% Arabica (裕福大廈)

營業中

休息中

呢間咖啡店有幾間分店當中最鍾意嘅就係堅尼地城呢一間咖啡店樓高兩層有落地玻璃望住一面無際嘅海🌊每次嚟到都見到好多人喺度打卡📸有別於普通咖啡店佢哋淨係賣飲品所以調製嘅咖啡都特別用心😚.今次試咗Hot Caffe Latte ($40)水準不過不失 咖啡豆濃郁👍🏻佢每一日都有唔同嘅special每種咖啡豆都各有特色所以每一次去都有新鮮感😚.堅尼地城嘅分店雖然樓高兩層但只有上層設有座位不過平日去都唔會話太多人買杯咖啡望住個大海坐一日真係好寫意😌

有機會去到傳說中打卡聖地-西環%Arabica.飲咖啡同打卡。 基本上成間店都係打卡位，大家可以發揮大家嘅想像，盡情打卡。不過我覺得 arabica最吸引嘅賣點，都係佢哋新鮮烘焙嘅咖啡豆。而今次就叫咗兩杯 Ice latte， 如果大家想未試過%Arabica嘅可以試下混合豆， 如果飲開咖啡朋友嘅會推薦是試單品豆。%Arabica出品必屬佳品， 混合豆的Ice latte來講，奶味唔會搶咗豆味， 仲飲得出少少黑朱古力味。 飲開咖啡想試下新味道嘅，單品豆絕對滿足到你，相對果酸味會突出少少。 而甘啱好彩當日可以坐喺二樓對海景嘅座位， 可以感受一下夕陽西下嘅畫面又真係幾治療。%Arabica既簡單，絕對符合到文青嘅追求。俾到種好舒服嘅感覺 。而且人流相對較少， 如果臨近考試絕對係溫書嘅好地方。

Located by the seashore in Kennedy Town🌊It’s a perfect place to spend a chill day with a spectacular sea view😍 We aren’t a fan of coffee but we ordered regular latte and we liked it ! Will come back for the Spanish latte as it’s highly recommended💕Don’t forget to pay attention to the details they placed in the interior design of the store(๑･̑◡･̑๑) ————————————〰️ % Arabica 〰️Shop G04, G/F, Grand Fortune Mansion, 1 Davis Street, Kennedy Town, Western District————————————

My favourite coffee shops are those small coffee shops where the selection of coffee beans are personally selected by the owners and they know the exact flavours and roasts of the beans! %arabica is also one of those that never fails! The aroma fills the air as soon as u step into the shop, and the baristas are very good with ur requests! Absolute love the experience!

前日同男朋友去西環泳棚，去完泳棚之後勁口渴，見到arabica %呢間咖啡店，於是入去買杯嘢飲，呢度啲嘢飲都唔平，我哋揀咗杯latte，要$45杯嘢飲飲落好順滑，奶味同埋咖啡味balance得好好，同埋飲得出佢啲咖啡豆係靚野，非常唔錯！佢喺counter嗰度仲擺咗啲咖啡豆資料嘅說明。我覺得喺呢度飲嘢係好chill ，可以坐喺店舖出邊睇住個海飲咖啡，亦都可以上樓上嘅座位嘆住冷氣對住過海，不過因為太受歡迎，所以要等下位🤪

A branch with lovely sea view that I can sit here all day enjoying the view with my coffee! Who else is a coffee like me? 🙋🏻‍♀️I particularly like their Spanish coffee, which condensed milk was added to the coffee unlike latte or other coffee. The balance of sweetness was on point (I do not normally like Thai milk tea/Vietnamese coffee, those have too much condensed milk for me)

星期日想找個地方扮下文青影下相又想浪漫少少有個海邊最後決定咗去呢間% cafe兩個人一個叫左一杯飲品一共$85Latte (single origin) Americano (single origin)一早9:30am黎到無咩人影相一流望住個海飲咖啡好chill! 之後再去附近食個all day breakfast 再去中環行下PMQ / 大館完美既weekend dating 咖啡口味方面：Latte 好滑奶味唔會太濃Americano 唔酸又唔會太苦極力推薦！

呢一間咖啡店最近係香港最著名嘅打卡熱點，呢度以白色裝修為主調，簡約設計，而且分開兩層，可以望住西環海旁，真係非常寫意呢度嘅咖啡種類有超過七款，有濃縮咖啡類同埋其他飲料，如果唔飲咖啡嘅朋友可以選檸檬特飲或者梳打水而我同維尼都係咖啡愛好者，所以揀咗一杯caffe latte同Spanish latte (ice)Caffe latte係喺咖啡類之中最甜最容易入口，Spanish latte就有種回甘嘅感覺而且係取飲品旁邊有不同調味料包括糖水等可以自取，所以完全唔需要擔心味道嘅問題我地都好鍾意呢個環境，拎咗咖啡之後向上走一層，選擇一個能望到海景的位置坐低，渡過悠長的一天

佢係西環開咗都有一陣子，我都無去試過食完飯，行去海邊比佢白色嘅外牆吸引咗，見到都有好多人打卡，朋友嘅評價亦都唔差入到去都係以白色為主，亦有樓上可以坐，有枱可以比大家望住個海嘆下咖啡飲管係環保嘅，唔係用膠飲管，值得一讚我飲嘅係caffe latte，我就對咖啡無咩特別研究，聽店員講就揀咗有果味嘅咖啡豆飲落去除咗有咖啡香，仲另外多咗一份果味，隻味未必好多人接受到，不過latte就有奶嘅，所以會有奶香同甜味，會比較易接受冰亦都唔會太多，飲到剩1/3都唔會覺得無哂味，可以成杯飲哂，抵返！一邊飲咖啡，一邊睇住個海傾計，都係一種享受！

Waffle🙎‍♀️最中意喺cafe hea🤭堅尼地城呢間cafe剩係個景都贏曬🤤🤤🤤放假坐海邊 望住個海chill住飲咖啡真係好舒服🌊至於咖啡質素就嘛嘛啦🤣Waffle呢杯latte無咩咖啡香🤥純打卡only~Tips⚡白色外牆影文青相一流❣️平日先好去 如果唔係會見到好多同胞😬😬😬

今日同朋友去咗西環海旁打卡就即刻醒起呢度其實原來有一間arabica 佢係呢度真係一個好選擇又可以多一個文清打卡位不過佢除咗有得打卡我覺得佢啲咖啡都好出色今日我就叫咗個matcha latte係超級好飲 你會飲得出佢用嘅奶非常之幼滑而且綠茶味都好夠濃而朋友帶咗另一杯 spanish latte 佢話咖啡豆好香濃 真係想飲多杯而呢度嘅環境亦都十分唔錯喺鋪外邊仲有一啲博位俾你坐吹下海風一邊嘆咖啡真係一流所以我一定會再嚟

今日同朋友去西環碼頭影下相，順路黎到呢間BOOKMARK左好耐既海旁CAFE。% Arabica係由日本人開設，主打精品咖啡，近年既香港開左幾間分店，位於堅尼地城海旁開既呢間分店一開業就成為左被喻為必去既CAFE。CAFE面對海邊，窗外就是西環海景，純白色室內外設計令到出面已經有人影相打卡。平日黎到唔洗點排隊，但係樓上都座無虛席，更加有日本遊客專程黎打卡。CAFE只供應飲品，選擇不多，除左係連鎖店常見既Latte同Americano，餐牌上既Spanish latte比較少見，店員解釋Spanish latte $55於沖調時會加入少少煉奶，但飲落唔會太甜，牛奶與咖啡的比例岩岩好，飲得出只係加左好少煉奶令到杯LATTE更加濃郁，值得一試。而朋友叫了一杯ice matcha latte$60，抹茶味夠濃，不會過甜，奶味岩岩好。Total $115雖然比起其他連鎖咖啡店貴了少少，但係香港寸金尺土既環境下以百幾蚊既價錢，望住無敵大海景和朋友傾下計渡過一個下午，其實相當划算。

今晚到爸媽家吃飯，突然記起妹妹提起堅尼地城海旁有一打咭勝地，以咖啡最為出名，既然落到堅尼地城，我當然要去朝聖一番，順便做吓乖乖女買2杯外賣飲品給爸媽啦！Coffe shop就在爹核士街轉角處，樓高2層，落地玻璃，飽覽西灣海景色啱啱見到日落的景色，好美啊！頓時覺得人生真是很美好！店子光潔明亮，全店以白色為主調，極具型格，以年青人為主要客群，充滿朝氣，真係感覺自己都感覺年青了很多！Coffe shop無論內外都人山人海，今次因為要趕返爸媽家吃飯，所以只好先外賣2杯非咖啡飲品給他們，下次才帶埋男友來坐在2樓慢慢嘆番杯咖啡！Matcha Latte (hot )$50~拉花好美！這是買給爸爸的，爸爸說抹茶和奶的味道混和得剛好，好順好滑，他很喜愛！Lemonade Still (hot)$40~這杯熱檸水是給媽媽的，檸檬不是一片片，而是佔了I/4個檸檬，已調好甜味不用自己加糖，甜酸比例適中，好清新！店子還有不同國家的咖啡豆可供賣走，咖啡狅熱者真的不能錯過啊！

禮拜天想有個和自己獨處的時間寫寫文字，走路過來家附近的%Arabica點了杯我最愛的Spanish Latte($50),坐在落地玻璃窗邊看著無敵海景嘆一口咖啡，開始了我懶散的一天。我很喜歡這個品牌的咖啡，通常我都是去IFC那家買外帶拿走。堅尼地城這家有兩層，簡約純白木色的設計風格讓人覺得非常舒適，所以我喜歡坐下來慢慢喝。聞著很香的咖啡味道，頭緒也清晰很多。很多人愛坐在門外的窗台帶著自己的小狗狗和狗友們喝咖啡。這個人氣的咖啡品牌相信不用我多介紹背景了，我最愛喝的是他們家的Spanish Latte. 可能不知道的朋友都會像我第一次一樣問Spanish Latte和Caffe Latte有什麼不一樣，西班牙拿鐵裡面放了煉奶，所以比普通的拿鐵更滑更香。而且有點點甜味，不用加糖味道剛剛好。咖啡香醇順滑，非常棒

香港最值得飲嘅咖啡，無論環境同埋服務態度都係頂級。最喜歡係佢嘅logo真係令人簡單易明好容易就對佢哋嘅品牌有深刻嘅印象。而今次去呢間堅尼地城嘅鋪頭，比其他鋪頭佢呢一間有兩層而且係望海所以非常有日系既感覺。而望住海去飲咖啡，令人心曠神怡。同朋友一人點左一杯唔同嘅飲品，我自己就比較喜歡呢一度嘅咖啡，甜度適中亦都入口香濃。而且呢度嘅店員非常好笑容，服務我哋嘅時候真係感覺到真誠而唔係好似速飲嘅鋪頭咁拎完就唔理。檸檬梳打都唔錯酸味同甜味調校得好好適合夏天飲。