影片
以上資料只供參考, 請與餐廳確認詳情
Accro Coffee📍元朗元朗安寧路162號金城樓地下D號舖重返元朗，正式開工前，約到兩位愛食之人一齊聚下，真係特別高興。為咗坐得舒服啲、可以傾得耐啲，我哋一致同意揀間就腳嘅cafe，而講到元朗嘅高質coffee shop，排喺榜首嘅一定係Accro Coffee。個人覺得佢外在嘅水泥工業風，同內在嘅復古和洋風形成強烈對比，陰暗嘅燈光令人覺得異常地舒適。本來人太多，被安排坐喺吧枱位，及後有食客離開，趕得切喺落單前轉咗張更加舒適嘅大檯，lucky！ 💰$58鴨胸肉意式香草包 🥯因為Accro主打咖啡，所以佢基本上無提供主食，幸好有唯一嘅鹹食，等我哋可以醫下肚仔。呢度嘅Panini外微脆內軟熟，完全唔會烤到乾爭爭！配料可選擇雞胸肉、鴨胸肉或蕃茄，而且只需要加$24就可以食到清新無渣嘅水耕沙律菜，性價比算幾高。Panini內夾有數片厚身鴨胸肉、洋蔥、大量芝士同醬汁，啖啖都有鴨香同芝士香，一啖包一啖沙律，唔會太飽太膩，非常適合brunch或tea time食，大推！ 💰$98 (全份)窩夫 🧇最出名嘅Waffle有兩個plan供選擇，分別係Plan A - 時令生果配吉士醬同Plan B - 伯爵茶忌廉、楓糖漿配特濃朱古力雪糕。知我口味嘅都知我實係揀後者啦，朱古力喎，伯爵茶喎，點可以錯過啊！呢度嘅Waffle係好靚嘅心形，全份就有四件，半份則為兩件，賣相已經無得輸，而且佢嘅口感外脆內綿密帶少少煙靭，伯爵茶忌廉味道濃郁但輕盈，非常獨特。Accro嚴選New Zealand Natural出品嘅特濃朱古力雪糕，又用日本蛋製作甜品，咁靚料俾貴少少都值得。 💰$50開心果巴斯克蛋糕Regular menu上面唔係樣樣都每日供應嘅，今次我哋去到就撞正有Seasonal menu產品，朋友最鍾意食開心果，當然要叫一份一齊開心share啦！因為件蛋糕相對比較細，所以上枱嘅時候見到有少少失落，覺得有啲overpriced，殊不知原來係物超所值！首先佢嘅開心果味一啲都唔假，味道好出，比好多打住開心果旗號嘅甜品出色數倍。其次，佢嘅口感好軟滑，蛋糕質感夠濕潤，㗳真啲仲有濃郁嘅忌廉芝士味，世一！最後就係佢mix咗腰果同開心果，灑喺蛋糕面點綴，鹹甜組合，果然好夾，超級無敵推薦大家食！ 💰$48百香果沙冰 🍧因為我唔好咖啡，又想飲凍嘢，就揀咗最吸睛嘅Frappe試試，喺士多啤梨、Mocha同百香果中，揀選咗最特別嘅口味。百香果味非常濃郁，特別之處係味道毫不假甜，沙冰唔會稀冧冧，每一啖都飲到百香果嘅精華，即使用餐時間超過一個鐘，飲到最尾都仲係凍冰冰。一杯份量超足，值得再次encore。 💰$41烤杏仁朱古力 🍫朋友好欣賞朱古力都有拉花，聽佢講朱古力唔會太甜，飲落有淡淡杏仁香，應該同樣高質。 💰$80虹吸咖啡 ☕️新朋友係品咖啡嘅專家，所以佢當然揀咗specialty coffee，並選擇以虹吸而非手沖方式沖泡。實際上係咩豆同味道如何我不得而知，但睇佢嘅反應同我親自聞到嘅咖啡香味，應該是個好東西！
繼續閱讀
元朗出名美食多，極少到訪的我今天跟兩位元朗朋友聚會來到「Accro Coffee」朝聖，此店只提供香草包、窩夫、蛋糕及飲品；朋友告知屯門店有更多美食選擇-對咖啡沒認識的我看到餐牌上的咖啡種類多不勝數，感覺到小店的專業與講究，更因為朋友而了你到手沖咖啡跟虹吸咖啡的簡單區別 😂😂-🔹鴨胸肉意式香草包 $58內有洋蔥、醬汁和芝士；+$24 可配水耕沙律菜一客水耕菜清嫩柔軟，配上黑醋及車厘茄清新健康；意式香草包外輕脆內鬆軟，口感甚佳，夾著軟嫩細緻脂肪率低且富鴨香的鴨胸肉、鹹香適中的芝士、洋蔥及醬汁，創新出色，是令人滿足的餐點-🔹伯爵茶忌廉、楓糖漿配特濃朱古力雪糕窩夫 (全份) $98具 4 個心形窩夫，擺盤得體窩夫有別於坊間外脆或偏硬口感，它是輕韌軟綿有類似麻糬的口感，個人特別喜歡；配搭邪惡感十足的輕伯爵茶忌廉、楓糖漿及濃香的朱古力雪糕，沒有可挑剔之處-🔹開心果巴斯克蛋糕 $50磅蛋糕的樣子配搭不少香脆甘甜的腰果，就是與別不同；幼滑細緻的口感，濃郁的開心果香鹹甜平衡，非常出色，超級推薦！-🔹烤杏仁朱古力 (熱) $41連朱古力也有精美的拉花，清雅的杏仁香配搭濃香細滑的朱古力，毫不甜膩-朋友則點選了熱情果沙冰及虹吸咖啡，人均消費 $135，整體食身質素令我驚喜滿意，絕對是值得推薦的 Cafe，定必到訪屯門店 🥹🥹
繼續閱讀
聲稱係全港比較好飲嘅咖啡舖，佢哋咖啡曾經獲得獎項，所以好多人冇名而來，個人就感覺正常！🍴Latte $41 (7.5/10)飲落去非常之濃咖啡味，入口餘韻好重，堅果味比較出嘅，好濃郁餐咁多佢有咩？🍴海鹽焦糖芝士凍餅 $48 (5/10)焦糖味好出，但偏濃郁偏苦嘅，蛋糕一啲都唔甜，但係都幾軟滑芝士味都唔係好濃 正常。推薦指數: 6/10正常冇想像中冇驚喜，可能是佢冠軍咖啡會好啲我就是咗一半嘅就正常好飲，不過好多咖啡店都做到嘅質素！
繼續閱讀
喺元朗揾到一間隱世嘅日式咖啡店，裝修復古同和風風格，燈光暗暗地，環境舒適。呢度唔止有唔同精品咖啡任揀，而且聽講係香港獲獎嘅咖啡，每次必定飲佢哋嘅cold brew。作為非專業咖啡師，個人感受係，呢杯咖啡帶點櫻桃、紅酒同少許酸味，口感滑順宜人。同一般外面嘅drip coffee有好大唔同，真係獨具風味。另外，我亦試咗佢哋嘅Panini，外脆內軟，內裡夾埋碎蛋沙律，熱與冷交織，作為下午茶絕對一流。呢間咖啡店絕對值得多次光顧！
繼續閱讀
年廿九果陣搵地方食晏，好多地方都已經收爐，忽然間醒起呢間我想去咗十幾年嘅Coffee Shop，人哋都搬左3間舖😆餐廳好有特色，專營虹吸咖啡，環境好好。鴨胸意式香草包 $57餡料非常豐富，有洋蔥，醬汁，同埋大量芝士湧出嚟，焗得好香，果然係signature dish🤩栗子朱古力巴斯克蛋糕 $65期間限定產品，當然要叫嚟試下啦，蛋糕好香栗子味，仲有栗子蓉同栗子粒，下次要試其他口味嘅蛋糕。我哋叫咗橙皮朱古力 $39，超香橙味， 好似食緊積及朱古力橙餅咁，超好飲😋Affogato $50, 雲呢拿雪糕配濃郁嘅咖啡，下次有機會再嚟先再試虹吸咖啡。評分：最高為5分治癒度：👩⚕️👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺Accro Coffee元朗安寧路162號金城樓地下D號舖📍朗屏港鐵站B2出口5分鐘路程#healingbobo #foodie #hkfoodie #foodiehk #香港 #美食 #元朗 #朗屏 #YuenLong #香港美食 #香港探店 #元朗美食 #虹吸咖啡 #AccroCoffee
繼續閱讀