影片
營業時間
星期一
14:00 - 00:00
以上資料只供參考, 請與餐廳確認詳情
鮮蠔肉湯，可遇不可求，不時常供應。鮮蠔味霸道強烈，蠔味清香醒神，襯托埋忌廉湯，熱燙燙品嚐，開心到跳舞。香辣茄醬燉雞 Braised Chicken all'Arrabbiata，其貌不揚，生得似地中海多過意大利的外表，簡樸的茄汁雞，眼測有洋蔥有番茄角。香辣茄醬燉雞配香草橄欖油麵包 Braised Chicken all'Arrabbiata with Focaccia Bread⭐️⭐️⭐️⭐️⭐️麵包新鮮度非凡恰比新鮮出爐，軟塾散發濃烈麵粉香甜味帶著陣陣香草芬芳還有橄欖油的清新。搭著清淡醃味的彈滑雞球，撞上惹味厚身酸辣茄醬，麵包直頭神來之筆比雞球更出色。板燒安格斯西冷牛扒 Pan Fried Angus Beef Striploin⭐️⭐️⭐️⭐️⭐️西冷扒嚼勁十足，牛甜味霸道橫蠻，外層濃郁包著中間嬌嫩紅肉，整件入口嘆得津津有味﹗搶住食全部清掉，醬汁、蒜頭、香草都一滴不留全收肚仔去。內內外外總覺得充滿地中海風情、味道、演繹，連器皿都好似﹗板燒安格斯西冷牛扒配松露飯 Pan Fried Angus Beef Striploin with Truffle Rice⭐️⭐️⭐️⭐️⭐️爆汁牛西冷撞醒胃清爽香草汁，跟乾身芳香松露飯超級合襯互相呼應，好食到要大大聲講粗口﹗實話實說，絕對不含半點感情分數，無花無假真心好食就是好食，難食就是難食。農場芝士配法式脆條及多士 Farmhouse Cheese Platter Served with Baguette & Toast，對於硬芝士我認真一般，餅乾脆條我都不是太喜歡。只有 Camembert 卡門貝乾酪一款，最好食係那幾片焗麵包。香腸拼盆，焦香脆皮熱騰騰，肉香滴汁，味道可口動人不咸不濁，雖然不太分別到什麼品種香腸，最緊要好食就得了﹗燙著嘴沾點芥末籽醬更添色彩。照燒醬鴨肝雜菌扁意粉，嚥韌彈牙的扁意粉索盡醬汁鴨肝油，完成度極高﹗醬汁均勻地緊緊包著每條意粉，滑滑地跣到嘴仔內跟舌頭翻滾，濃郁香醇可口無比﹗如果加點蒜蓉兜炒，味道就更加豐富。厚身肥美鴨肝散發羶香，彈彈帶膠黏，油脂潤澤每顆味蕾，幸福滿意。燒牛肋骨條，雖然我喜歡牛食 3 成熟，不過牛肋骨肉食 5 成會使其牛味更濃更突出﹗外層焦香味濃，牛肉味非凡出眾，包著嬌嫩紅肉，美味爆燈﹗沾上大量紅酒汁更添風味，嚼勁十足，每啖肉汁激射。Gate oyster，有丁點蠔殼碎，整隻入口爽爽的質感，回甜味香濃，不太有金屬味道。美人魚生蠔，首次遇上，食落比想像中質高。蠔味濃帶陣陣香甜，海水味不重，金屬味微弱，感覺清爽。white pearl oyster 白珍珠，滑嘟嘟、肥嘟嘟，清香奶油味道，淡淡然海水咸鮮。Fine de Claire oyster 凡狄其，海水味特出，還有陣陣金屬味的餘韻，咸中帶鮮，爽中帶奶油香。France oyster Angel，清新舒服的味道，微爽帶滑。France oyster Gillardeau，大大隻海水味強更有嚼勁，肥美飽滿。巴馬火腿配哈蜜瓜，咸香宜人彈彈的白巴馬火腿，配以濃甜多汁的蜜瓜，擦出火花﹗甜咸反差撞得出神入化非常好味，嘆為觀止﹗黑松露雜菌天使麵，我非常執著即叫即煮鮮意粉，多謝廚師體諒幫我煮份新鮮天使麵﹗彈牙嚥韌滑嘟嘟，掛滿幼滑忌廉汁，香濃味美還散發雜菌的獨特幽香，滿意味濃意粉堅廷食都耳仔郁﹗黑松露野菌意大利飯⭐️⭐️⭐️⭐️⭐️高湯忌廉特濃，完全滲透每顆飯粒，每粒都緊緊包著﹗大大啖飯連菇帶黑松露塞入，香氣撲面而來﹗失控地一啖接一啖停不下來，直到完全消滅為止﹗焗豬仔髀，結實肉質勁彈勁有咬口，濃郁香草味中滲出淡淡香辣，肉汁也不少。成隻拿起咬連汁帶肉細味，熱騰騰好好食﹗特色豬髀仔，原隻咬啖啖肉，有咬口有嚼勁，彈牙超多肉汁﹗秘製醬料有茄有辣有甜味，非常神秘惹味﹗香煎羊架配黑醋汁，喜出望外的鮮嫩滑溜，嬌嫩粉紅色香甜爆汁，拿起一啖一支，肥瘦適中沒羶嗅，根本沒有挑剔的餘地﹗Extremely delicious！瘋癲狀態下的廚師，慢功出細火，每個步驟都精雕細啄一絲不苟﹗攞盤色彩斑斕，百花齊放﹗羊架原始的肉甜味添上黑醋還有鮮茄的味道，提鮮醒臘﹗煎得羊架外層焦香滴著汁，裡面保持嬌嫩淺紅色，軟塾綿綿，做得好﹗
繼續閱讀
早收工梗係要happy hour飲返杯，呢間bar唔錯，幾好坐。先來個麒麟生啤，再來個小食，要咗咬炸洋蔥圈，個洋蔥圈幾好食，炸粉入面嘅洋蔥竟然唔係乾晒嗰啲。飲到一半先見到原來呢間bar有Murphy生啤，比棵桃花遮住，如果一早見到我就唔飲麒麟飲Murphy啦。
繼續閱讀
進咗呢間店，第一樣打入眼簾嘅就係佢哋嘅招牌菜 - 焗澳洲羊架配黑醋汁。光係睇個樣就已經流晒口水🤤。點咗個五成熟，一上桌我就聞到個香味四溢，羶色但唔膻。羊架嘅外皮烤得金黃焦香，掉入口即刻感受到嗰肉質鮮嫩，每啖都嘩嘩聲，配埋酸甜嘅黑醋汁，真係完美組合！再點埋個連骨安格斯肉眼扒配紅酒汁，三成熟喺我口中化做滿足嘅味道，肉汁吱吱作響，均勻嘅脂肪層帶出牛肉本身嘅香味，好有嚼勁🥩。不過，可能左手重右手輕咗，今次嘅紅酒汁啲鹹味覆蓋咗啲牛肉嘅原味，下次記得同師傅講手下留情。食完呢兩樣，你問我飽唔飽？唔止飽，仲要心滿意足咁走出店門，噢，下次再嚟！👍🍽️
繼續閱讀
今晚入大埔搵一搵朋友，經佢推薦下嚟到呢間酒吧，總共Order咗1杯白酒及2杯啤酒、該酒吧環境唔錯，起初服務都覺得ok、落單時會再三確認及推薦。但埋單時當晚唯一一位酒保叫我哋check下單，我見到3樣item就確認埋單、朋友去完洗手間出嚟後再睇，見到杯白酒咁貴先知落咗兩杯。因為我本身都唔清楚朋友叫嘅白酒幾多錢、所以我無確認清楚亦有問題，咁我亦好好聲氣埋去同佢講番聲：「唔好意思，你哋打多咗杯白酒所以張單錯咗。」結果該名酒保大大聲怒吼：「所以我岩岩咪叫你check單囉！你咁樣會害死我㗎！啲嘢改唔到呀！」然後再一輪嘴係咁鬧我點解唔睇清楚啲嘢之類，更加聲稱張單已經收晒錢係唔可以退錢。全間酒吧即時靜晒，請問係咩服務態度可以容許貴酒吧員工向客人怒吼？點解收錯錢唔可以退錢？然後我朋友埋嚟同佢再講一次，佢亦不停質疑我哋係咪叫咗四杯及到底邊杯先係叫多咗。第一：全晚由我哋到達及離開，總共只有3-5枱客人、點解仍然可以打錯單？第二：特別係當我哋嚟到已經係較夜嘅時間，大部份客人亦無乜再點落單、身為酒保唔記得自己出過啲咩？第三：而且當發生問題後，該名酒保情緒失控一輪嘴係咁鬧，我哋保持禮貌同佢溝通仍然未能改善其態度及情緒，咁樣解決到問題嗎？定佢覺得鬧完一輪後我哋可以當無咗件事離開？而該名酒保亦絲毫無任何解決問題嘅意思，鬧足一大輪先嚟確認到底張單有邊到錯。第四：一輪質疑後，該名酒保將退款掉落張枱到，請問該名酒保清唔清楚到底用錢掉落枱係幾無禮貌及教養嘅一件事？而且整個過程及係我同朋友離開前佢亦不停有難聽嘅說話。依判斷，該名酒保應該身兼當晚職位最大嘅負責人，因收錢及退款一樣經該名酒保手；如果最大職位嘅負責人完全控制唔到情緒、我本人唔會再去外亦唔建議任何人或朋友幫襯，點知下次有咩問題起上嚟會唔會發生咩意外？今次係我人生第一次當眾比人怒吼及無禮對待、亦係第一次需要留負評去投訴。本身真係好小事，唔明點解會變成一個咁唔愉快嘅經驗、上述職員處理客人問題時不但情緒失控，更加非常不合情理地無禮對待客人，希望該酒吧老闆或負責人會同該名酒保溝通，作出改善。最後私心想加一句：該名酒保年紀望落唔細，至小已經唔再年輕、勞煩諗清楚係咪一有問題就需要情緒失控地發晒脾氣？本人深信無論咩事都好，發脾氣並未能解決任何問題，望該職員自重。
繼續閱讀
💁♀️💁♂️4/8/2022(Thu), Dinner🍽今日黎到After 5🚶♀️🚶♂️~呢間bar係大埔都營業左都有1️⃣0️⃣幾年～記得當年同d中同/frds🧍♂️🧍♀️🧍🧍♀️~成日黎呢到吹水🥳飲野🍺🍻🥂🥃🍹🍸～玩到天昏地暗🤣🤣~又話說當年同A先生🧑🏻係到食過碟好好食既白汁煙三文魚意粉🐟🍝～諗住過黎睇下仲有無啦～ohh😲...睇睇餐牌～原來已經無左lu✖~咁唯有叫其他野食啦🧐～今晚order左🍽：Linguine Alle Vongole Clams in White Wine Sauce 🍝 $148白酒蜆肉扁意粉🍝，蜆肉食得出係新鮮彈牙，無煮得過熟。扁意粉🍝唔會煮得過淋，可惜調味偏鹹咗少少🤨，唔知會唔會因為餐廳本身係一間酒吧關係，所以預咗調味重少少等食客邊飲邊食就岩岩好。Pan Fried Angus Beef Striploin (5成熟) 🥩$188感覺上塊扒偏生咗少少，不過我地都食得生既，所以都覺得唔錯。呢塊安格斯西冷🥩食落有肉味，因為medium偏生少少既關係，所以都好易咬到😋。另外西冷扒跟既法包多士🍞，烘得金黃香脆，唔錯👍！Flamingo🍹$38 (Happy hr)有cranberry juice同菠蘿汁🍍，飲落酸酸甜甜咁，好開胃❤。House White Wine🍾 $56 (Happy hr)好耐都無過黎食野～飲野摸下酒杯底🍸嘞~今餐一路食～回憶一路即刻返晒黎🥰🥰🥰～
繼續閱讀