔了，這次叫她們的另一個名物，招牌口水雞飯。滿滿的蒜香，滿滿的辣豉油香，入口不會太辣，但會有少少麻到你流口水的感覺。雞肉香嫩，醬汁既香又帶甜，喜歡香辣口感的，係唔錯既一份飯餐。個辣豉油汁伴飯吃也一流。這次有肉食的朋友陪我食，所以我多點一份炸雲吞。即叫即炸的，入口份外的香脆，而且，外層的脆皮有一份的酥香，點一點泰式甜辣醬，更是香口惹味。出色的雞，出色的炸點小食，

N年無寫,今次寫,真係好想支持小店.$40 海南雞飯/口水雞飯 連汽水/雞湯, 啲雞滑的, 點埋薑蓉+辣醬+醬油,真心好味,油飯夠乾身唔會一口油,口水醬汁香辣惹味,呢個價錢真係堅抵👍👍👍, 有啲大商場嘅餐廳都做得冇咁好$46 無骨豬脾飯,個汁有啲似滷水,不過又無滷水咁重香料味,但係都係好味嘅,美中不足係豬脾肉表面乾咗少少,但點咗汁都係👍$10 要咗兩份生菜, 正常個人口味,暫時覺得佢啲雞係成個美食廣場做得最好,希望下次再幫襯時可以保持水準,期待期待!💪💪😍

依家得好少時間係深水埔,而公司附近係冇野好食,最近要去返pop street 果頭,所以難得有時間,更係搵返d老友啦,今日去西九搵9叔買左半隻89美食既口水雞,襯埋西九喇沙專門店既牛舌喇沙,返公司同同事開心share,89美食既口水雞向來都有信心保證,一打開同事就話正,一野就叉埋黎XDD辣中帶麻香,夠曬惹味,雞肉又夠嫩滑,係雞下面仲有青瓜,D 青瓜浸左辣汁,好好食XD好彩一開始我就將D 雞分左先,唔係實比佢搶曬XD真係好好食呀,不過哩d 發泡膠兜個蓋好易鬆,差d 搞到成袋汁.

【#海南雞皇🐔 】#89美食@dragoncentremall叫得做海南雞皇，當然唔少得食海南雞啦😊 不過自從最愛果間泰式海南雞結業之後，我都少食咗😷最近發現依間係西九龍中心既小店有唔少好評，而且只係$40🤤 就算萬一唔好食都唔肉痛🤣中午去到，人都算多不過都有位😊 驟👀飯同雞既份量都比得幾多，$40真係幾抵👍試啖雞湯，嘩！夠熱夠濃夠味👍 唔係一般既湯水，而且附送一隻雞腳🤣主菜個飯都夠味，加少少辣醬同飯一齊食仲好味👍 🐔係剛剛熟，鮮嫩粉紅色狀態，咬落去真係好耐冇食過咁滑既質感♥♥ 有少許接近以前我喜愛既味道。重點一定係個醬，下次再食我會問佢拎兩兜辣醬唔要豉油🤣$40 有依個質素，真係好抵食👍👍 同場仲有幾間有賣海南雞，真係有排食🤣推介指數：8/10@foodiehck2022 #港飲港食 #西九龍中心 #深水埗 #深水埗美食 #油飯 #雞湯 #平靚正 #抵食

下午茶時間嚟到西九龍中心，食完午餐冇耐，又未係時候食晚餐，心思思又想食少少嘢，於是上去 8 樓美食廣場望望。呢個場選擇超多，行咗兩轉，最後揀咗 89 嘅自家製炸韭菜餃。餃子上枱時熱辣辣脆卜卜，要等一陣先敢開動。一啖入口，餡料好飽滿，韭菜味固然好搶，估唔到豬肉味都幾出，肉質肥瘦尚算適中，成隻餃調味偏濃，啱哂重口味嘅我😆，蘸埋甜辣醬食，都幾惹味，於是食下一粒，食下一粒，唔使一陣間，所有炸餃就畀我 KO 哂喇😂。

當晚我第一個落單買外賣 之後再有三個客人買外賣 即係total四個人等緊 我已經等左15分鐘 突然間有第五個客喺度大聲叫”唔該一個海南雞飯!” 裡面個女員工竟然即刻做俾佢 唔使兩分鐘做好 俾呢個最遲落單嘅客 我睇到眼都突埋 我哋企係度等咗成15分鐘 佢又冇同我講話唔好意思要我哋等咁耐 真係有啲過分。其實你唔係應該跟落單嘅先後次序去做既咩 有啲失望😮‍💨

西九food court個場太大太多選擇對於有選恐嘅人黎講好痛苦行左兩個圈先決定揀到食海南雞飯其實個場仲有水門雞可以揀，但喺其他分店食過所以今次試呢間，門面好細，行過左都唔覺有檔口海南雞飯連埋汽水都係$40咋，或者可以揀配例湯仲要配埋原裝三色醬薑蓉 甜豉油 泰式辣汁任你點～雞嘅份量唔少👍🏻雞肉好滑，皮嘅油香好出色每件都薄切，食完都唔覺得膩～油飯仲正😍淡淡油香，飯嘅質地我好鐘意，乾身！平時d油飯好重油，食完會有罪惡感呢個完全唔會！

舖細，food court中央但選擇都幾多，都好難做選擇😆今次揀左牛腩牛肚撈粗，有得送碗清湯同汽水肉夠入味唔會太淋太鹹，而且呢個價錢黎講份量真係唔少，一個正常大人都會夠飽😛就算撈麵汁亦唔會太鹹，不過就比較多浸係底，食個陣撈一撈更勻；仲有得揀要碗清湯，兩食仲正而個麵拎到番位食都唔會太淋（如果雲吞麵質地淋哂就真係……）可能因為得肉，所以都有好多芽菜係底，拎到個麵無咁淋之外亦都有菜食，所以都幾均衡🤣

西九不下五店賣緊海南雞飯，且看此店品質。賣相如圖有青瓜、芫茜及生菜伴雞油飯，可說幾精緻不馬虎，而飯帶些少咸味補足了海南雞的清淡，兼配上幾酸及少辣的醮汁十分醒胃，無骨雞肉其中有髀肉及胸肉配搭得宜及質感新鮮，加上一顆雞翼後總体份量也算多，但最特别還是套餐加送有一定成本的冰凍罐裝汽水，全單一份$40可說甚為令人滿意的一餐了。我說吃飯除了顧及充饑還須有功能性，正正就是均衡營養，此餐加入的配菜就的確能夠做到了，希望以後除了汽水還有更健康的湯品或啡/茶作飲料的選擇。除了海南雞飯，此店亦有口水雞飯、咖喱豬扒飯及豬手飯供應，你經過此店時停下來就會有位甜聲姐姐為你一一介紹的。

之前講到,口痕上西九買小食.買完喇沙更係搵89美食既九叔啦,平時食開都係九叔d 雞,最愛就係口水雞啦,都冇留意佢有咩小食,睇下餐牌先...有瑞士雞翼,紅油抄手,炸韮菜餃同埋涼拌青瓜雲耳,咁我就要個紅油沙手啦.只係$20,抵食!好,拿拿聲買其他鋪頭既小食先...返到鋪頭,打開外賣兜,好靚喎,$20有5粒抄手,一啖一粒,紅油浸住白雪雪抄手,面頭仲有炸蒜紅椒粒,跟住先醒起抄手有豬肉XD我唔食得,我老細話"等我黎!拎起就食啦...佢將抄手碌滿紅油,一野啪入口."嗯嗯嗯,好食!"佢話紅油唔太辣,又夠香,好好食XD想影多張相...發現只淨下一兜辣油...

再次來到西九龍，發現有些餐廳都已經倒閉了，本來有想過可以幫襯那間印巴式咖喱店，不過上次吃過這家口水雞，一直心思思想要再吃，結果還是來了這間89。之前好像看餐牌曾經有兩種，套餐的口水雞份量太少，於是就叫了個單點的，結果那次，那碟口水雞好像小菜一般，份量極之多，而且雞又滑，又有雞脾又有雞腿。這次看到沒發現單點的口水雞，於是點了個口水雞飯外賣。結果，口水雞份量不是太多，而且還以胸肉為主，好像只有少許雞腿位置，不算太過吸引，比起上次差得多。隔了一輪才再來西九龍這邊吃東西買外賣，想不到這間89差了咁多，與李錦聯店，兩間賣雞的都不約而同給你一些難吃的雞肉。

一向都好鐘意食海南雞，知道西九龍廣場最近成了「海南雞戰場」，於是去朝下聖先😆！一去到8樓food court，好多人，好難先搵到位坐呀！再去巡一圈，數一數都差不多有10間店買到海南雞飯！😍 想逐一試晒真係要黎多幾次！最後揀左呢間店試下先，可能係星期六，等候時間都耐，不過為左食好嘢，唔緊要啦！雞的分量唔太多，但十分嫩滑，配上薑蓉和秘制辣汁好惹味，美中不足的是甜豉油太甜了。總結黎講，質素和味道係可以的，但就沒有太大驚喜。