影片
更多
2018-12-03
47 瀏覽
平時比較少入元朗，呢日同個朋友約咗喺元朗體育館打波，打完都成八點，個肚已經餓到咕咕聲，就叫朋友快啲帶我去開餐。朋友係呢邊地膽，話體育館附近有間好靚嘅餐廳，一齊去試下。踏入11月尾，餐廳已經佈置得好有聖誕氣氛，令人有種眼前一亮嘅感覺😍門口呢個打咭位好靚，奇怪外面放咗啲木製摺枱摺櫈，同店員傾開，原來餐廳係歡迎帶埋寵物嚟坐室外位置用膳👍🏻室內都裝飾得好有心思。入門口之前見到出面除咗有dinner set menu，仲有個$188青口任食+薯條任食+主菜+餐飲，就算計埋加一都係兩舊水左右，好抵呀！但由於朋友唔食青口嘅關係，今次我只好陪佢食個2人餐😂黑松露野菌湯每啖都好香黑松露同野菌蓉嘅味道🤤意式辣味茄醬配英國豬肉腸呢隻豬肉腸，肉質比較鬆軟，一碟有4條。有新鮮沙律菜墊底，配埋個sauce，酸酸甜甜帶少少辣，好開胃。巴馬火腿牛肝菌意粉一上枱已經幾滿意，賣相，香味同份量都唔錯👍🏻巴馬火腿咸香夠油份，意粉質感有彈性，牛肝菌好香好好味😋燒烤醬豬肋骨配薯條，熱熔芝士熱辣辣粗薯條，仲脆㗎。大大堆熱溶芝士，夠哂滑溜但唔會漏。豬肋骨份量多，有兩大件，唔係做完運動都未必食得哂😅肉質嫩滑juicy，燒烤醬甜甜地，食
踏入11月尾，餐廳已經佈置得好有聖誕氣氛，令人有種眼前一亮嘅感覺😍
門口呢個打咭位好靚，奇怪外面放咗啲木製摺枱摺櫈，同店員傾開，原來餐廳係歡迎帶埋寵物嚟坐室外位置用膳👍🏻
室內都裝飾得好有心思。
入門口之前見到出面除咗有dinner set menu，仲有個$188青口任食+薯條任食+主菜+餐飲，就算計埋加一都係兩舊水左右，好抵呀！
但由於朋友唔食青口嘅關係，今次我只好陪佢食個2人餐😂
黑松露野菌湯每啖都好香黑松露同野菌蓉嘅味道🤤
意式辣味茄醬配英國豬肉腸
呢隻豬肉腸，肉質比較鬆軟，一碟有4條。
有新鮮沙律菜墊底，配埋個sauce，酸酸甜甜帶少少辣，好開胃。
巴馬火腿牛肝菌意粉一上枱已經幾滿意，賣相，香味同份量都唔錯👍🏻
巴馬火腿咸香夠油份，意粉質感有彈性，牛肝菌好香好好味😋
燒烤醬豬肋骨配薯條，熱熔芝士
熱辣辣粗薯條，仲脆㗎。大大堆熱溶芝士，夠哂滑溜但唔會漏。
豬肋骨份量多，有兩大件，唔係做完運動都未必食得哂😅肉質嫩滑juicy，燒烤醬甜甜地，食到停唔到。
凍檸茶/玫瑰黃金桂
凍檸茶正正常常，反而玫瑰黃金桂幾特別，淡淡地但有陣特別嘅清香。
張貼
