A-1 Bakery & Cafe (已結業)

我和朋友經過 A1見到麵包好好味甘，所以決定今日黎個堂食麵包午餐：香濃芝士撻 ($18)：薄薄的消化餅底上是芝士蛋糕，芝士蛋糕唔夠香濃，有點名不孚實！原味 / 提子英式鬆餅 ($12 三個)：好香好鬆化！原味 /朱古力雪山酥($12 三個)：有香濃既牛油味，有D似丹麥提子條既質感，好味！另外，我地要左兩杯凍朱古力咖啡 ($22一杯)：味道一般，比起某兩間咖啡專門店真係差好遠，甘既價錢幾貴呢！食完甘多麵包真係好飽，但我地兩個麵包怪都食得好滿足！

好耐好耐冇食過A-1 la, 其實我真係好鍾意食包ga, 只不過食包真係好肥, 所以先忍吓口, 而A-1就係我最愛的包店之一今次去買包, 睇o黎睇去都唔知邊款好, 又想試新o野, 有d舊o野又好想再食番wor, 加上種類都幾多, 所以都選唔到.最後作了錯誤的決定, 選了花生朱古力包. 原本以為佢有朱古力餡ga, A-1 d包一向出名多餡ga ma, 但食落發現竟然冇餡, 係"冇" ar!!!!!!!!!!!!!!!!!! 只係會包猜的時候加入了朱古力所以啡啡地色gum lor, 但一d朱古力味都冇ga, 只係甜咋,wuwu........... 而且花生都只係係相面頭o個d lor, 算點wor.人地咁難得食一次包, 雖然係咁, 只好怪自己選錯la............其實見佢$10以下都應該估到la.....

香濃芝士撻$18 ~ 外相很吸引,但拿上手油滴滴,滿手油膩感,食落一點芝士味也沒有牛蒡芝士包$9.5 ~ 無味,請它改名不要叫芝士包啦

去完風月....就買今朝既早餐! 昨天選了合桃蛋糕, $9! 今朝烘熱前, 個底既紙托都幾油, 食落都有幾分似 muffin! 合桃有三, 四棵, 蛋糕內卻找不到, 這款有點貴, 下次可選其他試試吧!

成日都幫襯哩間野,但始終覺得貴...仲成日加價,本人獨愛哩度既朱古力香蕉包,早前整得好大個,而且比而家平2,3蚊...而家去買已經唔同哂,變左迷你版,仲要加哂價,真係食2個都唔夠飽...

昨天漏夜才在A1買個鬆餅當明天早餐食。今日吃口感仍保持鬆化，味道就有些帶苦，提子乾仍然幾濕潤，不過不失啦～服務方面真的不夠屯門分店好，沒有歡迎前多謝後也算，在付錢的時候，在旁的朋友問自己“咦，你買淨鬆餅吃？”，我就順口問問收銀姐姐，只見佢好不願意地答你“係呀，冇提子０架！”．．．（點估到佢地將有提子乾和沒有提子乾的鬆餅放在同一籃中）我問清楚之嘛，用不用這種語氣呀？！

買了三件cake 回家交差。係「意大利芝士餅」、「草莓蛋糕」、「雙色栗子綠茶蛋糕」，每件$18。賣相漂亮，然而味道卻一般。「意大利芝士餅」係魚膠製品，以魚膠製品而言，卻是難得地好味！「草莓蛋糕」美則美，味道不想提。「雙色栗子綠茶蛋糕」栗子蓉部份好味，綠茶忌廉部份調味不當，敗筆！

睇雜誌~話番薯對身體好..又可以減肥．所以最近竟然愛上左食番薯．經過A1..見到佢地有番薯包賣．即刻忍唔住要買黎試下．另外我仲買多左個芝麻紅豆包黎做晚餐..番薯包($11): 一咬落去啖啖都係番薯．真係好香好好味．番薯又夠林同甜..麵包佔成個包既比重唔多~估唔到番薯同包呢個配合．可以咁好=)芝麻紅豆包($8-10): 呢個包我唔係好肯定佢$8定$10?第一口食落有好淡既芝麻味．芝麻味略縑唔夠．絕對係睇到~聞到~但係食唔到.. 好彩再食落去．原來佢個餡唔只得紅豆蓉嫁．仲有加埋左唔知係奶黃定吉士係d紅豆蓉下面．等我開頭仲以為點解呢個包身可以整得咁軟咁好食? 原來佢唔係麵包..高招高招*

之前睇到食評話A1既吉士布甸好好味．於是今日一於買黎試下..吉士布甸($12): 食落口真係好滑溜．食落有少少似食緊Beard Papa's泡芙入面果dcream既傑身版!開頭食真係好好味既..不過食食下就會覺得好溜.覺得自己好似係度係咁食cream咁? 食到臨尾.突然之間有d啡色既野溜出黎~我食唔出果d係嘜野呀? 不過加埋一齊食.好食d喎!呀?點解佢要食到臨尾先有既呢~

迷你朱古力撲夫($5.5): 一咬落去，估唔到佢D cream都係朱古力味，仲以為佢係得面果層有朱古力！至於cream既質地係比起Beard Papa既為傑身，所以都唔會流到周圍都係，食得無冇論盡~ Cream既份量同Beard Papa一樣咁多，價錢又平過Beard Papa，好味又抵食！

朝早趕住補習，冇食早餐，好肚餓，買左３個包加１個酥食。磨菇腸仔包：茄汁加沙律醬，味道幾夾，不過衰在個包勁油，食完成手都係油。芝士煙肉圈：面頭有脆芝士，裡面有一粒粒既芝士同煙肉，不過個包冇咁硬會更好。蕃薯包：裡面有蕃薯蓉，好甜，好好食，包身又軟熟。朱古力雪山酥：姐係小型朱古力包，有好多一粒粒朱古力係入面，岩晒朱古力迷，面頭仲有糖霜，又幾好食喎。

買定包第２日食。要左十字包同芝麻紅豆包。十字包都有幾多提子，咬落幾鬆軟，唔錯。芝麻紅豆包更加好食，有黑芝麻皮一條條係面，裡面有紅豆蓉同奶皇，紅豆蓉幾滑，奶皇就正常，３種料個味好夾，加埋一齊幾好食。

其實食過呢間好多次.不過本人覺得佢d包麻麻地..價錢又偏貴.同價既Panash好食好多..不過今日試左佢d麻糬波波都幾好既.$13 5個~口感唔錯~味道亦多過底層既波菲..

咪就係絶配lor, 永遠都覺得佢地係好夾的.這個香蕉朱古力酥好味ar, 最外層有薄薄的糖粉, 甜甜的, 還有幾片杏仁增強口感; 酥最重要的是層次分明, 唔會疊埋哂, A-1當然做得到la, 邊邊還有厚厚脆脆的, 似蛋糕又似曲奇的口感, 我最愛了!一聞就有香蕉味, 是下了香蕉油ba, 初食的幾口未有香蕉, 我以為佢只係有陣香蕉味tim, 但食下去就有好多的香蕉比朱古力完全包圍住, 餡料當然係十足la, 個人認為比朱古力酥更上一層樓~~~

今日買咗個蕃薯包含10.- 及綠荼紅豆包$8.5。食完個蕃薯包都飽曬(見到個蕃薯係唐心蕃先攞! 所以個蕃薯唔乾及好甜! 唔錯!) ! 個綠荼紅豆包就當下午茶! 始終係我最鐘意食o既包! 又香(綠荼味)又滑(d cream 及紅豆)又唔滯! yummy yummy !