89

營業中

休息中

今日嚟深水埗有啲嘢拎，咁拎嘢之前就諗住去食啲嘢先好耐冇上過西九食嘢，知道多咗好多新餐廳，所以都想去睇下。咁就見到依間啲價錢平平地，重要大大份，所以就叫咗嗰柱候牛腩撈粗試下$35都叫幾大份，重有嘢飲，抵牛腩重要好好食，非常入味撈粗份量我覺得算多推介大家嚟試下

口水雞唔算太辣，但係都幾麻個汁好惹味，舊雞都嫩口，又大份。而且個餐都幾抵食 $38，送嘢飲，飯到幾多 雞都算多 幾飽肚。因為個汁好味 令到啲雞下面嘅青瓜都好好味，所以我連青瓜都食晒😋😋飽肚之選 適合比唔起好多錢但又想食飽嘅人😂😂整體來講唔錯

深水埗搵黃店好似掃緊街咁😂🔹海南雞飯 $38本來想食水見地瓜球冇開，去西九龍搵天天海南雞又冇開！！點解唔畀我地懲罰！！最後係兩間黃店二選一，因為另一間主要食喇沙朋友唔想食，就買咗呢間嘅雞飯，得老闆自己一個做晒落單收銀同煮食，但嗌完之後十零分鐘就有飯食。唔使40蚊嘅雞飯，呢個份量呢個質素抵到爛，雞件去晒骨，雞肉滑嘟嘟雞皮又唔肥，仲有三個醬可以點，唯一挑剔嘅就係冇油飯，不過呢個價仲想點😂ps老闆主動叫我拎佢地印嘅文宣，人很好，值得支持。89 #💛店深水埗欽州街37號西九龍中心8樓美食廣場9號舖

今日星期日，無無聊聊就約左個朋友落深水埗食野，首先去左西九 89 食口水雞飯 招牌口水雞飯 - 雞嘅份量唔算小，雖然雞味唔重（我估可能係冰先雞🙄）但做到肉質嫩滑，就算係雞胸肉部份都唔鞋口👍🏻個汁仲夾什好碎嘅花生粒、蒜蓉同辣椒粒，其實都幾辣下，下邊仲鋪左手拍青瓜，索晒d汁好正，以三十幾蚊價錢黎講，超晒班😋

雖然西九8樓food court 係劣食之中既劣食，仲好臭Tim,但我呢排成日都會行好遠過去買外賣因為食過咁多間口水雞，呢間真心唔錯：- 👍個汁夠辣、夠曬蒜味、雞件又掛汁（餸飯勁正）-🐔雞既份量好多- 雞切到岩岩好一口既份量、去骨去得好乾淨（啖啖肉）😍- 呢個質素泥講，佢係勁抵，一份去骨口水雞（$40）、白飯一碗（$6）食過第一次之後就經常幫襯，希望老闆好生意長做長有👍因為睇得出佢整得好有heart 👍👍👍🙏我好小會打正評，呢間良心小店的確值得支持💪🏻

西九龍中心嘅嘢食真係好抵！今日就食咗呢間港式餐廳嘅瑞士汁雞翼撈粗， $30！瑞士汁雞翼好入味，加埋瑞士汁撈麵真係一流！ 仲要有四隻雞翼，隻隻都咁大隻，我覺得真係好抵食！

西九龍中心8樓有個food court 呢幾年成日聽人講愈做愈旺 愈來愈多choice揀 而且價錢夠曬平民！今日終於有機會上黎試下～ 行咗一個圈 真係咩國家菜都有但特別比呢間食泰式cross over港式既89吸引左見到佢有個招牌撈麵有瑞士汁雞中翼揀！先$30！超級抵～～唔係唔食呀嘛嗰日係lunch Time嚟食～我點餐之前都有兩三個人等緊落單之後老細叫我10分鐘之後有得食 因為喺food court所以要自己搵位 呢度座位都算多 加上清潔姐姐執枱嘅效率都好高就算lunch Time都好快搵到位！本身個撈麵係粗麵我自己本身比較鍾意食幼麵 就轉左個麵底四隻瑞士汁雞中翼大大隻每隻都有我大半隻手板咁大！即叫即整既雞翼熱辣辣 個瑞士汁好香甜～雞翼估唔到好入味！又滑又juicy 因為真係好好食所以毫不客氣15分鐘K.O.成碟撈麵 30蚊食到呢個lunch 實在係大滿足！

跟飯的便宜餐。單點餸，加飯加$8。本身很久沒有到西九龍美食廣場，本身看到叻沙店，已經心郁郁，因為印象中，叻沙麵店的牛舌喇沙，牛舌又厚又多，感覺非常美味，但是為免又重複，於是便試了這一間招牌去骨口水雞。結果，這個口水雞，也的確沒有讓我失望，以這個價錢來說，以及它在這個美食廣場，質素可說是超班。因為一向感覺，西九龍中心的美食廣場，很多店舖所售賣的，也非常之劣質，可說是劣食如芸，但是這碟去骨口水雞，第一，份量夠多，一個發泡膠碟子上面，可說是載滿了雞肉。原來在兩邊的雞肉下邊，還有一些手拍青瓜，拍青瓜，即是不是用刀切成那麼整齊的缺口，青瓜又吸點口水雞的汁醬，味道夠香夠濃，但是夠味又夠清新。除此之外，雞肉的汁醬下邊還可以見到有少許蒜頭粒、辣椒粒、花生粒等等。先不管它是雞脾肉定還是雞胸肉，最少，份量夠多。而且，雖然雞肉不算是肉香滿載，但是亦都不會顯得太過鞋，雞肉帶點香氣，雞皮還有少許脂肪，但又不會見得太過油膩，因此，吃起上來相當可口。而雞腿肉，味道就更加好，本身雞肉夠滑，雞腿又有輕微脂肪，肥瘦均勻，縱使不算是雞味香，但還是吃落口感相當好好。闊佬以及縮皮問題，如果點普通口水雞飯的話，就比較便宜，但是不

平日放假既時候 我都中意自己岀去行下街食下野 而今日又係黎到最岩獨食既西九龍中心 food court 食個下午茶Menu我就叫左個香茅豬頸肉豬骨濃湯米線 ($28) 賣相就一般般 睇個樣d豬頸肉好硬蹦蹦咁點知咬落發現好脆口 豬頸肉炸到好酥脆 同時又鎖住到肉汁 好唔簡單 食極都仲有咁多舊 真係好抵食 湯底我只係揀左個普通既豬骨濃湯都已經好正 轉其他麻辣或番茄湯底都唔駛加錢真係好少有不過望落個廚房衛生情況其實麻麻地 但係都係唔好諗咁多了 食左先算 我下次都會回頭再試哈哈

好早之前去過89食過一次口水雞飯，真心覺得好抵食，$30元一個套餐包括有：口水雞一碟、油菜一碟、白飯一碟及汽水一罐，由於呢度係冇奶茶咖啡供應，所以唯有揀汽水或者係熱清茶，咁我就要咗可樂，口水雞既麻且辣，真係辣到口頭兼出汗，口水雞面頭佈滿花生粒，D雞肉好滑，油菜夠爽甜，整個餐我都相當滿意，早幾日我又去咗西九8樓，發覺89個口水雞餐已經加咗價，不過只係加咗$2元，套餐就有主菜口水雞、白飯、但就要喺油菜同飲品之間2選1，即係少咗1樣嘢，不過都係抵

這間有口水雞，聽落好似幾好食，其實即係辣味，口水醬幾好食，有種香味唔識形容，點雞食真係好夾，佢仲可以跟湯或油菜，同埋見佢 也有海南雞飯，這間唔錯，下次可以再幫襯。

又在西九龍中心搵野食，見到有哩間都有海南雞飯，不過早排先食完，最後揀左麻辣口水雞，$35仲配埋油菜，先講油菜份量都ok，唔係得兩三條，口水雞好香麻辣味，都係唔錯之選

好耐無出深水埗了,今日和友人來到西九行街,發現西九龍中心真係香港非常罕有貼地商場,咩都有,價錢又平。買完野就醫肚,原本打算去文記食車仔麪,但友人話好攰,上左8樓美食廣場搵食。我好耐冇上過去,發現唔同晒,宜家全部都細細間,仲好多野食,奈何呢排個胃唔舒服,要食得清淡啲,免得自己辛苦。我叫左個海南雞芽菜米線少米線,估唔到少左米線都仲甘大碗,好多雞!!不過胃口唔多好驚食唔晒。啲海南雞好嫩好滑,配埋個海南雞醬真係一流,個醬唔會太酸,味道岩岩好,係呢個海南雞既靈魂!!!另外一讚的是老闆心思,湯是冬瓜湯底,一邊食一邊不到啲冬瓜蓉~估唔到係成碗食晒~好開心今日來到西九食到好野,以後出開深水埗又多個選擇喇~

本身去到哩間鋪又係想試下海南雞，發覺最近食左幾次，唔想再食住，就決定轉食口水雞，好彩都冇揀錯到，口水雞夠麻辣夠香，我仲用左d麻辣汁撈飯食，價錢又唔太貴，下次再試返海南雞。

今日去朋友屋企好耐無過過黎而邊啦！係我既邀請下朋友就帶我黎西九食好野！！西九八樓真係超多好食既野好耐無黎原來加左勁多新既種類~~台式野，中式野，韓式真係乜野都有住係附近真係超不幸福唷！行左一轉，見到而間野見到有口水雞即刻勁想食啊望到都流哂口水了。。。自己叫左米淋湯底好飲！好清甜 加埋d芽菜一齊食特別口水雞 極愛吃辣辣地，d雞又好滑 唔好乾爭爭！下面仲有d青瓜放係底！爽爽脆脆 加埋d汁超級搭啊！！食完再黎多碗都得啊好味好味