90s Lazy (先施大廈) (已結業)

Bookmarked咗呢間好耐，機緣巧合之下嚟咗呢度食。一入到黎俾人感覺空間好大，周圍佈滿左好多小植物好有心機，比人好舒服嘅感覺。Menu名稱好得意，有叫I don’t care嘅all day breakfast。因為有啲肚餓所以最後決定叫咗個黑松露野菌忌廉汁闊條麵。等左好耐終於上菜。有淡淡的黑松露味，醬汁啱啱好包住闊條麵，食落唔會膩，同埋好creamy。闊條麵煮得唔夠，有幾條黐住左，少少硬。跟餐叫咗杯咖啡好酸。

第一次發現先達樓上有cafe，所以同家人一齊試下。冬天見到呢個光度，其實幾舒服。希望呢粒牛油果會成功長大☺植物擺設令食客心情輕鬆愉快 😍食物篇:可能環境太好，對食物都有啲期待我點懶人包，姐係all day breakfast.配一杯flat white 最好不過，可惜呢度唔系咖啡店，(只得普通咖啡） ，而咖啡店的all day breakfast 會好味啲🤦薯餅冇咩薯粒，就有啲失望 (但好香脆）其他就中規中矩 家人點就扁意粉，一上枱好香蒜蓉味，不過整體黎講都係冇乜特別另一位成員則點鰻魚蛋包飯，一上枱賣相吸引，鰻魚size都大塊；燒汁甜度同份量都不搶鰻魚味；呢個推介👍👍飲品推介紅棗水，健康同料多，好味同好岩女仔飲呢度係cafe 價錢同中上質素，擺枱唔擠逼，而且舖頭引入太陽光，係幾好坐。 離開嘅時候見到門口好多人排隊，但當時店員冇刻意收碟暗示我哋要離開，加分👍👍。

平安夜食咩好？之前生日飯都想嚟呢間，但一路都食唔到，今晚終於可以品嚐一下。兩個路痴成日都行過龍，今次都唔例外！但其實間野係好容易搵，就在先達廣場隔離過一條馬路，先施大廈！一入去，環境寧靜，裝潢幾清新，真係隱世中的一間cafe。佢menu都算多款揀，我地揀咗黑松露野菌闊條麵同明太子海膽扁意大利粉。雖然兩樣睇落好似好普通，但食落好正，唔會一pat野咁，夠汁同夠熱！意粉硬度適中，煮得剛剛好。因為啱啱病好，食唔到佢啲小食😭下次一定要補返數！

等位耐....由落單到食物到，等左35分鐘有多先上菜，熱飲等到變凍飲。其他遲過我地入座嘅客人都早上菜過我地點左個煙三文魚菠菜闊條麵同埋”我唔食肉”嘅all day breakfast煙三文魚菠菜闊條麵唔講佢賣相差....菠菜得兩條，煙三文魚又乾又凍。真心未試過食咁難食嘅煙三文魚”我唔食肉”嘅all day breakfast上到枱（唔計沙律菜）除左個蛋係熱之外全部野食都係凍！仲要勁多油煎蕃茄仲要有大量鹽係上邊咸到要狂飲野。熱食全部變凍菜其實廚師有冇心去整好食物？

一入門口 空間好闊落 光線好充足!第一個感覺好舒服!cafe最緊要係個環境同感覺起香港做cafe都幾大成本 租金令到翻枱率一定要追得上見到呢度有個俾大家食完野可以慢慢hea既地方真係起香港買少見少!(希望唔會我打完篇野就多左好多人去打等啦haha)講返正題 個餐牌既菜名有花心機諗過一望落去就知係年輕人諗既(如果我無理解錯個餐廳名 呢度應該係一班90後開既)最後嗌左個"我唔想諗" 因為都幾符合我當下既心情 正常cafe既質素 賣相係幾靚既!都係果句呢間cafe最正係個環境 夠寫意 夠懶 完全符合到個餐廳名!ps. 果日都等左成20分鐘先有野食 見同枱其他客人份餐都等左好耐 唔知係果日寧捨少人手定點 有待改善 待應妹妹好友善好可愛 繼續努力!#GFHKSDGM

支持黃店系列 （💛黃色行為: 罷市、店內文宣、支援手足）用餐環境好舒適，比人一種懶懶閒既感覺🤤好搞笑既係佢地啲全日餐，全部用「是但」、「唔想諗」、「我唔食肉」等等命名，啱曬唔想諗食咩既懶鬼💀食完之後，大家一致認同食物質素唔差，但所有野食都同預期好唔一樣😬▪香煎三文魚扒 $168 (5/5)肉眼可見已經煎到逼曬啲魚油出黎🐟一放入口就感受到豐腴既魚油香，成塊扒好軟嫩，皮邊微微焦脆，感覺幸福🥰▪啤酒薯條配黑松露醬 $52 (4.5/5)以為啤酒薯條=粗身薯條🤔黎到發現係幼身，重點係佢個texture完全係薯角黎😱從來無食過咁既質地既薯條，好正！配埋黑松露醬勁惹味🤤▪水牛城雞翼 $62 (3/5)六十幾蚊得4隻全翼，唔算好抵食🤭炸得幾脆，但辣醬怪怪地味，覺得佢幾似Ｍ記隻脆香雞翼😅▪烤雞肉菠菜忌廉汁意大利飯 $82 (2/5)菠菜忌廉汁意大利飯，一睇到個名應該會聯想到好似青醬risotto咁成pat飯青青地、綠綠地既意粉😳………結果佢竟然係忌廉汁意大利飯＋幾條菠菜😓雞肉份量少同偏鞋，不過飯既質地都唔錯，有意大利飯既質感喺度。▪Set D: 明太子扁意粉配三文魚籽 $118 (2/5)係成餐飯既重

非常清新的一間小店，空間不大但是座位並不會逼夾，適合三五好友相約聚餐。餐廳會有陽光滲透，感覺柔和舒適。和風胡麻醬豬扒飯• 十分家庭式的日式料理，豬扒有別於外面快餐那些質感。不是吉列形式或是外層沾滿粉的那種，而是輕微香煎的形態呈上，質感較實淨且香口。• 胡麻醬令豬扒的味道變得更加豐富，也非常適合配白飯。• 整體感覺没有添加太多調味輔助，能實在地吃到食材本身的味道。• 份量適中，作為午餐很合適。餐飲的咖啡就没甚麼特別，建議可試其他茶飲。

一間相當平凡既cafe,食物熱度有待加熱，出菜比較慢，岩哂梨吹水為主既人。不過坐既密度有點高，中間就留返一大個位5知要梨做咩。不過優點係價錢合理，豬排飯汁5夠食一半留一半白飯無餸食。個意粉汁太浠，其他都係平凡純屬支持90後啦，不重質量的都尚算可以。

位置都幾隱蔽😂上到黎幾有驚喜裝潢擺設好溫馨 氣氛好休閑舒服好岩同朋友慢慢傾計 或者自己黎坐下睇下書hea下Menu選擇唔係特別多 嗌左個忌廉三文魚扁意粉同懶人個意粉有少少乾 比較推薦佢既懶人包all day breakfast 好豐富 性價比高

是日中午，來到了旺角一間熱門的樓上CAFÉ。這CAFÉ 是位於先施大廈內，大廈內只有兩架升降機分別只是往雙層和單層單位，有些時段會較多人等侯，所以，要多加留意。 餐廳內環境寬敞，寧靜，設計走向文青風格，有植物和一些簡單擺設，予人輕鬆、舒適感覺。是日點了:B3MENU 中名為「我唔想諗」，是日ALL DAY BREAKFAST因為沒有窩夫就轉配多士，多士烤至香脆，炒蛋亦炒至香滑，整體感覺尚可。 卡邦尼意粉 意粉煮至適中，不會過硬，醬汁煮至剛好，本人會認為這道更值得一試總括，這餐廳食物質素是不錯的，希望這所由90後經營的CAFÉ可以繼續為夢想努力奮鬥。

去旺角一嚐呢間樓上Cafe，座位有限所以要預先book定位。上到去稍等一陣已經安排到座位。餐牌有dinner set有散叫，不過有部份茶式同飲品無得叫。小食先order水牛城雞翼&黑松露醬薯條，雞翼大大隻幾入味，薯仔亦炸得幾好食，尤其個醬。主菜叫order香蒜蜆肉意粉&安格斯肉眼扒。意粉比較淡唔夠蒜香味，肉眼扒原本要 medium，切開已經差不多well done😅，幸好調味還可以，但$2xx呢個價錢就好似唔太值。飲品特別叫左菊花杞子花茶，都幾有特式。總結：座位雖少但環境適合一班朋友傾計，小食飲品都唔錯，主菜就要提升一下質素。

即興約食飯，上咗OpenRice book位去到先發現原來自己傻豬豬咁book咗聽日但係店員都好好，即刻幫我安排返座位呢度環境好靚，周圍都有好多植物，不過餐廳比較細，所以比較嘈吵坐低就即刻嗌嘢食先我自己就叫咗個黑松露闊條麵，其實份量唔係好大，食到底仲有少少膩。不過都幾creamy, 個人覺得可以在多啲黑松露醬，而家少咗啲。仲叫咗水牛城雞翼，自己個人覺得炸得乾左少少，唔夠juicy呢度12點閂門，11點幾得返我哋一台客都冇人趕我地走，不過店員就忙着清潔，我哋見到咁樣就當然自己乖乖地走啦，免得阻住人收工吖嘛

在先達旁大廈入口搭𨋢上。冇訂位，但好好人可以留低電話，話等半個鐘。15分鐘後，就打嚟話有位，即刻上返去。意粉好味，檸檬梳打好味，花茶好味。侍應親切友善，有笑容。裝修清新，好多植物。但係唔知點解同其他樓上Cafe一樣，廚房油煙味一定要充斥整間餐廳。已經請侍應開咗空氣清新機，依然係好大朕油煙味。或者，應該加多好多部空氣清新機？定係裝個好強力嘅抽油煙機？睇得出好用心想做好件事，所以更加希望佢哋再做好啲。下次會再嚟，俾多次機會佢。香港人加油！

之前都唔知有呢間野因為係良心店比人發挖出黎先知就去懲罰佢一入去個環境好有文青feel個餐牌都好搞笑下次問個朋友想食咩佢答是但就有餐比佢食😂😂無論all day breakfast 定lunch set都好似好好食之後叫左個日式照燒汁雞扒飯野飲係白桃沙冰我覺得好好食 平時會驚d汁過鹹或過甜點知佢d汁剛剛好 塊雞扒好大塊 好抵食朋友叫左黑松露忌廉扁意大利粉同熱朱古力不得一提服務好好食完野諗住執好書包就去比錢都未行出去叫人就即刻有職員比單我地職員好醒目出去仲同我地講拜拜好有禮貌😋

因為約咗個朋友食午餐，但又想有個位可以靜啲，舒服啲，所以揀咗呢間餐廳。我地係兩點左右去到，見舖頭都幾多人，餐廳環境以簡潔為主有好多小盆栽，同淺色系最啱影港女相（人樣就p左去)，同坐係到有少少陽光係窗簾滲入，感覺舒服而食物方面，價錢都一般（午餐$60-70）主食同飲品份量夠女仔食，味道都唔錯，只係飯比較硬身。意粉好食，而且擺盤靚，都係比大家呃Like不過身為一個香港人當然支持小店，更支持勇於發聲的一群，最後送上鼓勵卡仔，香港人加油！