Accro Coffee

營業中

休息中

呢間虹吸Cafe本身向元朗已經好受歡迎，想試都真係要排下。今次避開哂繁忙時間，終於可以慢慢品嚐下☺️Kenya AB plus Kiambu Gichuka ($70)(黑莓/堅果/香草/蜜糖）嚟呢間cafe必試虹吸咖啡，好鐘意睇佢嘅製作過程，感覺好治癒！話說咖啡真係好睇個人口味，Yummy就幾鐘意肯亞嘅豆。呢款虹吸咖啡有花香味同莓味但唔會酸，飲落好順口☕️ 相信呢款應該都好啱大眾口味伯爵茶忌廉楓糖漿 配 特濃朱古力雪糕($65/半份）Tea time口痕想食窩夫，好彩平日係有半份叫過下口癮。伯爵茶味好濃 窩夫即整夠哂脆配埋特濃朱古力雪糕，大滿足❤️

搵緊原定午餐餐廳嘅中途經過，朋友介紹咖啡店都幾出名。不過餐廳已經訂位，所以照原定計劃，但食完一個唔係太滿意嘅午餐，俾我哋有一個完美藉口即刻搵第二度再續😏咖啡店好多人排隊，幸運地早到一步，可以即刻入座，之後嘅客人要排隊啦～一入到去，咖啡店燈光暗暗，但又唔會令人好眼瞓，加上咖啡同窩夫嘅香味，簡直係絕配😍😍咖啡店氣氛平靜，環境唔會太嘈，都唔係靜到無得傾計，同朋友傾計唔會覺得有壓力。 成個環境令客人可以好放鬆，會覺得坐好耐都唔會悶，不過用餐限時90分鐘，慢慢嘆完杯咖啡、傾下計，都差唔多夠鐘。店鋪有咖啡豆買，咖啡迷一定唔好錯過！可以先叫一杯咖啡試真個味，岩飲先買。咖啡有分虹吸同手沖，如果坐喺吧台，望住虹吸機，感覺更療愉😌90+ Kambera Geisha ($95)Yirga Gedeo G1 ($70)Mocha ($39) 朋友們想買咖啡豆，於是叫咗兩杯特別咖啡。而我仲未飲到齋啡，所以只係叫咗一杯mocha ☕️不過咖啡實在太太太太太太太太酸，好濃，唔識欣賞😅由於唔岩口味，朋友剩咗半杯，飲唔到了。總結，都係飲返普通嘅mocha岩我啲😆全份窩夫配伯爵茶忌廉 ($98) 窩夫可以揀全份或者半份，

首選隱蔽得奬cafe☕☕Accro Coffee呢間係我經常去嘅cafe，都推介過好多朋友仔去，今次約呢個朋友仔未去過，就同佢去啦；每次同未去過嘅朋友去都話睇門口完全估唔到係一間cafe，因為佢個裝修真係好似日本個D咁，出面同入面係完全2個世界；門口位放咗好㚈佢地比賽得到嘅奬杯，一拉開門就係日式洋風咖啡室。位置唔係好多，經常要排隊等位，好彩今次等咗一陣就有位啦講返野食~🫖首先係必叫嘅伯爵茶窩夫，窩夫鬆脆，加上濃濃伯爵茶忌廉，再有朱古力雪糕，不得了，好食到一啖接一啖停唔到；佢有半份同全份揀，2個人就緊係揀全份啦😋😋🐔跟住就係雞胸肉香草包，佢可以揀雞胸肉，火腿，或者蕃茄，我地揀咗雞胸肉。入面有芝士，茄汁，沙律醬；包身脆脆煙韌，餡料配搭上好食唔漏，汁醬唔會落太多，正👍☕最後就係一人一杯嘅咖啡，我揀咗我最愛嘅flat white，奶味同咖啡比例啱啱好；提一提返佢地係自家烘焙咖啡豆🥰🥰🥤朋友仔就叫咗莫加沙冰，呢個真係不得了，佢成個沙冰都係咖啡味，就算放耐咗溶咗冰，個咖啡味依然無減，我下次都要飲呢個先😍😍😍今餐總結~環境⭐⭐⭐⭐⭐食物⭐⭐⭐⭐⭐性價比⭐⭐⭐⭐⭐total食咗270蚊，最愛嘅cafe

認識依間cafe係因為有日見到有電視節目介紹，所以黎到元朗就想試下啦💛個日平日我地12點到，好幸運地唔使等位，不過以我所知依家好多時都預左要排隊，所以大家記得預左排隊啦🤣🫠入到去見到menu有好多手沖咖啡，有部分更加係得獎咖啡～坦白講我唔太識飲咖啡評論唔到，不過建議對咖啡有研究既朋友仔可以黎一試☺️今次黎主要係想試佢個窩夫😍✨伯爵茶忌廉楓糖漿配特濃朱古力雪糕 佢個窩夫係世界級好食，係我係香港食過最好食既窩夫😍首先欣賞佢可以簡半份或者一份，岩返d細食既朋友試下～外脆內軟超好食😍✨意式香草包 我地簡左鴨胸肉，又係非常好食 濃濃既芝士味十分之香😍如果唔使排好耐一定會再黎試💛💛

聽聞係世界級比賽得獎嘅隱世咖啡店👀趁平日夜晚比較清閒可以直入 當然要試一下😽.🐈.𝙎𝙪𝙢𝙢𝙖𝙧𝙮咖啡愛好者之選 度過個Quality time☕️窩夫有驚喜 出色 怪唔得咁有人氣👍🏻.🐈.🌟Latte - $38精品咖啡多不勝數 眼花撩亂 最後都係揀左自己嘅𝘾𝙤𝙢𝙛𝙤𝙧𝙩 𝙯𝙤𝙣𝙚😂相信咖啡愛好者會更懂得欣賞呢啲得獎咖啡～.🌟窩夫 半份 - $65 (只供平日供應)口味可選：時令生果配吉士醬 / 伯爵茶忌廉 楓糖漿配特濃朱古力雪糕我選了後者～ 係我食過最好食嘅窩夫之一💗兩個人食啱啱好 外脆內軟 好正👍🏻 聽聞採用了新西蘭雪糕同日本蛋🤣.🌟雜莓慕斯蛋糕 - $40味道中上嘅慕斯蛋糕🍰相對窩夫較為普通 可以不試

🧇伯爵忌廉窩夫窩夫烤得唔夠脆 但伯爵茶雪糕同忌廉嘅口味好出 我鍾意佢哋忌廉分開擺放嘅方式 靚得來可以自己選擇揸幾多上個窩夫度 因為好多人都唔鍾意太多忌廉架嘛 甜甜嘅窩夫配上咖啡 就係一個理想嘅下午茶啦Natural anaesthesia slow dry Panama Elida estate Mina geisha（虹吸）尼到得獎咖啡店 梗係要試吓啲special coffee喇 揀返自己鍾意嘅taste 試吓唔同嘅新嘢 都係去coffee shop嘅樂趣尼架☕️ Roasted almond latte佢哋嘅latte有好多種口味可以揀今次揀咗烤杏仁味 聞起嚟好香好nutty 😍 飲落唔會覺得係嗰啲好甜嘅香精味 咖啡同杏仁嘅味比例適中 我覺得比起出面其他嘅latte 呢度既咖啡真係好飲啲 而且性價比高

☕ Cappuccion (hot) $38呢度出名既係虹吸咖啡, 不過小編對咖啡唔太熟, 所以無叫到不過其他咖啡都好好飲☕ 半份窩夫伯爵忌廉 $65👍🏻推薦大家必試, 窩夫外脆內軟, 超好食💯🌟 平日去會比較少人,可以靜靜地享受🌟 內有特色既咖啡豆買, 咖啡愛好者不坊可以買返少少試下～～～～～～～～～～～～～～～～～～～～～～📍 Accro Coffee地址: 元朗安寧路162號金城樓地下D號舖※※※※※※※※※※※※※※※※※※※※※※※※※※※ 

今日朋友帶我去了一間位於元朗的隱世咖啡店。門外一幅巨大的水泥牆，掛着一個黑色鐵藝焗光招牌。又 Cool 並且帶一點點神秘感！今日我哋叫了冰滴咖啡和窩夫。冰滴咖啡 ～ 顏色深沉、濃厚帶點發酵酒味、也有點菓香甜品！窩夫賣相吸引，味道也不錯！靜靜的在這裡享受了一個不錯的下午茶時間！

元朗人氣精品café，他們的咖啡多次獲獎，週末假日長期排長龍！閑日午市過後就通常即刻有位。Café環境休閒，有幾台都是一個人看書、用電腦工作。***窩夫我們兩人，點了一個窩夫，生果配吉士醬，窩夫外脆內軟，custard sauce甜味剛好，水果新鮮，蘋果非常爽脆，藍莓和士多啤梨都鮮甜多汁。***香草包之前試過他們的香草包，但覺得芝士太多，所以要求少芝士，果然少芝士的味道更凸顯香草味，另外麵包烘得香脆，好味！***咖啡來到得獎café當然要點咖啡，想點coffee combo，但當天不提供，於是改點hazelnut，不過個人覺得有點甜。題外話：如果要等位，可以在門口的板上填上自己的電話及用餐人數，有位時餐廳會致電通知。

這間咖啡店是不少咖啡愛好者一定要朝聖的地方，裡面充滿日式咖啡店風格的裝潢，黃澄澄的燈光，配搭長方形的吧台位置，讓大家欣賞咖啡師沖泡咖啡的每一個步驟，都是大家喜愛的部分。🔹CR Magnolia $68 Beethoven $80這裡的咖啡豆選擇相當多，你可以看tasting notes選擇自己喜歡的口味，或者向店員請教，咖啡都可以選擇手沖和虹吸，我們都選擇了虹吸。我選擇的CR magnolia口感均衡，入口會有堅果香，尾段有一點蔗糖的蜜感，舌尖的感覺比較多層次，不錯～朋友則試了貝多芬，比較少咖啡廳有這款咖啡豆，它用了水洗的方式處理，口感相對清爽，而且酸度也高一點，喜歡果香的話可以選擇它，聞起來會有一陣士多啤梨的香味，熱的時候入口更會有陣陣茶香呢～這裡會有些輕食選擇，不過我覺得來這裡就要集中喝咖啡，但配蛋糕其實也很好。 

夜晚九點鐘打電話問店員last order未，同佢講話想order定甜品外賣一陣過嚟拎，店員回覆10點前都有外賣可以過來先order…….專登由元朗站行去買，去到舖頭店員話廚房九點已經收咗，只可以點咖啡外賣…….店員仲話返我係我電話細聲講唔清楚想問貴公司平時係咪都咁樣對待客人 ？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？

估唔到有一排冇嚟元朗發覺元朗開多咗好多文青咖啡店！今日就嚟試呢間元朗人氣咖啡店Accro Coffee☕️佢個外觀係用灰色嘅水泥牆去設計，營造出一種搖滾酷風格，當日都見到好多人經過係咁起個門面影相打卡經過門口見到有好多調製咖啡得獎嘅獎杯主食和小食嘅選擇唔多，主要都係賣特式咖啡為主，淨係咖啡都分咗四頁菜單，超級多選擇！如果大家想來飲一啲特別嘅咖啡豆，都可以嚟試吓！意式香草包 （鴨胸肉）個包都幾大份，芝士鴨胸肉加洋蔥焗埋一齊好香好好食，鴨胸肉好肥美，配埋佢嗰個有少少芥末味嘅醬，幾有驚喜嘅😋伯爵茶忌廉楓糖漿配特濃朱古力雪糕窩夫伯爵味cream配埋個特濃朱古力雪糕，好滑好甜，幾好食，不過價錢就貴咗少少埃塞俄比亞—谷吉喱個手沖咖啡味好突出，開頭入口帶一點微苦，飲完個咖啡味留起個喉嚨入面好香濃，都幾好飲幾易入口，岩我地喱d咖啡初哥試下☕️整體來講個體驗都好好，估唔到大西北都會有一間高質嘅咖啡店！推介大家嚟試吓！

忙碌完一日，趁非繁忙時間黎飲杯咖啡食個甜品。呢間咖啡店已經黎過好幾次，咖啡師獲獎無數。鍾意飲咖啡既人，應該都聽過。每日供應既單品豆都唔一樣，今日打算黎買埋豆，咁岩有祕魯豆賣，一於叫杯手沖試試先。順便食個窩夫。雪糕係New Zealand，口感綿密。一般甜品店無得比。窩夫外脆內軟，即叫即整，新鮮。咖啡如同風味描述般，偏茶味為主。非常乾淨，無雜味，不過未有令我買豆既衝動。埋單 $125舖頭設有洗手間，如廁過程舒服無異味。只收現金/Payme.

今日朋友帶我去呢間想試好耐嘅coffee shop佢話因為係平日，所以唔使等 佢上次嚟大排長龍 ，好彩咋Ice drip 喝下口感芳香，味道細膩而微妙一嚟到已經好肚餓 即刻點一份窩夫配伯爵忌廉配特濃朱古力雪糕窩夫。窩夫熱辣辣外脆內軟，配埋伯爵忌廉同埋朱古力雪糕加點點楓糖漿一齊放入口 開心程度爆燈 而且不會太甜太膩,，茶味同朱古力味入口，香濃而久久不散很適合香港人口味的一款甜品！另外點了一份香草包餡料要鴨胸肉一上枱芝士剛好溶化，呢個樣子令人急不及待放入口，鴨肉的油香同芝士好match，鴨胸肉肉質煮得不柴，夾埋烘過的香草包同吃，也是一個令人吃得很滿足的輕食costa rica tobosi 虹吸果香 &莓味在喝下後徐徐滲出 之後，我們還點咗mocha 同埋檸檬香橙茶因為同朋友很久不見，我們二人喋喋不休而且呢度坐得幾舒適，不知不覺間90分鐘眨眼便過去了，希望下次平日再有時間過來與朋友渡過休閒舒適的時光

放假😌最好係選一間自己喜歡嘅Cafe休閒咁樣慢活一日🥰今次入開元朗試左一間隱世精品咖啡店☕️呢間咖啡店走型格路線整體裝修行工業風無論店外店內環境都好有格調特別係沖咖啡張長枱有少少酒吧嘅感覺😛品味咖啡叫左一杯簡簡單單嘅(っ◔◡◔)っ ♥ latte ♥咖啡好香濃烘焙味重咖啡豆唔係太帶酸味係我鍾意嘅口味😋見到隔籬枱幾乎都會叫waffle我都唔執輸加個(っ◔◡◔)っ♥ Plan B窩夫 (伯爵茶忌廉、楓糖漿)配特濃朱古力雪糕♥Waffle 即叫即整外脆內軟有濃濃蛋味配埋比較有特色嘅伯爵茶忌廉呢個配搭實在好夾另外想介紹吓個朱古力雪糕真係超濃😋如果好鍾意食朱古力嘅朋友一定要試吓😌今次無試得獎嘅咖啡下次有機會再回頭試一試先得😝