Amour Corner (已結業)

朋友約我來Amour Corner食飯，在油麻地地鐵站行過去只需兩分鐘，好方便。我第一次來，行到門口見到隻長頸鹿🦒感覺好正。入到入面，有個3D投影流水同埋園林景，好有feel 👍叫左兩個主菜，燒雞同德國咸豬手，燒雞辣辣地，幾好味，咸豬手趣卜卜，跟酸菜及大大條薯條，好大份，百幾蚊好抵食。值得推介係佢地嘅生蠔，叫左主菜就可以食特價15蚊隻法國生蠔，兩個人食左成十隻，真係好抵食，即叫即開，好新鮮😋大隻過酒店自助餐果D，唔使排隊，有人服侍又咁平，下次一定再食🥰BTW, 佢地個creme brulee好味，D蛋好滑好香😆跟餐+28蚊。唯一缺點係隔離餐廳門口成日有人食煙🥲吹曬D煙味入嚟，叫左侍應關一關門先好D。

飯聚 好耐無約舊同事食飯 特登約在舊公司附近食飯Amour Cafe 甘岩合乎條件， 亦好耐無食過。 環境舒適， 森林feel ,餐桌大，坐得舒服，侍應服務好，有朋友對菌類敏感， 所有有菌類的食品都幫我地走菌， 好貼心。 但如果音響細聲返少少， TV 節目 揀D 輕鬆D 的會更好。 食物方面， 不過不失，海蝦蕃茄意粉 : 蝦爽意粉軟硬適中，味道唔錯。 牛排有D 太薄， "un" 左d. 但薯條好脆， 應該係即炸。 飲品方面， 推薦即磨咖啡- 齋啡。 個朋友本身對咖啡好有研究，都讚 Amour 的齋啡， 不論色香味 都好ok, 大推。

首先要講呢度嘅環境樓底高 環境衛生清潔舒適座位安排良好 下午茶時間人流不多不少食物方面卡邦尼意粉 creamy好食最鍾意既黑松露芝士薯條 一大盤超級滿足😍😍😍重點依家有happy hour生蠔加任飲都好抵！下午茶超值之選

平安夜梗係要食番個聖誕大餐喇！前菜（芒果牛油果鮮蝦蟹肉沙律 + 黑松露野菌忌廉湯） + 另外再加咗個海鮮拼盤（生蠔，生蝦，翡翠螺，小龍蝦）；主菜（菠菜芝士火雞卷伴栗子燒汁 + 寶雲酥羊架）甜品：（焦糖布甸）😋😋好味

近呢幾年，呢一間已經成為我同老公西方節日會慶祝嘅餐廳，每年嘅聖誕，除夕，情人節，我都會同老公嚟撐枱腳！今年除夕晚餐，冇咗指定餐牌，平咗好多😊所以嗌咗兩個set dinner食，主菜：（芝士焗肉醬千層麵/德國鹹豬手）；甜品：（焦糖爆谷雪糕）；飲品：（玫瑰味Hoegaarden/冷泡白桃烏龍）另外加錢叫咗兩個餐湯（黑松露湯）同一客（煙三文魚芒果沙律）唔知係咪換咗廚房，食物嘅擺設好似唔一樣咗，精緻咗，靚咗！以後我依然都會再嚟幫襯😊😊

尋日40幾人係度開聖誕+新年party 好開心服務周到野食refill 快又好食煙三文魚 沙律小食 串燒 烤肉春卷設施齊全 方便抽獎美中不足係雖然玩左6個鐘仲玩唔夠🤭🤭（講完都覺得自己過分）🥂🍻🍝🥗🍗🍟🍕

第三次幫襯, 估唔到爭咁遠, 應該轉左手, 全店得四枱客, 等佢煎塊牛扒足足等左45分鐘, 可能廚房人手不足, 食物質素普通, 價錢唔平睇個勢都應該做唔得好耐,仲去幫襯就祝君好運

同女朋友旺角行街，無意中經過砵蘭街，平時真係唔會經過果度，發現一間幾趣緻嘅餐廳，裝修風格係森林feel，坐嘅環境都幾舒服。因為兩個人都唔大食，就叫左一個牛扒同小食鵝肝。牛扒肉質幾好，雖然唔係皇帝👅，但同女朋友都食得出個火候同調味都唔錯，個鵝肝就真係第一次試，冇想像中的肥膩，配埋多士同入面舊蘋果肉又真係混出新可能，超好食。不過，提返幾點要注意下，冷氣有少少凍，女士最好帶件外套或者叫侍應較下冷氣會好d，同埋等候時間都有少少耐，不過我果時的客人都幾多，好食黎講，都係值得等嘅。下次都會再黎試下，發現菜式小吃都幾豐富

上次食豬手，今次想試試食牛扒。 因爲係厨師現烤，加上客人好多，等差唔多20mins。 薯條好好食，即使唔蘸茄汁都好正。好食， 等幾耐都值得。 特別贊揚cream brulee，難以忘記的味道， 燉蛋的香甜綿軟細膩加上表皮的脆焦糖，再配上酸甜的水果，使得口感層次十分豐富。食物好好味，如果時間可以快點就更加好了。

高質的餐廳，入門口已經比隻長頸鹿🦒吸引住了，好有特色的裝修設計. 入坐感覺輕鬆. 野食唔駛多講有幾正.可以自己去下. 餐廳主理人熱情招待，唔識揀野食既我，幫我點了餐廳好幾款名菜，款款都好想再食.

呢次去被安排坐上面，要除鞋坐地下，同樓下完全唔同，無西餐feel。正餐等左好耐都未上，因為啲食物出得慢，仲要比錯隔離遲黎既枱，仲要唔係成日都有人serve樓上，態度麻麻，樓上環境更麻麻，坐到成個日本人咁，屈住隻腳坐，但事前完全無講過。食物唔差既，但杯跟餐啤酒淡而無味，仲加左好多冰，即刻畢走成杯冰都仲係好淡，又無乜氣，真係好令人失望，寧願加錢要杯正常啤酒最值得讚既係杯雪糕，口感好綿，加埋啲爆谷一流！

今晚一個人試下新餐廳，在餐廳內感覺好似在森林裡，職員親切地介紹餐牌上的食物。order完等了一段時間，雖然我不要餐湯（因今晚餐湯不合我味道），但仍有餐飽送上，呢個飽外脆內軟十分好味慢慢地一口一口享受著。最喜愛牛既我當然先試炭燒美國10oz肉眼，要了5成熟剛剛好，肉質鬆軟非常合胃口最後還有甜品（雪糕）送上作尾聲下次仍會來試下其他食物。如果要建議的話，主菜淡返少少比較另外要提示下大家，入咗嚟之後要享受慢活，心急的人要調節下啦

經過旺角行街時發現的森林餐廳，裝修和氛圍都好別緻，冷氣開放有少少凍。食佐英式燒雞沙律，話係新菜式，燒雞juicy又有味，仲好多汁添。飲嘢方面，有生啤，夠氣好飲，價錢都合理，值得一試。

約咗friend去呢間新開嘅餐廳食飯、意外好好食。餐廳環境好優美適合同friend一齊去傾偈飲酒下次都會再嚟10分推介是也餐湯黑松露雜菌好好味好鮮甜服務員嘅質素都好好好有耐性餐廳都好乾淨廁所好大

今日約左朋友岀來吹水 行行下見到Happy Hour又有得吃生蠔 就入試下伏5伏 🤣入到去環境好似酒吧咁 好有feel個生蠔來到就見到都幾肥美 係性價比來講168對得住個價 真心5伏