Amour Cafe (已搬遷) 新店位置

今日突然好想食意粉，但又唔想去旺角既樓上cafe，之前聽朋友講過呢間餐龐唔錯，於是把心一橫走去試試...我同朋友大約21:00到，不用等位，店內約有25張seat，店員很快就過來招呼我們，當時人不多，我不明白為什麼要搭檯 很快我地收拾好心情，立即看menu有什麼想食，店員很細心地建議我地看白牌上的是日精選，最後我地決定一人一個set share起初，大家都以為雞扒係龍利柳，一咬　好特別既雞扒！粉唔多夠實淨，而且唔同平時d雞扒咁肥膩，加上蕃茄汁唔酸，好開胃！味道不俗，但白汁略為稀，好處就是沒有以往食既Cabonara咁濟我地最後每份加左$4食芒果芝士餅，好Surprise，芒果肉夠多又唔酸，食完一件仲想再食總括而言，以平民價錢可以食到呢種質素屬於唔錯，又唔需要加一服務費，值得再來。

成日鍾意周圍試嘢食既我見到佐敦有間叫Amour Cafe 都幾多人讚咁就走去試下。有book位既關係所以完全唔洗等就入座，鋪頭面積不算大但都坐滿客人。set dinner 都係大約＄50﹣＄60有齊餐湯，主菜，飲品同甜品，確係非常抵。小食款不多，每款大約＄1X，4個人去食咁就試埋D小食lu。

Amour Cafe 可說是我的『飯堂』之一 ---- 但凡與女友路經尖沙咀佐敦一帶，總會想到這裏品賞它們的意粉......原因十分簡單，因為又平又好味！之所以說它是名不虛傳，全因本身 Amour Cafe 於Open Rice 早已享負盛名！位於佐敦的『搵食』核心地帶，Amour Cafe 的破舊裝修與它的食物可說是格格不入。另一方面要注意的是，它們出菜的速度實在非常慢...........不過好的食物是值得等的 一個餐連餐湯、意粉、甜品及飲品大概$50-$70 (有一點很重要，加底唔駛加錢！)消費，以它們的質素如果位於如旺角與的旺區絕對能賣多若20%-30%的價錢！它們的意粉汁稠較燶，因此麵條均能充份沾上其口味濃洧的醬汁。配搭方面，米蘭豬扒(或雞扒) 及煙蠔均是我的至愛，尤其它們的磨菇煙蠔意粉大部份時間均是我的必食 item！

這是我最愛的一間小店之一，幾乎每一兩週必定來一次。我最喜歡的座位是門口位，因為較為通風，而且不用和別人搭台，店內的座位都略為擠逼。店面其實很殘舊，最近看似有小翻新，但雜物依然在門外堆積如山，若然能把雜物/貨物置於顧客看不見的地方會更為美觀。。雖然長期光顧，但我是個長情的人，吃到喜歡的便不再改所以我其實只吃過一款菜式－蕃茄煙肉大蜆意粉。意粉的軟硬度是我吃過最好的很多高級餐廳都未必拿揑得好。份量不算大，但醬汁味道鮮甜，材料也很足配上少許辣椒仔更是完美餐湯－以前有忌廉湯，但現在只有意大利什菜湯，老實說這幾個月的湯比以前稀了很多。。餐飲熱咖啡－以前很愛它的咖啡，但和餐湯一樣，最近愈來愈淡。。沒什麼咖啡味吉士蛋－吃過一次覺得太甜芝士餅－不會太CHEESE，味道恰到好處，好味可能地方太小工作空間不大，所以無法同時煮太多食物，所以等餐時間頗長，最長試過等了一小時所以趕時間的話就別來了小提外話: 牆上掛著的餐牌板都是店主手寫的，一直以來覺得店主的字實在寫得很漂亮端正雖然不是一家完美的餐廳，但隨著愈來愈多小店相繼倒閉，這里卻有著一份小店的味道。

這間佐敦小店我經常來吃, 既便宜, 又好吃穩定!新裝修後, 內裡比以前好了很多!但是, 都能夠看出有一定歷史. 因為價錢相宜, 需要接受搭枱而且, 如果你第一次來, 會覺得很不清潔...這個裝修後都沒有改善Lunch Menu每天轉, 而Tea set 就固定 (2點後) 更便宜 ($30有找!)因為小店的廚房小, 人又小, 全部即叫即做, 上菜就不要期望很快. 意粉有咬感, 芝士汁味濃, 比龍脷柳更香 這裡的米蘭豬扒也很好吃, 但今天轉一轉口味 跟午餐的吉士蛋賣相吸引, 以這價錢的跟餐甜品, 絕不失望!.雖然外邊可能排滿人, 但這裡不會趕人走, 你可以悠閒的坐下看書...但, 這樣的小店, 實在係唔好意思阻人做生意! 如果有人排隊, 都係快D食完走人啦~

因為opnerice廣受好評，於是便跟女友試一下晩飯。有趣的地方是，一近入餐廳，就有一種好像到茶餐廳的感覺，我還在想是否到了別的地方去，根本不像一間Café。但是，當我們一收到餐牌，夥記就提醒我們有Minimum Charges ($60 per person), 下面是餐牌的樣子。 。 。當我們在努力的計算怎麼去籌夠一百二十塊的時後，發現旁邊的伴侶不用按Minimum Charges去點。 。 。 -0- 原來，Advance Booking 需要給Minimum Charges的。 。 。真無奈。 。 。好，因為Minimum Charges的關係，我們點了魚柳及豬排意份的餐份量。 。首先來了一個羅宋湯，用Café杯來裝，挺特別的，味道跟平時飲的差不多，不辣的。跟著，Main Course 就來了，豬排配長通粉，賣相一般，但是豬排炸的挺脆，那個汁可以再豐富一點。魚柳的不是跟是日精選點的，是由餐牌找出來。 。 。魚柳意粉比豬排配長通粉更好，白汁很有味道，有Cheese的味道。到甜品了，吉士蛋和Cheese Cake 都選了。吉士蛋的Texture好像Pudding，個人來說不太甜，挺

自從上次試過它的香煎豬扒意粉後, 印象甚佳. 又一個星期六上課後的下午, 突然想吃豬扒意粉, 於是又來了Amour. 今次食客與上次一樣多, 擠滿了小店. 今次除了豬扒意粉外, 還點了Mocha. 餐飲仍是最先送上, 不過Mocha 是要多付一元的. Mocha的朱古力味偏重, 咖啡味道很淡, 像喝熱朱古力一樣! 最令人失望的是不夠熱, 只是微暖而已! 跟上次喜出望外的Cappuccino相比, 相去甚遠, 屬水準以下之作.等了約廿多分鐘之後,  主菜才送上. 蒜香蕃茄, 看起來份量雖然也算多, 但比起上次來吃時, 份量已經縮了水不小, 而且不夠熱. 豬扒由以往的兩大塊縮至一塊, 用的仍是有骨豬扒, 不過眼前的那塊肥肉較多; 豬扒煎得全熟, 厚薄適中, 表面仍煎得微焦. 不過, 上次發現的不足, 例如肉質有點偏乾, 沒有丁點的蒜香味等問題依舊存在; 意粉仍是港式煮法, 入口比較腍身; 鮮蕃茄來做茄汁, 汁比較稀等問題仍舊, 與上次來的時候一樣.侍應的禮貌雖然尚可, 不過上菜混亂, 眼見比我遲來的食客已經開始食意粉, 我點的還未送上! 而且經常送錯枱! 價錢已經加了價, 雖然百物騰貴,

門面裝潢清簡得甚至有點殘舊,門口四五人一群的等位,舊式店人小小搵位易D, 唔介意攝就好快有位晚餐基本有湯有野飲,黎到都係選擇食意粉簡單的一款蕃茄味夠均勻原塊魚柳,好香口咖啡都好吸引跟餐的甜品,小食多滋味老實的說相比以前味道,等咁耐位食又好似唔值得。

辛勞的OT後，自己一個人搵飯食。不想吃快餐店，不想吃茶餐廳，在回家的小巴站門口，看到這間很舊的西餐廳。有點疑惑入不入去，因門口也相當亂，但服務員一個眼神，我就進了。出奇地裡面原來很清潔，或許餐牌，傢俬都很舊，但廚師應很用心…我吃了一個set dinner：香煎魚柳伴蕃茄紫蘇蟹肉意粉配芝士餅意大利咖啡$60魚柳有一邊是煎脆的，用鮮蕃茄煮意粉，汁剛剛好不會太多，又不會太少，蟹肉零碎一點，(不知道是否因為我10點去食才這麼少，沒有什麼蟹味)這個意粉的分量已令我很滿足，但這杯咖啡及芝士餅，更令我這個晚上覺得分外完滿！別人說，那麼晚還吃這麼多東西，我就說，美食當前，食左先講…

門面up dum狹小，若非openrice介紹,很易被忽略。值一讚：除了湯外，主餐、飲品和甜品都好味。我喜歡吃吉士蛋，濃郁蛋香，焦糖不太甜，好回味。值一嚐：免收加一，主菜天天新款，價錢約$52-59不等。單看價錢，和有質素的食物，可一嚐再嚐。唯不能久坐，宜吃完即走。

90分鐘 我同朋友足足行左90分鐘先搵到間鋪頭！鋪頭無咩招牌吸引人 而且鋪名無燈光 吾顯眼 我地差d就miss左。鋪頭睇落比較舊 而且無咩裝修 無咩風格 毫無cafe既感覺 不過掛左幾福牆畫 同鋪頭有點格格不入。餐牌好似一般茶餐廳 亦有掛牌寫哂menu出泥 好易見到。呢個薯仔忌廉湯都幾特別 開頭我以為會系忌廉湯加d薯仔粒粒 點知完全吾系 而系飲落好大陣薯仔味 口感有少少似好稀既薯蓉。意粉不俗 意粉煮得不算稔 仍然有彈性 吾會發漲。個人認為白汁芝士比軟淡 因為我好中意食好濃既芝士 不過勝在結結地 可以均勻地掛系意粉同配料上面 而朋友就覺得味道適中 吾會過咸過淡。芝士餅口感與別不同 好似軟綿綿甘 不過吾算系好好食 未至於要為芝士餅瘋狂。最後叫左杯蜜糖柚子蜜作結 沖淡下岩岩食左甘多野。總結我覺得以$53呢個價錢可以包哂甘多野 已經系個好吾錯既選擇 而且的確整得好味。

第二次黎到呢間餐廳，上一次已經係大半年前，當時被佢既白汁忌薕魚柳意粉吸引住，一直好懷念佢既味道😋所以今次再同朋友黎食！我地叫左lunch set, 本來我想叫返上次既魚柳意粉，但咁岩無得叫 最後就同朋友一樣都係叫左白汁雞扒意粉！估唔到呢個係咁好食！！我同朋友都讚不絕口！Lunch set:意大利雜菜湯這個湯賣相太差，我連相都無影，湯面層油太多，我淨係食左啲蘿蔔就放棄。就係呢個湯係令整體扣左一分。白汁雞扒意粉整個意粉簡直無得彈！雞扒肉質除左嫩滑，仲好 juicy !!!! 講真，真完全估佢唔倒！意粉質感好彈牙，白汁都做得好好，唔會太鹹或太淡，味道恰到好處！總之就正！（我第一次食完一塊雞扒會覺得唔夠喉仲想食多塊：P）芝士蛋糕呢個我係第一次試，見到啲食評有彈有讚都有左心理準備。餅底係欠牛油味，亦並非鬆脆。蛋糕芝味是淡淡的，沒有濃濃的芝士味散發在口腔。但我認為吃完一碟份量中上的白汁雞扒意粉後，若然再吃一件平時食tea 那種芝味濃郁的芝士餅，感覺便會好飽、好膩、好滯。所以，我反而幾欣賞佢既芝士蛋糕呢！我朋友本來仲想話嗌多件($30/2件)，但我都飽喇～最後無叫到意大利咖啡味道中中挺挺，不是特別的

第一次去食下午茶，價錢偽相對平一點($2X)便可以有一碟意粉，不過款式只有腸仔/雞亦....普通貨，所以都係叫返個SET食。一直很喜歡這家店，雖然地方細環境迫，但佢既意粉唔係一般港式意粉，硬度適中。白汁既濃郁度適中，唔會好滯又唔會好水，好味!!次次黎都係食芝士餅仲要係芒果味! 好味!!今次個湯就真係好差好差........水一般......下次餐湯再係羅X湯就唔飲，同忌廉湯差好遠!!!

前一晚睡得比較晚，第二天很遲才起來，所以不少餐廳都應該沒有午餐供應了，可是我們又好想吃意粉，突然記起在佐敦有間cafe專賣港式意粉，而且還有下午茶供應。其實我知道這cafe已經開業很多年，食評的評價也不錯，雖然我和鬆弛常常在佐敦區覓食，但我們都沒有吃過。過了午餐的高峰時間，門口還有三個女孩子在等位，裡面剛好只剩下一張二人檯，我們就不客氣的坐進去了。我們坐在最近門口的一張檯，可以看到廚房煮東西的情況。坦白說，這裡的衞生情況一般，廚房附近的架子都薰黑了，與那些地痞茶餐廳無異。兩點多還有午餐供應，而其實兩點開始已經有下午茶餐，份量比較少，沒有餐湯和甜品，但可以加錢另配的，可是我們都還沒吃午餐，同時也有興趣吃甜品，所以還是點午餐好了。午餐有四款選擇，我們分別點了香煎豬扒配香辣煙肉意粉和香草忌廉雞扒意粉。首先送來兩客餐湯，是用黑色的杯子盛著，由於倒得不太好，所以杯邊都濕濕的。湯是意大利雜菜湯，味道還可以，裡面有不少蔬菜，可是湯只是暖暖的，而我最喜歡就是熱湯，所以不太欣賞。香煎豬扒配香辣煙肉意粉。豬扒都煎得幾香，加了少許香草做調味，靠近骨的位置肉質比較嫰，中間的部位就嚡口一點，不過整體上都算不錯。

賣髮品所以出佐敦唔想老奉又去澳牛呀牛屋呀魚粥呀咁上開飯睇睇有咩飯堂好試丫見佢有100個好評，試試佢又好姐叫咗所謂出名嘅吉士蛋同意粉（揀咗磨菇煙蠔意）個吉士蛋俾人講到必食咁，事實係統一雞蛋布丁水準…個意粉，硬度同汁都算唔錯，但個煙蠔勢估唔到係蠔豉！喂點先！回返兩粒蠔嘅水好無先！啫係咁，蠔如果係重皮嘢就不如唔好搞，蠔豉真係過到骨？$4x食個意粉係算平但都唔係咁側側膊掛…補充：餐飲叫咗熱朱同熱奶茶，熱朱無奶（奶精都無滴），奶茶色水如珍珠奶茶，估計係3合一。