Applegreen (已結業)

那次一行四人去這裡用餐，總共點了五份菜式，初時以為不夠飽，誰知五份菜式都令我們非常飽肚了。蟹肉牛油果青瓜沙律，蟹肉份量都算多，而且會平均分佈在沙律之中；而蟹肉味道濃郁，即使少少份量都吃到新鮮蟹肉香味。其他配料都非常爽口又容易咀嚼，特別是牛油果那種入口即融感覺，令人難忘；而沙律味道非常清新，配上食材之後，令人吃不停，既飽肚又口感清新，是一道輕盈菜式。蜜糖手造意大利辣肉腸薄餅，薄餅是脆皮薄身，非常可口，而配料都是平均分佈在薄餅上，當分割薄餅的時候，配料不會散開的。薄餅整體味道是非常清新，建議先吃這道菜式再吃其他菜式。可惜的是，辣肉腸份量過少，有點兒不夠喉呢～先點了白松露薯條，薯條頂部已看到鋪上白松露食材，而每條薯條都切得非常幼長，而薯條被炸得至金黃色，每條薯條都非常脆口。當薯條剛被放上枱，大家都已經嗅到濃郁的白松露香味，其香味跟薯條的咸味非常相襯！大家都吃過不停。薯條漢堡套餐，漢堡內有牛肉及生菜等配料，再加錢就有松露薯條，份量亦很多。我覺得可以不單點白松露薯條，在漢堡套餐中加上薯條便可，便宜一點又不會浪費薯條。漢堡頂部的麵包做不到脹谷谷的效果，有點兒扁塌；雖然內裡配菜都很新鮮，不過牛肉就有

新年前係另一分店食過感覺幾好, 今次同朋友睇完戲, 就順勢再食一次. 當時都晚上9:00PM, 幸好未關門, 又不用等位, 直接入位.其實幾中意呢座幾間餐廳, 因為同樣都有個落地大玻璃望到綠油油既樹, 但晚上就冇咩風景.講返食物先, 由於我同友人都喜歡沙律, 呢度既沙律又大份又多款, 想一次試多款, 又想叫主菜.最後貪心地叫左二人餐, 係超級飽好滿足.藍莓檸檬特飲(左), 菠蘿檸檬特飲(右):兩款口味都突出, 檸檬微酸好清爽開胃, 食肉類最岩配呢款特飲. 而且都好大杯又夠凍.菠蘿味比較少有, 味道唔假又不會刺喉.餐湯: 煙肉薯仔湯:難飲, 好多油, 似煙肉加薯仔滾湯, 只有咸味. 加洲棒棒雞沙律 (半份)sesame orange chicken salad (s):好多脆卜卜既口感, 有脆餅同炸開左既米粉. 仲有好多新鮮蔬菜同甘筍, 雞絲唔鞋啖啖肉.材料已經好多層次好豐富, 味道都好.因為個沙律醬有生薑, 橙汁, 微辛辣又有橙香同酸酸甜甜, 而且仲好夾芝麻醬.凱撒沙律 (半份)classic caesar salad (s):最基本有齊羅馬生菜, 巴馬芝士, 帕爾瑪火腿, 金黃脆麵包

晚飯同友人想食fresh d就想起AppleGreen既凱薩沙律！ 環境闊落，我們2人預先訂檯，就安排坐卡位，充滿空間感！傾計一流！我地點了3款菜式，沙律就必食啦！ 一般出面食既生菜有時會有苦，同無菜味！而我喜歡呢間既凱薩沙律生菜新鮮，麵包粒都好入味、咸咸地又脆卜卜（想食多幾粒）另可以+$32有燒雞胸肉/烤蝦！ 沙律size有大/細選擇，2人點細既都足夠！ 再分享呢個炸珍寶磨菇，呢個每次黎都會點，最好味係個醬！磨菇可以用外脆內軟形容，當然比起我幾年前食份量係小左d既！ 再點左新野，明太子炸雞意大利粉！夠味，汁唔會稀！炸雞d炸粉又唔會太厚！ 呢3款，最後我地2人都岩岩好食得曬！以下是當時的餐牌參考

難得放假當然要食好少少 黎個Green Sunday先😋Mushroom Salad少不了 雖然賣相麻麻但味道撘夠羅馬菜非常新鮮 爽甜到不得之了 大量嘅蘑菇片同金菇放正係中央除左灑上了芝士粉外 重加左少少醋提味食起黎酸酸甜甜 十分醒胃👍🏼 漢堡焗芝士通粉 睇起黎十分平凡 只有一條酸瓜係中間作點綴 原來肉碎藏於底部加左大量芝士煮成嘅通粉入口依然有嚼口底部肉碎咸咸的 但略嫌煮得過老少少"鞋"口配上味道較淡嘅通粉一齊食 可中和一下龍蝦汁鮮蝦意粉 鮮蝦都幾多 大約6-7隻 入口彈牙意粉煮得岩岩好 有𡁻頭 可惜龍蝦汁太腥個人黎講唔太喜歡⋯薄切嘅焗薯皮大約0.5cm厚 面層放滿了芝士蕃茄粒同香葱作點綴 蕃茄入口鮮甜焗到金黃色嘅薯皮十分香脆 夾埋咸咸地嘅芝士一齊食 口感十分match!!!

今次和兩位朋友聚會，又到我至愛的Applegreen，選址在位於尖沙咀的分店，這次是第一次來尖沙咀分店，空間感大而且舒服。原來最近推出了二人餐，我們看了看覺得不錯，所以點了一份二人餐，想看看份量如果不夠再點其他。有餐飲，點了玫瑰花茶，原來配柚子蜜也不錯。（可加$15為無限添飲）前菜一：棒棒鷄沙律，一如以往的新鮮、爽囗，朋友第一次吃也大讚。原來有餐湯，磨菇湯，我沒有喝，朋友說不錯，菇味濃郁。前菜二：炸薯皮，香脆薯皮配蕃茄粒及sour cream，感覺清新，減低油膩感。主菜一：肉醬意粉，意粉軟硬適中，茄汁味濃郁，肉醬及意粉的比例也均勻，配上芝士粉，最佳拍擋。主菜二：醬燒美國黑毛豬扒，烤得軟嫩多汁，沒有任何醬汁，但味道香濃，配上意大利飯，有清新的感覺。沒想到二人餐份量也不少，我們女生吃也足夠，雖然很飽，但甜品總有位置吧。加$30便有這個甜品拼盤，左起：椰子味香濃，疑似炸雲吞皮，內裏是朱古力香蕉。最右邊是布甸，甜度剛好。

Applegreen 開業多年，亦去過無數次，今日在尖沙咀行完街，就再次去食個light lunch。到達時發現光顧的人少了很多，完全不用等位，只有四、五枱客。蟹肉牛油果青瓜沙律(全份) $148必食之款！沙律全都有分半份或全份，還可以加蛋糕，就算lunch 只點這個沙律也足夠。青瓜量多，而且新鮮爽脆。牛油果比青瓜分量少很多，但勝在quality, 味道香濃，也不會過熟過淋，一吃便知用了新鮮食材。蟹肉分量算是多也不會有腥味。還可以加上pepper, 味道更香及有層次。蛋糕是需要在落單時要求，否則不會提供，配合沙律其實有點奇怪，但當分開食又是好味，蛋糕軟硬高中，又不會太乾，帶有淡淡的香蕉味，又有果仁碎，口感不錯。

街道兩旁高樓都把好天氣擋住了，空氣不流通，只好躲到商場去了。商場裏到處又是人來人往，商鋪不時散出窒息的香水味，又是行不通。走到繁忙的彌敦道上，找不到方向，明天是工作天，令人更感唏噓。走到一個樓梯角落感觸一番後，覺得肚餓，正正發現我正站在APPLEGREEN的入口處。想當年，APPLEGREEN在新世紀廣場（AKA MOKO，AKA 終於裝修完的商場）開店時已經常有光顧，質素非常有保證，沒想到居然執笠。今天有緣再次碰頭，決定一戰。六點半入坐，場面稍為冷清（約20%入座率），雖然比當年旺角分店旺場情況大相徑庭，但環境亦因此而較寧靜舒適。沙津分半份或全份，即使半份份量仍然不少，亦可要求加送香蕉果仁蛋糕野菌沙津：大份量，黑醋野菌的配搭是無敵的CAESAR沙津：大份量，煙肉似豬肉紙，稍為薄脆，小心介損口香蕉果仁蛋糕：個人摯愛，甜而不膩，吃了兩片三文魚：皮煎得香，魚肉滑，調味亦十分出色，惟配菜稍為遜色，食畢亦不知所謂何物吃了兩個小時，然後坐了一個小時閑聊，到九時餐廳的入座率仍然不高，希望日後有機會重臨。待應哥哥不辭勞苦的添水服務亦值得一讚。由於影相唔係本人專長，所以淨係影左兩張相，放埋係到，畫龍點

我同朋友都放得早佢為左同我食生日飯，問我想食咩我想食西餐，唔想再食放題了...佢就揀左呢間...APPLEGREEN我都好耐無食過了揀左尖咀呢間...七點前，無咩人，任揀任坐咁人地請，唔想人家太破費我就唔敢揀太多我就揀左呢個芝士煙肉釀珍寶蘑菇本身以為珍寶會好大個..點知..好細呀...係幾好食..但太細..呢個朋友揀既肉丸本人覺得無咩特別呢個係我揀既明太子意粉加左煙肉蛋味道都唔錯，雖然唔係好夠CREAMY我連甜品都唔敢叫了，其實唔覺飽的...

今次已經唔係第一次黎呢到食晚餐,但係係我既第一篇食評！明太子意粉 咸咸香香 配上香脆蒜蓉包  真係食多個都可以Carbonara 意粉 配上磨菇 同人share會冇咁漏白松露薯條   薯條脆卜卜熱辣辣 加上白松露的香氣  食多d都唔怕熱氣 忘記了pizza既名稱   芝士配辣肉腸  好惹味呢度意粉水准高！！值得再黎

白松露薯條，熱辣辣、香噴噴，上檯時聞到好香的菌味，食落條條脆身，又唔會太油，好正！呢個朋友大讚好味，兩個女仔黎食可以一人一件。外層係似印度烤餅，裡面有醃肉、茄汁、香草，食落其實唔會太重口味，茄汁甜中帶酸，可以中和肉的味道。

星期六 high tea, 這是一個很不錯的地方, 下午1 時過來都沒什麼人 我們可以享受平靜的一個 brunch !! 只是冷氣卻有點過冷 AG Egg Hole & Homemade Bacon來這裡最掛念的一定是 applegreen 的 Egg in the hole! 餐廳的 ham 是自家醃的, 有很厚的一層蜜糖在面, 很甜那個薯片其實是蕃薯片, 也是甜甜的, 很脆身香口, 加了旁邊的蜜糖, 真的停不了口! 而且有一杯很 colorful 的水果杯, 內有菠藺, 蜜瓜, 橙....最精華是那個流心的太陽蛋在包中間, 一拮就穿, 可以伴著鬆軟的麵包吃!! 這絕對是我食過其中一個最出色的開心早餐! Diane - 脆杏仁雞絲沙律 這個沙律的portion 挺大的, 而且生菜切得很細, 加了雞絲及沙律醬, 是一道很清新的沙律! 客人亦可以免費享用供應的 Banana Walnut Bread 一起吃, 配在一起味道亦很夾! 

幫朋友慶祝生日，最希望搵到環境好，坐得舒服既餐廳，如果服務員可以幫到手做suprise，就更加錦上添花Applegreen就有齊晒以上既特點，係近來咁多餐生日飯之中最滿意既一間~因為約得臨時，所以無book到位，星期日7點幾去到，其實預左要等位。點知上到去即刻就有檯比我地，仲係卡位，傾計good!趁生日主角未到，即刻叫左甜品先，捻住一陣suprise佢份餐牌做得非常好，差不多每樣食物都有大大幅圖，影得好靚好吸引，於是我地就揀左個好fancy既流心朱古力脆脆~~落單果時服務員主動問我地想食完野即刻上份甜品，定我地再叫佢先上，仲話可以幫我地加枝蠟燭，好有心~當晚三個人食飯，叫左三樣野食，加兩杯野飲，分量岩岩好，唔會太飽，唔使另一個胃都夠裝甜品XD芝士通粉用鐵板裝住，上到檯仲熱辣辣出緊煙!可以話係芝士既最佳狀態!食落口係濃濃既芝士味，粒粒通粉都有汁係入面，口感彈牙~ 而餘韻就係松露香味，唔會搶左芝士風頭之餘，更令人覺得係有層次的味道，無得頂!Pizza係用薄底，已經好貼心分好一塊一塊。本身肉丸唔多，大部份配料係椰菜，材料走清淡路線食起上黎椰菜卜卜脆，肉丸有淡淡香草味，充滿田園感覺~至於醬料係

曾經很喜歡食Applegreen，但唔知點解越來越少分店。今日去開尖沙咀就黎食個brunch，點知真係中伏。首先一去到個reception無人嘅，行到入去成班侍應係度吹水，雖然佢地見到我即刻招呼我，但第一感覺已經唔好。之後叫野食，以前最愛的egg in the hole, honey ham變左重口味肥膩bacon, 個egg hole入面隻蛋以前係流心嘅，依家差不多全熟。另一個三文魚粟米餅班尼迪，粟米餅外面煎香，但入面仲係粉雷雷未熟晒。果兩隻egg benedict仲過份，上到黎我問點解唔見左蛋，原來有隻跌左落碟面解體左。但點解好地地一隻egg benedict會咁易散？因為嚴格來說隻蛋似溫泉蛋，梗係易散啦！整egg benedict過熟都算，但呢次係唔成型喎，兩隻都係咁！一間餐廳連溫泉蛋同egg benedict都未識分，質素可以有幾好？埋單果陣，我地仲聽到侍應係度講「哎也，聽到最精彩果陣聽唔到添」，應該係我地埋單阻住左佢傾偈。真係唔好意思，不過我地應該唔會再幫襯，唔會再阻到你。

今日係我們的週年紀念日, 其實一路唔知吃什麼好, 但想吃西餐, 在OUTBACK同APPLEGREEN 下, 我們揀了男朋友沒吃過的APPLEGREEN, 今次BOOK了尖沙咀的, 其實我上一次吃已經係在旺角新世紀的年代, 而家已經執左HAHA 一去到不用再等, 或者時間太早, 7點鐘而已, WAITRESS 帶我們去一張二人枱睇一睇MENU, 大概都知會揀什麼, 所以好快就決定, ORDER期間個WAITER態度不是太好, 樣子未至於黑面, 但有D HEA的樣子, 算數, 我是來吃東西的話咁快白松露薯條來了, 配的是茄汁, 熱喇喇, 好好味, 松露的香味好吸引, 忍唔住食完一條又一條, 但可惜配的不是炸菇的松露醬, 如果係既話真係不得之了墨西哥炸雞沙律 (半份)半份對於兩個人黎講都算幾多, 不過好後悔揀了這個, 因為原來沙律醬汁是粟米汁來的, 有D不知道是生生地草清味定係冷藏味, 有D怪, 不過炸雞算OK開頭吃的幾舊是脆的, 只係放耐左會林, 個汁有D唔夠, 我地再問WAITRESS拎左D汁, 其實原意是想request 另一種味道的沙律醬, 點知佢都比番粟米醬我 今次比的醬更冰更冷

晚餐時候walk in，差點就冇位啦，下次都係book位穩陣d。 芝士煙肉焗巨型磨菇 - 磨菇雖然焗過，但一點也不乾身，仍然覺得juicy，所用的芝士醬亦不覺得膩。 墨西哥炸雞沙律 - 雖然只係半份，但兩人仍然食唔晒，食落頗為清新，但真係大份左少少。 黑松露焗芝士通粉 - 這個較為細份，黑松露汁很香，但可以再濃d。又是加了芝士的菜式，但一點都唔膩。一個人可以食晒一客都冇問題。特飲仍然係冇得輸，最估唔到的是可以無限添飲，而且侍應會主動幫忙，服務真是無得頂。