A-1 Bakery & Châteraisé (已結業)

🍠沖繩紅芋批 $60 (8/10)個皮好香脆，好香牛油味，好鬆化，表面有層糖霜，紫薯好細滑，甜甜地份量好足，中間仲有陳麻糬煙煙韌韌，最底層有個蛋糕，層次豐富，好好食，整體嚟講都係好夾！推薦指數: 8/10大推，平時唔好紫薯都覺得好食！

朋友或家人生日都會買蛋糕🎂慶生， 試過幾間蛋糕麵包🥧🥐🥖店， A1蛋糕食完後有種念念不忘嘅感覺😌， 就算不是節日A1芝士蛋糕及麵包! 絕對係首選!家人生日買了個🍇🍇🍇香印提子蛋糕， 店舖職員仲好好免費寫了個生日牌!🍇🍇🍇香印提子蛋糕，粒粒爽脆香印提子大大粒，色澤翠綠，味道清甜，更帶淡淡花香， 清淡鮮忌廉不甜不膩， 加上面頭有些清香啫喱，真的精緻優雅。每一口蛋糕回味無窮！在家慶生，令家人食得健康又開心！😍

今日個朋友生日就買個蛋糕俾佢啦見佢咁少女鍾意士多啤梨🍓拎到去就一齊切蛋糕餅底都係消化餅 有種脆脆哋既口感蛋糕質感偏實身 芝士味好香濃奶香又好軟滑 加埋啲cream真心好好食🤤極高CP值 作為士多啤梨芝士控超級推介好creamy 芝士唔會太漏士多啤梨又夠甜 蛋糕身又唔會太甜真係好值得一試呀~

三文治系列推出全新口味可樂餅！🥳外層炸至金黃香脆🔥，內層充滿軟綿綿嘅薯蓉，美味可口💕.Pacpack三文治，無論大人定小朋友，🙆🏻‍♀️只要小小一啖就食得到，味道可口，方便易攜帶😉.更有香濃甜香🥚日本蛋沙律 & 營養豐富🐟吞拿魚沙律選擇，全線門市及網店都有售！人氣PacPack套餐：$45日本蛋沙律、吞拿魚、可樂餅各一@a1bakeryhk 📍香港

🎶因為一首歌而令尼款蘋果批變得火熱，除左個包裝盒靚之餘，份量都十足🍏青森蘋果批外層係酥皮，食落好酥脆，除左粒粒蘋果肉，仲有一片片既蘋果片，中間係有海綿蛋糕，口感豐富，唔算太甜，淡淡既玉桂味，岩哂唔鐘意玉桂既我😍

女孩子就是喜歡甜食為左食甜食可以連正餐都吾食今日就有食甜食的衝動甜食有太多選擇北海道鹽豆大福呢款吾算太甜糯米皮煙煙靭靭配上原粒鹽豆內部選用的北海道十勝產小豆朱古力牛油蛋糕見到名字時覺得它會很甜但食落又吾係想像中的甜蛋糕內有原粒朱古力

A-1 Bakery 已經成為左日常買蛋糕必去嘅舖頭，佢哋嘅蛋糕基本上都中上質素，仲要唔會太甜！最近新出左季節限定嘅沖繩紫薯蛋糕，一定要試一試啦！🎂沖繩紫薯蛋糕 15cm $228 (6/10)蛋糕分咗四層，分別係海棉蛋糕，真紫薯蓉，紫薯忌廉，日本黑豆合桃碎，食落紫薯味道好濃厚，唔會太甜，好欣賞黑豆合桃加埋紫薯嘅新配搭，好新奇，但唔係食落唔係特別夾，成個蛋糕感覺好飽，但唔會甜唔會好膩，比較淡味，食得出食材原味，但唔係特別好食，一般般🤣推薦指數: 5/10呢個配搭唔係太好食，但屋企老人家幾鍾意，可能比較清淡同埋唔甜，真係真材實料嘅🤣如果唔係特別鍾意紫薯，就唔推薦買來食！

😋 令人滿足既芝士千層蛋糕口痕既我成日都好想食甜野有時行過d蛋糕麵包店，就真係忍唔住買本身都好鍾意食千層蛋糕，今次就買左個意大利芝士既千層蛋糕返屋企食尼個蛋糕螞蟻人適合！上面就係千層蛋糕下面就係朱古力蛋糕底上面會比較甜，下面甜度較低唔係太食得出芝士味反而有少少焦糖味千層皮唔算滑，入口有d鞋不過做完一日野，食返件千層蛋糕都真係幾爽既！The cake is quite nice, love the sweetness!

今次係期間限定呀～鐘意朱古力既朋友仔萬萬不能錯過！每次A1 bakery同Godiva合作既蛋糕，都係非常有水準！今次都唔例外😍上層用左日本及意大利既香濃可可粉，中層係朱古力芝士，底層帶有香脆可口既曲奇餅底🤤係唔同溫度下品嘗蛋糕，仲有唔同既風味！💡室溫：蛋糕質感較軟身，食到上層朱古力粉有回甘味，中和中層朱古力芝士既甜味💡150度焗8分鐘：入口即融😍口感真係非常Creamy，有香濃朱古力味💡雪櫃剛取出：質感較硬，無咁甜，回甘味重左好多我自己覺得呢款蛋糕真係做得好出色。唔同溫度食都有唔同既感覺！重點係有超濃朱古力味呀～我自己最鐘意雪櫃剛取出既口感😋$98好抵食😛

唔知由幾時開始因為有好多麵包蛋糕舖都無餅房又或者無師傅長註所以要加字嘅蛋糕要早幾日訂，有啲仲要加錢，話說有一年12月尾想訂個蛋糕慶祝生日，喺一間連鎖店早4日訂個cake想加字，職員答x mas 前後就算加錢預訂都無得加字，嗰一刻真係覺得好委屈😭。今次嘅經驗令我覺得呢個城市終於正常返了😢，話說突然想買個蛋糕慶祝，原來staff可安排立即加字仲要係免費，而且蛋糕都唔貴，半磅120蚊，嗰一刻覺得好感動🥺，唔知幾耐無感受過呢啲服務而係合理價錢。呢間連鎖店唔係第一次幫襯了，之前買過年輪蛋糕，其實佢每間舖嘅裝修都好一致，好整潔❣，好日式👍，日本品牌係唔同啲。蛋糕個盒都幾靚，半磅蛋糕芒果唔多，cream都適中，唔會太多，蛋糕鬆軟，整體都可以。

This ice cream is a little bit expensive to me but it really deserves the price! Super rich milk flavours which lingers in my mouth! The cone is delicious too. Such a great match! The bread here smells very nice as well. I bought some home! Nice bakery!

番工買左兩個甜品同朋友share , 一個係北海道牛奶布甸，質地軟滑，都幾實淨，我覺得甜得濟，同朋友一人一半都覺得heavy, 除非你食得好甜啦～ 牛奶味都好濃，整體來講如果食一啖就好食，一個人食一個就唔得啦～ Tiramisu 有驚喜，細細杯但層次好分明，唔會太甜，咖啡粉中和左下面忌廉芝士的甜膩，配搭好好，忌廉芝士夠輕夠滑夠鬆軟，好好味啊😋 同埋唔會成撻槳咁槳黏喉，做到甜而不膩！底層餅乾碎都無話軟曬仲有口感！下次再買應該都淨係買呢款！

鍾意在A1買生日蛋糕，因為如果冇咩特定要求，買現成蛋糕都可以即時寫生日牌，最啱心血來潮，又冇乜預備嘅情況下都可以為朋友寫上祝福字句。在德福這間A1，每日都有好多款式。今次揀咗個千層蛋糕慶祝朋友生日，生日牌即時寫，仲寫得好靚。

🍅宇治抹茶千層蛋糕 hkd38想食A1嘅千層蛋糕好耐，原味感覺無咩特別，朱古力又食得太多，所以揀左抹茶。佢面頭有層啫喱咁嘅野，綠綠地色。蛋糕有好多層薄薄嘅餅皮同幼滑抹茶忌廉，夾雜住少少少少少量紅豆。餅底係海綿蛋糕，軟綿綿，同千層好夾。件蛋糕口感唔錯，忌廉入口即融，皮夠薄，層數都多。第一啖放落口，抹茶味好濃，濃到有一陣草腥味，有d似食緊草餅。之後再慢慢放落口回味，漸漸無左草腥味，突出左抹茶味，有回甘，而且唔會太甜。總而言之，如果鐘意抹茶，呢件蛋糕真係值得一試，但因為紅豆而感興趣嘅可以再考慮下，畢竟紅豆數量真係好少，得果幾粒。

$30 blueberry cheese cake細細一件，其實有dd貴，不過都尚算幾好食，間唔中食一件都okay,幾香幾滑，千層蛋糕就爭d, 6月期間限定嘅蛋糕唔好食