Amour Cafe (已搬遷) 新店位置

去拎完姊妹裙同朋友仔食平靚正既Amour Cafe, 我之前黎過一次架啦, 今次再幫襯!!!先黎兩杯湯, 朋友仔以為係野飲, 我黎過所以知道係忌廉湯, 味道一般煙肉蘑菇意粉, 香濃芝士汁, 意粉彈牙, 但份量只係岩岩夠我食 蕃茄豬扒意粉, 一黎見到好大塊豬扒, 好香口好惹味又唔硬!!!食飽飽, 仲有甜品食, 叫左一個吉士蛋, 一件cheese cake吉士蛋好滑同有蛋味, 上面既焦糖有少少苦, 好味; 芝士餅好有口感, 好好味! 一個餐有齊餐湯, 餐飲, 主菜同甜品, 仲要唔使加一, 都係三四十蚊, 算係好經濟啦! 一定會再幫襯!!!

今日約左女朋友去佐敦行街，咁就順便叫佢搵野食，佢話搵到間食意粉o既，咁就去啦。初頭我一見到間鋪頭寫「cafe」...心諗大鑊啦...會唔會又貴又唔飽ga......點知食完番出黎就覺得初頭諗o既係錯。雖則門面舊，但食野當然要試下食物水準，所以一坐底就即係order 左2個套餐。先黎2 杯湯，初頭黎o既時候，以為係飲品...我仲第一時間諗住落糖.....好彩俾女朋友阻止左先冇做傻野.....講番個湯，睇落好似濃咁，但其實飲落好淡，但對我黎講都ok，唔算太濃又唔算淡~~~之後黎左杯熱奶茶，飲落....奶好多,茶好少....個人黎講唔係幾like.....女朋友叫左杯熱檸茶....佢話d 檸檬好「kip」......所以都覺麻麻.....第一個主菜黎lu!!!!!!!好味!!!!!意粉彈牙，煙肉唔會炒得好多油份。但d 汁少左d第二主菜亦都到埋。一睇好細.....但塊龍脷柳有手掌咁大塊。蕃茄入味，龍脷柳亦煎得香口，而我覺得個龍脷柳可以加番d 汁上去等佢唔駛咁dry~~~食飽飽啦，跟住仲有甜品。我睇其他人食評個芝士餅好好樣....唔知點解我的會縮左水.......而且個餅底淋左d......女朋

係 Open Rice 見到好耐但一直未試﹐今晚得自己食飯﹐醒起終於可以過來試下喇。去到先至六點幾﹐店Size細細﹐計埋先得二十個位左右；看看牆上餐牌﹐都係一般的Pasta 選擇﹐有個餐$42﹐有湯、Pasta、飲品及芝士蛋糕﹐老闆 (我估佢係老闆掛...)﹐佢仲話如果食唔晒可以有平D o既餐但就無湯及芝士蛋糕﹐但由於我都想飲湯o既關係﹐仍然係點在哩個餐。湯﹐唔記得個名Lu﹐但... 唔似開粉或罐頭﹐但料又未至好濃郁﹐我估係佢地煮好在湯底﹐然後加麵粉令湯有口感。煙肉磨菇意粉﹐好乾身﹐好香﹐味道好唔錯!芝士餅﹐都幾好味。

是日去完護協, 跟老婆行行逛逛, 走入這間一早在open rice 搵定的cafe.但這間cafe, 並不是想像中易找, 可能, 真係太細, 太吾顯眼了.需然天氣炎熱, 但老闆似乎也是怕熱的人, 裡面的冷氣的強度也讓食客想再坐一會.磨菇忌廉湯 -- okay 啦, 不過估吾倒佢用杯裝, 而吾係碗.磨菇芝士牛柳粒長通粉 -- 這個味道, 從未試過, 好似吾spicy的腐乳的味道, 但又幾夾個牛柳粒, 汁夠, 好味.磨菇烟肉意粉 -- 這個和出面吃的一樣, 但又係汁 "好" 夠, 好味.凍朱古力 -- 濃朱古力味.Mocha -- 是日咖啡豆吾記得左是什麼, 但這杯凍mocha, 都只係加二元, 加上味道, 咁我寧願在這裡飲也不到什麼名咖啡店了. 芝士餅 -- 和出面的差不多.吉士蛋 -- 和出面的差不多.

今晚同2位朋友用餐, 由於店舖比較細, 遲遲都未安排到4人枱, 等待約15鐘, 店員話等多10分鐘就有位, 結果20分鐘過後都未得, 於是安排2人枱先坐, 我2位朋友入內坐, 我就繼續等, 期間後面2人都安排入內, 我還是要繼續等, 其後店員話4人枱有排等, 安排我先坐2人枱, 當時我2位朋友已經食到一半, 我總共企左40-45先安排入去, 實在等得太耐, 最後我朋友差不多食晒意粉我地先可以安排坐一張4人枱, 入內時我眼見4人枱既人其實已經都食晒主菜兼甜品, 佢地只係係度繼續傾計, 雖然店員收晒枱上既野, 佢地依然無心想走, 一開始店員想安排我地坐個張4人枱, 到我走個陣個幾個人依然繼續傾計, 所以若果你超過2個人食真係要諗清楚, 隨時會等好耐。講返食物, 之前睇到有食評寫有火腿煙肉意粉, 店員話無, 於是我改叫磨菇煙肉意粉, 意粉其實味道不錯, 食到有creamy既口感, 而且份量都足夠, 熱檸茶唔係幾好, 有苦澀味, 朋友飲Mocha就太甜, 由於店員無同我提及加錢有甜品, 我的套餐無包括甜品, 朋友既餐就有餐湯同甜品, 甜品揀左焦糖燉蛋, 味道同超市買日式布甸差不多, 都算唔錯

(搞左勁耐都UP唔到相... ... 唔UP喇! )每次放工要到附近上堂前都會開飯, 今個星期揀左Amour Cafe睇哂食評, 了解左地方淺窄, 俾哂心理準備先去架喇!!入到去, 朋友搵定位等我, 哇~ 真係淺窄!成間鋪得16個位左右... 朋友揀左廚房對出既2人位唔中意環境擠迫既朋友我勸你地都係唔好黎喇!!時間關係, 朋友幫我叫左個 「布朗尼肉醬意粉」朋友試左話有種怪味... 我就話:「我當種怪味係布朗尼味咋...」如果去除果隻所謂既怪味...可以話係一碟普通既肉醬意粉朋友就叫左個「煙肉火腿意粉」我試左啖, GOOD! 係我中意既卡邦尼意粉類型!好"傑"既CREAM~ 係我既最愛意粉之一! ^_^可惜佢MENU又唔寫... 我就係聽到"布朗尼"哩3個字先叫左肉醬意粉的... =3=2個人都叫左CHEESE CAKE + 熱咖啡Cheese cake 既芝士味好清, 朋友唔中意食Cheese都覺得好好味我就覺得哩隻cheese cake好岩配咖啡有時出面食既cheese cake太過rich, 反而覺得配咖啡會好"漏"今次我將佢既cheese cake同咖啡都清光哂~ 連朋友食剩既我

尋(22-4-2011 Fri)日爸爸又返大陸,男友o係油麻地做o野free啲,於是出去同佢食個晚飯.出到去接佢諗食咩o野,我記起上次搵唔到呢間,所以今次o黎返.o黎到,門口有4個女仔等o緊,我’裝’到今面有4人枱,而唯一o既門面同o個4個女仔講有人留o左位,o衣o家暫時安排唔到4個位畀佢o地,請佢o地留電話,等有位時會call佢o地.佢o地冇留低電話就走o左.之後到我o地,有張4人枱同另外兩個食完o野o既客人share.我同男友要o左. $59.00o既一號晚餐同$43.00o既三號晚餐各一.餐牌寫話係意大利雜菜湯,但o黎到o既兩杯都係忌廉湯.飲吓先,唔….’飲’到有啲肉腸味,原來有煙肉粒,亦有香草,湯就只係暖暖的,唔熱,呢樣唔係幾好,但唔太稠身.味道: 3.5分2. 等o左一陣,我o既一號餐主食芹菜蝦球墨魚汁意粉到o黎,呢個好熱,忌廉汁幾夠,味道算濃,意粉軟硬度適中,蝦仁煮得太耐,變得乾身同有啲硬,而芹菜變o左做芹,奇奇的.味道: 3.8分3. 又等o左一陣,男友o既三號餐主食蕃茄蘑菇雞肉長通粉到o黎,我都試吓,通粉好乾身有啲硬,味道麻麻,係咪唔夠茄汁呢?而雞肉大大件,有點點腥味,

今日落佐敦做野，LUNCH TIME諗住去AMOUR CAFE試。因為自己想試好耐點知一入去就好多人，坐到FULL晒諗住問佢有冇位啦點知佢理都唔理我，仲同個送貨既吹水。有冇稿錯呀，當我死lol，係唔係見一個人唔係大生意就唔serve呀門面又舊又DIRTY，望落d野食冇咩特別，價錢又唔係高就扮high-class真係好激氣，冇食到就走左永遠都唔會黎呢間咁既野都當人冇到既!!!!

要預早訂位所以唔駛等位set dinner有3款order點左磨菇芝士牛柳粒長通粉$58先黎個白湯磨菇湯飲落去就覺得係金X罐頭磨菇湯所以...主菜黎到熱騰騰的磨菇芝士牛柳粒長通粉好香芝士味長通粉『淋』度啱啱好不過牛柳粒好似過左火因為有d靭咬唔開但味道OK雖然係咁整體幾好味好creamy Mocha咖啡裡面有淡淡嘅朱古力味GOOD 甜品朋友點嘅吉士蛋上面嘅『汁』有少少酒味苦苦地夾埋下面嘅吉士蛋都唔錯...朋友點嘅cheese cake自己本身鍾意食硬少少嘅cheese cake所以會覺得呢個唔夠硬cheese味夠重！服務so far so good因為我地去到唔full所以d人都冇咩野普通餐廳服務素質而環境係up dup餐廳都算乾淨乾淨過茶餐廳

今日同啊媽諗去邊食飯 就諗起朋友向我介紹既 Amour Cafe 所以就去左試下 我揀左白汁芝士雞肉意粉 再加個吉士蛋先講下個湯先啦 其實我唔多中意飲白湯 所以我覺得唔係好好不過個意粉真係好正 !!! d雞好好食好有味 d汁又香 意粉煮得岩岩好之後食左個吉士蛋 怕苦既人就唔好點啦 我都試左啊媽既芝士餅 不過芝士味唔重 overall其實都唔錯 下次一定會再去試

　　試過第一次之後好多時都會專程來再吃，只因價錢公道。上次到的時候太多人在等位，唯有試其他餐館，可惜不好吃，再來這裡吃第二餐晚餐哈哈　真的不可怪店主，因為那裡地方實在十分淺窄，根本沒有什麼位子可言。　只要閣下不介意，這就是天堂啦。　　　餐牌我們點了一號餐和三號餐轉長通粉附送的餐湯依樣的creamy，充滿薯仔口感哈哈。一號餐 牛柳粒長通粉換了長通粉！太可惜了！上次用的長通粉比較硬身。牛柳粒普普。三號餐 蘑菇煙肉長通粉一樣啦‥煙肉和汁料好食。茶飲奶茶，不好飲。吉士蛋售罄（再次），選芝士蛋糕，有進步！

因為朋友推介, 咁就黎試下感覺有d中伏....因為覺得野食普通, 個價唔值!我地叫左個煙蠔意粉 同一個雞扒蕃茄辣長通餐個雞扒餐係中伏, 唔係唔好食....係超普通...1個餐$5x...個湯係粉開出黎, 個甜品件cheese cake真係攝牙la都唔夠.....舊雞扒係就咁煎既雪雞扒ja ma...真係唔係好滿意佢主打係平又好味..但我覺得$5x都唔值...但個煙蠔意粉就好d, 佢寫就寫叫白汁. 但食得出應該係chipotle sauce~好重脂肪的.哩個係個汁好味既...其他料就普通啦再講個餐廳環境真係唔多好雖然我真係唔多介意個環境...但...所有野夾埋就真係唔多掂................唔會特登再去

聽同事介紹話呢間係好好食的小店, 但沒有裝修, 會坐得唔舒服！仲叮囑一定要訂定位, 於是前一日打電話訂定兩位！6:45 pm 去到, 店內有四張四人枱, 兩張二人枱(其中一張係正門口）, 我地坐廚房門口那張。真係比茶餐廳更"屈則”！去之前要有心理準備, 可能同事之前已提過呢點, 所以去到反而接受到喎！我地叫咗兩個Set Dinner, 餐湯係蘑菇忌廉湯（用杯上），好好味！我的主菜是蕃茄雞扒意粉（套餐$41), 好有蕃茄味, 雞扒前好有雞味，一d 雪藏味都冇, 如果可以煎燶少少會更Prefect!朋友的主菜是蕃茄大蜆煙肉意粉（套餐$50), 等得有d耐, 我就黎食完我個意粉先黎, 蜆肉同煙肉都好大舊兼好好味!甜品可以二選一：Cheese Cake 或吉士蛋, 由於最近食咗好多cakes, 我地揀咗吉士蛋，好滑好滑, 唔太甜, 朋友好喜歡因為佢唔嗜甜, 但我倆都覺得有少少苦, 唔知係咪黎自個焦糖呢?最後叫咗奶茶, 有些少失望, 因為望入廚房見到佢地只係用Lipton 茶包！一路食一路有客入黎, 未夠7:00pm 已經要等位喇！總的來說, 一間值得推介的小店, 但請不要對環境有任何要求, 以

　　曾經在雅虎首頁看過這間cafe的介紹，價錢相宜且味道好像不俗，特意跟男朋友來試試！其實事隔已是兩三星期的事，小妹也不太記得吃過什麼set，只是記得味道很好，一定會再來，而且價錢也只是$30-50，非常物有所值。　　當天我俩都點了「雞扒長通粉」，是辣的，但非常惹味，特別是雞扒想一試再試。唯一缺點應該是份量的不足吧。　　甜品通常是二選一，我們各點了一款。　　分別是「吉士蛋」跟「芝士蛋糕」。　　吉士蛋小妹認為偏苦，但是上剩的選，男朋友不覺得苦！　　芝士蛋糕不會太膩，平時吃不完一件這次可以了，是實淨派的芝士蛋糕。

十月三十一日 (星期日)週日,在晴朗的一天出發我們十二時前已來到Amour Cafe還未開門,我們唯有到四週閒逛(但其實我已經很肚餓)準時十二點,我們好不意思的走進剛準備好的店內比起我們心目中所想的Cafe模樣確有點分別沒有什麼裝潢,"簡約"的枱枱櫈櫈可幸的是這裡有大量雜誌漫畫供閱,勉強仍保留著一點Cafe的感覺服務員遞上了餐牌,很頗多款的西式主菜供選擇應總有一款合心意的:米蘭豬扒拼長通粉不知道米蘭的豬扒與其他的有什麼分別但肉質就非常煙韌而鬆軟豬扒經香煎配上香草,多一份清香的感覺長通粉配上濃味的汁料很不錯我點的是套餐,所以有甜品點了這裡出名的吉士蛋極富蛋味的甜品加入了吉士,有一陣苦味想應是與甜蛋對比出來的一種錯覺老公仔則點了煙蠔白汁意粉有點可惜,蠔的size太小,而且已頗乾老公仔覺得它們有點像蠔豉的感覺所以未能吃得到鮮蠔的肉汁不過白汁意粉倒不錯,al dente的價錢合理,是不錯的選擇