A-1 Bakery & Cafe (已結業)

今次專程到這間餐廳食晚餐。日式蟹肉棒鷄扒叉燒拉麫 - 蕃茄湯味濃甜，蟹肉棒外層有些吸收了湯汁的脆皮，內層有香甜的蟹肉。鷄扒和叉燒的肉質和味道就一般。炸豆腐 - 炸皮內有一些酸酸的醬汁，能把豆腐味更特出。酉式肉眼牛扒 - 八成熟，肉質夠嫩，加上薯菜吸收了肉味，很好吃。

同朋友take左佢隻狗狗去剷毛之後,我同朋友就去左呢度食野啦~*food>>朋友要既係燒雞3文治(?),朋友話okay啦,不過佢話d配菜薯條就又凍又硬....-_-"""。~*我既係公司3文治,um,都幾好食,個3文治d配料都幾新鮮同都幾好味,另外我既薯條就好熱同好好食。~*我地2個個set tea都有drinks既,2個都係要milk tea,milk係自己加既,都okay啦,不過荼味就麻麻啦。~*服務>>好呀,之前成日都覺得會麻麻,但經過今次之後發現佢地好有禮貌,唔錯架~*衛生>>無咩大問題既。~*環境>>okay呀,坐位個d都幾舒服...但自己就麻麻地喜歡個度既環境,但係本人既問題je~*

係囉 , A1 麵包店出名貴 , 所以質數都出名好啦 , 係出面成日都嗅到香噴噴 ! 我都相信此店無問題 , 有保證 ! 講番推介 ..... 唉 ! 我都唔知食過幾多個了 , 唔記得寫食評 , 因為唔知應不應該係度寫 .... 我只是買麵包 (外賣) 而已 ! 首推 ~~~~ 芝士牛油軟包 (由$10 食到現在 $14) ！仲食唔食 ? 我都唔想食 , 真是好貴 .... 但又心思思 , 無野可以取代 , 還是要吃 !!!!! 有幾好味 ???? 如果你仲意食包 , 而你又鍾意食芝士 ( 不是卡夫 , 是大芝士果種味 , 不過無咩蘇味) 我保證你會比 75 分以上 , 仲會成日食 ! 其實我食過牛油軟包 , 好似都係 $14 , 會無左芝士 , 淡 D , 有好香的法式麵包味同香口 , 但始終不夠野味 ! 所以你想下有法式麵包香味 + 咸咸的芝士味 , 真是一流 ! 信我就買一次試下, 保證你不會錯失了一個味美的食物 ! (不過唔好買左當早餐食 , 隔夜芝士很硬 , 仲有很難吃 , 簡直浪費了食物 , 一定要即食啊 )

星期日去左行山~行城門水塘,行到約2點幾~同個fd落荃灣食個high tea, 補充下能量先~本來有諗過食freshness burger, 但又好似份量過多咁~跟住就去睇下A-1 bakery 既包包~之後索性o係度食tea啦~不過就要等到3點先開始~要左個公司三文治set, 同一件homemade cake set.Cake只有4款選擇:blueberry cheesecake, tiramisu, 黑森林, 朱古力千層.我地就揀左朱朱力千層. 公司三文治, 一黎到~嘩~好大份~好吸引呀~有d surprise~竟然有我地鍾意既粗薯條~幸好薯條係熱既, 公治夾左芝士,火腿, 雞肉, 蛋, 蕃茄,生菜~即整所以幾好味~不過雞肉係連埋雞皮的,所以見到佢不斷出油.大家share食,每人兩件~基本上都好夠~不過當然要食埋我地的主角啦~之前未食過A-1的cake~味道ok~不過唔係超濃朱朱力, 好味在個餅底夠脆同埋唔多cream~餐飲要左hot coffee, 冇澀味~都有咖啡香…D waitress好young & fresh, 可能因為咁而成日自己傾計又冇咩笑容~不過~唔緊要~我係黎食野

多次光顧後　　覺得它的蛋糕比麵包做得出色japanese roll ($7)質地軟綿 帶點濕潤的感覺 蛋味濃郁 且有一種獨特的甜味 特濃朱古力蛋糕($9)表面放滿入口即溶的朱古力粒粒 味道濃厚 蛋糕表面是脆脆的 口感一流朱古力米麻糬波也是含有豐富的朱古力粒 可惜放到第二天便會過卞乾身及"un"另外 店內經常有很多顧客 但通道狹窄 常要讓路 令人不得盡情仔細選擇

其實我就覺得食麵包真係好睇幾時食既一個好好味既麵包如果凍左擺得耐當然係會失色就好似我有一次買左個意式軟包回來放左一日第二朝焗番熱好好味架都但係淨番一半放左一個下午已經變到勁硬所以可能食呢個包係要新鮮先會好食啦另外亦食左芝麻條同芝士條兩個都好好味外脆內軟仲有藍莓包外表普通但係好甜好好味仲有好多好多包都算係水準以上

** 此 食 肆 的 第 九 個 喊 **尋晚(16-6-2008 Sun)趁o係Pokka等位時,走o黎買個麵包做今日早餐,o係8:20pm呢個時間,仍有好多款麵包同客人,真有啲愕然.而只o係一小角落中,我就已經揀定意式軟包,因為都唔細個,所以買一個就夠.夾起o既時候都唔覺得軟,買完後,按吓佢,都唔軟,可能只係表面硬啲o掛.到今朝打開,有香味.影o左相就搣o黎食,搣唔到,好難至搣到啲出o黎.攪咩?再食落去,唉,又硬又’鞋’又難’o趙’,一啖都要’o趙’好耐,味道,就只係一個白麵包,又係似食紙皮.真係好有’捱’麵包o既感覺.

A1響港島區無咩分店, 難得去到荃灣, 忍唔住買個飽黎伴下午茶好多款式都未試過, 最後揀左菠蘿千層酥大大粒的原粒菠蘿, 加上香濃吉士, 酥皮又好鬆化... 真係好味!希望A1可以開多d分店啦!

媽媽煲咗靚湯, 今朝當午餐, 無碳水化合物又唔飽, 於是連早餐一齊買埋!德國裸麥提子合桃包, 半個, $15, 切咗一塊塊, 約有六七塊, 太多了, 與同事分享, 放入焗爐烘熱, 同 Das 一樣都有好多提子同合桃, 但薄切就無咗個麵包心既煙韌感覺, 下次都係免切!迷你合桃蛋糕, $14/4個, 請了個給同事, 其他也是烘得熱辣辣的, 上次食個大既合桃蛋糕, 已覺質感麻麻, 油油的, 今次既迷你版都是一樣, 除了蛋糕面既合桃是我"飛佛", 蛋糕就無麵包咁好食!

頭先我好似post唔到出黎，再打一次先。我有日同男友特登上openrice睇下荃灣有咩野係$40以下既店鋪好食啦！咁見到A1都有42個笑咁咪特登去食「焗菠蘿飯, 泡菜牛肉焗飯」，點知睇個餐牌都唔見呢兩樣「招牌菜」既！！咁我咪直接問個waitrees啦！佢地都話無呀！唉~~好唔開心呀！版主，可否update呢個A1招牌菜既資料呢？？謝謝！

經過A-1就唸住買個冬甩食下,點知又好似唔太覺眼,所以就轉移視線去D麻糬波波度~要左一個朱古力同牛奶味,朱古力嗰個有D朱古力碎,甜甜地、幾好味!但牛奶嗰個就完全冇味,係少少香味都冇了剩係得個韌字!麻麻地...都係Little Mermaid個好食勁多!!

為了答謝同事, 開工的一天買了一個雜果蛋糕, $130, 6杯朱古力吉士布丁, $14, 及6杯原味吉士布丁, $12!我無食...不過, 同事都話唔錯, 布丁夠滑, 但焦糖在底部, 食起上黎...最後會好甜, 可能用膠杯, 所以平, 我見Das gute 加了些少雜果, 已收$20! 所以呢度幾抵食! 另外既蛋糕亦讚不絕口, 同事們都認為簡簡單單既忌廉蛋糕是最美味!我則買了plain scone and raisin scone, $10, 前者要搽醬先好食, 太plain, 我比較喜歡後者!

為了這蛋糕寫我的第一個食評因為很值得推介蛋糕表面佈滿綠茶粉，未食已聞到好香綠茶味蛋糕很軟熟，都食到綠茶味但略甜，有驚喜的是它中間竟夾雜著粒粒紅豆!而且是已煮腍的，配合蛋糕是綿上添花頗飽肚，十分滿足!

母親大人放工時路經千色店,特地致電問我想不想吃包,作為麵包迷的我,當然毫不猶疑地點名要A-1的蕃薯包.初次與蕃薯包碰面,心情十分興奮,因為包包的餡是原隻蕃薯,外形亦仿效蕃薯的外皮.不知是否期望太大,吃下去時反而有點失望,日本蕃薯甜味充足,但包的外皮口感平平無奇,沒有任何味道,幸亦不至於難吃.總括而言這個包十分普通,絕對不值$11這個價錢,這個包試一次便夠了,不會有下次

剛做完gym...約了人食lunch, 又好肚餓, 唯有買一個麻糬, $3, 頂住先! 個麻糬都未移離烘盤, 但卻非常冰凍, 一咬裡面仲有紫菜味...煙煙韌韌, 無咩味, 呢類麵包真係唔太討好我!