After You Dessert Café (已結業)

💙 After You Dessert Café📍銅鑼灣登龍街52號景隆商業大廈地舖------------------------------1️⃣ 雙色刨冰 $128推薦指數：👍🏻👍🏻👍🏻刨冰有兩款口味 最上面是阿華田 好立克粉 粉下是cream cheese 鹹鹹的 味道不錯😋但冰入面的麪包和朱古力同個冰不夾 味道一般般------------------------------總評味道：⭐️⭐️⭐️環境：⭐️⭐️⭐️服務：⭐️⭐️⭐️

星期六夜晚👦🏻👧🏻係銅鑼灣行街，👧🏻醒起一間想食好耐既刨冰店，即刻行去排隊，排咗半個鐘，終於入到去～ 客人需要到櫃枱前面落單，然後可以一到飲佢地既花茶，一到等待～ 呢度既花茶係免費任斟～🍵泰式奶茶刨冰 $138泰式奶茶味好香濃，唔會假甜味👍🏻上面鋪咗層芝士奶蓋同杏仁片，同奶茶味好夾！食到一半可以落埋附送既嘅泰式奶茶醬，奶茶味會更加濃郁！😍 食到底會有啲麵包粒同涼粉，👦🏻👧🏻覺得同刨冰個口感唔夾，無咗會好啲🥹下次有機會晏晝時間嚟，睇吓有冇機會試到芒果糯米飯刨冰先！😋📍After You Dessert Café (銅鑼灣)銅鑼灣登龍街52號景隆商業大廈地舖

依間泰國甜品店一直好出名終於等到平日下午來試等左15分鐘左右入座餐廳是自行到收銀點餐及付款叫左原味蜜糖吐司熱辣辣 好脆口 甜度適中加埋雲呢拿雪糕😍真係堅好食餐廳有免費茶提供 夠窩心❤️佢既刨冰都好出名 下次再試⭐️好評

呢間泰國過江龍，喺佢一開嘅時候已經俾佢嘅廣告吸引咗，因為我非常之鍾意食鹹蛋菜式，所以我見到佢嘅鹹蛋厚多士就即刻想去食，但係開張嗰陣要排好耐隊，所以我都係決定遲少少先去。今次約到同好一齊去食，我哋就點咗我嘅目的甜品。一試之下，果然非常之啱我口味，鹹甜之間嘅比例捉得非常好，絕對唔會覺得有咸有甜好奇怪。佢仲另外配左甜甜地嘅鹹蛋黃醬，要嚟點多士，真係好一流因為實在太好食，所以我忍唔住再點多另外一款試吓，呢個都係佢哋嘅招牌菜，芒果糯米飯厚多士。可惜，呢個甜品就令我有啲失望，芒果唔夠甜，糯米飯雪糕生果同醬汁嘅比例拎得唔夠好，非常普通，如果以呢個價錢嚟講就絕對唔抵食。

🍧泰式奶茶冰- 冰刨的很細很細入口即化就像水一樣 泰式奶茶跟外面那些所稱的泰奶味道不一樣 應該是店裡自己的配方 不會過甜 刨冰底下有麵包塊和涼粉 不知道為什麼在裡面加麵包塊一點也不好吃而且放耐左變得軟軟酸酸的真的很影響口感 涼粉口感偏硬不過好彈牙 🧊冰拿鐵-味道不錯

今次終於試到人氣過江龍 - 𝓐𝓯𝓽𝓮𝓻 𝓨𝓸𝓾 𝓓𝓮𝓼𝓼𝓮𝓻𝓽 𝓒𝓪𝓯𝓮，平時去銅鑼灣見到都好想試，但真係次次都勁多人排隊🥲 今次早左食完dinner，見到有位就即刻衝入去試試佢🤭 士多啤梨芝士蛋糕刨冰🍧 🍓𝓢𝓽𝓻𝓪𝔀𝓫𝓮𝓻𝓻𝔂 𝓒𝓱𝓮𝓮𝓼𝓮𝓬𝓪𝓴𝓮 𝓚𝓪𝓴𝓲𝓰𝓸𝓻𝓲🍰一送到黎，驟眼望落唔係好大碗，但兩個人食真係岩岩好🤭 刨冰面頭淋上香甜士多啤梨醬同埋有少量士多啤梨🍓 刨冰食落好綿密，士多啤梨醬唔會太甜幾好味👍🏻 仲有一細杯仔比你，唔夠可以再自己加✨ 食食下就見到裡面有個口感似海綿蛋糕嘅芝士蛋糕🍰 overall 芝士味道唔係好出，但係都幾好味🤓 士多啤梨金寶 🍓𝓢𝓽𝓻𝓪𝔀𝓫𝓮𝓻𝓻𝔂 𝓒𝓻𝓾𝓶𝓫𝓵𝓮呢個係熱辣辣咁送上黎嘅😍 望落細細個好得意好吸引✨ crumble 好香脆配埋上雪糕同埋士多啤梨醬幾好味👍🏻 但係🤨 唔知係咪因為又雪糕又士多啤梨醬，再加埋底嘅奶油等等，令到成件事真係太甜，好快會膩😔 雖然冷熱交融嘅口感不錯，但最後都係太甜食唔曬😅 如果甜度調整返少少會好啲啦👍🏻Overall: 整體黎講都唔錯嘅啲甜品，但食完呢兩樣決定下次都係食返刨冰會好啲🫣 另一樣值得一提嘅就係價錢貴左少

✨過江龍泰國餐廳～after you dessert cafe🧊泰式奶茶刨冰$138泰奶嘅味相信大家都想像到，面層個cream係小芝士奶蓋feel，cream好味❤️裏面再有其他配料，呢度就唔同大家講，因為去之前睇左youtuber介紹，反而就冇咩驚喜，但係整體搭得黎係好味嘅！😍三個fd平均食$40一個甜品∠( ᐛ 」∠)＿cp值係唔錯！特別一讚有提供免費任斟茶，感覺似玫瑰花茶🌹，成日食完個冰個口就成啖糖，當間cafe同fd吹下水放鬆下都幾唔錯（雖然佢有限制用餐時間）。裝修方面成間店用木做主色，明亮舒適，幾啱打卡😍最後想控訴❕❗️果陣去係下就四點，芒果糯米飯冰賣曬？？？但係間嘢開到夜晚十點0.0，懷疑飢餓行銷😠😢，誇張到😭😭😭好想試下啊～～～

自從After You 登陸香港之後，一路都好想去食，諗住等遲啲熱度低啲時候，唔洗排隊去食，點知佢keep住一路都好多人去食，所以都係決定去食左先😋  1️⃣泰式奶茶刨冰（$138） 個冰質感好幼細😳食落奶茶味好香，食到中間如果感覺奶茶唔夠既話仲可以再落埋佢附上既泰奶醬～面頭既奶蓋奶味重，仲有啲杏仁片，增加口感同埋味道～另外食到落底會有啲麵包粒同埋涼粉，都幾特別😂  

平時食平均都要排廿分鐘，今次去竟然直入仲要齊款有我最鐘意食嘅芒果糯米飯冰，可能天氣開始凍大家唔食冰🤣今次都係繼續支持芒果糯米飯冰同美綠冰，真係好好食好有層次，口感好細緻，面頭嘅花奶連芒果冰同最入面嘅糯米飯夾埋一齊食，每次食都覺得佢顛覆對芒果糯米飯嘅認識。 次次都冇加佢個芒果汁因為已經好夠甜了美綠冰加美綠汁，其實姐係朱古力綿花冰，佢係除左芒果冰之外另一個推薦嘅冰。 好濃好凍，食完唔駛開冷氣。依杯凍朱古力，一啲都唔好飲，依家鋪頭試過幾款飲品，基本上又貴又唔好飲，主要係太甜。大家可以慳返食冰算。

咁耐冇去泰國，見到呢間泰國過江龍，一直都好想試。有次晚上7，8點經過，見排曬長龍，就放棄左。今次諗住早啲黎，下午3點幾到，點知都係排哂長龍，為左刨冰，排45分鐘我地都願意嘅。泰式奶茶刨冰，份量大，但係比我想像中細少少，始終要$130+喎。泰式奶茶味道香濃，但唔會苦澀，甜度啱啱好。刨冰幼滑，入口即溶，好似雪糕口感。白色嘅奶沫帶有少少鹹味，令奶茶甜味更出色。刨冰入面有麵包同仙草，但麵包吸左冰入邊嘅濕氣，變得太淋，口感唔好，唔太喜歡。朱古力布朗尼，特濃朱古力味，布朗尼暖暖的，加埋涼涼的cream, 冰暖口感相撞，一流。雖然甜品味道唔錯，但個人就認為未必值得排隊排45分鐘了。

.💗呢間喺泰國開過嚟嘅甜品舖雖然開咗一排，😈但係依然人氣未減，假期都仲需要排隊。😋今次見唔係好多人，😌就發揮香港人嘅排隊精神，😛試吓究竟好唔好食。🤤食完完全冇失望，覺得都幾值得大家去試吓。.#牛油焦糖脆餅牛角窩夫 $58 👅8.5/10🤩有冇人同我一樣係Lotus餅乾嘅超級fans ？🤪我哋就係衝着呢個餅乾嚟嘅 ，🥐牛角窩夫熱辣辣，🍪加埋餅乾醬、忌廉同埋餅乾碎 ，雖然係有少少甜咗啲，😛但係食落去好香口，💕忍唔住一啖接一啖 。👭🏻建議大家可以share一齊食。.#芒果糯米飯刨冰 $148 👅8/10🍧刨冰好幼細，食落去唔會似食緊冰渣。🥥上面既椰子忌廉，🥭加埋有少少芒果味嘅刨冰一齊食味道幾夾。💫重點係入邊仲有真嘅芒果糯米飯!🫢 不過食到尾應該係因為啲冰凍得滯，所以啲糯米飯變到好硬，😵‍💫冇一開始口感咁好。🤪另外仲要俾會多一份芒果醬同埋忌廉，🤔不過我哋就覺得，加埋就甜咗少少啦。.💫整體來講，👀我哋都覺得雖然呢間甜品舖嘅嘢食價錢真係唔算平，🫶🏻但係口味同埋款式上都幾特別，😚味道亦都真係唔錯，🤪我哋都仲會想試吓佢嘅其他甜品，💗推薦大家可以試吓。.味道，👅：8.2/10賣相👀：9.5/10扺食💰：

疫情已經快要三年了，還記得疫情前最後一個旅行就係泰國曼谷。係泰國時候，天氣熱通常都會搵消暑美食，而個一次就試左afteryou芒果糯米飯刨冰，便愛上了☺️💛今次終於可以約齊返成班去泰國旅行朋友一齊去香港食afteryou。可惜的是芒果糯米飯刨冰已售完😭，而慶幸的是試了兩個口味也是非常好味😋餐廳📍 銅鑼灣登龍街52號景隆商業大廈地舖📍@afteryoudessertcafehongkong 推介美食：💛泰式奶茶刨冰 - 充滿香濃的泰式奶茶味道，內裡更有果凍及麵包粒👍🏻再淋上額外的泰式奶茶汁，十分回味😍💛 士多啤梨芝士蛋糕刨冰 - 雪白色的冰加上香濃士多啤梨醬，簡直是絕配，而內裡更有cream cheese 及芝士蛋糕，口感豐富，味道清新👍🏻🤭*價錢中位 - 當然會比曼谷貴啦😆😆*環境舒服😌*味道讚！讚！讚！👍🏻 希望可以係不久將來再次飛去曼谷再食過

同明友食完飯就黎左呢邊穩甜品食，行到依間都知道係少少岀名，雖然係有3-4組排緊隊，但都決定跟住排隊試試。不過排隊過程有d唔開心，我地黎到既時候，前面已經有3組4人岩岩入左去，我地排到隊頭，後面有4組2人，但係店員將入面既4人枱拆開2張2人，就算有2人枱走左，都係會比後面既2人入去先，唔會等埋比我地🥲最後後面既2人入曬先等到一張4人枱入去🙄，店員又無交待到幾時有枱又係咁放後面既2人入去，明白佢既做法，但係我地感受唔好！！😡我地叫左2個甜品，士多啤梨芝士蛋糕刨冰同埋一個promo緊既cookies butter toast，2個都好好食同有驚喜！刨冰好棉，唔似岀面既刨冰，有cake既感覺，食到入去真係有cheese cake餡係到，真係好正！👍🏻👍🏻Cookies butter toast都好好食，熱既toast加埋雪糕好好食，塊餅同埋個醬令到個toast好多味，好正👍🏻雖然排隊過程係唔愉快，但係到既既甜品真係好得，打卡同味道都一流！

🏠After You Dessert Café果日咁啱過銅鑼灣行街，就順便去呢間已經想去好耐嘅刨冰店，好想試下佢個 芒果糯米飯冰！好可惜，我細路仔唔識世界，8點鐘去到已經所有刨冰賣曬....好sad，但都排左一陣隊，就點都叫樣甜品食下啦~🍞抹茶蜜糖吐司$118雖然未食過佢啲刨冰，但我都覺得佢啲吐司唔錯，絕對唔係Hea你嘅普通麵包， 牛油味超級香， 吐司上面仲有淋上咗蜜糖，成個吐司烤到勁香脆，配上兩球超濃郁嘅抹茶雪糕， 因為吐司好熱辣辣，雪糕又凍冰冰，形成咗冷熱交融嘅感覺😍😍 

冇食過泰國的after you，聽過好多好評，見平日下午茶時間冇人，即刻入去試下。餐廳好大好多位，不過坐得比較逼。Menu有好多選擇，除咗刨冰，仲有多士、Brownies同埋飲品。叫左幾乎人人都叫嘅泰式奶茶刨冰，刨冰比想像中細，但絕對夠份量。刨冰非常綿密，泰茶好濃，面頭嘅奶蓋鹹鹹地，好夾。旁邊仲有一小杯泰式奶茶，可以加重口味。裡面有d麵包粒同仙草，個人覺得唔係太夾，軟淋淋又鹹鹹地，質地同刨冰完全唔配合，仙草個別食比較煙靭，但同刨冰都係冇乜關係。