% Arabica (K11 Musea)

營業中

休息中

%ARABICA最近熱遍香港，已經開至第六間分店，該店座落於K11 Musea 及K11 Atelier 中間對出空地，背向維多利亞港。店內咖啡選擇較多，除了提供單品豆及混合豆選擇，標明出產來源地外，還可購買現成咖啡豆回家沖飲。店內有七款單品咖啡豆，主要來自幾間世界知名咖啡豆供應商，讓你品嚐咖啡同時細味欣賞原貌。Coffee latte hot with oat milk (single origin)咖啡味香而純粹，滑而帶些微泡沫感，奶香相對較重。Spanish latte hot with oat milk(右）咖啡味濃郁純香，咖啡質感順滑，香氣持久。Espresso (single origin) 每杯拉花精緻如藝術品一樣，由咖啡師細心培育，入口幼滑柔順細緻，咖啡豆香濃郁而帶果香，醇厚香濃卻不烈。

「維多利亞，左岸的咖啡、我手一杯，品嚐你的美。」 冬天就會聯想到溫馨甜蜜既一刻，浪漫情節又點少得咖啡同最愛既人係海旁嘆返杯咖啡，靜靜地享受下呢？不過我今次二訪「% Arabica」就只係兩條麻甩佬既約會，真係諗起都起哂雞皮。自從上次去完堅尼地城既海邊小店之後，估唔到咁快就開到第6間分店，仲要係正K11 Musea新商埸附近既一間，以命名「KUBE」既一座小型香檳色金立方體既咖啡亭。呢個設計用料非常獨特，金色外層全部都係由鋁板組成，採用獨特技術會因應光線而轉變顏色，優雅得黎而不失霸氣，利害！👇▪ Caffe Latte · Blend- $45 (Hot Tall) ▫ 照舊同上次一樣點返兩款招牌咖啡，不過今次趁冬天咁凍，當然飲熱咖啦！Caffe Latte可以揀單品豆或者混合豆。佢地既混合豆主要係用左，埃塞俄比亞同埋兩種既巴西咖啡豆而成，當中經過烘焙後，佢地既口感先做到咁香滑濃厚。果然熱飲比凍飲既甜味同質感係更加有風味！▪ Spanish Latte - $50 (Hot Tall)▫ 忍唔住要試返佢既西班牙拿鐵，佢既拉花面亦做得好細緻。因為加入左煉奶底相對會比較甜，奶香味

大名鼎鼎的%咖啡相信大家都不陌生，係一間只賣咖啡既咖啡店！都有賣咖啡豆，成間店走日系簡約設計。ifc同堅尼地城分店更係大家既聚焦點，最近行過新商場k11musea發現原來已經默默新開左分店，選址重要係對正維多利亞港，外型上以金色正方盒子，相當特別。一場黎到當然要品嚐下出色咖啡啦！Spanish Latte （Hot Tall $55）平時都係飲開latte既我，在店員的推介下，首次品嚐了呢杯spanish latte，由於係用上煉奶調配所以整個口感會偏甜，加上後勁的奶味濃，對於平時唔係咖啡控黎講都易入口！特別喜歡第一口呷下帶點微微苦澀味，很快就轉回甜味，嚐新的感覺真好！Matcha Latte （iced $60）另外我們點了杯iced matcha latte，整體來說奶味很突出配合上濃濃的抹茶味，但又不會過甜。香港又多一個%咖啡打卡點，下次路經也點可以錯過呢！

早排捉住夏天嘅尾巴，去尖沙咀海傍吹吹風，行下新商場，再黎呢間人氣啡店% chill下！呢間分店選址極佳，對住個海飲野成件事好高級呀！今次叫左杯Latte同一杯Lemonade Sparkling。話說呢度嘅咖啡有大部份係有分綜合豆(blend)同單品豆(single origin)，唔明白嘅朋友可以問下店員，店員都會耐心清晰解答。至於我而家已經唔記得個分別啦🤣🤣 但今次杯Latte係揀左Blend嘅！聞落已經好香，加埋靚拉花，未飲已經有兩重感官享受。入口其實完全唔會覺得「苦」，亦唔會酸，我覺得係適合無咁重口味嘅人飲，好平衡；至於杯Lemonade Sparkling就係檸檬蘇打，係好飲嘅，但相對地都係咖啡比較有特色同出色d，不過黎到又唔想飲咖啡都算有多個選擇啦！飲埋個景都抵返！

難得放假天氣好緊係要飲杯咖啡輕鬆下啦一向走開白色簡約路線嘅人氣咖啡% Arabica 最近喺K11 Musea 開新店化身為金色盒子別有一番特色對住180度維港景色旁邊仲有得坐底陣陣海風都咪話唔relax今次order 左招牌Iced Spanish Latte HK$55%Arabica 嘅咖啡豆香醇配合埋夠滑又唔太甜嘅奶味相信平時少飲咖啡嘅人都一定愛上想放假hea 下？既悠閑又有海景一定揀%Arabica Kube 啦～

日本京都人氣coffee shop「% Arabica」登陸香港🇭🇰仲開咗好多分店！！吸引一大批粉絲去朝聖繼早前在鰂魚涌、西環堅尼地城而家tst k11 musea 附近都開咗✨尋日去咗%Arabica尖沙咀分店打算同friend望住維多利亞港歎咖啡☕️呢度以金色簡約方形設計🧚🏻‍♂️仲有特別開放式設計方便大家可以望到職員沖咖啡☕️我同朋友分別嗌左Spanish Latte西班牙拿鐵 $50Matcha Latte抹茶拿鐵 $55🍵兩個都係熱、tall size飲落真係幾正🤤Matcha會更甜同奶味香濃d🍼除咗以上兩款Arabica 仲提供Espresso濃縮咖啡Americano美式咖啡Caffe Latte咖啡拿鐵Lemonade Sparkling檸檬梳打水🍋呢度可以一覽無遺欣賞維港海景特別寫意下次weekend同朋友去尖沙咀海旁🌊休休閒閒歎咖啡又多個新選擇la～

尖沙咀有個新的大型商場K11 Musea，在海旁附近，我仲發現在戶外有間咖啡店，原來就是 %Arabica，飲杯咖啡再慢慢行商場。% Arabica 外型是黃色立方體，好有趣。除了咖啡，店內有亦有售賣咖啡豆, 走日式簡約路線，一間「只賣咖啡」的咖啡館。提供可分解的飲管嘩嘩嘩！拉花超靚！這是Cafe Latte $50 - Single origin in tall size，陣陣咖啡香，好醒神，咖啡香濃有果仁香，奶泡打得幼滑細密，拉花的圖案沒有化掉。另外還有Spanish Latte 西班牙拿鐵 $55，特別之處是加入煉奶，多點甜度，但用上綜合咖啡豆，有陣陣碳燒味，所以味道都幾夾，對我來說不會太甜。提議大家可坐出面望住海景嘆咖啡，好chill 架~

今日同朋友行街，知道海旁開咗好多咖啡店，又想行下海旁，經過見到呢間就試下喇！環境：唔洗講，有維港既景色，可以一邊行海旁一邊飲咖啡。不過想要坐下既朋友就留意喇！呢間店係冇坐位提供架，不過大家可以坐係海旁睇下令景飲品：今次叫左一杯macha latte 轉左做荳奶，卡路里低d罪惡感都冇咁大呀！入口有濃香既抹茶味，唔會苦澀，甜度適中！朋友叫左一杯latte，唔會淡，有好香咖啡味！大家下次黎到尖沙咀，想同朋友坐下海旁唔怕冇野飲喇😆

終於有機會飲到% Arabica ☺️-Iced Spanish Latte😍($55)第一次飲Spanish latte，幾特別，平時好少有😚味道會甜d，因為加左煉奶😋，飲落好香滑，十分喜歡🥰岩曬鍾意飲甜嘅朋友😎-Caffe Latte😚 ($50)Tall size轉oat milk(+$5）依杯caffe latte 同Spanish latte 相比，較為苦，口感綿密，味道好香，不錯👍Ps 望住維多利亞港，飲住杯Latte , 真係幾享受✌🏻-Name🏠: KUBE (% Arabica)Location📌:尖沙咀梳士巴利道18號Victoria Dockside K11 Musea地舖(港鐵尖沙咀/尖東站 J 出口, 步行約2分鐘)價錢💰: Iced Spanish Latte($55)，Caffe Latte ($50)

精品咖啡店係香港愈黎愈流行，朋友去完旅行念念不忘，成日都話要再飲要再飲依間%，不過次次行過都好多人。早排知道開左間新係星光大道附近，隔離仲有K11 Musea可以行，本身黎行街，見到冇咩人排，即刻衝去買鋪頭離遠已經望到，一個正正邊邊金色正方形，好似盒仔咁，開放式制作飲品種類唔多，咖啡款只得5種，不過我想試佢個抹茶多啲最後叫左一本抹茶拿鐵同Spanish latte除左咖啡仲有咖啡杯同咖啡豆賣，簡約風格，黑白色。而咖啡豆亦都係佢地主打既商品，等候期間都唔少人買咖啡豆，估唔到雖然得兩三個人制作，但速度都好快。中意佢用大冰粒，夠凍，雖然價錢咖算平，但size都算大杯，而且唔會一到手已經溶曬，沖淡曬啲味，而且佢哋主打環保無論係飲館定係杯都係綠色物料。依個抹茶要大讚，抹茶同奶比例好好，好岩我口味，大部分抹茶飲品都會太重奶味，一係就偏苦唔夠滑，而佢真係岩岩好，厚抹茶味得黎又好滑，即使溶左冰都唔會太淡Spanish latte同普通既分別係落左練奶，雖然係凍飲，糖都冇沉曬底一舊舊，有心機配埋海景真係好寫意

第一次品嘗%Arabica 是在日本京都，這兩年開始進駐香港大大小小商場。最近還進駐了充滿藝術氣氛的k11 musea ,我當然要朝聖一下啦 !位於k11 musea露天向海的位置， 一半的 空間都是用上玻璃，很清楚看到店員炮製咖啡的專業。我和朋友分別叫了一杯Latte Tall(Blend) Oat喜歡他們的咖啡層次較鮮明 ,加上今次配上燕麥奶，飲下更有淡淡的燕麥香滲， 每一杯都誠意地拉上靚靚花紋Spanish Latte-Tall (Blend) 帶點苦澀味的spanish, 適合喜愛 濃度較高而帶點苦味的咖啡粉絲啊！在充滿藝術細胞環境下嘆咖啡別有一番感受， 有時間還可以坐在海旁邊的露天椅子， 吹著海風慢慢品嚐啊！

係K11 Musea開咗% Arabica😍仲要係成個金碧輝煌嘅cube咁，喝住咖啡☕️嘆住海景🥰1️⃣Cafe Latte Blend $45今次喝熱嘅latte，不過我自己鐘意上次凍嗰果多啲🙈咖啡味都香醇濃郁，綜合咖啡豆更加香濃，不過熱嘅冇凍嘅層次感咁突出。🙆🏻‍♀️美味指數:7/102️⃣Lemonade Sparkling ✨ $50好清爽醒神啲感覺並帶微酸，清熱解毒一流。🙆🏻‍♀️美味指數:6.25/10💡整體來講，我覺得對住呢個景已經贏晒。KUBE 地址: 尖沙咀梳士巴利道18號Victoria Dockside K11 Musea地下K06號舖

近幾年香港開始流行精品咖啡，形形色色嘅鋪頭亦都越開越多。今次試下呢間近排超紅嘅%咖啡！呢間開喺海濱嘅咖啡店雖然無室內位置，但而家天氣涼涼地又好陽光，坐露天位都好舒服又有feel 講返正題-咖啡先！其實個menu選擇唔多，但係可能咁樣係可以更有效控制個品質。今次就叫左Spanish Latte同Matcha Latte。好老實講其實我本身唔係好識飲咖啡，但係杯Spanish Latte真係好香好香，加上拉花又靚，賞心悅目又好味！另外杯Match Latte就轉左豆奶底，唔會好甜又好有抹茶味！呢度除左鮮奶、豆奶之外仲有得揀杏仁奶Almond milk，照顧到好多唔同口味嘅愛啡之人！

返工忙足大半日飯都唔得閒食終於趁外出見客,偷到時間放個break比起食物,更需要咖啡提神咁啱經過呢間位於尖沙咀K11 Musea 對出Victoria Dockside,新開無耐嘅%Arabica聽過唔少評價都話%Arabica嘅咖啡高質可惜其他分店都比較遠, 一直未有機會試難得有一間開喺自己公司附近, 又咁啱經過,當然要買返杯試下首先講下裝修, 尖沙咀Victoria Dockside呢間分店延續%Arabica簡潔時尚的風格。以紅,黃兩色作主調, 旁邊設有露天座位, 俾人坐低慢慢嘆當日我叫左一杯Cafe Latte同一杯Spanish Latte黎飲落單時, 店員亦貼心地問到我想揀綜合豆定單品豆一向有選擇困難症嘅我, 一時間都唔知點揀好但既然買左兩杯, 何不兩種都試下呢最後, Cafe Latte我揀左單品豆, Spanish Latte我就揀左綜合豆等左大約5分鐘左右兩杯咖啡就調制好了我搵左個位, 準備一邊欣賞維港景色,一邊慢慢嘆但由於當時正直下午3點左右, 烈日當空我坐左一陣, 已經汗流浹背. 決定都係拎返公司飲返到公司大概15分鐘路程急不及待拎杯Cafe Latte出黎飲另一

日本人氣精品咖啡店%Arabica開店開到尖沙咀了。尖沙咀海濱開設新分店！金色立方咖啡亭開設於尖沙咀海濱，邊歎咖啡之餘更可飽覽維港靚景。尖沙咀%Arabica 大致上與其他分店所售賣的大致相同。(濃縮咖啡、美式咖啡、咖啡拿鐡、西班牙拿鐵，抹茶拿鐡等等。)店內走型格路線，以全紅為主色，簡約的設計。Spanish Latte絕對是招牌飲品，淡雅黑朱古力香氣，入口質感滑溜，咖啡味濃郁，散發著香順的奶香，香甜滑溜，絕對是必試之選。Matcha Latte 喝起來濃郁的抹茶味道，加入了明治奶後，口感更順滑，更可口，但又不會蓋過抹茶的的濃醇味道，達到最完美的平衡。邊歎咖啡，邊聊天談心，更飽覽維港靚景，心情都特別𣈱快。