Anchor’s Seafood and Beer House (已結業)

難得老公閑日放假又話想食自助餐，自己大頭蝦去到放假前一日先記得，最後簡左汀蘭居呢間，由荃灣揸車過去好快就到，有3小時free parking。講番野食，我同老公主要目標都係蠔，得一款法國蠔，質素唔算差，即開，但好多蠔碎其他熱食全部吸引唔到我去食😩老公反而食左兩碗越式粉麵，刺身得三種，三文魚-普通放題質素吞拿魚-唔掂，好多筋立魚-唔係好新鮮，食左一次唔再食雪糕係比h牌更高級嘅movenpick甜品方面，最失望係焦糖燉蛋，蛋係實嘅！面頭焦糖變曬糖漿完全唔脆！機製pancake唔特別，不試也罷即製waffle，好食！味有d似老麥早餐果個熱香餅，但即製脆脆地熱辣辣，食左兩件👍🏼其他細件甜品都係不試也罷🤷🏻‍♀️Blueberry chessecake質素ok，芝士味夠濃Tiramisu太濕🤦🏻‍♀️順帶一提，訂座時要求baby chair，餐廳有提供，但枱上只有餐紙，小朋友（2歲幾）咩餐具都無，到服務生行過黎時要求一份小朋友餐具，佢比左份咁嘅野我👇🏼

We (my wife and I) booked a room in the BayBridge Hotel, just above the restaurant. Weather was not so good to have a dinner out that's why we decided to experience Anchor's menu.We truly love oysters together, then we decided to taste their Fine de Claire ones. We have been pleasantly surprised to find such a good variety of oysters into Hong Kong, furthermore just nearby our room ! Price is honestly affordable for the quality served. Then we tasted the desserts of the buffet, she prefers cakes

因為母親大人生日，上網見到正日生日有蛋糕送，而且又有法國生蠔食，於是就book依間野食下。結果都有驚喜，驚喜在於一去到就見佢地個夜光生蠔bar,而且有2種法國生蠔，每次可以拎2隻，個職員開得好快，每次一出去就有得拎唔駛排隊。2種蠔唔同分別在於一種叫長蠔一種叫野生蠔，一隻咸啲，一隻鮮中帶甘味。跟住就係個沙津吧！沙律吧有勁多配料，我平時好鍾意食沙律，配下火腿，配下栗米，再加下啲沙律汁，正呀！仲有三文魚同吞拿魚刺身，火炙壽司，而熱盤有大約十樣，有蒸魚，飯等。另外甜品有movenpick雪榚。總括來講，3百幾蚊有蠔有長腳蟹有movenpick都唔錯。

星期五晚上同家人一起第一次黎食自助餐，滿有期望因食評幾好，但失望而回。地點係好方便，對住在荃灣及葵芳的人黎講。食物種類少，冇龍蝦，冇朱古力甜品（除咗個朱古力噴泉外），冇甜蝦，刺身唔係好新鮮，切刺身位師傅好求其，又身兼數職，生熟食物都有佢份處理。最值錢係生蠔，不過我唔食的，無法評價。另有BBQ食物，應該係係廚房燒完，由廚師裝落碗，再行出黎放係保温盤中，所以一啲都唔熱，同埋好燶。另有好多食物都係辣既，唔係好適合帶小朋友黎食。要熱水沖茶，又要等佢攞個熱水壼番入廚房斟水。唯一比較好玩的，就係嗰部pancake機，我倆個小朋友第一次見，都好鐘意玩。室內環境一般，室外可以見海吹吹風。侍應有禮，不過絕大多數都係有鄉音，要好留心先聽到佢講乜。可能大陸客真的很多吧！

食物種類太少，熱葷只是10款左右，諗住熱葷沒有選擇，就食壽司吧！連日式刺身也只要三款魚，壽司只有二款😖，失望！於是進軍生蠔及長腳蟹，長腳蟹每次出2，3拾支，refill 得好慢唔夠人搶，失望！生蠔唯一可以稱赞，很鮮甜很有蠔味，不過就細隻一點，而且要排隊😓，只有一個人在開蠔，每次只排2隻，景我整晚就在排隊拎蠔，好辛苦成晚排到10隻😭，已經沒有興趣食其他野了，失望！最失望就是我一星期前訂位要求窗邊看海景位，但去到卻說沒有窗邊位，窗外的夜景超靚可惜又欣賞唔到😢，到埋單，明明廣告說$398打75折，點知比錢變成$498打75折😲原來侍應說$398…….起😰總括而言，昨晚是失望而且食得唔滿足！18-03-2017

見Facebook介紹同5位朋友去試食雖然全場做緊75折環境還可以每位得一位飲品唔夠飲又無人幫手添水...食品勁少選擇 ...生蠔超細 ...刺身勁少份量熟食極難食...無服務 ...唔會再去！

食物種類較少，所以無乜影相，魚生我覺得唔夠新鮮即開生蠔，但較為細隻熟食較多，冷盤長腳蟹、凍蝦、翡翠螺都無限量供應甜品種類也少我覺得全晚最好吃的是即煮越南金邊粉，不過無影到相呢到賣點係無敵夜景，真係幾正總括黎講，以呢個價錢，有景有蠔也算不過不失啦

第一次寫食評給餐廳，今次到Anchor's 自助晚餐慶祝結婚週年。地點不難找，有免費停車場。地方不算大，但幾有氣氛。食物種類不算多，有生蠔任食（法國及愛爾蘭蠔），不用排長龍ok的。冷盤有長腳蟹腳，凍蝦，螺等等。熟食都有8至10款，咖哩雞，意粉，蒸魚，薯蓉等等。還有我喜愛的燒牛肉及魚生刺身。服務方面都ok, 執碟都快，refill食物都唔太慢。環境方面，近海夜景都唔錯，可斜少少遠望汀九橋，都好浪漫，不過都幾大風。埋單計3百幾蚊位都非常超值。下次會帶朋友再幫襯。值得推薦

媽媽的生日會，我早了20天就成功在openrice訂枱兼有openrice 訂枱優惠，我們一行人有7位人數多兼坐了大枱，因照顧小朋友，所以沒有影太多相。環境不錯，我們的大台都是望海的，椅子和空間都算寬闊，我侄女在等看海豚(她說的)。侄女最喜歡是整pancake機，即整即吃，記得要加既上面嘅蜜糖，再加自己鍾意嘅配料，都幾特別又好玩，味道有點像麥記的，但薄一點。生蠔就細隻啲，但唔洗排隊，每次拿2隻。三文魚大都好似唔駛錢咁，每塊都好厚好大塊，啱晒我呢啲三文魚怪！口感上都不錯，脂肪同肉比例都平均。青口冇沙又新鮮，蝦是凍蝦先新鮮好吃，熟食蝦無錦好吃。熟食嘅選擇比較少，這是美中不足嘅地方。但是有雞肉和牛扒都不錯，當中牛扒嘅肉質鮮嫩，配上嘅醬汁也剛剛好。每人有一杯野飲，都好大杯，唯獨食物選擇不算多，反而海鮮嘅選擇很多。

食物比較小。但唔太差。3百幾蚊個人黎講合理。但除左停車場入口員工態度比較有禮外。餐廳所有人態度都極差。無禮貌。茶餐廳服務態度都好過佢。埋單時問泊車餐廳職員需唔需要攞車飛。個類似經理既人根本完全答唔到而且推卸叫我問返前台同事。明明隔離枱埋單時另一個男同事問有無揸車要唔要cup飛。到我追問個個男同事先答到我。間野d人完全係發緊夢咁。而且餐廳電話永遠無人聽。打去問有無位話Full晒。但上Open rice就即刻訂到位而且去到有幾張吉枱

五歲以下唔收錢。但除左碗粉同雞粥。雪糕。無咩野岩小朋友食生蠔又蠔碎又細。同蚵仔差唔多size🌚食左一次已經唔想再羅三文魚同長腳蟹係當晚最多人拎。但無晒唔係即刻refill 囉。最好食依兩樣。但refill勁慢甜品。無咩邊樣好食。真係無下次得個風景係靚

之前有朋友介紹荃灣汀蘭居的自助餐，一早打去訂了海景位。Anchor’s位置有D偏僻，可以係荃灣站搭小巴入去，而我地選擇係荃灣站搭的士入去，三十幾蚊左右，臨走時係reception位置見到有免費shuttle bus，不過有時間限制，想搭就要問清楚職員喇去到staff 好快帶我地入去已安排好的海景位之後行一圈睇下有乜好食，都分咗幾個區，有前菜沙律吧、熟食區、燒烤區及甜品區。自助餐每人包一杯飲品，點了蘋果汁，好飲！而家仲有75折優惠！好抵～沙律吧好多選擇，成個芝士擺出嚟括呀括呀！！即開French wild oyster，每次可以拎到2隻，唔算好大隻，但呢個價錢有得食生蠔已不錯凍海鮮有皇帝蟹腳、蝦、藍青口和翡翠螺，staff會keep住補貨，行咗兩次出去都仲有得拎！熟食區都幾多特色甜品，而且仲幾好食，有我至LIKE嘅藍莓芝士蛋糕呀！燒雞翼我鍾意食～～燒烤區係室外，仲睇到汀九橋同海景汀蘭居裝修比較年輕，有不少藝術家品。下次再去可以試下happy hour

網上訂位留座時，已經特別備註，要窗邊海景位置餐廳後來仲打電話嚟確認預訂點知去到時，坐低埋，先通知我原來窗邊位置已經Full哂網上預訂，又話有75折，點知埋單時，先話優惠只限自助餐，但Apps上面嘅條款，根本冇咁寫過食物質素又普通，墨魚汁意粉冇鮮味，羊扒冇咩肉味一定唔會再嚟

老公喜歡食生蠔，所以選擇這間，但生蠔比較小，而且每次只可取2隻，雖然係即開比較新鮮，但老公說要走多次很累！其他食物尚可，不過種類少，地方小，服務人員質素一般，沒有小孩餐具提供，但境觀一流，看到汀九，有露台可出外觀境，佷適合情侶呢！

今日呢間食自助餐用個apps 訂有七五折三百蚊到啦，都幾抵食☺當然唔少得生蠔啦雖然細住左d 都有d 蠔味同海水味！翡翠螺同蟹腳都幾鮮味又唔係好雪藏嘅感覺！😘魚生不過不失啦吞拿魚超難食😥海鮮都有好多種☺呢個係pizza 有d 唔夠熱😥芝士同cold cut都有好多種，啱曬鍾意芝士嘅朋友👍雪糕我諗都係呢度嘅主打食左開心果味，三重比利時朱古力同芒果味係芒果味有d 假其他都ok!個金邊粉有唔係好夠熱，有雞湯同牛湯簡！一個人三百四到啦鍾意食蠔嘅朋友都應該覺得抵