agnès b. Café LPG (太古城中心)

營業中

休息中

連續落左兩個星期雨，呢兩日終於放晴，加上星期五緊係要搵個坐得舒服嘅地方好好食個lunch! 來到商場，嘩間間都超多人等位，應該大家襯天晴出黎食飯。最後見agnes b竟然有位，之前食過ok所以就食佢！Lunch set 有五款意粉揀，剛好一行五人可以一次過試曬佢煙三文魚香草醬扁意粉唔錯，三文魚有獨特的煙香味，配上香草醬相當清新，我個人好鍾意；肉醬意粉保持水準，基本上係穩陣之選，一間西餐廳如果連肉醬意粉都做唔唔好的話，真係好極有限。另有松露雜菇意粉，食素人仕恩物；雞肉西班牙肉腸意粉，同卡邦尼意粉。五款質素都係合格之上。其實我最鍾意係呢度嘅熱朱古力，出名夠滑而又香濃，連餐只係加廿蚊雞，超抵！另一樣我好鍾意嘅係呢度張梳化，超舒服。總括呢度食物質素有保證，坐得舒服，讚

今晚勁早放工 ,附近買完野之後就過黎食野打下底。六點九過到黎，唔係好多人，得一兩枱有客，望上去都地方好鬆動。叫左個Salmom Linguini, 跟餐加多個Iced chocolate 都係比多$20, 比平時單叫一杯四十幾蚊平左一半有多啊!!! 我係櫥窗前面揀左好耐，個收銀哥哥都冇燥底，找錢個陣仲提我拎齊野tim😍碟意粉係即炒既，好彈牙。煙三文魚勁咸香，配上洋蔥既爽甜同忌廉既奶香，係正既。得閒過黎食下野hea下都係唔錯的選擇

敝公司既 financial year end 係 3 月...所以永遠去到 3 月尾, 我地條 team 都會 OT O 到痴唒線.3 月最尾個星期, 日日返工都朝 9 晚 9 起跳, 29-30 號更加係冇凌晨都唔會諗住走.敞公司有部份 sales 同事都幾好人...知道我地辛苦, 都會買野上黎比我地食, 慰勞下我地.當然, 好多同事 3 月尾都掛住出去 chur 單.所以有部份 4 月頭先買野上黎請我地食...今次呢位同事就揀咗好近我地公司既 agnes b.~佢買咗好多上黎比我地, 作為被同事叫做 "朱古力怪" 既我, 當然會揀左呢款朱古力 MOOSE 食!一入口, 最表面個層黑朱古力淋面, 嗰種濃濃既朱古力味已經爆發出黎.食到好香既可可味, 少少甘苦. 之後食到入面, 係好香好滑既朱古力 moose.層 chocolate moose 係有入口即溶既感覺.可可濃度唔及面層既朱古力淋面高, 但品嚐到少少奶香.最入面仲有個少少既朱古力海棉蛋糕.雖然個海棉蛋糕發得好靚, 但味道, 水準就一般, 呢方面扣分.整體黎講, 一試無妨.

兩點幾經過餐廳，被廚櫃內的西餅蛋糕吸引住，望多兩望，見那些沙律賣相更吸引，便決定一試。可能時間還早，很多沙發位也是空置的，雖然坐位是商場open area, 但也不太吵，適合閒聊。我點了紅蘿蔔山羊芝士沙律及薑汁牛奶咖啡。山羊芝士配紅蘿蔔的味道出奇的搭配，有幾種不同的紅蘿蔔用蜜糖烤過，所以口感不錯，能帶出不同的味道層次，山羊芝士也不太濃，所以真的好好味，我自己本人十分喜愛，強力推介!薑汁牛奶咖啡也是我的心水推介，到目前為止都未搵到其他cafe整得好過呢間，因為佢真係用天然薑汁，其他的用薑味糖漿成陣藥水味，很難飲。對我嚟講，呢間啲咖啡太細杯，可以加大size就好了。

agnès b 在太古城多年轉了幾個舖位，今次終於開Café.   這間是開放式，排隊付款，自取食物。商場主要通道在付款、取食物和座位區中央，人多時有些亂。雜菇意粉十分好味，香，滑，有層次感。全餐用料較簡單，不過不失。

踏入2017年後，似乎有個新開始，雖不知結果如何，但一試總無憾。這天來到這間新開的cafe，地方開揚，座位亦不少，適逢假日，人流不少，又或許，大家都貪新鮮來到這裡。下午時間都是來一杯咖啡和蛋糕，餅櫃內有不少選擇，賣相精緻，記得兩三年前去cwb的分店吃過士多啤梨撻，味道不錯，今次想試一試芝士蛋糕，也點了一杯cappuccino。芝士蛋糕是長身的，面層有一朱古力牌作點綴，外觀不錯。蛋糕芝士味濃郁，帶有鹹香，質地實在，但口感軟滑，餅底厚實，是較為腍身質地的。雖然看似份量不大，但因芝味濃又重，吃畢後頗為飽肚。反正咖啡味道較為失色，奶泡打得一般，味道偏淡，索價$40，個人來說有點不值，但cheesecake確實不錯!

Agnès b有多人見人愛，很多女生男生都懂。賀年禮盒中出現了agnès b的名字，那份法式浪漫情懷自然分外亮眼。意外地不是agnès b. DÉLICES的巧克力，而是agnès b. Café LPG的曲奇出品。 B. barista earl grey tea cookies內有十五塊獨立包裝小熊造型的曲奇，清新簡約的禮盒貫徹品牌形象。清幽的伯爵茶香相當討好，曲奇做得鬆脆，帶淡淡牛油香，以烘香茶葉碎提昇口感，屬清新系曲奇。這Agnès b 茶香曲奇除了包裝吸引，味道也有驚喜，算是不落俗套的賀年禮盒吧！

途經太古城，發現新開了Agnes b. cafe，忍不住買了兩件蛋糕和一杯咖啡，跟朋友坐下來。opera 蛋糕，香濃咖啡味，而且不會太甜。層次豐富，口感十足。特別一讚是放左蛋糕上的一小塊白朱古力牌，跟其他cafe不同，朱古力牌很厚，雖然是白朱古力，但不會很甜。melanie 蛋糕，朱古力很幼滑，濃郁朱古力味，加上吃起來有紅桑子的酸酸味道，跟朱古力很配襯。如果喜愛濃朱古力味蛋糕的朋友，這款蛋糕必定要試。這裡環境很舒服，一點也不侷促，很適合與朋友坐下來談天說地的地方。

全新的 Agnes b. 以概念店風格呈現眼前：滙聚了服飾店、咖啡座、花店及朱古力店，於走廊兩邊分庭伉禮。一邊是與衣飾部門相連的食物玻璃櫃、食物付款處及㕑房；另一邊廂是自助用餐區，而朱古力店及花店分別安插於用餐區內。木條地板和木製傢具素雅悠然，亦設梳化座。花店一側，普羅旺斯花團錦簇的縮影，為咖啡店注入一絲浪漫情懷。11月23日途經太古城商場時發覺是首天試業，不少食客已在座品嘗新滋味。豈能甘於後人？即偕同家人翌日享用新餐廳。可於櫃枱取得餐牌，付款處左旁的屏幕亦清晰地顯示餐牌。付款後安坐咖啡店，靜候手中機器亮燈通知才返回櫃枱取餐。是日選購了三文治，意粉，蛋糕及風味朱古力熱飲。烤雞肉煙肉芝士三文治 (Chicken, bacon & cheese roasted sandwich) $60一如其名，麥包內夾着雞肉、脆煙肉及芝士；麥包上再灑上薄薄一層芝士。原個三文治輕烤，表層芝士中心融軟，外圍金黃香脆；同樣地，麥包表面及邊沿微脆，內裏仍具嚼勁。三文治的口感多層次且分明，味道豐富：三種餡料的分量平衡，恰好地compliment each other，互不奪味。芝士味香而不過度濃烈，分量得宜不膩。