Amour Corner (已結業)

旺角鬧市中隱藏既平民西餐廳～今次叫左佢地既Classic set dinner~$328套餐包括前菜3選2～餐湯沙律主菜7選2～飲品及2杯～前菜青蘋果鵝肝多士 + 巴馬火腿蜜瓜鵝肝煎得好香配返青蘋果酸酸地Perfect match!巴馬火腿蜜瓜呢果配搭無得輸啦Caesar salad + 蘑菇湯呢兩個都係正常水準👍🏻主菜香草煎封羊架黑松露蘑菇意大利飯～羊架煎到剛剛好熟邊位燶燶地夠香口黑松露味都幾重飯又有咬口總結呢個價錢有呢個水準真係難得！

今日試左呢間西餐廳 可以即日book位 而且價錢相宜 我地就試左個尊貴二人晚餐餐廳燈光昏暗 都有d情調 坐位都唔會好迫 但見到d梳化都開始有d舊頭盤可以揀3款 我地揀左德國迷你腸 芝士拼盤 同埋香煎帶子味道不錯而且幾特別餐湯同埋沙律🥗 沙律揀左蜜糖芥末醬主菜個牛肉個質素好明顯比較差 可能係將貨就價既關係 而且望上去都幾乾身羊架就好少少 都算中規中矩甜品就有意大利芝士奶凍另外加左個生蠔🦪拼盤 有3款生蠔可以揀 我就揀左每款2隻 店員都有介紹番邊隻係邊款蠔 同埋食邊款蠔先總括而言 服務員雖然唔夠 但態度都好好 上餐會跟番客人食既進度同廚房溝通 會主動幫客人換碟 我覺得服務員好細心 除左主菜既質素中規中矩之外 我覺得呢間餐廳係呢個價錢定位黎講食得過 尊貴二人晚餐都只係$468 已包埋餐前酒 3款頭盤 湯同沙律 2個主菜 甜品同埋飲品😍 另一個二人晚餐仲平過呢個 旺角區黎講真係幾抵食 環境都唔會太過迫 又寧靜 可以去一試

我哋兩個女仔叫咗一個尊貴二人晚餐set頭盤我哋揀左鵝肝多士,帶子同埋煙三文魚然後有湯有沙律主菜我哋揀咗牛扒同豬肋骨甜品我哋揀咗心太軟 如果有朋友生日仲可以寫字餐前仲有包2杯酒（紅/白）

與友相聚揀咗一間比較有情調既餐廳，諗住同朋友慢慢食、慢慢飲😊💛Amour Corner💛今次可能係慢慢嘆既關係，我地叫咗都算多野食，食完小食就食正餐，之後飲酒又再叫多次小食🤣🦪生蠔，鮮甜好味，好耐都無食過了，正香腸拼盤，一客包括咗3款腸，做前菜小食同送酒真係一流👍🏻水牛城雞翼，辣辣地幾開胃，同埋係單骨雞翼，食得方便😋另外叫咗2人餐，3百幾蚊，價錢合理，朋友驚唔夠食，最後係叫咗2set🤣2人餐前菜有湯有沙律，另外仲有鵝肝多士、巴馬火腿蜜瓜，2款都係我好鍾意食既野🤤主菜有羊架，好食😋牛柳，可能煮得太熟了，所以一般😅海蝦墨魚麵，呢個都好好食，朋友好鍾意食墨魚麵👍🏻黑松露菌意大利飯，因為自己戒緊飯，但都忍唔住食咗一啖，超好味，好想食哂成碟佢😂試咗幾款cocktail，之後再試埋手工啤，第一次飲手工啤，又幾得意喎最好飲係桃味同果莓味既手工啤😋👍🏻😂咁就過咗一個愉快既晚上店員哥哥服務都好好，讚👍🏻值得幫襯支持💛💪🏻喜歡有情調餐廳既朋友仔，可以去幫襯下佢地，環境同坐位都好舒適㗎

油麻地區（算係）嚟講$46一個意粉set 去到$98一份牛扒 價錢嚟講算係抵食（有餐湯有飲品）所以試試沙律同牛扒（後來牛扒賣晒轉牛柳）-餐湯羅宋湯太酸胡椒味太重 所以對個湯無咩好感不過到主菜 沙律菜幾爽脆 幾欣賞芝士碎比得多容易撈嚟食 但係沙律汁真係唔夠 愈食愈乾牛柳果個lunch set 比我想像中細份(意粉我用叉抽起了一小圈先記得影相）牛柳係淋 意粉煮得偏硬 又無咩調味個汁反正有驚喜 似某炸雞連鎖的薯蓉汁 配嚟食都可以整體來講以呢個價錢我都叫做收貨 但唔會刻意嚟多次

之前同朋友食過覺得唔錯，今次媽媽生日所以book枱慶祝。叫咗2個尊貴二人晚餐，有餐前同餐後兩杯飲品、三款頭盤、兩款主菜同甜品，仲另外叫咗個白酒忌廉芝士煮青口。白酒忌廉芝士煮青口超好食，好少地方整得咁好食！😍😍😍個汁係好濃！好濃芝士味，點包食係好好食👍👍雖然青口唔算肥，但個汁搭夠，同埋$96價錢嚟講，質素差不多，其他地方隨時冇咁好食添😂😂個汁真心冇得頂😍😍😍而頭盤嘅青蘋果鵝肝多士最為出色，青蘋果中和咗鵝肝脂肪嘅油膩感，細細一舊亦算好好食嘅頭盤。主菜就叫咗7成熟肉眼扒同忌廉海蝦墨魚麵，呢兩樣就中等，ok但未去到超好食。而甜品反而又係出色位！牛奶奶凍好重奶味，甜度適中。整體呢個價錢同朋友食飯慶祝節日係算幾好嘅選擇！不過記得book位，都好多人等位。

芝士拼盤$108大愛芝士寶寶表示正🥰由其是金文不芝士加餅乾係我大愛🌝之後一個二人set $3xx有頭盤沙律湯同main cause🙃真係扺到爆頭盤有兩件鵝肝多士，同埋ham & melonham正正常常既🤤頭盤冇乜特別嘅，都算好味嘅。鵝肝細細舊又唔會太油膩，係細舊咗少少囉😬不過睇返個價錢，都好合理嘅。😗之後有個沙律，正常個湯吾記得影😬不過個湯就一般般之後既牛柳扒3成，好正雖然本身我鐘意牛柳多過其他扒係因為無肥肉同筋😬但300幾一個二人set黎講，無得輸🥰鎖得住肉汁又鮮嫩😌牛味又重，整體來講正👍🏻但個羊架就好一般，無乜羊味同有點階口不過整體黎講ok👌🏻😌呢餐係滿足既最後有個奶凍，為今日呢餐畫上完美既句號話說呢杯係佢地既Mocktail🌝叫sunset🍹飲落去個味道好得意，佢係一杯橙味嘅嘢飲得意在有陣熊仔糖咁既味整體來講好滿足，會再嚟，因為性價比都幾高👍🏻

呢間砵蘭街既黃店係幾隱閉的 不過非常有情調宜家午市有套餐而且係不設加一 套餐包括餐湯/餐飲同埋主菜可惜羅宋湯溝水太多 無咩味道蒜香三文魚意大利飯 ($52 + 凍飲$3)原本覺得份量唔多不過食落又覺得OK喎意大飯夠creamy而且三文魚都唔少仲有陣陣蒜香味道 值得推介不過話返轉調頭 套餐有送餐飲我點左凍奶茶 呢個真係要扣分 基本上無任何茶味 只係一杯好甜既奶水

一行6人, 本來預約左另一間旺角cafe, 點知去到突然停電, 變左要轉場! 然後大家就即時搵下有咩餐廳容納到我地, 又可以舒服咁傾下計! 唔覺意搵到哩度, 就拿拿臨趕去! 被安排左樓上座, 坦白講就坐得唔係好舒服, 但勝在自成一閣, 好似無咩人騷擾到, 傾得好暢快!講返食物, 由於無期望, 亦無做任何資料搜集, 所以反而認為水準都ok! 叫左2份SET, 再散叫d side dishes咁! 我最有印象係馬拉魚旦, 本身仲諗住中伏, 點知又幾好味, 大家仲有d搶住食! 最後要講下哩度服務好好, 我地唔覺意傾到10:30pm, 職員都叫我地慢慢, 好有耐性! 有人情味既感覺真係好!

朋友話想食cafe,於是就去試左呢間。一開始冇預期會好好食，以為食物都係普通cafe質素，但食後覺得每樣野食睇落普通，但其實樣樣都好味！尤其是主菜同小食！但可惜掛住食，一張相都冇影。水牛城雞翼係我地另外加既，有驚喜，少少辣又香口，值得一試。我地四個人叫左四個set,基本上每樣野都試過，最好食係羊架！個牛個樣望落唔係話好吸引，但食落好林身，好味。意粉同意大利飯就正正常常，都好食既。重點想講下呢度既服務，話說我地見到佢地係收凌晨一點，於是我地食完野後都坐左一陣，坐到差不多十一點，但見到侍應哥哥都好有禮貌，好安靜咁幫我地執枱，於是我地就打算走。因為我地係樓上一層，唔知道下面既情況，以為下面仲有好多人，落到樓下時原來人地已經關門。都有少少唔好意思，但侍應哥哥服務真係超級好！值得再去！👍🏻👍🏻👍🏻👍🏻

4人聚，晚上8點幾冇卜位等左5分鐘左右，職員都安排到👍🏽叫左水牛城雞翼（脆熱正～）$128/6隻生蠔（鮮）兩個2人餐($328 each)：1. 頭盤3揀2鵝肝青蘋果多士 & 蜜瓜ham每人有兩件多士夠熱同脆；蜜瓜好大件開胃2. 沙律&是日餐湯～忌廉蘑菇湯不過不失，沙律啲醬撈得幾勻3. main 7揀2燒牛柳、羊架、菇菌risotto、三文魚意粉牛柳5成 好夠腍 唔乾 但有啲咸；羊架叫左7成熟，好味喎，煎得香、調味又岩岩好唔會好酥、嫩、脂肪平均；risotto煮過龍太腍冇咬口，味可以；意粉既菠菜汁調得很好、稀杰適中掛晒汁、帶少少甜味，三文魚同配菜都balance，意粉硬度岩岩好4. 甜品樽仔奶凍+一抹士多啤梨醬太甜啦+奶粉味5. 飲品杯凍朱+ cream好香濃！飲到冰融都係咁濃，但唔會太甜朋友飲熱朱都話好味環境：鋪頭望落細細原來有得上2樓！好寬敞坐大梳化樓上樓下係兩個feel前者燈光昏暗點點燭光有情調、多2人枱；後者岩大班朋友聚，見有堆7-8個都冇問題👍🏽服務：職員好有禮，而且長坐都好尊重完全唔會趕你走價錢：4人埋單$950支持良心黃店！消費落同路人身上點都抵，仲要好食，支持！

到兩點左右先得閒食野，餓到我周圍搵餐廳。 見要呢間餐廳，空間都幾寬躺，又近旺角市中心。 其實呢間之前同一大班同事都黎過，佢有兩層，樓上好適合包場食飯飲嘢😁😁，食物選擇都很多。但呢個午餐我只簡單一點，來一個：蕃茄紅海蝦意大利粉- 蕃茄汁酸酸地幾開胃，而且好多汁😋😋，無俾意粉吸哂，而意大利粉軟硬適中，紅海蝦亦都幾煙韌☺️ 意大利粉只係$56連飲品都幾抵食。

見到呢區入面佢嘅生蠔幾抵又係黄店，行完街過嚟食宵夜。裝修雖然普通兼有啲舊，但我哋無期望呢一區餐廳有幾高級，坐得舒服食物乾淨衛生好食先最重要。餐廳有樓上樓下，樓下睇落浪漫relaxing 可惜full曬，我哋三個人被安排到樓上。空間不大，有三至四張枱到兼隔得好近，香港租金貴我可以理解。重點來了!!角落頭坐了唔知老細定職員嘅一班朋友，大概有十個人。我哋由坐低嗰刻已經勁大聲講嘢，係勁大聲玩到high曬。由於樓底又好低，講嘢非常應聲，其他食客包括我哋基本上都好靜細細聲講嘢，唯獨是呢班人完全無視其他人大聲講大聲笑。不幸坐係佢哋後面嘅我哋除咗成晚聽曬佢哋所有對話，仲要忍受佢哋好大聲，係我哋帶埋耳機都聽到嗰隻。大佬啊，我唔係唔尊重你哋放工聚會傾計，香港人好大壓力我都明。但無論你係員工朋友戓者普通食客，係咪都要尊重其喺食客呢? 我哋俾你哋嘈到根本傾唔到計，最後真係快快手食完埋單好唔開心走人。行出餐廳我以為係我唔舒服頭痛，點知原來朋友都覺得俾佢哋嘈到唔舒服走人。公道講句，嘢食唔難食，員工都非常有禮貌。但唔代表你哋可以唔理其他客人感受，由得自己人係到影響客人進餐。我已經眼神暗示好多次，我見到其他枱食客望住

朋友生日 揀左呢間食生日飯 支持黃店系列😚三個人 我地揀左一個經典二人餐再加兩個菜經典二人餐揀左芝士拼盤 同 巴拿馬火腿蜜瓜主菜揀左烤澳洲牛柳扒 同醬燒烤原味豬肋骨跟餐有沙律 湯 甜品 $328蜜瓜不夠凍同甜 但呢個價錢可以接受 芝士有兩款 一款比較正常淡味 另一款有好濃烈既芝士味😂 cheese 個人口味 不評論牛柳扒叫5成熟 外面焦脆 內面紅 5成熟👍🏻牛肉嫩 有肉味 易咬易切👍🏻 高質 豬肋骨肉多 雖然是醬燒 但不鹹👍🏻 推介甜品士多啤梨🍓奶凍👍🏻 超滑身 奶味重 推介另叫牛肝菌意大利飯$88 同德國香腸拼盤$88飯較硬身 粒粒分明 有口感 個人喜愛較硬身既飯 所以評價很高 另外香腸拼盤有三款 黑椒腸 原味腸 司華力腸 份量多 配上黃芥末一流 抵食🥰整體評價唔錯 上菜速度岩岩好 食完再上另一道菜 環境唔錯 👍🏻友人一置認為高質😄

今日係媽媽節👩🏻，我當然要帶下媽媽去食西餐啦以為母親節會有好多人出去食飯 我地6:30pm左右到餐廳🍴 重要係唔洗等位店員都好有禮貌既 首先就係量體溫啦（疫情關係）之後就帶位，環境唔錯都幾有情調 暗暗既燈光 入正題食品我地四個人每款生豪叫左2隻我個人喜歡食美國豪 ，入口creamy  大隻  好似溶係口中  加埋檸檬汁更加提升鮮味。其次加拿大豪 ，有口感  加d蕃茄醬又唔會俾d醬遮蓋d豪味 （如果有埋辣椒仔個個醬就好）。最後係法國豪  法國豪係比較細隻  同咸d  所以我喜歡什麼醬都唔落  就甘食佢既完味道都不錯👍  我地叫左尊貴二人餐 前菜6款揀3款 我地揀左 青萍果鵝肝多士，煙三文魚，帶子但我個人就一向唔太喜愛鵝肝 ，覺得有騷味今次就再試下...感覺鵝肝騷味無甘重 可能有片青萍果（不過再大片小小就好d）口感豐富 鵝肝味道沖滿口腔帶子加左d黑醋 酸酸甜甜感覺 都幾有咬口煙三文魚 沒有什麼特別食完前菜 更係食反d清清地既莎拉 主菜肉眼扒 我地叫左7成熟 媽媽唔中意牛扒三成熟既 如果我平時食牛扒都只會叫三成但7成都唔會話太硬 都有牛肉既質感 肉眼一定有肥但d片牛扒唔算肥 肥瘦平均 牛味濃