Antoshimo Cafe & Bakery (已結業)

在朗豪坊外面有d肚餓，見到有得叫炸包食，就過去排隊買兩個黎食，佢有好多唔同既口味，甜咸都有，我為求醫肚，覺得甜野既能量大d，就揀左個紅芋年糕炸包，同埋一個特濃黑芝麻炸包。食左黑芝麻先。包本身已經炸得通透香脆，表面既糖粒更令其崩脆口感明顯。芝麻餡很多，有很濃香的黑芝麻香，口感方面。外脆，而裡面好鬆好柔軟。另外一個紅芋炸包，幾乎都係每次必食。個種紅芋味甜得黎好自然，夾有炸得融化既年糕，口感更稠軟，都好好食。