Antoshimo Cafe & Bakery (已結業)

隔了數月再食呢間，無論服務同料理都有極大變化！先講食物，上次我試過黑芝麻炸包，非常好食，今次點了紫薯炸包配炸雞，同是炸物，得個包叫做好食d，都唔夠幾個月前的熱辣新鮮，相信擺了一段時間，再供應客人，炸雞是硬的冷的。。。無言。再來烏冬同飯餐，無上次食的墨魚汁芝士飯香口，味道偏淡。服務，上次店員捧餐上桌時有禮貌地介紹吃法，見到我們有小孩會主動詢問檯面雜物是否要清理，令我對餐廳印象加深而再次光臨，但是，今次店員無主動詢問之餘，我們主動要求清理檯面不用的爐頭，被一名女店員黑面更語帶不爽說道：是我不用，不是不需要用！其實我只是想兩個tray不要放在小孩面前，容易扯掉受傷，從而叫店員收一收不用的爐頭，這麼簡單為何想跟我說不呢？一個飯桌有四個爐頭會不會太多呢？服務真的太差了，不會再去，我臨走還看到店員討論我，當著我的臉，一點禮貌都沒有，這樣的餐廳不需要再光顧了

一行四人星期五晚去朗豪坊，Antoshimo勁多人係出面排隊，等位等左差唔多半個鐘。。。終於有得食，前菜有海葡萄豆腐，豆腐入口滑溜溜，海葡萄令d豆腐口感更豐富d飯幾特別，要用蒸籠蒸，then 倒d芝士落d 飯度攪拌，就變成rissoto咁樣啦，用匙羹每畢一啖飯都有芝士拉絲O(∩_∩)O呢個黑咖哩烏冬就偏淡，無咩咖喱味之餘亦無辣味，始終係蒸過，d倒汗水點都沖淡左d咖喱，不太適合偏愛濃味重口的朋友。。。漢堡扒定同埋豚梅肉兩個定食味道正常，加埋蜜糖芥末醬汁都幾香，不過芝士拉絲有d論盡，食得好飽，唔會encore。。。最後呢個燒魚柳定食，炸魚柳蒸完之後外皮仲係好脆，味道ok, 魚肉尚算嫩滑，不過略嫌魚塊份量少左d, 配菜有南瓜，菇，和椰菜絲，幾健康最驚喜係食完主食仲有甜品送，每人免費一杯海鹽焦糖雪糕冬甩，都幾好味總括來講價錢就好抵食既，完全唔貴，晚飯100蚊有找，又送埋甜品， 值得一試。坐得都舒服，不過桌子太細，唔夠放餐具和計時器，服務方面就一般般啦，因為d waiter 同 waitress 都好忙，有時可能要等耐d佢地先見到你舉手..... :-P

本來想排炸雞，可惜條龍真係長到不能形容，所以就走咗落下一層食呢間沖繩菜。估唔到又幾好食，第一次食呢仲兩層飯，上面蒸餸，下面有汁泡煎飯。一上枱等6分鐘就食得。拎開個蒸籠，將煲入面既飯餅加芝士撈開就食得嘞。呢個飯可以加芝士撈，芝士蕃茄飯加漢堡扒，又真係幾好味，少少辣，少少甜。唔鍾意蕃茄，仲可以揀壽喜燒飯，唔食飯，又可以揀烏冬，好多選擇最最最surprise 係埋咗單仲有雪糕俾你拎走食。焦糖海鹽雪糕加炸麵包條，真係好好味，甜既雪糕帶著絲絲既鹹味，好balance。最特別既係呢個甜品有晒沖繩既特産，好有風味

個設計好有特色蒸籠放上面燒米餅/鳥冬放下面2種set都有海葡萄豆腐＋凍蜜桃茶/熱玄米茶海葡萄豆腐好滑 夏天凍食一流每檯會有一個計時器蒸6分鐘後會響起店員會將蒸籠取出之後將烏冬放入黑咖喱但個汁好普通冇咩味烏冬偏幼身 都幾有咬口有4粒雞 加左鹽好入味原本係三角形的燒米餅搞成飯加蕃茄湯加上芝士芝士飯可拉絲

對炸包嘅印象一向都係麵包鋪整果啲，睇落靚靚，食落去就油冧冧，冧pac pac嘅感覺心諗咁多日本人都鍾意食炸包，到底邊度先可以食到類近的呢?朗豪坊呢間日式餐廳就搵得到咁大張海報主打炸包，心癢癢入去一嘗。咖哩豚肉炸包，新鮮炸出來脹卜卜熱辣辣一啲都唔油，包上面嘅粒粒係麵包糠，吸走油分之餘仲脆卜卜麵包香軟有彈性，咖哩餡都夠哂香濃，甜甜地10分呢個下午茶餐二人前都幾多野食，做午餐都夠哂烏冬都幾滑身，湯底甜甜地呢個紫薯炸包就比咖哩炸包細少少，但係紫薯味濃唔係砂糖味

我和朋友朗豪坊逛街時，想找地方依肚子，碰見這間裝潢頗具創意，日本特色的餐廳，而價錢又不昂貴的。我們點了一個二人套餐，二人餐有小食拼盤、一飯、一烏冬、兩杯餐飲再加甜品，都是$258加一(幾抵食)先講小食拼盤，樣貌吸引，不過味道沒有什麼特別，薯條脆卜卜香口。但肥牛有點老，炸雞味道辣辣地，魚柳就似日式魚柳味道。還有綠茶炸包頗香口再配上甜甜的紅豆似日式蔴薯口感，味道一般般。再來大蝦海鮮配蕃茄坎飯，酸酸甜甜帶點辣頗開胃的。豚肉蜜芥配黑咖哩烏冬，烏冬軟硬度剛好，但黑咖哩味較淡。餐飲蜜桃紅茶較淡，只有茶味。最後加分的是甜品-沖繩海鹽焦糖多士，海鹽雲呢拿雪糕加少量蕉糖再加紫薯，配搭一塊炸過的多士，味道恰當剛好，正呀！😋整體味道不過不失的，坎飯尚是頗得意食法，可一試的。

這日同朋友一齊來朗豪坊行街食飯我叫了豚梅肉配芥茉醬配蕃茄湯($68)，她叫了岩鹽泡菜蒸雞配壽喜燒湯($70)，還有個紫薯炸包share先來的是紫薯炸包($20)，不過顧住食忘記了影相。紫薯味道好天然，香甜不膩，麵包外脆內軟，好正。豚梅肉配芥茉醬肉質爽滑，口感均勻，不拖泥帶水，配上芥茉醬勁好食。岩鹽泡菜蒸雞配壽喜燒湯雞肉帶香味，調味適中，又不會乾身。口感軟諗但又有不錯質感。蕃茄湯飯底，略為太腍，可能水份多了。壽喜燒湯飯比較好味。竟然送甜品---沖繩海鹽焦糖冬甩，喜出望外。甜中帶咸，不錯。 

沖繩炸包在香港營業了一段時間，也有不少好評近日於旺角分店發現他們新推出了一款雪糕甜品這個甜品是由黑糖雪糕配上焦糖醬還有紅芋蓉、白玉（半透啫喱粒）再加上主角沖繩炸冬甩而成起初在想冬甩為何是長條型但吃下去就發覺這個冬甩比起平日吃的冬甩不同雖然是先炸好的麵包,但是店員會把麵包烘熱原來這個冬甩中空的但不是空氣麵包的那種薄薄的皮，挺厚實這樣的構造令到麵包十分柔軟黑糖雪糕的質素亦不錯，不過感覺應該是雪呢嗱雪糕上加黑糖碎奶味及雲呢嗱味道突出，黑糖味就被焦糖醬稍微蓋過雪糕配上焦糖醬甜了些少不過冷的雪糕配上熱的冬甩兩者配搭下令到整個甜品昇華 紅芋蓉及白玉在這個甜品的存在價值比較薄弱性價比都算高，值得一試

之前約咗朋友一齊食晚飯,佢提議去朗豪坊睇吓有D咩食.呢一刻我個腦突然之間 “ 叮 ” 一聲, ” 就係你啦 ! ! ” , 終於可以試吓你啦.而因為我同我朋友6:00 pm 就到咗, 所以我唔使等就定到去.沖繩文化, 我一直都有留意,而我對佢印象都唔差, 所以都Ok. Antoshimo Café & Bakery係一間以日本沖繩文化 ( 琉球文化 ) 為主打嘅餐廳, 入面裝置十分有沖繩風味. 店內四處都可以見到代表沖繩嘅沖繩石獅子同琉球紅型柄. 玻璃檯燈底下更加有介紹沖繩景點嘅雜誌頁, 等你唔使去都可以了解更多, 好吸引. 而另外環境亦都好舒服, 唔太迫, 最啱同三五知己一齊傾計.我自己叫咗一個D5 (芝脆雞柳 +芝士粟米湯). 有海葡萄水雲沙律, 炸紫薯, 芝脆雞柳, 熱野菜, 芝士粟米湯同芝士粟米忌廉飯.前菜海葡萄水雲沙律好醒胃, 用水果醋加入的水雲沙律, 酸酸甜甜; 而另外海葡萄入口卜卜脆, 中間仲有D鹹鹹哋嘅汁, 佢口感味道都有D似三文魚籽. 兩樣加埋真係好有清爽的口感.炸紫薯同芝脆雞柳冇我想像之中咁好, 好普通熱野菜, 芝士粟米湯同芝士粟米忌廉飯係同時上. 炊飯嘅時候, 個

今次嚟到Antoshimo搵食！嚟到朗豪坊～想食嘅餐廳冇位～而見到佢店外看牌好似好吸引～就即管試吓啦！芝士炊飯鍋燒定食可以揀唔同嘅肉同飯嘅base～肉有壽喜燒豚梅肉、海鮮、琉球雞腿肉、燒魚柳、漢堡扒同芝脆雞柳。而個飯可揀沖繩壽喜燒、蕃茄鏗魚、墨魚汁海鮮、椰香淡咖哩、芝士泡菜同芝士粟米。我揀咗壽喜燒豚梅肉set～跟餐有左上嘅紫薯、右下嘅海葡萄～2種都係沖繩特產～紫薯應該輕輕炸過～好香口～而又不失本身嘅甜味～不錯！海葡萄就用醋調味～不過因為佢係一抽一粒粒嘅籽～可能唔係人人接受到嘅口感。右上就係個豚肉～暖暖哋的～仲以為要同個飯一齊煮～不過佢本身已經煮熟～如果再同飯一齊煮會好乾～但佢又只係暖暖哋⋯唔翻煮又唔夠熱⋯炊飯送到～芝士泡菜汁有蕃薯同少少菜同菇～落埋另外送嘅芝士～但係個飯都係冇咩味！到底味道出走咗去邊？？連少少泡菜味都冇！完全不推薦！

在朗豪坊外面有d肚餓，見到有得叫炸包食，就過去排隊買兩個黎食，佢有好多唔同既口味，甜咸都有，我為求醫肚，覺得甜野既能量大d，就揀左個紅芋年糕炸包，同埋一個特濃黑芝麻炸包。食左黑芝麻先。包本身已經炸得通透香脆，表面既糖粒更令其崩脆口感明顯。芝麻餡很多，有很濃香的黑芝麻香，口感方面。外脆，而裡面好鬆好柔軟。另外一個紅芋炸包，幾乎都係每次必食。個種紅芋味甜得黎好自然，夾有炸得融化既年糕，口感更稠軟，都好好食。

行街行到好晏先食野，所以呢個tea已經係我同朋友既lunch黑咖喱豚梅肉撈烏冬呢個撈烏冬又係有好多配菜！黑咖哩其實係咩黎？都唔錯而且幾香！無平時個d咁"傑"身，比較易入口！同埋佢唔辣架，怕辣既都可以試下！另外個豚梅肉都幾好，唔會太硬又幾香口，幾入味，有d黑咖哩係上面就更香啦，不錯！明太子蕃茄魚柳撈烏冬成個set入面有蕃茄魚柳，水雲果醋豚梅肉野菜，明太子撈烏冬同埋一個前菜真係多到嚇親我！成個set幾好味，個明太子烏冬幾濃唔會好淡個蕃茄魚柳都煎得唔錯個皮脆脆地，但d肉又岩岩好！

日本菜不嬲五花百門，但係新意lee加野唔係間間有lee一間門口一睇menu，真心你會想試下究竟食緊咩乜我一入去就已經揀好我既心水，不嬲我都好鍾意食海鮮類同埋墨魚汁飯，所以完全不假思索即刻叫左佢menu有六種主食，海鮮係其中一種，然後配搭一種味道既飯，所以作為墨汁既fans我即刻揀左墨魚汁飯至於一上菜呢，有d驚喜同埋有d可以再作改善離既海鮮擺設得唔錯既，不過唯一稱讚既只有大蝦，烤得好唔錯，其餘蟹柳青口同埋魚柳食落有d頹，但味道都一樣唔錯既至於其他小菜激讚，紫薯本身都有甜味，配埋上面既糖粉食一流仲有一小碟既水雲，姐沖繩既海藻特產，食落似爽口既芋絲，配酸汁認真開胃當下面開住電子爐個飯撈好後，就可以山火將上面芝士加落去 個飯係珍珠米，食落好好味，不過唯一美中不足係一開始離既賣相同menu差太多，所以期待有d太高一離既時侯個樣相對上頹左少少而有d失望但總括離講，哩餐飯用電子爐炊飯都係新意一種，值得推介

今天跟朋友到朗豪坊逛街想不到吃什麼 就想起了前陣子和同事來這裡聚過舊 跟朋友提議了她也一下子同意了 到了店門口 記憶猶新 想不到距離快一個月了到現在還有附送甜點的優惠晚上九點 限時七十五分鐘 把握時間快速點了一如以往點了蕃茄鰹魚炊飯 試了其他炊飯還是最歡喜這個味道 飯摻雜了一些海帶類的東西 像是迷你版髮菜哈哈 感覺比單吃白飯健康吧野菜配料一點不馬夫 有兩大塊南瓜 小蕃茄 生菜 切小粒的紅蘿蔔 菇菌類等等 飲食得以均衡啦店員會詳細說明如何烹煮炊飯 芝士可以無限追加 但其實一小碗已經足夠拉絲如圖南瓜太大塊煮的時間要拉長 但飯就黏底了 建議可以切小塊一點很開胃的酸葡萄沙津 份量可以再多一點嗎？新鮮紫薯直接炸 沒有粉漿 原汁原味喔一碟三塊 有點咸了跟餐配的飲料 感覺比上次的甜好多傳說中可以任fill的芝士 再飽也還是要吃！因為是免費的還是對焦糖無感 朋友卻幾乎要把盤子舔乾淨 我讓給她好了入夜之後其實人流沒那麼多 不需要七十五分鐘交還桌子店員也很會變通 不會趕客人走啦參考的點餐紙：以上。 

同幾個朋友黎慶祝生日，最期待它的甜品.點知問到甜品點解仲未上，事情就發生了......一個著藍色制服的男生走來跟我們說，你冇係限時之內嗌甜品，但個餐係包埋既，(點菜既時候已經問左，侍應都話會後上)咁好應該見我地差唔多食完，就會上甜品!!!!而唔係等我地催佢上甜品，先同我地講時間唔夠同最嬲既係話出面好多客人等緊......(我同朋友不是客人???)最後我地甜品食唔到，一肚火走左.真係唔會再來，服務差，不可一不可再.