Aldou Cafe (已易手) 新餐廳

今晚同honey 到元朗吃晚飯。自從有Yoho之後，元朗的食肆林立，選擇比以前多。然而今晚唔想吃連鎖店，想試特色cafe. 在搜尋下，發現一間有唔少好評的cafe - Aldou Cafe. 這間餐廳位於元朗的馬田路怡豐花園的3號地舖。餐廳的外型時尚，而且有唔少的綠化，感覺優雅。室內裝修也十分摩登，空間唔太焗促。得知這兒的室外位置可以攜帶寵物，下次再可帶埋doggie嘆咖啡。餐點選擇方面是以西式為主。除了有特色任食藍青口&薯條放題$188以外，還有各款漢堡、意粉/飯、肉扒類等等，價錢由$108-$298，包餐飲，取價公道。香蒜辣味鮮蜆意粉$108這意粉的賣相不錯，而且蜆肉份量唔少。意粉是幼身意粉，口感弾牙而爽口。雖然沒有多餘的醬汁，但每一條意粉都充滿蒜香，味道微辛，十分香口惹味，是一道清爽的意粉。香草鴨胸，珍寶虎蝦配芒果汁$158虎蝦已經去殼，方便進食。蝦肉彈牙爽口，而且蝦頭仲有唔少蝦膏，真幸運。這鴨胸大大件，啖啖肉。鴨胸外皮煎得甘香盈脂，加上嫩口又軟腍的鴨肉，再拌以酸酸甜甜的芒果汁，真的好吃！配菜也頗有心思，有茄子、翠肉瓜同薯蓉，口感不一，配撘清新。餐飲：玄米綠茶這綠茶是三角茶包，茶

元朗就最多野食～今日又黎覓食😆見到呢間個裝修勁靚，餐牌又幾吸引唔算貴，所以就決定入去試吓！我哋就嗌咗個dinner set~《黑松露野菌湯》黑松露味勁濃，係個面度都見到點點嘅黑松露，雖然就飲唔到好多野菌，湯嘅質地唔算杰身，口感幼滑《羅勒忌廉白酒煮藍青口》呢個煮得好好食！忌廉咩料會唔會太重太膩，白酒味唔會太搶，各種味道配合得好好，青口夠新鮮！食完呢個即刻覺得可以食佢個$188青口任食《香蒜辣味蜆意粉》炒意粉生熟程度控制得唔錯，口感岩晒鐘意食硬麵既我～辣味都幾突出，比一般香蒜辣意粉辣啲啲《燒烤醬豬肋骨配薯條，熱熔芝士》呢個望到都lam lam利，啲芝士多到鋪滿兩大舊豬肋骨，豬肋骨嘅肉軟熟，仲有少少肉汁，微甜既汁加埋芝士配搭得好好，D芝多到個碗底都仲有，所以食到味都有芝士可以點！薯條係即刻讚嘅，新鮮熱辣，仲係最好食嘅粗薯條！呢間餐廳嘅裝修同埋內在環境都幾靚㗎，用咗瓷磚同埋水泥牆嘅配搭，非常舒服，仲有唔少嘅盆栽仔同埋綠色植物，好似入咗去一個後花園咁！下次一定會再嚟🥰

放工同朋友落左元朗搵下有咩好野食，見到間門口佈置得幾靚既餐廳就入左去食！門口餐牌仲有青口放題，就走左入去試！入門口職員都好有禮貌即刻上前招呼，仲提及門口可以帶埋寵物添，我諗下次可以同埋班狗朋友同埋我地d小寶貝黎喇！餐廳燈光比較暗，有浪漫既氣氛，牆身用燈串連整左隻貓型，好有心思呢！入去揀野食時，雖然有青口放題，有set，但同朋友都揀左分開揀自己鍾意食既野！我地嗌左黑松露意大利飯同埋豬肋骨試下，我最愛就係黑松露😍，朋友仲叫左杯玫瑰黃金桂花茶試下，賣相唔錯wo黑松露意大利飯上面有個大菇，好香好鬆軟，食完有飽肚既感覺，飯都好creamy，好香黑松露味！豬肋骨配粗薯條，豬肋骨夠汁之餘肉都好林，而薯條都好好食，兩個人share兩樣，已經夠晒飽！

因我們一行9人，所以安排了房俾我哋👍🏻好好的安排，因9個就唔洗細細聲講嘢！想同生日之星到大廳影都無所謂，只要不騷擾到外面的客人就可以揾啲吉台影相，房內更設有琴鍵🎹按鈴，無需要行岀行入的叫侍應，食物好ok，但羊架就覺得比起岀面食的一般，無咩羊味！

平時比較少入元朗，呢日同個朋友約咗喺元朗體育館打波，打完都成八點，個肚已經餓到咕咕聲，就叫朋友快啲帶我去開餐。朋友係呢邊地膽，話體育館附近有間好靚嘅餐廳，一齊去試下。踏入11月尾，餐廳已經佈置得好有聖誕氣氛，令人有種眼前一亮嘅感覺😍門口呢個打咭位好靚，奇怪外面放咗啲木製摺枱摺櫈，同店員傾開，原來餐廳係歡迎帶埋寵物嚟坐室外位置用膳👍🏻室內都裝飾得好有心思。入門口之前見到出面除咗有dinner set menu，仲有個$188青口任食+薯條任食+主菜+餐飲，就算計埋加一都係兩舊水左右，好抵呀！但由於朋友唔食青口嘅關係，今次我只好陪佢食個2人餐😂黑松露野菌湯每啖都好香黑松露同野菌蓉嘅味道🤤意式辣味茄醬配英國豬肉腸呢隻豬肉腸，肉質比較鬆軟，一碟有4條。有新鮮沙律菜墊底，配埋個sauce，酸酸甜甜帶少少辣，好開胃。巴馬火腿牛肝菌意粉一上枱已經幾滿意，賣相，香味同份量都唔錯👍🏻巴馬火腿咸香夠油份，意粉質感有彈性，牛肝菌好香好好味😋燒烤醬豬肋骨配薯條，熱熔芝士熱辣辣粗薯條，仲脆㗎。大大堆熱溶芝士，夠哂滑溜但唔會漏。豬肋骨份量多，有兩大件，唔係做完運動都未必食得哂😅肉質嫩滑juicy，燒烤醬甜甜地，食

好日都唔會去元朗嘅我,一向都覺得呢個地方又遠又冇地方逛,但近呢幾年呢一區好似多咗好多人,自然店舖同食肆都一定新增不少,鍾意捐窿捐罅搵食嘅我,今次就喺open rice度隨機抽樣咗呢間個feel有啲後花園感覺嘅Aldou Cafe嘆下世界,食個晚飯。唔太熟路嘅我覺得呢度嘅位置都唔算難搵,就喺元朗劇院附近,行多大約十分鐘左右就到,望見門口已經非常興奮,綠悠悠嘅佈置加上文青風格嘅裝修,未入舖嘅心情已經覺得寧舍輕鬆,餐廳入面柔和嘅燈光亦都令人十分舒服,好彩放工過嚟都需要一啲時間,第一批食晚飯嘅客人都正好離座,唔洗等位Yeah!~坐低睇番餐牌,見到有個二人晚餐set只係($388蚊for two),我同朋友即刻四目交投達成共識啦,完完全全可以解決有選擇困難症嘅病人不過最令我驚喜嘅就係入座之前喺門口度見到佢楝咗個board介紹原來餐廳有青口放題㗎,呢個gimic我都係第一次見^^但我朋友冇我咁鍾意食青口,所以個二人套餐裡面都有咁我哋就唔放題啦~先嚟一人一碗黑松露野菌湯先,眼見佢用忌廉拉哂花咁,有哂視覺享受熱湯味道不錯,黑松露嘅香濃永遠令人無法抗拒。巴馬火腿牛肝菌意粉: 上碟後驟眼以為佢份量頗細,其

今日陪朋友放狗，順便晚餐一齊吹下水，朋友帶咗我去一間餐廳可以坐係戶外睇住狗狗！餐廳地方不大但係勝在可以坐戶外！見到大部份客人都係點青口薯條放題，可惜朋友對貝殼類敏感，可惜可惜，因為真係煮得幾香！北海道帶子墨汁意大利飯$138帶子外表煎得香口，墨汁味濃郁，再加上一大堆蟹粰，口感豐富！愛墨汁必點！燒烤醬豬肋骨配薯條熱熔芝士$178豬肋骨應該係即烤嘅，所以時間都會耐一點，豬肋骨外表香脆，燒烤醬味濃郁，肉嫩，再配上濃濃嘅熔岩芝士醬，十分邪惡！薯條亦都係熱辣辣嘅！對喜歡坐戶外和帶寵物的人都好啱

今日同朋友經過一間特色餐廳，門外放著多盆小草作裝飾，就好似進入一個美麗嘅花園咁，原來仲可以帶埋狗狗，一齊喺室外享用晚餐添~ 今日就同朋友在花園中食飯啦，「Aldou Cafe」嘅店內放了小蠟燭令人特別放鬆，增加咗不少情調。 我哋叫咗個$388 套餐開心share ! 套餐包括有前菜、餐湯、主菜及飲品。首先來個香噴噴嘅《黑松露野菌湯》，味道香濃，充滿黑松露同野菌香味， 口感細滑! 再來個《羅勒白酒忌廉煮青口》作前菜，青口鮮甜可口，肉質嫩滑，配上特製醬汁，卻有白酒嘅清香！ 主菜有《巴馬火腿牛肝菌意粉》，牛肝菌煮得唔錯，味道香濃爽口，加上薄薄嘅巴馬火腿，帶出鹹香味道，使味道更加有層次，而意粉軟硬度適中，全部材料味道夾，好食！ 仲有個《燒烤醬豬肋骨配薯條熱熔芝士》，令我最深刻就係個熱熔芝士，熱熔芝士再加上用咗惹味燒烤醬製成嘅豬肋骨，整得非常入味！ 仲有大大份嘅粗薯條，熱辣辣，脆卜卜，點上熱熔芝士一齊食，夾！ 加$12 仲有杯靚靚 coffee，味道香濃細滑！ 「Aldou Cafe」入咗我encore之選嘅餐廳，下次試吓佢嘅《青口放題》套餐先！

依間cafe bookmark左好耐，門口好靚，打卡一流，可惜當晚比人坐左。餐廳座位唔多，當晚有幾枱walk-in都冇位，大家可以book定先。原來仲有青口放題，都幾抵食，下次要試下。士多啤梨芝士沙律 $68用左super food 羽衣甘藍，本來我一般，因為食過好硬同有草青味，但係佢地嘅就較軟身，加上甜甜地嘅香醋同士多啤利，入口清新，好開胃。煎焗香茅鱸魚配西柚檸檬汁 $158魚嘅表面好香脆，而魚肉嫩滑，配上酸甜西柚，好健康。香草鴨胸珍寶虎蝦配芒果汁 $158鴨胸有淡淡香草味，虎蝦好彈牙鮮甜，而配菜都唔馬虎，有茄子、車厘茄翠肉瓜同薯蓉等。檸檬茶玫瑰黃金玫

cafe佈置成一個小花園門口已經係一個打卡位晚餐set dinner 我地叫左燒大野菌黑松露意大利飯有一隻大菇係意大利飯上面大菇煮得夠腍，juicy飯好creamy加埋黑松露香味飯中間仲有露荀夠清新同埋令到成個意大利飯無咁膩燒烤醬豬肋骨配薯條 熱溶芝士份豬肋骨好大份 配嘅薯條係粗薯條仲要豬肋骨都夠腍夠味配上燒烤醬及大量芝士醬 非常好味餐飲叫左Rose Latte，玫瑰黃金桂Rose Latte好香花香味而玫瑰黃金桂，好香桂花味花茶解膩👍🏼

平時同朋友行開元朗，成日發掘好多cafe店，但質素都一般般未令我又回頭既感覺，但今次發掘到呢間真正世外桃源既cafe店，裝潢好靚，雖然隔條河就係嘉城果邊，但完全遠離左煩囂，最重要室外位可以帶寵物！岩哂養狗之人！入到去就揀左個dinner set，順帶一提佢有個$188 青口薯條任食，好抵，但因為第一次黎所以先試試個set餐黑松露野菌湯個湯出乎意料之外，好有黑松露香味，入口質感好creamy，真材實料羅勒白酒忌廉煮藍青口青口好新鮮，加埋個忌廉汁，朋友仲講笑可以拎黎送飯食巴馬火腿牛肝菌意粉Parma ham就咁食會好咸，但配埋意粉個味道比例岩岩好，中和返Parma ham既咸味燒烤醬豬肋骨配薯條熱溶芝士豬肋骨煮得岩岩好，肉質爽口完全唔韌，肉同骨分明好易切，同埋薯條一點都唔淋，加埋熱溶芝士加分加分最後叫左四季青鐵觀音同玄米綠茶，清清地幾好飲

又揸車入元朗揾食，今日去左呢度，餐廳不算大，就是這份田園的感覺，簡約舒適，點了二人晚餐，氣氛輕鬆，窗旁的座位可望到大路及球場的景致。黑松露野菌湯：驟眼望落以為份量好少，但散發出陣陣松露及野菌的幽香，入口豐腴滑溜，相當對辦。羅勒白酒忌廉煮藍青口：蜆好鮮甜肥美又冇沙，而且又煮到啱啱好令蜆肉好滑好香酒味！我同朋友都忍唔住飲咗好多蜆湯！玫瑰黃金桂，䁔暖一杯，玫瑰花味芬芳味濃巴馬火腿牛肝菌意粉:無錯，再一次係菇菌類既意粉😂其實我都幾鍾意食牛肝菌，因為佢既味道總係可以整到好香好吸引，巴馬火腿加牛肝菌令到成碟意粉既層次更加提升更加惹味，個人幾鍾意煎焗香茅鮮鱸魚扒配西柚檸檬汁：賣相好靚，魚皮煎得香脆而且魚肉嫩滑仲好juicy， 再配上爽口嘅蘆筍和少許忌廉汁， 味道又幾夾呀！

假日同朋友走進元朗, 嚟到一間西餐廳, 店內以白同色灰色作主調, 簡樸而不失風格。晚市二人套餐$388。 包括一碟意粉、一個主菜、餐湯 & 餐飲。黑松露忌廉湯質感濃稠creamy, 調味適中。羅勒白酒忌廉煮藍青口 青口肥美厚肉, 加入忌廉烹調, 濃厚口感之間揮發出白酒幽香。巴馬火腿牛肝菌意粉意粉揀咗醬汁比較輕盈嘅巴馬火腿牛肝菌意粉, 配上鹹香巴馬火腿, 提味不少。燒烤醬豬肋骨配薯條熱溶芝士豬肋骨味道偏重, 配粗身薯條, 沾上半溶芝士同 茄汁, 滿足了我的胃口。配一杯熱泡花茶, 清喉解膩。

今日行過元朗去咗依間咖啡店試一試之後我哋就叫咗餐飲先一杯係凍檸茶令一杯係玫瑰王今季熱茶味道尚算可以之後再叫咗士多啤梨芝士沙律呢個沙律嘅份量非常之多士多啤梨非常之新鮮而且個芝士同沙律嘅味道嘅份量配合得非常之好呢個係非常之抵食而且只係$68另外我哋叫咗香茅鱸魚西柚西柚又係非常之新鮮魚唔會話煮得太老非常之入味性價比幾高之後就在叫咗鴨胸俯下芒果汁鴨胸嘅大概有六片哈有一隻味道非常之好而且非常之先唔會話好油膩

今天下午在元朗收工，約了上次一同来元朗食晚餐的朋友，品嘗其它美食，這次祇有一位朋友來，他說可以飯後找其他甜品店再食，不會入到元朗只食一家，太浪費了。途經元朗圖書館這邊，沿途有很多食店，這間小店，用上植物佈置，簡單雅緻。離開時還看到有顧客帶著寵物在門外的坐位中。泰式魚餅拼燒菠蘿 $58辣味魚餅我們喜歡，菠蘿新鮮，因友人看到侍應在架上拿出新鮮菠蘿進廚房的，燒過後的菠蘿味道分外清甜，碟下還舖了黑醋橄欖油的新鮮沙律菜。香蒜辣味蜆肉意粉 $108蜆肉新鮮且甜美，夠大隻，意粉軟硬度適中，配了洋蔥蒜頭黑胡椒及香草炒成，食落微辣醒神開胃，也不肥膩。手打牛肉煙肉芝士漢堡配薯條 $108在家中也懶得整的手打肉餅，試試與機器攪的分別罷。手打的可以看到肉粒，易散一點，調味應只有鹽，油與黑胡椒，牛味頗濃郁，不覺肥膩，單食鹹味會不夠，當配上了鹹的煙肉與香濃芝士，平衡了口味，如是用機器攪的肉煮熟後的應該會溶為一體。厚切薯條香脆，點上帶甜味的茄汁會食不停。套餐飲品轉了梳打水加青檸，$12玫瑰黃金桂茶，茶包清香味道ok