All for One Cafe (已結業)

雖然坐落於觀塘工業中心角落，上到黎外牆裝飾絕對唔馬虎，打卡位有，無意中發現呢度有Tea sets，咁就試下無妨，食物細緻，質素唔差，平時最怕甜品好甜，驚喜地味道剛剛好。怕肥既你們絕對放心，工作人員服務態度好。

昨天睇社交平台有人讚好，即刻今日試下。partner 是素食者，呢間Cafe 啱闣。set lunch 試食匈牙利牛肉飯，牛肉好味，煮到啱啱好，唔會太淋。Partner 食掠食意粉，仲可以走蒜，職員招呼周到，值得再來試晚餐。

好友相聚，難得在繁忙的午飯時段找到一家精心佈置的樓上店😉可以盡情閒聊、打卡之餘，又能品嚐美食。午餐選擇多，點了意粉和冷面，正好與朋友一起分享😋😋甜品蛋糕也不錯啊😋😋

第一次同兩位同事去食午膳，味道都不錯，價錢都不算貴，最重要搵到我嘅素食，而同事佢哋係食肉者，變咗兩全其美皆大歡喜，今日試咗一杯焦糖海鹽咖啡味道不錯，如三五知己去食飯可以傾下偈，這是一個不錯算擇的好地方，有時間會再去。

由於已經過咗午飯時間，一入餐廳沒有其他食客，服務員馬上告知我還有午餐可供選擇。我點了 Green Day Breakfast，無論賣相味道份量都合乎預期。餐廳環境非常舒服，令我會想再次回來幫襯佢另一個All for Your Breakfast。

好鍾意嚟呢間餐廳，嘢食都好好食👍🏼👍🏼份量價錢都好好，值得一試再試！嚟咗呢度都3次以上！雖然間餐廳喺工廈7樓，但係其實真係好值得嚟食！！因為環境好舒服，靜靜地好岩同朋友嚟吹水坐下！！可能好多人都鍾意嗰啲落地玻璃窗嘅環境，雖然呢度冇，但食飯最緊要係對手🤣加上通常係同班朋友嚟講八卦，所以喺呢度個感覺就秘密啲，傾得好開心🤣🤣🤣🤣我本身食素，所以好鍾意呢啲嘢有真素餐！又可以約埋啲唔係食素嘅朋友嚟一齊享用自己鍾意嘅午餐！！份量價錢都好好，值得一試再試！

最近出左觀塘試下間開左業唔耐嘅新餐廳All for One Cafe @all_for_one_cafe_，雖然佢位於觀塘嘅工業中心，但上到去係另一片天地。門口裝飾已經可以打打卡，入到餐廳係充滿住田園風格🌾，感覺好舒服，而且空間好大，可以唔駛怕要等枱。餐廳仲特設小房間，岩晒想靜靜地傾心事嘅姊妹們，房間數量有限，要打去問清楚。今次我同朋友、屋企人一齊嚟食晚餐，呢度仲有提供👶🏻嬰兒椅同兒童餐具，岩晒小寶坐定定食飯👍🏻👍🏻。大人可以輕輕鬆鬆傾下偈，聚下舊。講下食物先：特別推薦👉🏻蜜糖芥末手打牛肉漢堡🍔漢堡切開分享大細岩岩好，唔會太細覺得zip牙罅唔夠，又唔會食完覺得太飽食唔到其他菜式。仲要小朋友都岩食，小朋友就最鐘意食呢啲。另外配搭嘅薯條好香脆可口，食落有啲似蜜糖味嘅shakeshake薯條，但又比佢仲好食仲脆，我哋成班大人傾偈傾左一段時間，啲薯條都仲係脆卜卜嘅！好味指數：🌟🌟🌟🌟🌟煙三文魚凱撒雜沙律🥗配料好多，份量好大份。煙三文魚味道唔錯👍🏻，配搭住麵包粒，口感加倍。好味指數：🌟🌟🌟🌟南瓜餐湯🎃呢間餐廳嘅南瓜湯係濃湯嚟，甜度適中，有開胃嘅感覺。好味指數：🌟🌟🌟🌟🌟法式孜然燒羊架🐏羊架火候足

假期來食午餐，食物味道算是不錯，匈牙利牛肉稔滑，黑松露雜菌扁意粉值得素友一試！咖啡亦有水準，薯條香脆，小朋友一定喜歡。價錢合理，人均花費大約50-100元。午餐值得一試👍

lunch同同事係觀塘工業中心附近搵野食，喺樓下見到呢間餐廳嘅易拉架，見佢新開就諗住試下啦，點知非常失望！首先，我地幫襯果時店內嘅人已經唔多，叫野食嘅時候得我地一枱共4個人，4個餐分開上，最耐果個差唔多等左25分鐘。4個人之中 - 有1個叫沙律，另外3個叫意粉，意粉3個都比較濃味又咸，意粉煮得太耐又淋，完全衰過自己煮。到埋單時候同職員反映返，但佢無咩特別表示，講真觀塘大把餐廳好食過呢間啦，以後唔會幫襯！

今晚同幾個朋友食生日飯，去咗觀塘一間餐廳食西餐，食晚餐set，有湯有沙律有主菜有甜品仲有花茶，必須要講下其中三個主菜:三文魚扒、羊架&漢堡包，首先魚唔醒有油份，好味，跟住羊架煎完仲有啲粉紅色，啲骨嘅位仲有啲血水，啱啱好五成，又唔羶，最後漢堡包真係大件加抵食，環境幾好，食得開心，順帶一提呢間餐廳原來係有幾款素菜食物，哈哈!食素&食肉的朋友終於唔駛分開食嘞!起初諗住食得西餐，每人起碼都要3/4佰落樓啦!點知有驚喜，竟然2佰鬆啲就落到樓。哈哈!真心抵!

有朋友回港！希望可以有地方傾到計！又要有肉食之餘又有素食！仲要一大班人聚會呢！剛好有人在觀塘工作！留意到呢度！問大家試吾試新嘢！呢度响觀塘地鐵出口一落就到！都幾方便！上到去環境清幽！地方寬敞！由於新開張無耐！人不多！更方便大家吹吹水！店員見我哋咁多人！建議個餐成份上！吾駛碟仔分上！Pizza,串燒,沙律同意粉每樣兩份！‘個素食意粉無影到添！’燒雞同豬肋骨一盤上！份量頗多！又有湯同甜品！個個人都食到堅飽呢！去開觀塘又吾想APM嗰邊咁迫人又嘈地食飯！呢度值得一試架呢！

星期五晚同老公拍拖，Openrice 睇到附近一間新開嘅西餐廳，喺觀塘工廈區，開頭以為好難搵，但原來一出地鐵站隔離就係餐廳所處的工廈了，好近地鐵站，交通好方便。餐廳地方好大，佈置帶田園風格，座位都好舒適。餐湯係薯仔西蘭花湯配蒜蓉飽，將薯仔打成蓉，飲落有濃濃薯仔香味同質感，但唔會杰撻撻，好好味😋蒜蓉包都好脆。前菜小食升級咗哈密瓜拼巴馬火腿，平時食到既哈密瓜一般都係切成片，呢度係一個哈密瓜波波，食落好juicy, 清新感滿滿，夾埋巴馬火腿好好味。黃金脆絲蝦皮炸得好鬆脆，好開胃👍🏻煎封魚柳配薯蓉魚柳共有兩大塊，魚皮煎到金黃色，好香好脆，魚肉又滑又有肉質，問咗經理，原來佢哋係用盲鰽魚，魚肉結實好適合煎煮。慢煮牛柳紅酒燒汁配薯蓉牛肉粉嫩有牛味，好稔唔會韌，薯蓉食得出是新鮮攪拌的，不是用水溝薯粉嗰種，薯蓉份量好多，唔止一個雪糕球份量，係一大pat薯蓉，男士肯定夠飽。餐飲點左紅粉佳人特飲，係荔枝玫瑰梳打，顏色好靚，味道清甜，但唔會太甜，炎炎夏日飲呢款飲品，清新又解渴😋最後食甜品，點了薄荷朱古力Tiramisu 同咖啡Tiramisu 兩款，今餐好滿足！