All for One Cafe (已結業)

上個禮拜有朋友返香港敘舊，正煩惱緊觀塘區邊度搵間地方夠大，可以坐得耐啲同舒服，又有輕食提供嘅餐廳。最後朋友介紹咗呢間餐廳，一去到地方真係好寬敞，staff 服務態度又好，最重要係好多輕食嘅選擇，例如椰菜花飯，藜麥飯，其他意粉pizza海鮮都有，我點咗煎三文魚扒配薯菜好好味。下次約朋友喺觀塘都會揀呢間餐廳。☺️

本來無諗過去寫評，因為從未寫過，其實之前都幫襯過一次，不過自己唔會就只單一次感覺就認為係好，今次再去幫襯才會落筆點評，係真係發覺近年幫襯食店中難得又用心機、食物質素又夠新鮮，而且招呼態度又好有禮貌，唔係我胡亂吹捧，因為今次我地一行十人去幫襯的，而且大家都一同點讚才令我更加去寫呢篇食評。首先大家唔好用現在流行北上消費以作比較，兩地有著不同文化、消費模式等因素差異，所以我抱著以本地角度和客觀作以評測。上次佛誕日慣例想同媽媽去食素，但發現幫襯開那店已結業，費一論工夫才找到呢間有得素食，因媽媽已上年紀，唔可以行太多路，不過好在呢間店位置唔錯，出地鐵轉個彎就到電梯，上到去一出電梯就已經到達，非常方便，去之前已經訂好時間、人數，所以店員好快就引領我扡入座，先一讚係因媽媽行動比較慢，店員好親切扡扶老人家慢慢就坐，（後來才知道原來係店舖女經理）坐低休息一會，先來熱茶給媽媽品嚐，好等老人家舒服，後食品已到來，老人家口味大家都知，唔新鮮、食物唔夠熱等佢會唔食，但媽媽食過一口後，佢無出聲，慢慢一啖再一啖繼續，全程我同媽媽都一邊享受食物一邊歡談，（我唔特別介紹主打食品，因為各人口味不同，大家可以自己上去試不同

今日帶咗兩隻貓咪去探貓店長餐廳環境舒適，服務一流素菜好好食推介泰式椰香鮮茄會意大利飯😋小朋友好鍾意食pizza同埋可以帶寵物一齊食飯，好開心貓店長嗰個和皮皮好靚，好得意🫶

呢間cafe有齊肉食同素食餐牌，仲要加埋甜品，絕對可以滿足所有人既要求!我已經一個月食左兩次!餐點性價比極高!平均一百蚊左右就有齊前菜、湯、餐包、主食、飲品同甜品!食物都係熱辣辣上，食得出食物新鮮!味道當然無令我失望，好高汁啊!餐廳環境闊落，佈滿乾花，燈光柔和，加上經理溫柔有善仲笑容滿面!收工後等朋友黎，坐得好舒服、好放鬆!我地傾到餐廳落場過時都冇趕我地走~最後仲發現有兩隻貓BB~係經理知有人棄養，暫時接左佢地黎餐廳!勁有愛心~舒服、CP值極高既的地方，真係值得俾多D人認識!

一大班朋友想聚會，好多餐廳都限1.5 - 2小時入座，呢間餐廳好正，唔會有任何限制，食物質素高，環境又舒服，食物款式多，有基本嘅扒餐，海鮮外，竟然仲有素食餐，好全面，價錢合理，下次試下同老公去，撐下枱腳先！

經朋友介紹，我專程來到這樓上食店，估不到一進入這店的感覺好舒適，環境好優雅，好似童話般的圖畫我一般都不會到樓上店舖光顧，但今次真係值得分享😁店舖陳經理還推介食品，今次我選擇了三文魚意粉，味道啱啱好😋還有一杯的花茶，更是我喜歡的薰衣草，味道唔會太濃又帶有薰衣草的味道☕️這兒不單有西餐，還有中餐（海鮮）及特別一提係素食（啱食素的朋友☺️）直接可以說有中、西、素的食品餐廳，環境又舒適，好有浪漫及温馨的感覺，不論2人靜靜地，家庭聚會都是一個好地方，真不可睇少樓上店舖的地方。

上星期約咗中學同學聚餐 ， 經朋友介紹觀塘工廈內西餐廳 , 當天去到餐廳內裡佈置優雅整潔 ， 燈光柔和 ， 店員服務態度好好 ，耐心地幫我們十幾人逐一落單 ，其間點咗 香煎鴨胸配西蘭花薯餅 ， 煎封三文魚扒配薯菜 ， 西班牙梅肉扒薯菜 ， 素牛肉漢堡配薯條沙律菜 ， 龍蝦汁海鮮燴飯 ， 味道十分好味 ，呢度系適宜朋友倾偈及食飯好地方 ， 下次會再來。

今日難得放假決定行下觀塘區，落咗地鐵周圍行下，順便睇下有什麼特色食店，行咗好耐街鋪食店感覺都係一般，沒什麼衝動比到我入去，想話離開呢區再尋佳店，最後決定上網查下，諗住再無特別就走，今次特別揾樓上鋪，因為行街會好少去洗樓，揾咗幾分鐘，見到有間食店都幾特別，再睇下食品又幾多選擇，價錢又大衆化，思前想後決定上去會一會呢間食店，當時大约近傍晚六點，未算晚餐時間，店員親切笑容帶我入座，望下店舖環境裝修幾覯幾有特色，我只得一個人所以決定食個西式晚餐，三文魚扒配沙律菜，一會兒便到我眼前，賣相唔錯，食落口明顯係即時去煮，唔似得有些食店因為時間問題預早煮定，到時再番熱比你，全程食得舒服滿足，又夠好味，店員唔會不斷係你左右行來行去，好似想吹你咁，整體好滿意，下次有機會一定叫埋朋友上去。

由於一班朋友相約在觀塘食飯，要找一間舒適，没有時間限制及食物質素好的餐廳都比較困難.經朋友介紹，找到一間好及質素高的餐廳，叫了煎封三文魚扒配沙律，意大利黑松露雜菌意粉，巴馬火腿菠蘿洋蔥薄餅，龍蝦汁海鮮燴飯，香煎鴨胸配西蘭花薯餅，素牛肉漢堡配薯條沙律，泰式椰香鮮茄燴意大利飯，西班牙梅肉扒配薯菜，炸魚薯條，食物質素好高，好好味，飲品選擇多，有質素，而且環境舒適，價錢合理，服務態度好！真是朋友聚會的好地方！下次一定會再回來！👍👍👍😊

前幾日同朋友經過觀塘.諗住食晏.朋友介紹我去呢間ALL FOR ONE餐廳食.佢之前食過幾次.入到去覺得環境唔錯.坐落都舒服.我地叫左紐西蘭西冷牛扒意粉.食落幾好味.特別係杯㗎啡.總之一個字.~正~待應招呼好好.價錢唔貴.而家普通茶餐廳都唔平啦！估唔到我朋友有咁好介紹.我都會同d朋友一齊再黎食.之後過左幾日中學同學聚會.提意喺呢間餐廳食晚餐.我食左個海鮮拼盤.覺得好食.以後我都會約朋友再去食.

食物新鮮唔再講，招待更加一流，親切笑容又好有禮貌，有問題必定解釋到你明白清楚，唔似得有啲食店咁好似唔自在你幫襯，你問多兩句就話叫你自己睇，價錢又公道，你付出一分錢，不但比足料你，更加會滿足你舌頭快樂，坐得又舒服，一家大细，情侶拍拖，又或者成班朋友聚會，唔會令你感覺坐得唔自在唔舒服，食品種類又多選擇，總有一樣啱晒口味，而且交通又方便，無論地鐵或者揸車，附近又有停車場，最緊要係你食過一次後一定會再幫襯。

員工態度友善，服務態度非常之好，食物質素也很好，我點了龍蝦燴飯海鮮很新鮮，朋友點漢堡薯條也很好味，這裡環境舒適，適合一班朋友一齊聚舊，也適合兩人世界，期待下次會再光顧。

素食好好食，咖啡都好好飲餐廳氣氛很好，可以坐好耐傾偈性價比好高！員工同老細都好友善，老細好搞笑，可以吹好耐水每一次上甜品都會畫上好可愛嘅圖案💛會暫託流浪貓，係一間好有心嘅餐廳💛

一個食素，一個食肉，好難搵到個地方一齊食野，滿足大家。網上見到有素食朋友介紹呢間Cafe，即刻帶埋男朋友去試。佢可以食佢中意既肉食，我可以食素，一舉兩得！見到個餐牌樣樣野都好想食好吸引！最後叫左個燒烤菇漢堡同素鰻魚薄餅，2款都好好味漢堡好juicy，薄餅餅底軟硬適中，下次會再encore。另外，又叫左個桂圓杞子花旗參茶，好香花旗參味。好開心男朋友都陪我一齊食素食，唔叫肉食，非常感恩！cafe既環境好舒適寧靜，見到店員好用心佈置，就連食物都有干花裝飾，賞心悅目。店員好友善，食物又好食，非常推薦大家去聚餐。

希望餐廳睇到改進一下，所以忍唔住打咗呢篇食評。餐廳環境係ok既，周圍好多乾花襯托，港女打卡絕對無問題，不過野食就真係唔掂。湯係正常既。Burger烘到包面燶咗黑色都可以照上俾客就真係無言。入面舊肉既味道亦都超咸，掀開舊肉仲要見到好多爐屎。包類午餐加八蚊有薯條，不過得嗰十零條，仲孤寒過金拱門。意粉就比較乾，好少汁，不過味道尚算正常，份量方面就比較少，女仔食就剛剛好夠飽。而Pizza就唔係特別好食，又唔算難食，不過62蚊叫做對得住個價錢。呢次對餐廳的印象就麻麻地，不過只要大家對味道無咩要求，都可以過嚟試吓，因為呢間都算係觀塘區平少少既西餐過多排會再光顧，希望到時會好啲。